30.5.2007   

MT

Il-Ġurnal Uffiċjali ta’ l-Unjoni Ewropea

L 138/18

(1)

Id-Direttiva 96/23/KE tistabbilixxi miżuri għall-monitoraġġ ta’ sustanzi u gruppi ta’ residwi mniżżla fl-Anness I tagħha. Skond id-Direttiva 96/23/KE, l-inklużjoni u ż-żamma fuq il-lista tal-pajjiżi terzi li minnhom l-Istati Membri huma awtorizzati jimpurtaw annimali u prodotti primarji li joriġinaw mill-annimali koperti minn dik id-Direttiva, għandhom ikunu soġġetti għal sottomissjoni mill-pajjiżi terzi kkonċernati ta’ pjan li jistipula l-garanziji li huma joffru fejn jidħol il-monitoraġġ tal-gruppi ta’ residwi u sustanzi msemmija f’dik id-Direttiva.

(2)

Id-Deċiżjoni tal-Kummissjoni 2004/432/KE tad-29 ta’ April 2004 dwar l-approvazzjoni tal-pjanijiet tal-monitoraġġ tar-residwi sottomessi minn pajjiżi terzi skond id-Direttiva tal-Kunsill 96/23/KE (2) telenka dawk il-pajjiżi terzi li ssottomettew pjan tal-monitoraġġ tar-residwi, li jistipula l-garanziji offruti minnhom skond ir-rekwiżiti ta’ dik id-Direttiva.

(3)

Is-Serbja ressqet pjanijiet tal-monitoraġġ tar-residwi lill-Kummissjoni għal annimali u għal prodotti li joriġinaw mill-annimali li bħalissa mhumiex elenkati fid-Deċiżjoni 2004/432/KE. L-evalwazzjoni ta’ dawk il-pjanijiet u l-informazzjoni addizzjonali miksuba mill-Kummissjoni jipprovdu biżżejjed garanziji dwar il-monitoraġġ tar-residwi f’dak il-pajjiż terz għall-annimali u l-prodotti kkonċernati. L-annimali u l-prodotti rilevanti li joriġinaw mill-annimali għandhom għalhekk jiġu inklużi fil-lista għas-Serbja f’dik id-Deċiżjoni.

(4)

Greenland, in-Namibja u l-Paragwaj talbu biex ma jkunux inklużi fil-lista fid-Deċiżjoni 2004/432/KE għal xi kategoriji ta’ annimali u prodotti li joriġinaw mill-annimali. L-annotazzjonijiet li jikkonċernaw l-annimali u l-prodotti rilevanti li joriġinaw mill-annimali b’hekk għandhom jitneħħew mil-lista għal dawk il-pajjiżi terzi.

(5)

Il-Kosta Rika u l-Vjetnam li bħalissa huma elenkati għal ċerti annimali u prodotti li joriġinaw mill-annimali skond id-Deċiżjoni 2004/432/KE, ma ssottomettewx lill-Kummissjoni l-garanziji mitluba għal xi wħud minn dawn l-annimali u l-prodotti li joriġinaw mill-annimali. Barra minn hekk, spezzjonijiet mill-Uffiċċju Veterinarju u ta’ l-Ikel f’dawk il-pajjiżi terzi wrew nuqqasijiet serji f’dak li għandu x’jaqsam mal-monitoraġġ tar-residwi għall-annimali u l-prodotti kkonċernati. L-annotazzjonijiet li jikkonċernaw l-annimali u l-prodotti rilevanti li joriġinaw mill-annimali b’hekk għandhom jitneħħew mil-lista. Il-pajjiżi terzi kkonċernati kienu infurmati dwar dan.

(6)

Għandu jiġi stipulat perjodu tranżitorju biex ikopri l-kunsinni ta’ l-annimali u l-prodotti tagħhom li joriġinaw mill-Kosta Rika, Greenland, in-Namibja, il-Paragwaj u mill-Vjetnam li ntbagħtu minn dawn il-pajjiżi terzi għall-Komunità, qabel id-data ta’ l-applikazzjoni ta’ din id-Deċiżjoni, biex ikopri ż-żmien meħtieġ għall-wasla tagħhom fil-Komunità.

(7)

Id-Deċiżjoni 2004/432/KE għandha għalhekk tiġi emendata skond dan.

(8)

Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,