KUMITAT POLITIKU U TA’ SIGURTÀ DEĊIŻJONI EUPOL AFG/1/2007

tas-16 ta’ Ottubru 2007

dwar il-ħatra tal-Kap tal-Missjoni ta’ l-EUPOL AFGHANISTAN

(2007/685/CFSP)

IL-KUMITAT POLITIKU U TA’ SIGURTÀ,

Wara li kkunsidra t-Trattat dwar l-Unjoni Ewropea u b’mod partikolari t-tielet subparagrafu ta’ l-Artikolu 25 tiegħu,

Wara li kkunsidra l-Azzjoni Konġunta tal-Kunsill 2007/369/PESK tat-30 ta’ Mejju 2007 dwar l-istabbiliment tal-Missjoni tal-Pulizija ta’ l-Unjoni Ewropea fl-Afganistan (EUPOL AFGHANISTAN) (1) u b’mod partikolari l-Artikolu 10(1) tiegħu,

Billi:

(1)

L-Artikolu 10 ta’ l-Azzjoni Konġunta tal-Kunsill 2007/369/PESK jipprevedi li l-Kunsill jawtorizza lill-Kumitat Politiku u ta’ Sigurtà sabiex jieħu d-deċiżjonijiet rilevanti skond l-Artikolu 25 tat-Trattat, inklużi setgħat sabiex jieħu deċiżjonijiet sussegwenti dwar il-ħatra ta’ Kap ta’ l-EUPOL AFGHANISTAN.

(2)	F’ittra datata 6 ta’ Ottubru 2007, il-Kap tal-Missjoni attwali informa lill-Kummissjoni Ewropea bid-deċiżjoni tiegħu li jittermina l-kuntratt tiegħu, b’effett mill-aħħar tax-xogħol fil-31 ta’ Ottubru 2007.

(3)	Is-Segretarju Ġenerali/Rappreżentant Għoli ippropona n-nomina tas-Sur Jürgen Scholz bħala l-Kap ġdid tal-Missjoni ta’ l-EUPOL AFGHANISTAN,

IDDEĊIEDA KIF ĠEJ:

Artikolu 1

Is-Sur Jürgen Scholz huwa b’dan maħtur Kap ta’ l-EUPOL AFGHANISTAN.

Artikolu 2

Din id-Deċiżjoni għandha jkollha effett fl-1 ta’ Novembru 2007.