(1)

Id-Deċiżjoni tal-Kummissjoni 2005/731/KE tas-17 ta’ Ottubru 2005 li tistipula ħtiġijiet addizzjonali għas-sorveljanza ta’ l-influwenza tat-tjur fl-għasafar selvaġġi (2) u d-Deċiżjoni tal-Kummissjoni 2005/734/KE tad-19 ta’ Ottubru 2005 li tistipula l-miżuri ta’ bijosigurtà biex jitnaqqas ir-riskju ta’ trażmissjoni ta’ l-influwenza tat-tjur b’patoġeniċità għolja kkawżata mill-vajrus ta’ l-Influwenza A tas-sottotip H5N1 minn għasafar li jgħixu fl-ambjent naturali għal tjur ta’ l-irziezet u għasafar oħra miżmuma mill-bniedem u li tipprevedi sistema ta’ individwalizzazzjoni minn kmieni fiż-żoni ta’ riskju partikolari (3) jiskadu fil-31 ta’ Diċembru 2007.

(2)

Madankollu, minħabba li dan l-aħħar fil-Komunità seħħew tifqigħat ta’ influwenza tat-tjur b’patoġeniċità għolja tas-sottotip H5N1 fi tjur ta’ l-irziezet u għasafar selvaġġi u se jibqgħu jseħħu f’pajjiżi terzi, huwa xieraq li tiġi mġedda l-validità ta’ dawn id-Deċiżjonijiet.

(3)

Id-Deċiżjonijiet 2005/731/KE u 2005/734/KE għandhom għalhekk jiġu emendati skond dan.

(4)

Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,