24.8.2007

Il-Ġurnal Uffiċjali ta’ l-Unjoni Ewropea

410

DEĊIŻJONI TAL-KUMMISSJONI

tas-26 ta' Marzu 2007

li temenda d-Deċiżjoni 2006/769/KE li tfassal il-lista ta' reġjuni u żoni eliġibbli għal finanzjament mill-Fond Ewropew għall-Iżvilupp Reġjonali taħt il-fergħat transkonfinali u transnazzjonali ta' l-objettiv tal-kooperazzjoni territorjali Ewropea għall-perjodu 2007-2013 fir-rigward tal-Bulgarija u r-Rumanija

(notifikat bid-dokument numru C(2007) 1284)

(2007/190/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1083/2006 tal-11 ta' Lulju 2006 li jistabbilixxi dispożizzjonijiet ġenerali dwar il-Fond Ewropew ta' l-Iżvilupp Reġjonali, il-Fond Soċjali Ewropew u l-Fond ta' Koeżjoni, u li jirrevoka r-Regolament (KE) Nru 1260/1999 (1), u b'mod partikolari l-Artikolu 7 tiegħu,

Billi:

(1)

Bid-Deċiżjoni 2006/769/KE tal-31 ta' Ottubru 2006 (2), il-Kummissjoni stabbiliet lista ta' reġjuni u żoni eliġibbli għal finanzjament mill-Fond Ewropew għall-Iżvilupp Reġjonali taħt il-fergħat transkonfinali u transnazzjonali ta' l-objettiv tal-kooperazzjoni territorjali Ewropea għall-perjodu 2007-2013.

(2)

Wara l-adeżjoni tal-Bulgarija u r-Rumanija, ir-reġjuni u ż-żoni minn dawk l-Istati Membri għandhom jiġu miżjuda mal-lista ta' reġjuni u żoni eliġibbli għall-iffinanzjar mill-Fond Ewropew għall-Iżvilupp Reġjonali taħt il-fergħat transkonfinali u transnazzjonali ta' l-objettiv tal-kooperazzjoni territorjali Ewropea.

(3)	Il-miżuri stipulati f'din id-Deċiżjoni huma fi qbil ma' l-opinjoni tal-Kumitat ta' Koordinament tal-Fondi.

(4)	Id-Deċiżjoni tal-Kummissjoni 2006/769/KE għandha għalhekk tiġi emendata.

(5)	F'ġieh iċ-ċarezza u ċ-ċertezza legali, din id-Deċiżjoni għandha tapplika mid-data ta' l-adeżjoni tal-Bulgarija u r-Rumanija,

ADOTTAT DIN ID-DEĊIŻJONI:

Artikolu 1

Id-Deċiżjoni 2006/769/KE hija emendata kif ġej:

L-Anness I huwa emendat hekk:

(a)

għandhom isiru dawn iż-żidiet li jmiss wara “BE353 Arr. Philippeville”.

“BG311	Vidin
BG312	Montana
BG313	Vratsa
BG314	Pleven
BG321	Veliko Tarnovo
BG323	Ruse
BG325	Silistra
BG332	Dobrich
BG413	Blagoevgrad
BG422	Haskovo
BG424	Smolyan
BG425	Kardzhali”;

(b)

għandhom isiru dawn iż-żidiet li jmiss wara “PT184 Baixo Alentejo”.

“RO111	Bihor
RO115	Satu Mare
RO223	Constanţa
RO312	Călăraşi
RO314	Giurgiu
RO317	Teleorman
RO411	Dolj
RO413	Mehedinţi
RO414	Olt
RO421	Arad
RO424	Timiş”.

Fl-Anness II, il-lista ta' żoni taħt it-titolu “IX-XLOKK TA' L-EWROPA” tiġi emendata kif ġej:

(a)

iż-żidiet li jmiss jiddaħħlu qabel “GR11 Anatoliki Makedonia, Thraki”

“BG31	Severozapaden
BG32	Severen tsentralen
BG33	Severoiztochen
BG34	Yugoiztochen
BG41	Yugozapaden
BG42	Yuzhen tsentralen”

(b)

għandhom isiru dawn iż-żidiet li jmiss wara “AT34 Vorarlberg”:

“RO11	Nord-Vest
RO12	Centru
RO21	Nord-Est
RO22	Sud-Est
RO31	Sud-Muntenia
RO32	Bucureşti-Ilfov
RO41	Sud-Vest Oltenia
RO42	Vest”.

Artikolu 2

Din id-Deċiżjoni għandha tgħodd mill-1 ta' Jannar 2007.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, 26 ta' Marzu 2007.

Għall-Kummissjoni

Danuta HÜBNER

Membru tal-Kummissjoni

(1) ĠU L 210, 31.7.2006, p. 25. Ir-Regolament kif emendat l-aħħar bir-Regolament (KE) Nru 1989/2006 (ĠU L 411, 30.12.2006, p. 6).

(2) ĠU L 312, 11.11.2006, p. 47.