8.1.2008   

MT

Il-Ġurnal Uffiċjali ta’ l-Unjoni Ewropea

85

(1)

Fil-5 ta' Lulju 2006, il-Kunsill adotta l-Azzjoni Konġunta 2006/468/PESK li ġeddet u rrivediet il-mandat tar-Rappreżentant Speċjali ta' l-Unjoni Ewropea għas-Sudan (1).

(2)

L-Unjoni Ewropea kienet involuta b’mod attiv fil-livell diplomatiku u politiku mill-bidu ta’ l-isforzi internazzjonali sabiex titrażżan u tiġi riżolta l-kriżi fid-Darfur.

(3)

L-Unjoni tixtieq issaħħaħ ir-rwol politiku tagħha fi kriżi b’numru kbir ta’ atturi lokali, reġjonali u internazzjonali u żżomm koerenza bejn l-assistenza ta’ l-Unjoni għall-maniġġar tal-kriżi fid-Darfur, immexxija mill-Unjoni Afrikana (UA), fuq naħa waħda, u r-relazzjonijiet politiċi globali mas-Sudan, inkluż l-implimentazzjoni tal-Ftehim Komprensiv ta’ Paċi (FKP) bejn il-Gvern tas-Sudan u l-Moviment/Armata għal-Liberazzjoni tal-Poplu Sudaniż (SPLM/A), fuq in-naħa l-oħra.

(4)

Fil-5 ta' Mejju 2006, il-Ftehim ta' Paċi fid-Darfur (FPD) ġie konkluż f'Abuja mill-Gvern tas-Sudan u fazzjonijiet ribelli individwali. L-Unjoni ser tappoġġa sforzi sabiex jitwessa' l-appoġġ għall-FPD fost gruppi ribelli bħala element kruċjali ta' proċess politiku li jinkludi kollox, li jibqa' l-prekondizzjoni għal paċi u sigurtà dejjiema u tmiem għas-sofferenza ta' miljuni ta' nies fid-Darfur. Il-funzjonijiet tar-Rappreżentant Speċjali ta' l-Unjoni Ewropea (RSUE) għandhom jieħdu kont sħiħ tar-rwol ta' l-Unjoni Ewropea fir-rigward ta' l-implimentazzjoni ta' l-FPD, inkluż fir-rigward tad-Djalogu Darfur-Darfur u l-proċess ta' Konsultazzjoni.

(5)

L-Unjoni pprovdiet ammont sinifikanti ta’ assistenza lill-Missjoni ta’ l-UA fir-reġjun tad-Darfur fis-Sudan (AMIS), f’termini ta’ appoġġ għall-ippjanar u l-maniġġar, finanzjament u loġistika.

(6)

Fil-31 ta' Marzu 2005, il-Kunsill ta' Sigurtà tan-NU, informat bir-rapport tal-Kummissjoni Internazzjonali ta' Inkjesta dwar il-ksur tal-liġi umanitarja internazzjonali u tal-liġi dwar id-drittijiet tal-bniedem fid-Darfur, adotta r-Riżoluzzjoni 1593(2005) li tirreferi s-sitwazzjoni fid-Darfur lill-Qorti Kriminali Internazzjonali.

(7)

Fil-31 ta' Awissu 2006, il-Kunsill tas-Sigurtà tan-NU adotta r-Riżoluzzjoni 1706 (2006) li tagħti l-mandat lill-Missjoni tan-NU fis-Sudan (UNMIS) sabiex tintensifika l-impenn tagħha fid-Darfur kif ukoll sabiex tieħu passi, f'konsultazzjoni ma' l-UA, sabiex issaħħaħ il-missjoni ta' l-Unjoni Afrikana fid-Darfur (AMIS) bl-użu tar-riżorsi tan-NU. Bil-ħsieb ta' l-implimentazzjoni ta' din id-deċiżjoni, in-NU, l-UA u l-gvern Sudaniż iltaqgħu għal Konsultazzjoni ta' Livell Għoli f'Addis Ababa fis-16 ta' Novembru 2006. Il-partijiet qablu dwar approċċ bi tliet fażijiet ta' appoġġ tan-NU għall-AMIS li jwassal għal Forza eventwalment kombinata bejn il-UA u l-NU.

(8)

Il-Kunsill ta' Paċi u Sigurtà ta' l-UA, filwaqt li endorsja l-konklużjonijiet tal-Konsultazzjoni ta' Addis Ababa, iddeċieda li jestendi l-mandat ta' AMIS b'perijodu ta' 6 xhur sat-30 ta' Ġunju 2007, suġġett għal reviżjoni mill-UA u abbażi tad-disponibbiltà ta' riżorsi finanzjarji. Fil-15 ta' Diċembru 2006, il-Kunsill Ewropew qabel li jestendi l-azzjoni ta' appoġġ ċivili-militari ta' l-Unjoni Ewropea għal AMIS. Għadhom għalhekk meħtieġa impenn politiku proporzjonat ma' l-UA, in-NU u l-Gvern tas-Sudan, u kapaċità ta' koordinazzjoni speċifika.

(9)

Fid-19 ta' Diċembru 2006, is-Segretarju-Ġenerali tan-NU ħatar Mibgħut Speċjali għad-Darfur.

(10)

Il-preżenza permanenti f'Khartoum tħalli lok għall-kontinwazzjoni tal-kuntatti tar-RSUE mal-Gvern tas-Sudan, il-partiti politiċi Sudaniżi, il-Kwartieri Ġenerali tal-Missjoni AMIS, in-Nazzjonijiet Uniti u l-aġenziji tagħha, u missjonijiet diplomatiċi, kif ukoll għal parteċipazzjoni fl-attivitajiet tal-Kumitati ta' Valutazzjoni u Evalwazzjoni stabbiliti sabiex jissorveljaw l-implimentazzjoni ta' l-FKP u l-FPD rispettivament u monitoraġġ aktar mill-qrib tas-sitwazzjoni fil-Lvant tas-Sudan wara l-konklużjoni tal-Ftehim ta' Paċi għas-Sudan tal-Lvant (FPSL). Bl-istess mod, preżenza f'Juba tħalli spazju sabiex jinżammu kuntatti aktar mill-qrib u aktar regolari mal-Gvern tax-Xlokk tas-Sudan u l-SPLM, kif ukoll sabiex is-sitwazzjoni fix-Xlokk tas-Sudan tiġi segwita aktar fil-fond.

(11)

Fis-7 ta' Ġunju 2006, il-Kunsill approva l-politika ta' l-Unjoni Ewropea dwar is-sigurtà ta' persunal skjerat barra l-Unjoni Ewropea f'kapaċità operattiva taħt it-Titlu V tat-Trattat dwar l-Unjoni Ewropea.

(12)

Abbażi ta' reviżjoni ta' l-Azzjoni Konġunta 2006/468/PESK, il-mandat tar-RSUE għas-Sudan għandu, fil-prinċipju, jiġi estiż b'perijodu ta' 12-il xahar.

(13)

Is-Sur Pekka Haavisto informa lis-Segretarju Ġenerali/Rappreżentant Għoli bl-intenzjoni tiegħu li jirriżenja fl-aħħar ta' April 2007. Il-mandat tiegħu għandu għalhekk jiġi estiż sat-30 ta' April 2007. Il-Kunsill għandu l-ħsieb li jaħtar RSUE ġdid għall-perijodu li jkun baqa' tal-mandat.

(14)

Ir-RSUE ser jimplimenta l-mandat tiegħu fil-kuntest ta’ sitwazzjoni li tista’ tiddeterjora u li tista’ tagħmel ħsara lill-objettivi tal-Politika Estera u ta' Sigurtà Komuni stabbiliti fl-Artikolu 11 tat-Trattat,

(a)

l-isforzi, bħala parti mill-komunità internazzjonali u b’appoġġ għall-Unjoni Afrikana (UA) u għan-Nazzjonijiet Uniti (NU), sabiex il-partijiet Sudaniżi, l-UA u n-NU jiġu megħjuna jiksbu riżoluzzjoni politika tal-kunflitt fid-Darfur, inkluż permezz ta' l-implimentazzjoni tal-Ftehim ta' Paċi fid-Darfur (FPD) u sabiex tkun faċilitata l-implimentazzjoni tal-Ftehim Komprensiv ta’ Paċi (FKP) u jiġi promoss id-djalogu Nofsinhar-Nofsinhar, kif ukoll tiġi faċilitata l-implimentazzjoni tal-Ftehim ta' Paċi fil-Lvant tas-Sudan (FPLS), b’kont debitament meħud tar-ramifikazzjonijiet reġjonali ta’ dawn il-kwistjonijiet u tal-prinċipju ta' appartenenza Afrikana; u

(b)

l-assigurazzjoni ta’ l-effikaċja u l-viżibbiltà massimi tal-kontribut ta’ l-Unjoni għall-missjoni ta’ l-UA fir-reġjun tad-Darfur fis-Sudan (AMIS).

(a)

jaħdem ma’ l-UA, il-Gvern tas-Sudan, il-Gvern tas-Sudan tan-Nofsinhar, il-movimenti armati tad-Darfur u partiti Sudaniżi oħra kif ukoll ma' organizzazzjonijiet non-governattivi u jżomm kollaborazzjoni mill-qrib man-NU u ma' atturi internazzjonali rilevanti oħra, bil-għan li jitwettqu l-objettivi tal-politika ta’ l-Unjoni;

(b)

jirrappreżenta lill-Unjoni fid-djalogu Darfur-Darfur, fil-laqgħat ta’ livell għoli tal-Kummissjoni Konġunta, kif ukoll laqgħat oħra rilevanti kif mitlub;

(ċ)

jirrappreżenta lill-Unjoni, kull meta jkun possibbli, fil-Kummissjonijiet ta' Valutazzjoni u Evalwazzjoni tal-FKP u l-FPD;

(d)

isegwi l-iżviluppi fir-rigward ta' l-implimentazzjoni ta' l-FPLS;

(e)

jiżgura koerenza bejn il-kontribut ta’ l-Unjoni għall-maniġġar tal-kriżi fid-Darfur u r-relazzjoni politika ġenerali ta’ l-Unjoni mas-Sudan;

(f)

fir-rigward tad-drittijiet tal-bniedem, inklużi d-drittijiet tat-tfal u tan-nisa, u l-ġlieda kontra l-impunità fis-Sudan, isegwi s-sitwazzjoni u jżomm kuntatti regolari ma’ l-awtoritajiet Sudaniżi, l-UA u n-NU, b’mod partikolari ma' l-Uffiċċju tal-Kummissarju Għoli għad-Drittijiet tal-Bniedem, l-osservaturi għad-drittijiet tal-bniedem attivi fir-reġjun, u l-Uffiċċju tal-Prosekutur tal-Qorti Kriminali Internazzjonali.

(a)

iżomm vista ġenerali ta' l-attivitajiet kollha ta’ l-Unjoni;

(b)

jiżgura l-koordinazzjoni u l-koerenza tal-kontributi ta’ l-Unjoni lill-AMIS;

(ċ)

jappoġġa l-proċess politiku u l-attivitajiet relatati ma’ l-implimentazzjoni tal-FPK, l-FPD u l-FPLS; u

(d)

isegwi u jirrapporta dwar il-konformità tal-partijiet Sudaniżi mar-Riżoluzzjonijiet rilevanti tal-Kunsill tas-Sigurtà tan-NU, notevolment il-1556 (2004), 1564 (2004), 1591 (2005), 1593 (2005), 1672 (2006), 1679 (2006) u 1706 (2006).

(a)

jistabbilixxi pjan ta' sigurtà speċifiku għall-missjoni bbażat fuq il-gwida tas-Segretarjat Ġenerali tal-Kunsill, li jkun jinkludi miżuri ta' sigurtà fiżiċi, organizzattivi u proċedurali speċifiċi għall-missjoni, l-immaniġġar tal-moviment sikur tal-persunal lejn, u ġewwa, iż-żona tal-missjoni, l-immaniġġar ta' inċidenti ta' sigurtà u pjan ta' kontinġenza u ta' evakwazzjoni tal-missjoni;

(b)

jiżgura li l-persunal kollu skjerat barra l-Unjoni Ewropea jkun kopert b'assigurazzjoni għal riskju għoli kif rikjest mill-kondizzjonijiet fiż-żona tal-missjoni;

(ċ)

jiżgura li l-membri kollha tal-grupp tiegħu li jkunu ser jiġu skjerati barra l-Unjoni Ewropea, inkluż persunal ikkuntrattat lokalment, ikunu rċevew taħriġ ta' sigurtà adatt qabel jew malli jaslu fiż-żona tal-missjoni, abbażi ta' klassifikazzjonijiet tar-riskju assenjati liż-żona tal-missjoni mis-Segretarjat Ġenerali tal-Kunsill;

(d)

jiżgura li r-rakkomandazzjonijiet kollha miftiehma, magħmula b'segwitu għal valutazzjonijiet regolari tas-sigurtà, jiġu implimentati u jipprovdi lis-SĠ/RGħ, il-Kunsill u l-Kummissjoni rapporti bil-miktub dwar l-implimentazzjoni tagħhom u dwar kwistjoni oħra relatata mas-sigurtà fil-qafas tar-rapporti ta' nofs it-term u ta' implimentazzjoni tal-mandat;

(e)

jiżgura, kif meħtieġ u fi ħdan ir-responsabbiltajiet tiegħu bħala parti mill-katina ta' kmand, li jittieħed approċċ koerenti fir-rigward tas-sigurtà tal-persunal fl-elementi kollha ta' l-Unjoni Ewropea preżenti f'operazzjoni jew operazzjonijiet ta' maniġġar ta' kriżi fiż-żona ġeografika ta' responsabbiltà tiegħu.