13.7.2007 |
MT |
Il-Ġurnal Uffiċjali ta’ l-Unjoni Ewropea |
L 183/25 |
DEĊIŻJONI TAL-KUNSILL
ta' l-10 ta’ Lulju 2007
dwar linji gwida għall-politika dwar l-impjiegi ta’ l-Istati Membri
(2007/491/KE)
IL-KUNSILL TA’ L-UNJONI EWROPEA:
Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 128(2) tiegħu,
Wara li kkunsidraw il-proposta mill-Kummissjoni,
Wara li kkunsidra l-opinjoni tal-Parlament Ewropew (1),
Wara li kkunsidraw l-opinjoni tal-Kumitat Ekonomiku u Soċjali (2),
Wara li kkonsultaw il-Kumitat tar-Reġjuni,
Wara li kkunsidra l-opinjoni tal-Kumitat dwar l-Impjiegi (3),
Billi:
(1) |
Ir-riforma ta' l-Istrateġija ta' Liżbona fl-2005 enfasizzat it-tkabbir ekonomiku u l-impjiegi. Il-Linji ta' Gwida dwar l-Impjiegi ta' l-Istrateġija Ewropea dwar l-impjiegi li jinsabu fl-Anness għad-Deċiżjoni tal-Kunsill 200/600/KE tat-12 ta’ Lulju 2005 dwar il-Linji ta' Gwida għall-politika dwar l-impjiegi ta' l-Istati Membri (4) u l-Linji ta' Gwida Ġenerali dwar il-Politika Ekonomika li jinsabu fir-Rakkommandazzjoni tal-Kunsill 2005/601/KE tat-12 ta’ Lulju 2005 dwar il-linji gwida ġenerali għall-politika ekonomika ta' l-Istati Membri u l-Komunità (2005 sa 2008) (5) ġew adottati bħala pakkett integrat, li bih l-Istrateġija Ewropea dwar l-impjiegi għandha r-rwol ewlieni fl-implimentazzjoni ta' l-għanijiet ta' impjiegi u tas-suq tax-xogħol ta' l-Istrateġija ta' Liżbona. |
(2) |
Jeħtieġ li l-Unjoni timmobilizza r-riżorsi kollha xierqa, nazzjonali u Komunitarji, inkluża l-politika ta' koeżjoni, fit-tliet dimensjonijiet ta' l-istrateġija ta' Liżbona (ekonomika, soċjali u ambjentali) biex tkun tista' tisfrutta aħjar is-sinerġiji tagħhom f'kuntest ġenerali ta' żvilupp sostenibbli. |
(3) |
Il-Linji Gwida dwar l-impjiegi u l-Linji ta' Gwida ta' Politika Ekonomika Ġenerali għandhom ikunu riveduti bis-sħiħ biss kull tliet snin, filwaqt li fis-snin intermedjarji sa l-2008 l-aġġornament tagħhom għandu jibqa' limitat b'mod strett biex jiżgura l-grad ta' stabbilità meħtieġ għal implimentazzjoni effettiva. |
(4) |
L-eżami tal-Programmi Nazzjonali ta' Riforma ta' l-Istati Membri fir-Rapport Annwali ta' Progress tal-Kummissjoni u fir-Rapport Konġunt dwar l-Impjiegi turi li l-Istati Membri għandhom ikomplu jagħmlu kull sforz biex jindirizzaw l-oqsma ta' prijorità li huma
|
(5) |
Il-Kunsill Ewropew tat-23-24 ta’ Marzu 2006 enfasizza r-rwol ċentrali tal-politika dwar l-impjiegi fil-qafas ta' l-aġenda ta' Liżbona u l-ħtieġa taż-żieda fl-opportunitajiet ta' impjiegi għall-kategoriji ta' prijorità, fi ħdan strateġija għax-xogħol ibbażata fuq iċ-ċiklu tal-ħajja. F'dan ir-rigward, huwa approva l-Patt Ewropew għall-Ugwaljanza tas-Sessi li għandu jkompli jiġbed attenzjoni lejn l-integrazzjoni tas-sessi u jagħti impetu għat-titjib fil-perspettivi u l-opportunitajiet għan-nisa fuq skala wiesgħa. |
(6) |
It-tneħħija ta' ostakoli għall-mobilità tal-ħaddiema, kif elaborat fit-Trattati, inkluż it-Trattati ta' Adeżjoni, għandha ssaħħaħ l-iffunzonar tas-suq intern u ttejjeb il-potenzjal tiegħu għat-tkabbir u għall-impiegi. |
(7) |
Fid-dawl kemm ta' l-eżami mill-Kummissjoni tal-Programmi Nazzjonali ta' Riforma kif ukoll tal-konklużjonijiet tal-Kunsill Ewropew, il-punt fokali issa għandu jkun fuq implimentazzjoni effettiva u f'waqtha, fejn għandha tingħata attenzjoni speċjali lill-miri kwantitattivi miftiehma kif stabbilit fil-linji ta' gwida ta' l-2005-2008. |
(8) |
L-Istati Membri għandhom jikkunsidraw il-Linji ta' Gwida dwar l-Impjiegi meta jipprogrammaw l-użu tagħhom ta' finanzjament mill-Komunità, b'mod partikolari l-użu tal-Fond Soċjali Ewropew. |
(9) |
Tenut kont tan-natura integrata tal-pakkett ta' linji ta' gwida, l-Istati Membri għandhom jimplimentaw bis-sħiħ il-Linji ta' Gwida ta' Politika Ekonomika Ġenerali, |
ADOTTA DIN ID-DECIZJONI:
Artikolu 1
Il-linji ta' gwida għall-politiki dwar l-impjiegi għall-Istati Membri kif jinsabu fl-Anness għad-Deċiżjoni tal-Kunsill 2005/600/KE għandhom jinżammu għall-2007 u għandhom jitqiesu mill-Istati Membri fil-politiki tagħhom dwar l-impjiegi.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, 10 ta’ Lulju 2007.
Għall-Kunsill
Il-President
F. TEIXEIRA DOS SANTOS
(1) Opinjoni tal-15 ta’ Frar 2007 (għadha mhijiex ippubblikata fil-Ġurnal Uffiċjali).
(2) Opinjoni tal-25 ta’ April 2007 (għadha mhijiex ippubblikata fil-Ġurnal Uffiċjali).
(3) Opinjoni tat-2 ta’ Frar 2007 (għadha mhijiex ippubblikata fil-Ġurnal Uffiċjali).
(4) ĠU L 205, 6.8.2005, p. 21.
(5) ĠU L 205, 6.8.2005, p. 28.