(1)

Ir-Regolament (KE) Nru 2032/2003 jistabbilixxi lista ta’ sustanzi attivi li għandhom jiġu evalwati bil-għan li possibbilment ikunu inklużi fl-Annessi I, IA jew IB għad-Direttiva 98/8/KE.

(2)

Għal għadd ta’ sustanzi/tlaqqigħat ta’ tipi ta’ prodotti inklużi f’dik il-lista, jew kienu rtiraw il-parteċipanti kollha inkella sa d-dati ta’ skadenza speċifikati fl-Annessi V u VIII għar-Regolament (KE) Nru 2032/2003 ma kien għadu ġie rċevut l-ebda dossier min-naħa ta’ l-Istat Membru Rapporteur li kien inkarigat biex jagħmel l-evalwazzjoni.

(3)

Minħabba f”hekk, u skond l-Artikoli 8(3) u (4) u 9(5) tar-Regolament (KE) Nru 2032/2003, il-Kummissjoni infurmat lill-Istati Membri b’dan. Fl-14 ta’ Ġunju 2006 l-informazzjoni ġiet ukoll ippubblika elettronikament.

(4)

Fi żmien tliet xhur mill-pubblikazzjoni elettronika ta’ din l-informazzjoni, xi kumpaniji indikaw l-interess tagħhom li jassumu r-rwol ta’ parteċipant għal xi wħud mis-sustanzi u tipi ta’ prodotti kkonċernati, f’konformità ma’ l-Artikolu 8(4) tar-Regolament Nru 2032/2003.

(5)

Għaldaqstant, għandha tiġi stabbilita data ta’ skadenza ġdida għall-preżentazzjoni ta’ dossiers għal dawn is-sustanzi u tipi ta’ prodott.

(6)

Il-miżuri pprovduti f’din id-Deċiżjoni huma f’konformità ma’ l-opinjoni tal-Kumitat Permanenti tal-Prodotti Bijoċidali,