ANNESS I
Parti I: mudell għall-annimali
Parti I: mudell għall-prodotti
Parti I: mudell għall-prodotti fi tranżitu/stokkjar
Parti I: mudell għas-semen, embrijuni u ova
Parti II
NOTI TA' SPJEGAZZJONI DWAR IĊ-ĊERTIFIKAT VETERINARJU TA' INTRODUZZJONI TA' L-ANNIMALI ĦAJJIN, TAS-SEMEN, TA' L-EMBRIJUNI, TA' L-OVA U TAL-PRODOTTI LI JORIĠINAW MILL-ANNIMALI FIL-KOMUNITÀ EWROPEA
Ġeneralitajiet: Jekk jogħġbok imla d-dokument b'ittri kbar: Biex tikkonferma għażla, jekk jogħġbok immarka il- Kaxxa jew ikteb l-ittra X.
Meta jissemmew, il-kodiċi ISO jagħmlu referenza għall-kodiċi tal-pajjiż b'żewġ ittri, Skond in-norma internazzjonali ISO 3166 alpha-2.
L-ewwel Parti – Tagħrif rigward il-lott mibgħut
Pajjiż: Jekk jogħġbok indika l-isem tal-pajjiż terz li joħroġ iċ-ċertifikat
Kaxxa I.1.
Mingħand: Jekk jogħġbok indika l-isem u l-indirizz (it-triq, il-belt u r-reġjun/provinċja/stat skond il-każ) tal-persuna fiżika jew morali li tibgħat il-lott. Hu rrakkomandat li jingħata n-numru tat-telefown, tal-fax jew l-email.
Kaxxa I.2:
In-Nru ta' referenza taċ-ċertifikat hu numru li l-awtorità kompetenti tal-pajjiż terz għandu jagħti skond il-klassifikazzjoni tiegħu stess.
Kaxxa I.2.a
Irriżervat għall-avviż TRACES. In-Nru TRACES taċ-ċertifikat hu numru ta' referenza uniku mogħti mis-sistema TRACES.
Kaxxa I.3:
Awtorità ċentrali kompetenti: Isem ta' l-awtorità ċentrali tal-pajjiz li qed jibgħat responsabbli għaċ- ċertifikazzjoni.
Kaxxa I.4:
Awtorità lokali kompetenti: fejn meħtieġ, isem l-awtorità lokali responsabbli tal-post ta' oriġini jew il-post tal-pajjiz li jibgħat, responsabbli għaċ-ċertifikazzjoni.
Kaxxa I.5:
Destinatarju: jekk jogħġbok indika l-isem u l-indirizz (it-triq, il-belt u kodiċi postali) tal-persuna fiżika jew morali lil min hu indirizzat il-lott fl-Istat Membru ta' destinazzjoni.
F'każ ta' tranżitu tal-merkanzija fi ħdan l-UE, dan it-tagħrif mhux obbligatorju.
Kaxxa I.6:
Responsabbli mit-tagħbija fi ħdan l-UE:
|
1: |
f'każ ta' tranżitu tal-prodotti fi ħdan l-UE: jekk jogħġbok indika l-isem u l-indirizz (it-triq, il-belt u l-kodiċi postali). Hu rrakkomandat li jingħataw in-numri tat-telefown tal-fax jew l-email. Din il-persuna hi responsabbli mil-lott waqt il-preżentazzjoni tiegħu fil-post ta' spezzjoni bejn il-fruntieri u tagħmel id-dikjarazzjonijiet meħtieġa lill-awtoritajiet kompetenti f'isem l-importatur: |
|
2: |
f'każ ta' importazzjoni tal-prodotti, l-annimali jew is-semen, l-embrijuni, l-ova fl-UE: Irriżervat għall-avviż TRACES, jekk jogħġbok indika l-isem u l-indirizz (it-triq, il-belt u l-kodiċi postali). Hu rrakkomandat li jingħataw in-numri tat-telefown il-fax .jew l-email. |
Dan it-tagħrif jista' jiġi emendat sat-twaqqif ta' dokument veterinarju komuni ta' dħul.
Kaxxa I.7:
Il-pajjiż ta' l-oriġini: Jekk jogħġbok indika l-isem tal-pajjiż terz fejn il-prodotti finali ġew prodotti, magħmula jew imballatti jew fejn l-annimali qagħdu tul il-perjodu legali meħtieġ.
Kaxxa I.8:
Reġjun ta' l-oriġini: Jekk hemm bżonn: Tikkonċerna biss l-ispeċi jew il-prodotti miltquta minn miżuri ta' reġjonalizzazzjoni jew mit-twaqqif ta' żoni miftehma skond Deċiżjoni tal-Komunità Ewropea. Ir-reġjuni jew iż-żoni miftehma għandhom jiġu indikati kif inhuma deskritti fil-Ġurnal Uffiċjali ta' l-UE.
Kodiċi: kif indikat fir-regolamentazzjoni rilevanti.
Kaxxa I.9:
Pajjiż ta' destinazzjoni: Jekk jogħġbok indika l-isem ta' l-Istat Membru fejn huma ddestinati l-annimali jew il-prodotti.
F'każ ta' prodotti f'tranżitu, jekk jogħġbok indika l-isem tal-pajjiż terz ta' destinazzjoni.
Kaxxa I.10:
Reġjun ta' destinazzjoni: Cf Kaxxa I.8.
Kaxxa I.11:
Post ta' l-oriġini: Post minn fejn jiġu l-annimali jew il-prodotti
Għall-annimali: razzett jew kull impriża agrikola, industrijali jew kummerċjali oħra kkontrollata b'mod uffiċjali, kif ukoll iż-zoos, il-parkijiet tad-divertiment, riservi naturali u r-riservi għall-kaċċa fejn jinżammu l-annimali jew jitrabbew bħas- soltu.
Għas-semen, l-embrijuni u l-ova: Ċentri ta' ġabra jew ta' ħażna tas-semen. Kif ukoll it-timijiet ta' ġabra jew ta' produzzjoni ta' l-embrijuni u l-ova.
Għall-prodotti jew sottoprodotti li joriġinaw mill-animali, kull unità ta' impriża tas-settur ta' l-ikel jew tas-settur ta' l-għalf għall-annimali. Jeħtieġ li jiġu mmarkati biss l-istabbilimenti li jibagħtu l-prodotti jew sottoprodotti u li jissemma l-isem tal-pajjiż li jibgħat jekk ikun differenti mill-pajjiż ta' oriġini,
Jekk jogħġbok indika l-isem u l-indirizz (it-triq, il-belt u r-reġjun/provinċja/stat skond il-każ) u n-numru ta' ftehim jew ta' reġistrazzjoni ta' dawn l-istrutturi meta dan ta' l-aħħar jinħtieġ mir- Regolamentazzjoni.
Kaxxa I.12:
Post tad-destinazzjoni: F'każ ta' ħażna tal-prodotti fi tranżitu: Jekk jogħġbok indika l-isem, l-indirizz (it-triq, il-belt u l-kodiċi postali) u n-numru ta' ftehim jew ta' reġistrazzjoni tal-maħżen f' żona ħielsa, tal-maħżen ħieles, tal-maħżen doganali jew tal-fornitur tal-bastimenti.
Post tad-destinazzjoni: F'każ ta' importazzjoni fl-UE: Irriżervat għall-avviż TRACES. Post lejn fejn jitmexxew l-annimali jew il-prodotti sabiex jinħattu definittivament. Jekk jogħġbok indika l-isem, l-indirizz (it-tirq, il-belt u l-kodiċi postali) ara n-numru tal-ftehim jew ta' reġistrazzjoni ta' l-istrutturi tal-post ta' destinazzjoni fejn meħtieġ. Hu rrakkomandat li jingħataw in-numri tat-telefown, tal-fax jew l-email.
Kaxxa I.13:
Il-post tat-tagħbija: Għall-annimali: Jekk jogħġbok indika il-post fejn huma mgħobbija l-annimali, ub'mod partikolari f'każ ta' ġbir minn qabel, l-informazzjoni dwar iċ-ċentri ta' ġbir: Jikkonċerna ċ-ċentri uffiċjali ta' ġbir ta' l-annimali qabel ma jintbagħtu. Huma għandhom jiġu miftiehma mill-awtorità uffiċjali u jkunu taħt il-kontroll tagħha.
Għall-prodotti, is-semen u l-embrijuni, jekk jogħġbok indika l-post tat-tagħbija jew il-post ta' imbarkazzjoni.
Kaxxa I.14:
Data u ħin ta' tluq:
Għall-annimali: Jekk jogħġbok indika d-data u l-ħin stipulati meta l-annimali għandhom jitilqu.
Għall-prodotti, is-semen, l-embrijuni u l-ova: Jekk jogħġbok indika d-data ta' tluq.
Kaxxa I.15:
Mezzi tat-trasport: jekk jogħġbok indika d-dettalji kollha relatati mal-mezzi tat-trasport.
Il-mezz tat-trasport (bl-ajru, bl-ilma, bil-ferrovija, bit-triq, oħrajn).
L-identifikazzjoni tal-mezz ta' trasport: bl-ajru, in-numru tat-titjira, bil-baħar, l-isem tal-bastiment, bil-ferrovija, l-isem tal-ferrovija u tal-vaguni u bit-triq, in-numru tal-pjanċa tal-karozza u n-numru tat-trejler fejn meħtieġ. Oħrajn: Mezzi ta' trasport mhux imniżżla mid-Direttiva 91/628/KEE rigward il-benessri ta' l-annimali tul it-trasport. F'każ ta' modifika tal-mezz tat-trasport wara ħarġa taċ- ċertifikat, il-persuna li tibgħat hi responsabbli sabiex tavża il-FIP bid-dħul fl-UE.
Referenza tad-dokument: mhux obbligatorja: jekk jogħġbok indika n-numru tal-kont tat-trasport bl-ajru, in-numru tal-polza tat-tagħbija marittima jew in-numru kummerjċlai tal-ferrovija jew tat-triq.
Kaxxa I.16:
FIP ta' dħul fl-UE: Jekk jogħġbok indika l-isem u n-numru ta' l-FIP kif jidhru fil-Ġurnal Uffiċjali ta' l-UE. Din l-informazzjoni tista' tiġi emendata sakemm jitwaqqaf dokument veterinarju komuni ta' dħul.
Kaxxa I.17:
Numru tal-liċenzja CITES: Ma tikkonċernax l-annimali u l-prodotti mniżżla fil-Konvenzjoni ta' Washington dwar l-ispeċi protetti.
Kaxxa I.18:
Deskrizzjoni ta' l-oġġetti: Agħti deskrizzjoni veterinarja tal-merkanzija jew uża l-intestaturi hekk kif jidhru fis-Sistema Armonizzata ta' l-Organizzazzjoni Dinjija Doganali, imniżżla fir-Regolament emendat (KEE) Nru 2658/87. Din id-deskrizzjoni doganali se titlesta, fejn meħtieġ, minn kull informazzjoni meħtieġa għall-kategorizzazzjoni veterinarja ta' l-oġġetti (speċi, trattament...).
Kaxxa I.19:
Kodiċi ta' l-oġġetti (kodiċi SH): Agħti l-kodiċi hekk kif jidher fis-Sistema Armonizzata ta' l-Organizzazzjoni Dinjija Doganali, imniżżla fir-Regolament emendat (KEE) Nru 2658/87.
Kaxxa I.20:
Kwantità: Rigward l-annimali u l-prodotti li ġejjin mill-annimali (is-semen, l-ova, l-embrijuni) jekk jogħġbokindika l-ammont totali ta' l-irjus jew ta' l-istros espressi f'unità.
Rigward l-annimali ta' l-akkwakultura u għall-prodotti jekk jogħġbok indika l-piż gross totali u l-piż nett totali f'kg.
Kaxxa I.21:
Temperatura tal-prodott: Jikkonċerna biss il-prodotti li ġejjin mill-annimali: Jekk jogħġbok immarka l-mezzxieraq tat-temperatura tat-trasport/tal-ħażna tal-prodotti.
Kaxxa I.22:
Numru ta' pakketti Jekk jogħġbok indika l-ammont totali tal-kaxxi, tal-gaġeġ u ta' l-istalel li fihom jinġarru l-annimali, in-numru tal-kontenituri krijoġeniċi għas-semen, l-ova u l-embrijuni u l-għadd ta' pakketti għall-prodotti.
Kaxxa I.23:
Nru tas-siġilli u nru tal-kontenituri: In-numru tas-siġilli jista' jinħtieġ mir- regolamentazzjoni. Jekk meħtieġ, jekk jogħġbok indika n-numri ta' identifikazzjoni kollha tas-siġilli u tal-kontenituri. Meta ma jkun hemm l-ebda ħtieġa regolamentari, din l-informazzjoni mhix obbligatorja.
Kaxxa I.24:
Tip ta' pakketti: ma jikkonċernax il-prodotti.
Kaxxa I.25:
Oġġetti ċċertifikati sabiex: jekk jogħġbok indika l-għan ta' l-importazzjoni ta' l-annimali jew l-użu previst tal-prodotti. (Huma biss l-għażliet possibbli li se jidhru fuq kull ċertifikat speċifiku)
Trobbija: għall-annimali ta' trobbija u għall-produzzjoni.
Tismin: jikkonċerna biss lin-ngħaġ, lill-mogħoż, lill-baqar u lill-ħnieżer.
Il-qtil: għall-annimali destinati għall-biċċerija.
Kwarantina: tirreferi għad-Deċiżjoni 2000/666/KE għall-għasafar, għad-Direttiva 92/65/KEE għall-karnivori, il-primati u l-friefet-il lejl u għad-Direttiva tal-Kunsill 2006/88/KE għall-annimali ta' l-akkwakoltura.
Organizzazzjoni rikonoxxuta: entità, istitut jew ċentru rikonoxxut uffiċjalment skond id-Direttiva 92/65/KEE
Riproduzzjoni artifiċjali: ma jikkonċernax is-semen, l-ova u l-embrijuni.
Equidae reġistrati: skond id-Direttiva 90/426/KEE.
Rikonstituzzjoni ta' l-annimali tal-kaċċa: tikkonċerna biss l-annimali tal-kaċċa għar-rikostituzzjoni tal-ħażniet u l-ħut għall-finijiet tar-rikostituzzjoni tal-ħażniet tas-sajd għat-tkabbir organizzat.
Annimali domestiċi: Annimali li l-ispeċi tagħhom tidher fl-Anness I tar-Regolament (KE) 998/2003 u li huma suġġetti għal tranżazzjonijiet kummerċjali.
Ċirku/eżibizzjoni: jikkonċerna biss iċ-ċirki u l-annimali ta' kompetizzjoni kif ukoll l-annimaliakkwatiċi destinati għall-akwarjum.
Stokkjar mill-ġdid: Jikkonċerna biss il-prodotti ta' l-akkwakoltura
Konsum mill-bniedem: Jikkonċerna biss il-prodotti maħsuba għall-konsum mill-bniedem u li għalihom jinħtieġ ċertifikat sanitarji mir-regolamentazzjoni.
Għalf: jikkonċerna biss il-prodotti maħsuba għall-għalf li huma stipulati mir-Regolament 1774/2002 tal-Parlament Ewropew u tal-Kunsill.
Proċessar: jikkonċerna biss il-prodotti jew l-annimali li għandhom jiġu pproċessati qabel it-tqegħid tagħhom fis-suq:
Użu tekniku: prodotti li mhumiex tajbin għall-konsum mill-bniedem u mill-annimali, bħal dawk definiti mir-Regolament 1774/2002 emendat tal-Parlament Ewropew u tal-Kunsill.
Oħrajn: Maħsuba għal finijiet mhux imsemmija f'din il-klassifikazzjoni.
Kaxxa I.26:
Tranżitu mill-UE lejn pajjiż terz: jikkonċerna biss tranżiti ta' prodotti li ġejjin mill-annimali fi ħdan l-UE/ŻEE li ġejjin minn pajjiżi terzi lejn pajjiż terz ieħor: jekk jogħġbok indika l-isem u l-kodiċi ISO tal-pajjiż terz ta' destinazzjoni. (Kaxxa speċifika għaċ-ċertifikati għat-tranżitu u l-ħażna kif ukoll għall-ħażna mill-fornituri tal-bastimenti.).
Kaxxa I.27:
Għall-importazzjoni jew id-dħul temporanju fl-UE: (Kaxxa speċifika għaċ-ċertifikati ta' importazzjoni u ta' dħul).
Importazzjoni definittiva: Din l-għażla ma tidhirx fil-qafas ta' l-introduzzjoni ta' l-ispeċi ta' l-annimali awtorizzati wkoll għal dħul mill-ġdid jew dħul temporanju (eż. iż-żwiemel reġistrati).
Dħul mill-ġdid: din l-għażla tidhir biss fil-qafas ta' l-introduzzjoni ta' l-ispeċi ta' l-annimali awtorizzati għal dħul mill-ġdid (eż iż-żwiemel reġistrati maħsuba għat-tiġrijiet, għall-kompetizzjoni u wirjiet kulturali wara esportazzjoni temporanja (id-Deċiżjoni tal-Kummissjoni 93/195/KEE)).
Dħul temporanja: din l-għażla tidhir biss fil-qafas ta' l-introduzzjoni ta' l-ispeċi ta' l-annimali awtorizzati għal dħul temporanju (eż iż-żwiemel reġistrati għal perjodu massimu ta' 90 ġurnata).
Kaxxa I.28:
Identifikazzjoni ta' l-oġġetti: jekk jogħġbok semmi l-eżiġenzi speċifiċi għall-ispeċi ta' l-annimali u t-tip tal-prodotti. L-informazzjoni meħtieġa, imnizzla hawn taħt b'mod eżawrjenti, hija ddeterminati f'kull ċertifikat speċifiku.
Għall-annimali ħajjin: Speċi (Isem speċifiku), Razza/kategorija, Metodu ta' identifikazzjoni, Numru ta' identifikazzjoni, Età, Sess, Kwantità, Test.
Għas-semen, l-embrijuni, l-ova: Speċi (Isem speċifiku), Razza/kategorija, Marka ta' identifikazzjoni, Data tal-ġabra, Numru ta' approvazzjoni taċ-ċentru/tim, Identifikazzjoni tad-donatur, Kwantità.
Għall-prodotti: Speċi (Isem xjentifiku), Tip ta' oġġetti, Tip ta' trattament, Numru ta' approvazzjoni ta' l-istabbilimenti (Biċċerija; post fejn jaqtgħu l-laħam/post fejn isir il-proċessar, Il-maħżen tal-friża), Numru tal-lott, Numru ta' kundizzjonijiet, Piż nett.
Il-Parti II – Ċertifikazzjoni
Kaxxa II.
Tagħrif sanitarju: Jekk jogħġbok imla din il-parti skond Ir-regolamentazzjoni rilevanti.
Kaxxa II.a.
Nru ta' referenza: Cf il-Kaxxa I.2.
Kaxxa II.b.
Nru ta' referenza TRACES: Cf il-Kaxxa I.2.a.
Veterinarju uffiċjali: Jekk jogħġbok indika l-isem tiegħu, il-kwalifika tiegħu u t-titlu tiegħu kif ukoll id-data tal-firma. Fil-każijiet stipulati mil-leġiżlazzjoni rilevanti, il-veterinarji li jagħmel l-ispezzjoni jista' jinbidel minn spettur uffiċjali.