18.7.2007 |
MT |
Il-Ġurnal Uffiċjali ta’ l-Unjoni Ewropea |
L 186/46 |
DEĊIŻJONI TAL-KUMMISSJONI
tas-16 ta’ Lulju 2007
li temenda d-Deċiżjoni 2006/140/KE fir-rigward ta’ kontribut finanzjarju mill-Komunità għas-sena 2007 marbut ma’ l-istħarriġ fuq il-ġeni PrP reżistenti għat-TSE fil-mogħoż f’Ċipru
(notifikata taħt id-dokument numru C(2007) 3369)
(It-test Grieg biss huwa awtentiku)
(2007/507/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta’ Ġunju 1990 dwar in-nefqa fil-kamp veterinarju (1), u b’mod partikolari l-Artikolu 20 tagħha,
Billi:
(1) |
Il-qerda ta’ l-enċefalopatiji sponġiformi trażmissibbli (TSEs) fir-ruminanti żgħar, inkluża l-enċefalopatija sponġiformi bovina (BSE) li titqies bħala l-kawża tal-varjant fatali fil-bniedem magħruf bħala l-marda ta’ Creutzfeld Jacob, hija ta’ importanza ewlenija għall-protezzjoni tas-saħħa ta’ l-annimali u tal-konsumaturi. |
(2) |
Fl-2005, Ċipru ressqet stħarriġ bi-annwali dwar il-ġenotipi reżistenti għat-TSEs fil-mogħoż, bil-ħsieb li tikseb appoġġ finanzjarju mill-Komunità. L-għanijiet ta’ dak l-istħarriġ huma li jkompli jinvestiga l-ġene PrP tal-mogħoż f’dak l-Istat Membru sabiex jikkonferma r-riżultati ta’ studji preliminari preċedenti fejn kienu nstabu polimorfiżmi PrP speċifiċi li indikaw reżistenza għat-TSEs u sabiex jeżamina d-data ħalli jippermetti li tkun determinata l-prevalenza bażilineari tal-ġeni PrP reżistenti għat-TSEs fil-mogħoż. Ċipru għandu prevalenza għolja ħafna ta’ TSEs fil-mogħoż u għaldaqstant huwa l-aktar Stat Membru adatt sabiex iwettaq dan il-proġett sperimentali. L-istħarriġ beda fl-1 ta’ Jannar 2006. |
(3) |
Skond l-Artikolu 3(2)(a) tar-Regolament tal-Kunsill (KE) Nru 1290/2005 (2) tal-21 ta’ Ġunju 2005 dwar l-iffinanzjar tal-politika agrikola komuni, il-programmi ta’ l-eradikazzjoni u tal-kontroll tal-mard ta’ l-annimali (miżuri veterinarji) għandhom jiġu ffinanzjati mill-Fond Agrikolu Ewropew għall-Garanzija. Għal raġunijiet ta’ kontroll finanzjarju, għandhom japplikaw l-Artikoli 9, 36 u 37 ta’ dak ir-Regolament. |
(4) |
Id-Deċiżjoni tal-Kummissjoni 2006/140/KE tal-15 ta’ Frar 2006 dwar kontribut finanzjarju speċifiku mill-Komunità marbut ma’ l-istħarriġ dwar ġeni PrP reżistenti għat-TSE fil-mogħoż imressaq minn Ċipru għas-sena 2006 (3), tat kontribut finanzjarju mill-Komunità għas-sena 2006 għall-istudju tar-reżistenza ġenetika għat-TSE fil-mogħoż f’dak l-Istat Membru. |
(5) |
Għal raġunijiet baġitarji, l-assistenza Komunitarja tiġi deċiża kull sena. Jixraq li jingħata kontribut finanzjarju mill-Komunità għal dak l-istħarriġ biex ikopri s-sena 2007. Id-Deċiżjoni 2006/140/KE għandha għalhekk tiġi emendata biex tkopri lil dik is-sena. |
(6) |
L-Anness tad-Deċiżjoni 2006/140/KE jelenka l-assistenza finanzjarja li tagħti l-Komunità u wkoll il-mezzi għar-rappurtar tekniku u finanzjarju. Dak l-anness għandu jiġi emendat biex iqis l-assistenza finanzjarja għas-sena 2007 kif ukoll it-tibdiliet fir-rappurtar għal dik is-sena. |
(7) |
Għal raġunijijiet ta’ effiċjenza amministrattiva, in-nefqa kollha ppreżentata għal kontribut finanzjarju mill-Komunità għandha tiġi espressa f’euro. Skond ir-Regolament tal-Kunsill (KE) Nru 1290/2005 tal-21 ta’ Ġunju 2005 dwar l-iffinanzjar tal-politika agrikola komuni, ir-rata ta’ konverżjoni għan-nefqa f’valuta oħra li mhix l-euro għandha tkun l-aktar rata riċenti li tkun ġiet stabbilita mill-Bank Ċentrali Ewropew qabel l-ewwel jum tax-xahar li fih l-applikazzjoni tkun tressqet minn Ċipru. |
(8) |
Id-Deċiżjoni 2006/140/KE għandha għalhekk tiġi emendata skond dan. |
(9) |
Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
Id-Deċiżjoni 2006/140/KE hija emendata kif ġej:
(1) |
L-Artikolu 1 jinbidel b’dan li ġej: “Artikolu 1 1. Il-programm ta’ stħarriġ għall-ġeni PrP reżistenti għat-TSE fil-mogħoż ippreżentat minn Ċipru huwa hawnhekk approvat għal perjodu ta’ 24 xahar li jibda mill-1 ta’ Jannar 2006. 2. L-assistenza finanzjarja min-naħa tal-Komunità għall-programm li jirreferi għalih il-paragrafu 1 tkopri l-ispejjeż (minbarra l-VAT) imġarrba minn Ċipru għat-testijiet fil-laboratorju sa 100 % b’mod konformi mal-Kapitolu 1 ta’ l-Anness għas-sena 2006 u l-Kapitolu 3 għas-sena 2007. L-assistenza totali għandha tkun ammont massimu ta’ EUR 47 500 għas-sena 2006 u EUR 103 000 għas-sena 2007.” |
(2) |
L-Artikolu 2 huwa emendat kif ġej:
|
(3) |
L-Artikolu 3 jinbidel b’dan li ġej: “Artikolu 3 In-nefqa ppreżentata minn Ċipru għal kontribut finanzjarju mill-Komunità għandha tiġi espressa f’euro u għandha teskludi t-taxxa fuq il-valur miżjud u taxxi oħra. Ir-rata ta’ konverżjoni għan-nefqa għandha tkun l-aktar rata reċenti stabbilita mill-Bank Ċentrali Ewropew qabel l-ewwel jum tax-xahar li fih tkun tressqet l-applikazzjoni minn Ċipru.” |
(4) |
L-Anness huwa emendat skond l-Anness ta’ din id-Deċiżjoni. |
Artikolu 2
Din id-Deċiżjoni għandha tapplika mill-1 ta’ Jannar 2007.
Artikolu 3
Din id-Deċiżjoni hija indirizzata lir-Repubblika ta’ Ċipru.
Magħmul fi Brussell, 16 ta’ Lulju 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1990, p. 19. Id-Deċiżjoni kif emendata l-aħħar mir-Regolament (KE) Nru 1791/2006 (ĠU L 363, 20.12.2006, p. 1).
(2) ĠU L 209, 11.8.2005, p. 1. Ir-Regolament kif emendat l-aħħar bir-Regolament (KE) Nru 378/2007 (ĠU L 95, 5.4.2007, p. 1).
(3) ĠU L 54, 24.2.2006, p. 44.
ANNESS
Il-Kapitoli 3 u 4 li ġejjin jiżdiedu ma’ l-Anness tad-Deċiżjoni 2006/140/KE:
“KAPITOLU 3
Assistenza finanzjarja Komunitarja
Spejjeż |
Numru ta’ unitajiet |
Spiża unitarja f’euro |
Spiża totali f’euro |
Assistenza Komunitarja |
Il-ġenotipizzazzjoni PrP Analiżi ta’ l-SNP/sekwenzar tad-DNA |
11 000 analiżi |
8 EUR |
88 000 EUR |
Spejjeż ta’ massimu ta’ 88 000 analiżi għall-massimu ta’ 8 EUR kull analiżi |
Ittestjar rapidu: kitts u oġġetti konsumabbli tat-testijiet |
1 500 test |
10 EUR |
15 000 EUR |
Spejjeż ta’ massimu ta’ 1 500 test għall-massimu ta’ 10 EUR kull test |
|
Total |
Massimu ta’ 103 000 EUR |
KAPITOLU 4
Rappurtar tekniku u finanzjarju
Sezzjoni A: Rapport tekniku
Perjodu tar-rappurtar minn … sa …
Determinazzjoni tal-ġenotip PrP permezz ta’ l-analiżi ta’ l-SNP/is-sekwenzar tad-DNA
|
Nru ta’ kampjuni ta’ aċidu aminu fil-codon 146 |
|||
Aċidu aspartiku |
Serina |
… |
Oħrajn |
|
Stħarriġ tar-razza: Damascus |
|
|
|
|
Stħarriġ tar-razza: Saanen |
|
|
|
|
Stħarriġ tar-razza: Macheras Lokali |
|
|
|
|
Stħarriġ tar-razza: Lokali |
|
|
|
|
Stħarriġ tar-razza: French Alpine |
|
|
|
|
Merħliet ħielsa mill-iscrapie (unitajiet nuklei) |
|
|
|
|
Istoloġikament TSE + suspetti, test rapidu + |
|
|
|
|
Sezzjoni B: Dikjarazzjoni ta’ l-ispejjeż imġarrba għall-kontroll (1)
Perjodu tar-rappurtar minn … sa …
In-numru tar-referenza tad-Deċiżjoni tal-Kummissjoni li tipprovdi għal assistenza finanzjarja: …
Spejjeż imġarrba konnessa ma’ |
Numru ta’ unitajiet |
Spejjeż imġarrba matul il-perjodu tar-rappurtar (fil-munita nazzjonali) |
Ġenotipizzazzjoni PrP permezz ta’ l-analiżi ta’ l-SNP/is-sekwenzar tad-DNA. Numru ta’ testijiet: |
|
|
Ittestjar rapidu. Numru ta’ testijiet |
|
|
(1) Meta jiġi ppreżentat ir-rapport finali li jirreferi għalih l-Artikolu 2 (c), għal kull oġġett għandha tiġi pprovduta lista ta’ l-infiq kollu flimkien ma’ kopja tad-dokumenti ta’ verifika.”