|
29.6.2007 |
MT |
Il-Ġurnal Uffiċjali ta’ l-Unjoni Ewropea |
L 169/75 |
DEĊIŻJONI TAL-KUNSILL 2007/449/PESK
tat-28 ta’ Ġunju 2007
li timplimenta l-Pożizzjoni Komuni 2004/694/PESK dwar aktar miżuri ta' appoġġ għall-implimentazzjoni effettiva tal-mandat tat-Tribunal Kriminali Internazzjonali għal dik li qabel kienet il-Jugoslavja (ICTY)
IL-KUNSILL TA’ L-UNJONI EWROPEA,
Wara li kkunsidra l-Pożizzjoni Komuni tal-Kunsill 2004/694/PESK (1), u b’mod partikolari l-Artikolu 2 tagħha, flimkien mat-tieni inċiż ta’ l-Artikolu 23(2) tat-Trattat dwar l-Unjoni Ewropea,
Billi,
|
(1) |
Taħt it-termini tal-Pożizzjoni Komuni 2004/694/PESK, il-Kunsill adotta miżuri sabiex jiffriża l-fondi u r-riżorsi ekonomiċi kollha li jappartjenu għall-persuni fiżiċi elenkati fl-Anness għaliha, li jinsabu taħt att ta' akkuża mill-ICTY. |
|
(2) |
Wara t-trasferiment tas-Sur Zdravko TOLIMIR u s-Sur Vlastimir DJORDJEVIC għall-kustodja ta' l-ICTY fl-1 ta' Ġunju 2007, ismu għandu jitneħħa mil-lista. |
|
(3) |
Barra minn hekk, għandhom jiġu pprovduti raġunijiet rigward l-individwi li jibqgħu fuq il-lista. |
|
(4) |
Għalhekk jeħtieġ li l-lista li tinsab fl-Anness għall-Pożizzjoni Komuni 2004/694/PESK tiġi addattata kif meħtieġ, |
IDDEĊIEDA KIF ĠEJ:
Artikolu 1
L-Anness għall-Pożizzjoni Komuni 2004/694/PESK għandu jiġi sostitwit bl-Anness għal din id-Deċiżjoni.
Artikolu 2
Din id-Deċiżjoni għandu jkollha effett fid-data ta' l-adozzjoni tagħha.
Artikolu 3
Din id-Deċiżjoni għandha tiġi pubblikata fil-Ġurnal Uffiċjali ta' l-Unjoni Ewropea.
Magħmul fil-Lussemburgu, 28 ta’ Ġunju 2007.
Għall-Kunsill
Il-President
S. GABRIEL
(1) ĠU L 315, 14.10.2004, p. 52. Il-Pożizzjoni Komuni kif emendata bid-Deċiżjoni 2006/484/PESK (ĠU L 189, 12.7.2006, p. 25) u estiża mill-Pożizzjoni Komuni 2006/671/PESK (ĠU L 275/66, 6.10.2006, p. 66).
ANNESS
Lista ta' persuni msemmija fl-Artikolu 1
|
|
Individwu |
Raġuni |
|
1. |
Isem: HADZIC Goran (raġel) Data tat-twelid: 7.9.1958 Post tat-twelid: Vinkovci, Kroazja Ċittadin tas-Serbja |
akkużat mill-ICTY u għadu liberu Akkuża: 4 ta' Ġunju 2004 Każ nru.: IT-04-75 |
|
2. |
Isem: KARADZIC Radovan (raġel) Data tat-twelid: 19.6.1945 Post tat-twelid: Petnjica, il-muniċipalità ta' Savnik, Montenegro Ċittadin tal-Bożnja u Ħerzegovina |
akkużat mill-ICTY u għadu liberu Akkuża inizjali: 25 ta' Lulju 1995; it-tieni akkuża: 16 ta' Novembru 1995; akkuża emendata: 31 ta' Mejju 2000 Każ nru.: IT-95-5/18 |
|
3. |
Isem: MLADIC Ratko (raġel) Data tat-twelid: 12.3.1948 Post tat-twelid: Bozanovici, muniċipalità ta' Kalinovik, Bożnja u Ħerzegovina Ċittadin tal-Bożnja u Ħerzegovina |
akkużat mill-ICTY u għadu liberu Akkuża inizjali: 25 ta' Lulju 1995; it-tieni akkuża: 16 ta' Novembru 1995; akkuża emendata: 8 ta' Novembru 2002 Każ nru.: IT-95-5/18 |
|
4. |
Isem: ZUPLJANIN Stojan (raġel) Data tat-twelid: 22.9.1951 Post tat-twelid: Kotor Varos, Bożnja u Ħerzegovina Ċittadin tal-Bożnja u Ħerzegovina |
akkużat mill-ICTY u għadu liberu Akkuża inizjali: 17 ta' Diċembru 1999; it-tieni akkuża emendata: 6 ta' Ottubru 2004 Każ nru.: IT-99-36-I |