8.1.2008 |
MT |
Il-Ġurnal Uffiċjali ta’ l-Unjoni Ewropea |
115 |
POŻIZZJONI KOMUNI TAL-KUNSILL 2007/121/PESK
tad-19 ta' Frar 2007
li testendi u temenda l-Pożizzjoni Komuni 2004/179/PESK dwar miżuri restrittivi kontra t-tmexxija tar-reġjun Transnistrijan tar-Repubblika tal-Moldova
IL-KUNSILL TA' L-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 15 tiegħu,
Billi:
(1) |
Fit-23 ta' Frar 2004, il-Kunsill adotta l-Pożizzjoni Komuni 2004/179/PESK (1) dwar miżuri restrittivi, fil-forma ta' restrizzjonijiet fuq l-ammissjoni, kontra t-tmexxija tar-reġjun Transnistrijan tar-Repubblika tal-Moldova. Dawn il-miżuri jiskadu fis-27 ta' Frar 2007. |
(2) |
Abbażi ta' eżami mill-ġdid tal-Pożizzjoni Komuni 2004/179/PESK, il-miżuri restrittivi għandhom jiġu mġedda b'perjodu ulterjuri ta' 12-il xahar. |
(3) |
L-Anness I mal-Pożizzjoni Komuni 2004/179/PESK għandu jiġi emendat wara bidliet fil-funzjonijiet tal-persuni koperti mill-miżuri restrittivi, |
ADOTTA DIN IL-POŻIZZJONI KOMUNI:
Artikolu 1
Il-Pożizzjoni Komuni 2004/179/PESK għandha tiġi estiża sas-27 ta' Frar 2008.
Artikolu 2
L-Anness I mal-Pożizzjoni Komuni 2004/179/PESK għandu jiġi sostitwit bit-test li jinsab fl-Anness ma' din il-Pożizzjoni Komuni.
Artikolu 3
Din il-Pożizzjoni Komuni għandha jkollha effett fid-data ta' l-adozzjoni tagħha.
Artikolu 4
Din il-Pożizzjoni Komuni għandha tiġi pubblikata fil-Ġurnal Uffiċjali ta' l-Unjoni Ewropea.
Magħmul fi Brussell, 19 ta' Frar 2007.
Għall-Kunsill
Il-President
M. GLOS
(1) ĠU L 55, 24.2.2004, p. 68. Pożizzjoni Komuni kif emendata l-aħħar bil-Pożizzjoni Komuni 2006/95/PESK (ĠU L 44, 15.2.2006, p. 31) u emendata l-aħħar bid-Deċiżjoni 2006/96/PESK (ĠU L 44, 15.2.2006, p. 32).
ANNESS
“ANNESS I
Lista ta' persuni msemmija fl-ewwel inċiż ta' l-Artikolu 1(1)
1. |
SMIRNOV, Igor Nikolayevich, ‘President’, imwieled fit-23 ta' Ottubru 1941 f'Khabarovsk, il-Federazzjoni Russa, passaport Russu Nru 50No0337530. |
2. |
SMIRNOV, Vladimir Igorevich, iben in-Nru 1 u ‘President tal-Kumitat Doganali ta' l-Istat’, imwieled fit-3 ta' April 1961 f'Kupiansk, Kharkovskaya Oblast, jew Novaya Kakhovka, Khersonskaya Oblast, l-Ukrajna, passaport Russu Nru 50No00337016. |
3. |
SMIRNOV, Oleg Igorevich, iben in-Nru 1 u ‘Konsulent tal-Kumitat Doganali Statali’, ‘Membru tas-Sovjet Suprem’, imwieled fit-8 ta' Awissu 1967 f'Novaya Kakhovka, Khersonskaya Oblast, l-Ukrajna, passaport Russu Nru 60No1907537. |
4. |
LEONTIYEV, Serghey Fedorovich, dak li qabel kien ‘Viċi-president’, imwieled fid-9 ta' Frar 1944 f'Leontievka, Odesskaya Oblast, l-Ukrajna, passaport Russu Nru. 50 No0065438. |
5. |
MARAKUTSA, Grigory Stepanovich, ‘Membru tas-Sovjet Suprem’, ‘Rappreżentant Speċjali tas-Sovjetiku suprem għar-Relazzjonijiet Interparlamentari’ imwieled fil-15 ta' Ottubru 1942 f'Teya, Grigoriopolsky Raion, ir-Repubblika tal-Moldova, passaport Sovjetiku qadim Nru 8BM724835. |
6. |
KAMINSKY, Anatoly Vladimirovich, ‘Viċi-president tas-Sovjet Suprem’, imwieled fil-15 ta' Marzu 1950 f'Chita, il-Federazzjoni Russa, passaport Sovjetiku qadim Nru. A25056238. |
7. |
SHEVCHUK, Evgheny Vassilyevich, ‘President tas-Sovjet Suprem’, imwieled fid-19 ta' Ġunju 1968 f'Ribnitsa, ir-Repubblika tal-Moldova, passaport Russu Nru 51No3116878. |
8. |
LITSKAI, Valery Anatolyevich, ‘Ministru għall-Affarijiet Barranin’, imwieled fit-13 ta' Frar 1949 fi Tver, il-Federazzjoni Russa, passaport Russu Nru 51No0076099, maħruġ fid-9 ta' Awissu 2000. |
9. |
KHAZHEYEV, Stanislav Galimovich, ‘Ministru tad-Difiża’, imwieled fit-28 ta' Diċembru 1941 f'Chelyabinsk, il-Federazzjoni Russa. |
10. |
ANTYUFEYEV, Vladimir Yuryevich, magħruf ukoll bħala SHEVTSOV, Vadim, ‘Ministru għas-Sigurtà ta' l-Istat’, imwieled fl-1951 f'Novosibirsk, il-Federazzjoni Russa, passaport Russu. |
11. |
KOROLYOV, Alexandr Ivanovich, ‘Viċi-President’, imwieled fl-1951 f'Briansk, il-Federazzjoni Russa, passaport Russu. |
12. |
BALALA, Viktor Alekseyevich, dak li qabel kien ‘Ministru tal-Ġustizzja’, imwieled fl-1961 f'Vinnitsa, l-Ukrajna. |
13. |
AKULOV, Boris Nikolayevich, ‘Rappreżentant tat-Transnistrija fl-Ukrajna’. |
14. |
ZAKHAROV, Viktor Pavlovich, ‘Prosekutur tat-Transnistrija’, imwieled fl-1948 f'Kamenka, ir-Repubblika tal-Moldova. |
15. |
LIPOVTSEV, Alexey Valentinovich, ‘Deputat President tas-Servizz Doganali Statali’. |
16. |
GUDYMO, Oleg Andreyevich, ‘Membru tas-Sovjet Suprem’, ‘President tal-Kumitat dwar is-Sigurtà, id-Difiża u ż-Żamma tal-Paċi tas-Sovjet Suprem’, dak li qabel kien ‘Viċi-Ministru għas-Sigurtà ta' l-Istat’, imwieled fil-11 ta' Settembru 1944 f'Alma-Ata, il-Kazakistan, passaport Russu Nru 51No0592094. |
17. |
KOSOVSKY, Eduard Alexandrovich, ‘President tal-Bank Repubblikan Transnistrijan’, imwieled fis-7 ta' Ottubru 1958 fi Floresti, ir-Repubblika tal-Moldova.” |