9.10.2007   

MT

Il-Ġurnal Uffiċjali ta’ l-Unjoni Ewropea

L 262/31

(1)

Ir-regoli dwar ir-ristrutturazzjoni u l-konverżjoni tad-dwieli huma stipulati bir-Regolament (KE) Nru 1493/1999 u bir-Regolament tal-Kummissjoni (KE) Nru 1227/2000 tal-31 ta’ Mejju 2000 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1493/1999 dwar l-organizzazzjoni komuni tas-suq fl-inbid f’dak li jirrigwarda l-potenzjal tal-produzzjoni (2).

(2)

Ir-regoli dettaljati dwar l-ippjanar finanzjarju u l-parteċipazzjoni fl-iffinanzjar ta' l-iskema tar-ristrutturazzjoni u l-konverżjoni, stipulati bir-Regolament (KE) Nru 1227/2000, jipprevedu li r-referenzi għal sena finanzjarja partikolari jikkorrispondu għall-ħlasijiet li effettivament isiru mill-Istati Membri bejn is-16 ta’ Ottubru u l-15 ta’ Ottubru tas-sena sussegwenti.

(3)

Skond l-Artikolu 14(1) tar-Regolament (KE) Nru 1493/1999, ta’ kull sena l-Kummissjoni tagħti allokazzjoni inizjali tal-krediti lill-Istati Membri, abbażi ta' kriterji oġġettivi, b’qies għas-sitwazzjonijiet u l-ħtiġijiet partikolari kif ukoll għall-isforzi li jridu jsiru fid-dawl ta' l-għan ta' l-iskema.

(4)

Il-Kummissjoni stipulat l-allokazzjonijiet finanzjarji indikattivi għas-sena finanzjarja 2006/2007 permezz tad-Deċiżjoni tal-Kummissjoni 2006/701/KE (3), kif ukoll għall-Bulgarija u għar-Rumanija, permezz tad-Deċiżjoni tal-Kummissjoni 2007/381/KE (4).

(5)

Skond l-Artikolu 17(1) tar-Regolament (KE) Nru 1227/2000, l-ispejjeż likwidi li ntefqu mill-Istati Memrbi huma limitati għall-ammont ta’ l-allokazzjonijiet indikattivi tagħhom. Għas-sena finanzjarja 2007, din il-limitazzjoni hija applikabbli għall-Italja, li għamlet spejjeż likwidi li jeċċedu l-allokazzjoni finanzjarja.

(6)

Skond l-Artikolu 17(4), tiġi applikata penali meta l-ispejjeż reali ta’ Stat Membru għal kull ettaru jeċċedu dawk previsti fl-allokazzjoni inizjali. Din is-sena din il-penali sejra tapplika għal Malta fl-ammont ta' EUR 16 690.

(7)

Skond l-Artikolu 16(1)(c) tar-Regolament (KE) Nru 1227/2000, l-Istati Membri jistgħu jippreżentaw appplikazzjoni ulterjuri fil-qafas tas-sena finanzjarja kurrenti. Din is-sena tali applikazzjoni tressqet mir-Repubblika Ċeka, Spanja, Franza, l-Italja, l-Ungerija, l-Awstrija u l-Portugall. Skond l-Artikolu 1(1) tar-Regolament tal-Kummissjoni (KE) Nru 922/2007 ta’ l-1 ta’ Awvissu 2007 li jidderoga mir-Regolament (KE) Nru 1227/2000 f'dak li għandu x'jaqsam mad-dispożizzjoni transitorja dwar l-allokazzjonijiet finanzjarji maħsuba għall-Bulgarija u għar-Rumanija għar-ristrutturazzjoni u l-konverżjoni (5), il-Bulgarija u r-Rumanija jistgħu jressqu talba lill-Kummissjoni għall-finanzjament ulterjuri ta' l-ispejjeż għas-sena finanzjarja 2007, li jeċċedu l-ammont notifikat lill-Kummissjoni skond l-Artikolu 16(1)(a) u (b) ta’ l-imsemmi Regolament, sa massimu ta’ 90 % ta’ l-allokazzjoni finanzjarja attribwita lilhom skond id-Deċiżjoni 2007/381/KE. Il-Bulgarija fil-fatt ressqet talba għal dan il-għan lill-Kummissjoni.

(8)

Skond l-Artikolu 17(3) tar-Regolament (KE) Nru 1227/2000 u l-Artikolu 1(2) tar-Regolament (KE) Nru 922/2007, it-talbiet għall-finanzjament ulterjuri nnotifikati lill-Kummissjoni minn Stati Membri oħra minbarra l-Bulgarija u r-Rumanija jintlaqgħu pro rata, bl-użu tal-krediti disponibbli wara t-tnaqqis tas-somma għall-Istati Membri kollha, ta’ l-ammonti nnotifikati skond l-Artikolu 16(1)(a) u (b) tar-Regolament (KE) Nru 1227/2000 u ta’ l-ammonti nnotifikati mill-Bulgarija u mir-Rumanija skond l-imsemmija dispożizzjoni ta' l-Artikolu 1(1) tar-Regolament 922/2007, ta' l-ammont totali allokat lill-Istati Membri. Din id-dispożizzjoni tapplika għas-sena finanzjarja 2007 għar-Repubblika Ċeka, Spanja, Franza, l-Italja, l-Ungerija, l-Awstrija u l-Portugall.

(9)

Skond l-Artikolu 16(1)(c) tar-Regolament (KE) Nru 1227/2000, l-Istati Membri jistgħu jressqu lill-Kummissjoni, sa mhux aktar tard mill-10 ta’ Lulju ta’ kull sena, dikjarazzjoni ta’ l-ispejjez likwidi ta’ ristrutturazzjoni u konverżjoni fit-30 ta' Ġunju tas-sena finanzjarja kurrenti, kif ukoll l-art totali kkonċernata. Ir-regoli ta’ l-Artikolu 17(2) ta' l-imsemmi regolament jistipulaw li l-Istati Membri m’għandhomx iressqu d-dikjarazzjoni imsemmija fl-Artikolu 16(1)(b), ħlief jekk l-ammont li ddikjaraw skond l-Artikolu 16(1)(a), jiġifieri n-nefqa effettiva fit-30 ta' Ġunju tas-sena finanzjarja, hija għallinqas ugwali għal 75 % ta' l-ammont ta' l-allokazzjoni indikattiva għall-Istat Membru kkonċernat. Jekk in-nefqa effettiva ma tilħaqx il-75 % ta’ l-allokazzjonijiet inizjali, l-ispejjeż likwidi nnotifikati mill-Ġermanja ma jistgħux jiġu aċċettati,