1.12.2007   

MT

Il-Ġurnal Uffiċjali ta’ l-Unjoni Ewropea

L 314/9

(1)

Għadd ta’ tibdiliet sostanzjali għandhom isiru fid-Deċiżjoni tal-Kunsill 2001/792/KE, Euratom tat-23 ta’ Ottubru 2001 li tistabbilixxi mekkaniżmu Komunitarju biex jiffaċilita l-kooperazzjoni rrinfurzata fl-interventi ta’ assistenza tal-protezzjoni ċivili (3) (minn hawn 'il quddiem “il-Mekkaniżmu”) sabiex ir-reazzjoni ta’ l-Unjoni Ewropea f'emerġenza issir aktar konsistenti u effiċjenti. Għall-finijiet taċ-ċarezza, dik id-Deċiżjoni għandha titfassal mill-ġdid.

(2)

F'dawn l-aħħar snin, kien hemm żieda sinifikanti fl-okkorrenza, is-severità u l-intensità tad-diżastri naturali, bir-riżultat ta’ l-imwiet ta’ nies, it-telf ta’ proprjetà, inkluż il-wirt kulturali, il-qerda ta’ l-infrastruttura ekonomika u soċjali u l-ħsara lill-ambjent.

(3)

L-azzjoni Komunitarja sabiex timplimenta r-riżoluzzjoni tal-Kunsill u tar-rappreżentanti tal-Gvernijiet ta’ l-Istati Membri, li ltaqgħu fil-Kunsill, fit-8 ta’ Lulju 1991 dwar it-titjib ta’ l-għajnuna reċiproka bejn l-Istati Membri fil-każ ta’ diżastru naturali jew teknoloġiku (4) għenet sabiex tipproteġi n-nies, l-ambjent u l-proprjetà. Il-Konvenzjoni tan-Nazzjonijiet Uniti dwar il-Kummissjoni Ekonomika għall-Ewropa (UN/ECE) dwar l-Effetti li Jaqsmu l-Fruntieri ta’ l-Inċidenti Industrijali, approvata mill-Komunità bid-Deċiżjoni tal-Kunsill 98/685/KE (5), għenet biex tkompli ttejjeb il-prevenzjoni u l-ġestjoni tad-diżastri industrijali.

(4)

L-għan ġenerali tal-Mekkaniżmu huwa li jipprovdi, fuq talba, appoġġ fl-eventwalità ta’ emerġenzi u li jiffaċilita koordinazzjoni mtejba ta’ interventi ta’ assistenza pprovduti mill-Istati Membri u mill-Komunità, b'kont meħud ukoll tal-ħtiġijiet speċjali tar-reġjuni iżolati, l-aktar periferali u oħrajn tal-Komunità. Dawn l-aħħar snin raw żieda konsiderevoli fl-għadd ta’ pajjiżi li talbu l-assistenza mill-Mekkaniżmu għall-għajnuna tal-protezzjoni ċivili. Il-Mekkaniżmu għandu jissaħħaħ biex tiġi żgurata turija aktar effikaċi u viżibbli tas-solidarjetà Ewropea, u biex tippermetti l-iżvilupp ta’ kapaċità Ewropea tar-reazzjoni rapida abbażi tal-moduli tal-protezzjoni ċivili ta’ l-Istati Membri, kif talbu li jsir il-Kunsill Ewropew tas-16 u s-17 ta’ Ġunju 2005 u l-Parlament Ewropew fir-Riżoluzzjoni tiegħu tat-13 ta’ Jannar 2005 dwar id-diżastru tat-tsunami.

(5)

Il-Mekkaniżmu jrid jikkunsidra kif mistħoqq leġislazzjonijiet u obbliġi internazzjonali rilevanti Komunitarji. Għalhekk, din id-Deċiżjoni ma għandhiex taffettwa d-drittijiet u l-obbligi reċiproċi ta’ l-Istati Membri fit-trattati bilaterali jew multilaterali, li jirreferu għall-materji koperti b’din id-Deċiżjoni.

(6)

Il-Mekkaniżmu għandu jiffaċilita r-reazzjoni tal-protezzjoni ċivili għal kull tip ta’ emerġenza kbira, inklużi d-diżastri naturali u dawk ikkawżati mill-bniedem, atti ta’ terroriżmu u inċidenti teknoloġiċi, radjoloġiċi u ambjentali, inkluż t-tniġġis aċċidentali ta’ l-ibħra li jseħħu ġewwa jew barra l-Komunità. L-għajnuna tal-protezzjoni ċivili tista' tkun meħtieġa f'dawn l-emerġenzi kollha, biex tikkomplementa l-kapaċitajiet ta’ reazzjoni tal-pajjiż affettwat.

(7)

Il-prevenzjoni hi ta’ importanza sinifikanti għall-protezzjoni kontra d-diżastri naturali, teknoloġiċi u ambjentali u tkun teħtieġ li tiġi kkunsidrata iktar azzjoni. Billi tagħti kontribut għall-issuktar ta’ l-żvilupp ta’ sistemi ta’ individwazzjoni u ta’ twissija bikrija, il-Komunità għandha tgħin lill-Istati jnaqqsu kemm jista' jkun il-ħin meħtieġ biex jirreaġixxu għad-diżastri u jallertaw liċ-ċittadini ta’ l-UE. Dawn is-sistemi għandhom iqisu u jibnu fuq is-sorsi eżistenti ta’ l-informazzjoni.

(8)

Jeħtieġ li jittieħdu miżuri ta’ tħejjija fil-livell ta’ l-Istat Membru u tal-Komunità li jippermettu li jiġu organizzati u miġbura timijiet ta’ l-intervent għall-għajnuna fl-emerġenzi bil-ħeffa u kkoordinati bil-flessibbiltà meħtieġa u li tiġi żgurata, permezz ta’ programm ta’ taħriġ, il-kapaċità għal rispons effettiv u l-kumplimentarjetà tat-timijiet ta’ l-evalwazzjoni u/jew il-koordinament, it-timijiet ta’ l-intervent u riżorsi oħra, kif xieraq.

(9)

Miżuri oħra ta’ tħejjija jinkludu l-ġbir u t-tqegħid flimkien tat-tagħrif li jkollu x'jaqsam mar-riżorsi mediċi meħtieġa u l-istimulu ta’ l-użu ta’ teknoloġiji ġodda. Dik l-informazzjoni tikkonċerna r-riżorsi mediċi li l-Istati Membrijistgħu jagħmlu disponibbli, fuq bażi volontarja, għall-protezzjoni tas-saħħa pubblika wara talba għal intervent taħt il-Mekkaniżmu. Skond l-Artikolu 296 tat-Trattat li jistabbilixxi l-Komunità Ewropea, ebda Stat Membru m'għandu jkun obbligat jipprovdi informazzjoni li hu jqis li l-iżvelar tagħha jmur kontra l-interessi essenzjali tas-sigurtà tiegħu.

(10)

L-iżvilupp ta’ moduli addizzjonali ta’ l-għajnuna tal-protezzjoni ċivili, li jkunu magħmulin mir-riżorsi ta’ Stat Membru wieħed jew aktar, li jimmiraw li jkunu kompletament interoperabbli, għandu jiġi kkunsidrat sabiex jingħata kontribut għall-iżvilupp ta’ kapaċità ta’ reazzjoni rapida tal-protezzjoni ċivili. Il-moduli jkunu organizzati fil-livell ta’ l-Istati Membri u soġġetti għad-direzzjoni u l-kmand tagħhom.

(11)

Fl-eventwalità ta’ emerġenza kbira ġewwa l-Komunità, jew ta’ periklu imminenti ta’ dan, li jikkawżaw, jew ikun kapaċi li jikkawżaw, effetti li jaqsmu l-fruntieri li jistgħu jirriżultaw f’sejħa għall-għajnuna minn Stat Membru jew aktar, ikun hemm il-ħtieġa għal notifika rilevanti li trid issir kif xieraq permezz ta’ sistema stabbilita affidabbli ta’ komunikazzjoni u ta’ tagħrif dwar l-emerġenzi.

(12)

Il-mekkaniżmu għandu jagħmilha possibbli illi jiġi organizzat u miġbur, u ffaċilitat il-koordinament ta’ l-interventi ta’ l-għajnuna sabiex tkun żgurata protezzjoni aħjar primarjament tan-nies iżda wkoll ta’ l-ambjent u tal-proprjetà, inkluż il-wirt kulturali, biex b’hekk jitnaqqsu t-telf tal-ħajja umana, il-korrimenti, il-ħsarat materjali, ekonomiċi u ambjentali, u jagħmel iktar tanġibbli l-kisba tal-miri tal-koeżjoni soċjali u tas-solidarjetà. Il-kooperazzjoni msaħħa fl-interventi ta’ l-għajnuna tal-protezzjoni ċivili għandha tissejjes fuq struttura Komunitarja tal-protezzjoni ċivili li tkun tikkonsisti f'ċentru tal-monitoraġġ u l-informazzjoni u sistema komuni tal-komunikazzjoni u l-informazzjoni ta’ l-emerġenza, ġestita mill-Kummissjoni, u punti ta’ kuntatt fl-Istati Membri. Għandha tipprovdi qafas għall-ġbir ta’ l-informazzjoni vvalidata ta’ l-emerġenza, għat-tixrid ta’ dik l-informazzjoni fost l-Istati Membri, u għall-qsim ta’ lezzjonijiet miksuba mill-interventi.

(13)

Il-punti ta’ kuntatt fl-Istati Membri għandhom ikunu fil-qagħda li jagħtu informazzjoni dwar id-disponibbiltà ta’ l-għajnuna tal-protezzjoni ċivili mitluba mill-pajjiż milqut, inkluża informazzjoni dwar id-disponibbiltà ta’ assi u kapaċitajiet militari.

(14)

Id-disponibbiltà ta’ mezzi adegwati tat-trasport jeħtiġilha li tittejjeb biex jiġi appoġġat l-iżvilupp ta’ kapaċità ta’ reazzjoni rapida fuq il-livell Komunitarju. Il-Komunità għandha tappoġġa u tikkomplementa l-isforzi ta’ l-Istati Membri billi tiffaċilita t-tqegħid flimkien tar-riżorsi tat-trasport ta’ l-Istati Membri u billi tikkontribwixxi, fejn dan ikun ta’ ħtieġa, għall-finanzjament ta’ mezzi addizzjonali tat-trasport.

(15)

Rigward l-intervent ta’ għajnuna fil-protezzjoni ċivili, il-Mekkaniżmu għandu jiffaċilita u jappoġġa l-azzjonijiet meħuda mill-Komunità u l-Istati Membri. L-interventi ta’ għajnuna barra mill-Komunità jistgħu jsiru jew b’mod awtonomu jew bħala kontribut għal ħidma mmexxija minn organizzazzjoni internazzjonali, għal liema każ il-Komunità għandha tiżviluppa r-relazzjonijiet tagħha ma’ l-organizzazzjonijiet internazzjonali rilevanti.

(16)

In-Nazzjonijiet Uniti, fejn tkun preżenti, għandha rwol ta’ koordinament komprensiv għall-operazzjonijiet ta’ għajnuna fil-pajjiżi terzi. L-għajnuna tal-protezzjoni ċivili pprovduta taħ til-Mekkaniżmu għandha tiġi kkoordinata man-Nazzjonijiet Uniti u partijiet oħra internazzjonali rilevanti biex kemm jista' jkun tkabbar l-użu tar-riżorsi disponibbli u tevita kwalunkwe duplikazzjoni inutli ta’ l-isforzi. Il-koordinazzjoni mtejba ta’ l-għajnuna tal-protezzjoni ċivili permezz tal-Mekkaniżmu hija prerekwiżit għall-appoġġ ta’ l-isforz tal-koordinazzjoni globali u l-iżgurar ta’ kontribut Ewropew komprensiv għall-isforz globali ta’ għajnuna. F'emerġenzi kbar fejn l-għajnuna tingħata sew taħt il-Mekkaniżmu kif ukoll taħt ir-Regolament tal-Kunsill (KE) Nru 1257/96 ta’ l-20 ta’ Ġunju 1996 rigward l-għajnuna umanitarja (6), il-Kummissjoni għandha tiżgura l-effikaċja, il-koerenza u l-komplementarjetà tar-reazzjoni komprensiva tal-Komunità.

(17)

Il-Mekkaniżmu jista’ jkun ukoll għodda sabiex jiffaċilita u jappoġġja l-ġestjoni ta’ kriżijiet skond id-Dikjarazzjoni Konġunta tal-Kunsill u l-Kummissjoni tad-29 ta’ Settembru 2003 dwar l-użu tal-Mekkaniżmu Komunitarju tal-Protezzjoni Ċivili fil-ġestjoni tal-kriżijiet kif riferit fit-Titolu V tat-Trattat ta’ l-Unjoni Ewropea. Din id-Deċiżjoni hija mingħajr preġudizzju għall-kompetenzi u r-rwol tal-Presidenza fil-ġestjoni ta’ kriżijiet taħt dak it-Titolu V.

(18)

Il-Mekkaniżmu jista' jintuża wkoll għall-assistenza konsulari ta’ appoġġ liċ-ċittadini ta’ l-UE f'emerġenzi kbar f'pajjiżi terzi rigward attivitajiet tal-protezzjoni ċivili jekk mitlub mill-awtoritajiet konsulari ta’ l-Istati Membri.

(19)

Meta l-użu ta’ assi u kapaċitajiet militari jitqies xieraq, il-kooperazzjoni mal-persunal militari għandha ssegwi l-modalitajiet, il-proċeduri u l-kriterji stabbiliti mill-Kunsill jew il-korpi kompetenti tiegħu biex l-assi u l-kapaċitajiet militari rilevanti għall-protezzjoni tal-popolazzjonijiet ċivili jkunu disponibbli għall-Mekkaniżmu.

(20)

L-użu ta’ l-assi militari għandu wkoll ikun konsistenti mal-prinċipji tal-linji gwida rilevanti tan-NU.

(21)

Il-parteċipazzjoni ta’ pajjiżi kandidati u l-kooperazzjoni ma’ pajjiżi terzi oħra u ma’ organizzazzjonijiet internazzjonali u reġjonali għandhom ikunu possibbli.

(22)

Il-miżuri meħtieġa sabiex tiġi implimentata din id-Deċiżjoni għandhom jiġu adottati skond id-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni mogħtija lill-Kummissjoni (7).

(23)

L-għanijiet ta’ din id-Deċiżjoni, jiġifieri l-faċilitazzjoni tal-kooperazzjoni msaħħa bejn il-Komunita' u l-Istati Membri fl-intervent ta’ l-assistenza tal-protezzjoni ċivili fil-każ ta’ emerġenżi maġġuri u t-theddida imminenti ta’ dawn li ma jistgħux jintlaħqu biżżejjed mill-Istati Membri, u jistgħu għaldaqstant, fid-dawl ta’ l-iskala jew l-effetti ta’ l-azzjoni proposta, u kont meħud tal-benefiċċji ġejjin mill-operazzjoni tal-mekkaniżmu għat-tnaqqis fit-telf tal-ħajja u l-ħsara tal-bniedem, jintlaħqu aħjar fuq il-livell Komunitarju.

Jekk il-kapaċitajiet ta’ reazzjoni ta’ Stat Membru affettwat ma jkunux jistgħu jlaħħqu ma’ emerġenza kbira, dan l-Istat għandu jkun jista' jagħmel appell għall-Mekkaniżmu Komunitarju biex jissupplimenta r-riżorsi tiegħu tal-protezzjoni ċivili. Il-Komunità tista' għalhekk tadotta miżuri f'konformità mal-prinċipju tas-sussidjarjetà kif stipulat fl-Artikolu 5 tat-Trattat li jistabbilixxi l-Komunita' Ewropea. Skond il-prinċipju tal-proporzjonalità kif stabbilit f'dak l-Artikolu, din id-Deċiżjoni ma tmurx lil hinn minn dak li huwa meħtieġ biex jintlaħaq dak il-għan.

(24)

It-Trattat li jistabbilixxi l-Komunità Ewropea u t-Trattat li jistabbilixxi l-Komunità Ewropea ta’ l-Enerġija Atomika ma jagħtux poteri għall-adozzjoni ta’ din id-Deċiżjoni għajr dawk ta’ l-Artikoli 308 u 203, rispettivament,

1)

l-identifikazzjoni ta’ timijiet ta’ l-intervent u appoġġi oħra ta’ intervent disponibbli fl-Istati Membri għall-interventi ta’ għajnuna fl-eventwalità ta’ emerġenzi;

2)

l-istabbiliment u l-implimentazzjoni ta’ programm ta’ taħriġ għat-timijiet ta’ l-intervent u appoġġi oħra ta’ intervent, u għal esperti għat-timijiet responsabbli għall-evalwazzjoni u/jew il-koordinament;

3)

laqgħat ta’ ħidma, seminars u proġetti pilota dwar aspetti maġġuri ta’ l-interventi;

4)

li jiġu stabbiliti u mibgħuta t-timijiet responsabbli għall-evalwazzjoni u/jew koordinament;

5)

li jiġi stabbilit u ġestit Ċentru tal-Monitoraġġ u ta’ l-Informazzjoni, (MIC), li jkun aċċessibbli u kapaċi jirreaġixxi immedjatament 24 siegħa kuljum u li jaqdi l-Istati Membri u l-Kummissjoni għall-finijiet tal-Mekkaniżmu;

6)

li tiġi stabbilita u ġestita Sistema Komuni ta’ Komunikazzjoni u nformazzjoni dwar l-Emerġenzi (CECIS) biex tippermetti l-komunikazzjoni u l-qsim ta’ l-informazzjoni bejn l-MIC u l-punti ta’ kuntatt operattivi ta’ l-Istati Membri;

7)

li jsir kontribut għall-iżvilupp ta’ sistemi ta’ individwazzjoni u ta’ twissija bikrija, għal diżastri, li jistgħu jolqtu t-territorju ta’ l-Istati Membri, sabiex jippermettu reazzjoni rapida min-naħa ta’ l-Istati Membri u l-Komunità, kif ukoll għall-istabbilment tagħhom permezz ta’ studji u evalwazzjonijiet dwar il-ħtieġa u permezz ta’ azzjonijiet għall-promozzjoni ta’ l-interkonnessjoni tagħhom u l-konnessjoni tagħhom mal-MIC u s-CECIS; dawk is-sistemi għandhom jieħdu kont ta’ u jibnu fuq informazzjoni eżistenti, sorsi ta’ monitoraġġ u individwazzjoni;

8)

li jiġu appoġġati l-Istati Membri fil-kisba ta’ aċċess għat-tagħmir u r-riżorsi tat-trasport billi:

9)

jiġi kkomplementat it-trasport pprovdut mill-Istati Membri billi jiġu pprovduti riżorsi addizzjonali tat-trasport meħtieġa biex tiġi żgurata reazzjoni rapida għal emerġenzi kbar;

10)

tiġi appoġġata l-assistenza konsulari liċ-ċittadini ta’ l-UE f'emerġenzi kbar f'pajjiżi terzi rigward attivitajiet tal-protezzjoni ċivili jekk mitlub mill-awtoritajiet konsulari ta’ l-Istati Membri;

11)

azzjonijiet oħra ta’ appoġġ u komplementarji li jkunu meħtieġa fil-qafas tal-Mekkaniżmu kif imsemmi fl-Artikolu 4 tad-Deċiżjoni tal-Kunsill li tistabbilixxi Strument Finanzjarju għall-Protezzjoni Ċivili (8).

1)

“emerġenza kbira” tfisser kwalunkwe sitwazzjoni li għandha jew jista' jkollha impatt negattiv fuq il-persuni, l-ambjent jew il-proprjetà u li tista' tirriżulta f'sejħa għall-assistenza taħt dan il-Mekkaniżmu;

2)

“rispons” tfisser kwalunkwe azzjoni meħuda taħt il-Mekkaniżmu waqt jew wara emerġenza maġġuri sabiex jiġu indirizzati l-konsegwenzi immedjati tagħha;

3)

“tħejjija” tfisser stat ta’ tħejjija u kapaċità ta’ mezzi umani u materjali li tippermettilhom jiżguraw reazzjoni rapida u effettiva għal emerġenza, bħala riżultat ta’ l-azzjoni meħuda minn qabel;

4)

“twissija bikrija” tfisser il-provvista ta’ informazzjoni fil-ħin u effettiva li tippermetti li tittieħed azzjoni biex tevita jew tirriduċi riskji u tiżgura preparatezza għal rispons effettiv;

5)

“modulu” tfisser aranġament awto-suffiċjenti u awtonomu tal-kapaċitajiet ta’ l-Istati Membri mmexxi mill-ħidma u l-ħtiġijiet jew tim mobbli operattiv ta’ l-Istati Membri li jirrappreżenta kombinazzjoni ta’ mezzi umani u materjali, li jista' jkun deskritt f'termini tal-kapaċità għal intervent jew permezz ta’ ħidma(iet) li huwa kapaċi jwettaq.

(a)

huma magħmula mir-riżorsi ta’ Stat wieħed jew aktar li jipparteċipaw fil-Mekkaniżmu;

(b)

huma kapaċi jwettqu ħidmiet fl-oqsma ta’ rispons;

(ċ)

huma kapaċi jwettqu l-ħidma tagħhom skond il-linji gwida internazzjonali rikonoxxuti u, għaldaqstant kapaċi:

d)

huma interoperabbli ma’ moduli oħra;

e)

ikunu ħadu taħriġ u eżerċizzji biex jissodisfaw il-ħtiġiet ta’ interoperabilita' taħt a) u d);

f)

tqiegħdu taħt l-awtorità ta’ persuna li hija responsabbli għall-funzjonament tagħhom;

g)

huma kapaċi jipprovdu assistenza lil korpi oħra ta’ l-UE u/jew istituzzjonijiet internazzjonali, speċjalment in-NU.

1)

tistabbilixxi u tmexxi l-MIC;

2)

tistabbilixxi u tmexxi s-CECIS;

3)

tikkontribwixxi għall-iżvilupp ta’ sistemi ta’ individwazzjoni u ta’ twissija bikrija għad-diżastri kif previst fil-punt (7) ta’ l-Artikolu 2;

4)

tistabbilixxi l-kapaċità li torganizza u tiġbor u tibgħat kemm jista' jkun malajr, timijiet żgħar ta’ esperti li jkunu responsabbli:

5)

tistabilixxi programm ta’ taħriġ, bil-għan li jitjieb il-kordinament ta’ l-assistenza permezz ta’ intervent fil-protezzjoni ċivili billi jiġu żgurati l-kompatibbiltà u l-kumplimenarjetà bejn it-timijiet ta’ l-intervent u moduli msemmija fl-Artikolu 4(1) jew, kif xieraq, appoġġi oħra ta’ intervent kif stabbilit fl-Artikolu 4(4), u billi jtejbu l-kompetenza ta’ l-esperti li jagħmlu l-istima msemmija fl-Artikolu 4(2). Il-programm għandu jinkludi korsijiet u eżerċizzi konġunti u sistema ta’ skambju li biha individwi jistgħu jiġu ssekondati mat-timijiet fi Stati Membri oħra;

6)

tiġbor flimkien u tikkompila fl-eventwalità ta’ emerġenza kbira, it-tagħrif dwar il-kapaċitajiet ta’ l-Istati Membri li jissoktaw il-produzzjoni tas-sera u tat-tilqim jew ta’ riżorsi oħra mediċi meħtieġa u jżommu ħażniet ta’ dawn li jistgħu jsiru disponibbli għall-intervent;

7)

tistabbilixxi programm ta’ tagħlimiet meħuda mill-interventi li jkunu saru fil-qafas tal-Mekkaniżmu u xxerred dawn it-tagħlimiet permezz tas-sistema ta’ l-informazzjoni;

8)

tistimula u tinkoraġġixxi l-introduzzjoni u l-użu ta’ teknoloġiji ġodda għall-fini tal-Mekkaniżmu;

9)

tieħu l-miżuri elenkati fil-punti (8) u (9) ta’ l-Artikolu 2;

10)

tistabbilixxi l-kapaċità li tipprovdi l-appoġġ loġistiku tal-bażi għall-evalwazzjoni u/jew il-koordinament ta’ l-esperti;

11)

tieħu kwalunkwe azzjoni ta’ appoġġ u komplementari li tkun meħtieġa fil-qafas tal-Mekkaniżmu kif imsemmi fl-Artikolu 4 tad-Deċiżjoni 2007/162/KE, Euratom.

(a)

tibgħat it-talba lill-punti tal-kuntatt ta’ l-Istati Membri l-oħra,

(b)

tiffaċilita l-mobilizzazzjoni tat-timijiet, ta’ l-esperti, tal-moduli u ta’ l-appoġġi l-oħra għall-intervent,

(ċ)

tiġbor it-tagħrif ivvalidat dwar l-emerġenza u xxerrdu ma’ l-Istati Membri.

(a)

tevalwa l-adegwatezza ta’ l-użu possibbli tal-Mekkaniżmu bħala għodda biex jiffaċilita u jappoġġa l-ġestjoni ta’ kriżi;

(b)

fejn iqis dan meħtieġ, jistabbilixxi relazzjonijiet mal-pajjiż terz milqut fil-livell politiku u jikkoordina ma’ dak il-pajjiż fl-istadji kollha ta’ l-emerġenza rigward il-qafas politiku u strateġiku ġenerali ta’ l-intervent ta’ għajnuna.

(a)

iż-żamma ta’ djalogu kontinwu mal-punti ta’ kuntatt ta’ l-Istati Membri sabiex jiġi żgurat kontribut Ewropew għall-protezzjoni ċivili effettiv u koerenti permezz tal-Mekkaniżmu għall-isforz globali ta’ għajnuna, b'mod partikolari:

(b)

il-koordinament mal-pajjiż terz milqut dwar dettalji tekniċi bħall-ħtiġijiet preċiżi għall-għajnuna, l-aċċettazzjoni ta’ offerti u l-arranġamenti prattiċi biex tiġi rċevuta u distribwita lokalment l-għajnuna;

(ċ)

il-koordinament u l-kooperazzjoni ma’ l-Uffiċju tan-Nazzjonijiet Uniti għall-Koordinament ta’ l-Affarijiet Umanitarji (UNOCHA) meta din tkun preżenti u ma’ atturi rilevanti oħra li jikkontribwixxu għall-isforz globali ta’ għajnuna sabiex jiġu massimizzati s-sinerġiji, jitfittxu l-komplementarjetajiet u jiġu evitati duplikazzjoni u vojt;

(d)

il-koordinament ma’ l-atturi rilevanti kollha, b'mod partikolari fil-fażi ta’ għeluq ta’ l-intervent ta’ għajnuna taħt il-Mekkaniżmu, biex tiġi ffaċilitata konsenja bla xkiel.

(a)

l-Istati Membri kollha li jipprovdu l-għajnuna tal-protezzjoni ċivili kif imsemmi fil-paragrafu 1 b'reazzjoni għal talba mqassma permezz ta’ l-MIC għandhom iżommu lill-MIC infurmat bis-sħiħ bl-attivitajiet tagħhom, u

(b)

it-timijiet u l-moduli ta’ Istati Membri fil-post li qed jipparteċipaw fl-intervent permezz tal-Mekkaniżmu għandhom jikkoordinaw mill-qrib mat-timijiet ta’ koordinament u/jew ta’ evalwazzjoni tal-MIC fil-post.

1)

ir-riżorsi disponibbli għall-intervent ta’ għajnuna, kif jipprovdi l-Artikolu 3;

2)

l-MIC, kif jipprovdi l-punt (5) ta’ l-Artikolu 2;

3)

is-CECIS, kif previst fil-punt (6) ta’ l-Artikolu 2;

4)

it-timijiet responsabbli għall-evalwazzjoni u/jew il-koordinament, kif previst fil-punt (4) ta’ l-Artikolu 2 inklużi l-kriterji għall-għażla ta’ l-esperti;

5)

il-programm tat-taħriġ, kif jipprovdi l-punt (2) ta’ l-Artikolu 2;

6)

il-moduli kif previst fl-Artikolu 4 (3),

7)

is-sistemi ta’ individwazzjoni u ta’ twissija bikrija kif previst fil-punt (3) ta’ l-Artikolu 5,

8)

it-tagħrif dwar ir-riżorsi mediċi, kif jipprovdi il-punt (6) ta’ l-Artikolu 5;

9)

l-interventi ġewwa l-Komunità, kif jipprovdi l-Artikolu 7 kif ukoll l-interventi barra mill-Komunità jipprovdi l-Artikolu 8.