24.8.2007 |
MT |
Il-Ġurnal Uffiċjali ta’ l-Unjoni Ewropea |
273 |
DEĊIŻJONI TAL-KUMMISSJONI
ta' l-20 ta' Frar 2007
li temenda d-Deċiżjoni 2006/415/KE dwar ċerti miżuri ta' ħarsien marbuta ma' l-influwenza tat-tjur li għandha patoġeniċità għolja, tas-subtip H5N1, fit-tjur ta' l-irziezet fl-Ungerija u fir-Renju Unit
(notifikat bid-dokument numru C(2007) 510)
(Test b'rilevanza għaż-ŻEE)
(2007/128/KE)
IL-KUMMISSJONI TAL-KOMUNITAJIET EWROPEJ,
Wara li kkunsindrat id-Direttiva tal-Kunsill 89/662/KEE tal-11 ta' Diċembru 1989 dwar kontrolli veterinarji fil-kummerċ intra-Komunitarju bil-għan li jiġi kkompletat is-suq intern (1), u b'mod partikolari l-Artikolu 9(4) tagħha,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar il-kontrolli veterinarji u żootekniċi applikabbli għall-kummerċ intrakomunitarju ta' ċerti annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(4) tagħha,
Billi:
(1) |
Id-Deċiżjoni tal-Kummissjoni 2006/415/KE ta' l-14 ta' Ġunju 2006 li għandha x'taqsam ma' ċerti miżuri ta' ħarsien fir-rigward ta' influwenza tat-tjur ta' patoġeniċità għolja tas-subtip H5N1 fit-tjur ta' l-irziezet fil-Komunità u li tirrevoka d-Deċiżjoni 2006/135/KE (3) tistipula ċerti miżuri ta' ħarsien sabiex tipprevjeni l-firxa ta' l-influwenza tat-tjur fil-partijiet tal-Komunità ħielsa mill-marda permezz taċ-ċaqliq ta' għasafar kif ukoll ta' prodotti tagħhom. |
(2) |
Il-Kummissjoni adottat id-Deċiżjoni 2007/79/KE tal-31 ta' Jannar 2007 li temenda d-Deċiżjoni 2006/415/KE li għandha x'taqsam ma' ċerti miżuri ta' ħarsien fir-rigward ta' influwenza tat-tjur ta' patoġeniċità għolja tas-subtip H5N1 fit-tjur ta' l-irziezet fl-Ungerija u tikkonferma ż-żoni A u B fl-Ungerija (4) u t-tul ta' żmien ta' din ir-reġjonalizzazzjoni wara tifqigħa ta' din il-marda fl-Ungerija. |
(3) |
Il-qagħda epidemika tat-tifqigħa ta' l-influwenza tat-tjur ta' H5N1 fit-tjur ta' l-irziezet fl-Ungerija tirrikjedi modifika taż-żoni ristretti u tat-tul ta' żmien tal-miżuri. |
(4) |
Il-Kummissjoni adottat id-Deċiżjoni 2007/83/KE li temenda d-Deċiżjoni 2006/415/KE li għandha x'taqsam ma' ċerti miżuri ta' ħarsien fir-rigward ta' influwenza tat-tjur ta' patoġeniċità għolja tas-subtip H5N1 fit-tjur ta' l-irziezet fir-Renju Unit wara tifqigħa ta' influwenza tat-tjur ta' patoġeniċità għolja tas-subtip H5N1 fir-Renju Unit. |
(5) |
Il-miżuri meħuda mir-Renju Unit fil-qafas tad-Deċiżjoni 2006/415/KE, inkluż lit-twaqqif taż-Żoni A u B kif previst fl-Artikolu 4 ta' din id-Deċiżjoni ġew riveduti fi ħdan il-qafas tal-Kumitat Permanenti dwar il-Katina ta' l-Ikel u s-Saħħa ta' l-Annimali. |
(6) |
Għalhekk, jeħtieġ li d-Deċiżjoni 2006/415/KE tiġi emendata skond dan. |
(7) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-Anness mad-Deċiżjoni 2006/415/KE jinbidel bit-test ta' l-Anness li jinsab ma' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, 20 ta' Frar 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 395, 30.12.1989, p. 13. Id-Direttiva kif emendata l-aħħar bid-Direttiva 2004/41/KE tal-Parlament Ewropew u tal-Kunsill (ĠU L 157, 30.4.2004, p. 33); kkoreġuta bil-ĠU L 195, 2.6.2004, p. 12).
(2) ĠU L 224, 18.8.1990, p. 29. Id-Direttiva kif emendata l-aħħar bid-Direttiva 2002/33/KE tal-Parlament Ewropew u tal-Kunsill (ĠU L 315, 19.11.2002, p. 14).
(3) ĠU L 164, 16.6.2006, p. 51. Id-Deċiżjoni kif emendata l-aħħar bid-Deċiżjoni 2007/83/KE (ĠU L 33, 7.2.2007, p. 4).
ANNESS
“ANNESS
PARTI A
Iż-żona A kif stabbilita skond l-Artikolu 4 (2):
Kodiċi ISO tal-Pajjiż |
L-Istat Membru |
Żona A |
Data sa liema l-Artikolu 4(4) (b)(iii) huwa applikabbli |
|
Kodiċi (jekk disponibbli) |
Isem |
|||
HU |
L-UNGERIJA |
00006 |
Fil-kontea ta' Csongrád il-muniċipalitajiet ta': |
12.3.2007 |
Żona ta' ħarsien |
Derekegyház Periferija (parzjalment) ta' Nagymágocs. Parti żgħira mill-periferija fi ħdan ċirku ta' raġġ ta' 3 km mill-ewwel tifqigħa, fil-punent tal-lokalità. Periferija ta' Szentes (Lapistó biss) |
|||
Żona ta' sorveljanza |
Árpádhalom (parzjalment) Il-lokalità u l-periferija tat-tramuntana, il-punent u n-nofsinhar. Fábiánsebestyén Periferija (parzjalment) ta' Hódmezővásárhely. Parti żgħira mill-periferija fi ħdan ċirku ta' raġġ ta' 10 km mit-tieni tifqigħa, fit-tramuntana tal-lokalità. Mártély (parzjalment). Fil-grigal tal-lokalità interna. Mindszent (parzjalment) Fil-lvant tal-lokalità interna. Nagymágocs (parzjalment). Il-parti li fadal tal-lokalità. Szegvár Periferija ta' Székkutas (parzjalment) Periferija fil-majjistral tal-lokalità. Periferija (parzjalment) ta' Szentes. Il-lvant, ix-xlokk u n-nofsinhar tal-lokalità (minbarra Lapistó). |
|||
UK |
IR-RENJU UNIT |
|
|
12.3.2007 |
Żona ta' ħarsien |
00154 |
Parti mill-kontea ta' Suffolk li qiegħda fi ħdan ċirku b'raġġ ta' 3 kilometri, iċċentrata fuq koordinati ta' referenza TM4009079918 (*). |
||
Żona ta' sorveljanza |
00154 |
Parti mill-kontea ta' Suffolk li qiegħda fi ħdan ċirku b'raġġ ta' 10 kilometri, iċċentrata fuq koordinati ta' referenza TM4009079918 (*) |
PARTI B
Iż-żona B kif stabbilita skond l-Artikolu 4 (2):
Kodiċi ISO tal-Pajjiż |
L-Istat Membru |
Żona B |
Data sa liem l-Artikolu 4(4) (b)(iii) huwa applikabbli |
|
Kodiċi (jekk disponibbli) |
Isem |
|||
HU |
L-UNGERIJA |
00006 |
Fil-kontea ta' Csongrád il-muniċipalitajiet ta': Árpádhalom (parzjalment). Il-periferija fil-lvant tal-lokalità. Baks Balástya Csanytelek Csongrád Dóc Eperjes Felgyő Hódmezővásárhely (parzjalment). Il-lokalità, periferija tal-punent, periferija tal-lvant u l-parti li tifdal tal-periferija tat-tramuntana. Kistelek Nagytőke Mindszent (parzjalment). Il-parti li tifdal. Mártély (parzjalment). Il-parti li tifdal. Ópusztaszer Pusztaszer Székkutas (parzjalment). Il-parti li tifdal. Szentes (parzjalment). Il-lokalità u l-periferija tal-punent u l-periferija tat-tramuntana. Tömörkény |
12.3.2007 |
UK |
IR-RENJU UNIT |
|
|
12.3.2007 |
00154 00162 |
Partijiet mill-konteja ta' Norfolk u dik ta' Suffolk li qiegħda fi ħdan il-konfini li ġejjin: Mir-referenza tal-mappa TM357400 (**), segwi t-triq minuri lejn il-punent għal intersezzjoni tat-triq f'forma ta' T fir-referenza tal-mappa TM346400 (**). Ikser fuq il-lemin għal fuq B1083 u kompli għaddej fid-direzzjoni tat-tramuntana fil-B1083 sar-roundabout fir-referenza tal-mappa TM292500 (**). Ikser fuq ix-xellug għal fuq A1152 u kompli għaddej fid-direzzjoni tal-punent u mbagħad lejn in-nofsinhar sar-roundabout fir-referenza tal-mappa TM259493 (**). Ikser fuq il-lemin għal fuq B1079 u kompli għaddej fid-direzzjoni tal-punent u imbagħad lejn il-majjistral sal-konnessjoni tar-refernza tal-mappa TM214538 (**). Ikser fuq ix-xellug għal fuq B1078 u ibqa' sejjer lejn il-punent sal-konnessjoni ma' l-A140(t) fir-referenza tal-mappa TM111548 (**). Ikser fuq il-lemin u ibqa' sejjer lejn it-tramuntana fuq l-A140(T) sal-konnessjoni ma' l-A47(T) f'TG219038 (**). Ikser fuq il-lemin u ibqa' sejjer lejn il-grigal u mbagħad lejn il-lvant fuq l-A47(T) sar-roundabout fir-referenza tal-mappa TG518084 (**). Ikser għal fuq l-A149 u ibqa' sejjer fid-direzzjoni ta' lbiċ sa l-intersezzjoni TG521080 (**). Segwi l-B1141 fid-direzzjoni tax-xlokk sa konnessjoni ma' triq minuri fir-referenza tal-mappa TG525078 (**). Ikser fuq ix-xellug fit-triq minuri u ibqa' għaddej fid-direzzjoni tal-lvant għal intersezzjoni fil-forma ta' T ma' triq minuri oħra fil-kosta fir-referenza tal-mappa TG531079 (**) (il-konfini jestendi direttament mil-lvant għall-kosta f'TG532078 (**) u jsegwi l-kosta fid-direzzjoni tan-nofsinhar sar-referenza tal-mappa TM357400 (**). |
(*) Il-koordinati ta' referenza hija referenza tal-Koordinati Nazzjonali tar-Renju Unit.
(**) Il-koordinati ta' referenza hija referenza tal-Koordinati Nazzjonali tar-Renju Unit.”