24.8.2007   

MT

Il-Ġurnal Uffiċjali ta’ l-Unjoni Ewropea

343

(1)

Fis-6 ta' Awissu 2001, il-Kummissjoni adottat id-Deċiżjoni 2001/657/KE li tidderoga mid-definizzjoni tal-kunċett ta' “prodotti oriġinarji” biex tqis is-sitwazzjoni speċjali ta' Saint Pierre et Miquelon fir-rigward tal-produzzjoni ta' flettijiet iffriżati tal-merluzz, tar-redfish, tal-barbun u tal-ħalibatt tal-kodiċi NK 0304 20 (2). Din id-deroga waslet fi tmiemha fil-31 ta' Awissu 2006.

(2)

Fit-30 ta' Novembru 2006, Saint Pierre et Miquelon applikat għal deroga ġdida, fuq tul ta' sitt snin, mir-regoli dwar l-oriġini definiti fl-Anness III tad-Deċiżjoni 2001/822/KE. Din it-talba tirrigwarda kwantità globali annwali ta' 2 200 tunnellata ta' flettijiet iffriżati tal-ħut, ta' ħut bir-ras imneħħija, mnaddfa, iffriżati, ta' flettijiet tal-merluzz immellaħħ u sħiħ u tal-laħam (jew il-mili) ta' ħut iffriżat li joriġina minn pajjiżi terzi, li jiġu pproċessati f'Saint Pierre et Miquelon biex jiġu esportati lejn il-Komunità. Id-deroga ntalbet mhux biss għall-prodotti tas-sajd li kienu koperti mid-Deċiżjoni 2001/657/KE, imma wkoll għal prodotti oħra tas-sajd li jaqgħu taħt il-kodiċijiet tan-NM 0303, 0304 u 0305.

(3)

Saint Pierre et Miquelon ibbażat it-talba tagħha fuq l-insuffiċjenza persistenti ta' sorsi ta' forniment ta' ħut diġà ta' l-oriġini.

(4)

Huwa f'loku li tingħata deroga mir-regoli ta' l-oriġini kif definiti fl-Anness III tad-Deċiżjoni 2001/822/KE għall-prodotti li jaqgħu taħt il-kodiċijiet NM 0304 u NM 0305. Effettivament, id-deroga hija ġġustifikata mill-Artikolu 37(1) u (5), il-punti a) u b), ta' l-Anness imsemmi, partikolarment f'dak li jirrigwarda l-iżvilupp ta' industrija lokali eżistenti, l-impatt ekonomiku u soċjali u l-qagħda partikolari ta' Saint-Pierre et Miquelon. Fil-fatt, ġaladarba d-deroga tirrigwarda prodotti li jfissru pproċessar reali, sejra tgħin fl-iżvilupp ta' industrija eżistenti. Din id-deroga hija essenzali għaż-żamma ta' l-attività tal-fabbrika kkonċernata, li tħaddem għadd kbir ta' impjegati permanenti u ta' l-istaġun. L-użu tad-deroga mogħtija fl-2001 kien baqa' baxx ħafna (108 tunnellata fl-2003, 552 tunnellata fl-2004, 356 tunnellata fl-2005 u 491 tunnellata minn Jannar sa Novembru 2006). Id-deroga għaldaqstant għandha tingħata għall-istess kwantità globali annwali bħal dik koperta mid-deroga mogħtija fl-2001, jiġifieri 1 290 tunnellata. Barra minn hekk, it-twessigħ tad-deroga għal għadd akbar ta' speċijiet minn dak kopert mid-Deċiżjoni 2001/675/KE sejjer jippermetti użu aħjar tal-kwantità li tgawdi mid-deroga.

(5)

Suġġett għal konformità ma ċerti kondizzjonijiet li għandhom x'jaqsmu mal-kwantitajiet, u t-tul ta' żmien, id-deroga ma għandhiex tikkaġuna ħsara serja lil settur ekonomiku tal-Komunità jew ta' wieħed jew aktar mill-Istati Membri.

(6)

Mill-ekonomija ġenerali ta' l-Artikolu 37 jirriżulta li deroga mir-regoli ta' l-oriġini definiti fl-Anness III tad-Deċiżjoni 2001/822/KE ma tistax tingħata għal prodotti li jaqgħu taħt il-kodiċi NM 0303. Fil-fatt, ma jgħinux għall-iżvilupp ta' industrija eżistenti, minħabba li huma s-suġġett ta' ħidmiet ta' kondizzjonament, li ma għandhomx il-karattru ta' attivitajiet tassew industrijali.

(7)

Ir-Regolament tal-Kummissjoni (KEE) Nru 2454/93 tat-2 ta' Lulju 1993 li jiffissa ċerti dispożizzjonijiet ta' applikazzjoni tar-Regolament tal-Kunsill (KEE) Nru 2913/92 li jistabbilixxi l-kodiċi doganali Komunitarju (3), jiffissa r-regoli tal-ġestjoni tal-kwoti tariffarji. Dawn ir-Regoli għandhom ikunu applikati mutatis mutandis għall-ġestjoni tal-kwantità li għaliha qed tingħata d-deroga kkonċernata.

(8)

Ġaladarba d-Deċiżjoni 2001/822/KE tintemm fil-31 ta' Diċembru 2011, jeħtieġ li jiġi previst li d-deroga tkompli tapplika lil hinn mill-31 ta' Diċembru 2011, jekk qabel dik id-data tiġi adottata deċiżjoni dwar dwar l-assoċjazzjoni tal-pajjiżi u t-territorji lil hinn mill-baħar mal-Komunità Ewropea, jew inkella jekk tiġi estiża d-Deċiżjoni 2001/822/KE.

(9)

Il-miżuri pprovduti b'din id-Deċiżjoni jikkonformaw ma' l-opinjoni tal-Kumitat tal-Kodiċi Doganali,

—

“Derogation – Decision no …”;

—

“Dérogation – Décision no ....”.