|
24.8.2007 |
MT |
Il-Ġurnal Uffiċjali ta’ l-Unjoni Ewropea |
83 |
DEĊIŻJONI TAL-KUMMISSJONI
tat-22 ta' Diċembru 2006
li tfassal miżuri tranżitorji għall-kummerċjalizzazzjoni ta' ċerti prodotti li joriġinaw mill-annimali miksuba fil-Bulgarija u r-Rumanija
(notifikat bid-dokument numru C(2006) 7028)
(Test b'rilevanza għaż-ŻEE)
(2007/30/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat it-Trattat ta' l-Adeżjoni tal-Bulgarija u r-Rumanija (1), u b'mod partikolari l-Artikolu 4(3) tiegħu,
Wara li kkunsidrat it-Trattat ta' l-Adeżjoni tal-Bulgarija u r-Rumanija (2), u b'mod partikolari l-Artikolu 42(3) tiegħu,
Billi:
|
(1) |
Mill-1 ta' Jannar 2007, prodotti li joriġinaw milll-annimali miksuba fil-Bulgarija u r-Rumanija (l-Istati Membri l-ġodda), għandhom jitqiegħdu fis-suq skond ir-regoli relevanti tal-Komunità b'mod partikolari fir-rigward ta' l-istruttura ta' l-istabbilimenti u l-iġjene tagħhom u l-kontroll u l-immarkar sanitarju tal-prodotti. |
|
(2) |
B'mod partikolari, dawn il-prodotti għandhom ikunu soġġetti għar-rekwiżiti stipulati fir-Regolament (KE) Nru 852/2004 tal-Parlament Ewropew u tal-Kunsill tad-29 ta' April 2004 dwar l-iġjene tal-prodotti ta' l-ikel (3) u r-Regolament (KE) Nru 853/2004 tal-Parlament Ewropew u tal-Kunsill tad-29 ta' April 2004 li jistipula regoli speċifiċi ta' iġjene għall-ikel li joriġina mill-annimali (4). |
|
(3) |
Ċerti prodotti li joriġinaw mill-annimali miksuba mill-Bulgarija u r-Rumanija qabel l-1 ta' Jannar 2007 jistgħu jkunu f'ħażniet wara din id-data. Minkejja dan, dawn il-prodotti li joriġinaw mill-annimali jista' jkun li ma jikkonformawx mar-rekwiżiti veterinarji kollha tal-Komunità. |
|
(4) |
Sabiex tiffaċilita it-tranżizzjoni mis-sistema attwali fil-Bulgarija u r-Rumanija għal dik li tirriżulta mill-applikazzjoni tal-leġiżlazzjoni veterinarja tal-Komunità, huwa xieraq li jiġu stipulati miżuri tranżitorji għall-kummerċjalizzazzjoni ta' dawn il-prodotti. |
|
(5) |
Dawn il-miżuri għandhom iqisu l-oriġini ta' dawn il-prodotti li joriġinaw mill-annimali kif ukoll il-ħażniet ta' materjal ta' tqartis u imballaġġ u tikketti li fihom marki stampati. |
|
(6) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali, |
ADOTTAT DIN ID-DECIZJONI:
Artikolu 1
Din id-Deċiżjoni għandha tapplika għal prodotti li joriġinaw mill-annimali li:
|
(a) |
jaqgħu fi ħdan l-ambitu tar-Regolament (KE) Nru 853/2004; u |
|
(b) |
inkisbu fi stabbilimenti fil-Bulgarija u r-Rumanija sal-31 ta' Diċembru 2006 |
Artikolu 2
1. Prodotti msemmija fl-Artikolu 1 jistgħu mill-1 ta' Jannar sal-31 ta' Diċembru 2007 jitqiegħdu fis-suq ta' l-Istati Membri l-ġodda ta' oriġini sakemm dawn għandhom il-marka nazzjonali preskritta f'dan l-Istat Membru qabel l-1 ta' Jannar 2007 għal prodotti li joriġinaw mill-annimali li huma tajbin għal konsum uman.
2. L-Istati Membri għandhom jiżguraw, skond id-Direttiva tal-Kunsill 89/662/KEE (5) u b'mod partikolari l-Artikolu 3 tagħha, li prodotti msemmija fil-paragrafu 1 ma jiġux kummerċjati fost l-Istati Membri.
Artikolu 3
Bħala deroga mill-Artikolu 2(1), l-Istati Membri għandhom mill-1 ta' Jannar sal-31 ta' Diċembru 2007 jawtorizzaw il-kummerċ fil-prodotti msemmija fl-Artikolu 1 li nkisbu fi stabbilimenti awtorizzati għall-esportazzjoni lejn il-Komunità sakemm il-prodotti:
|
(a) |
għandhom il-marka sanitarja ta' l-esportazzjoni jew il-marka ta' identifikazzjoni tal-Komunità kif previst fl-Artikolu 5(1) tar-Regolament (KE) Nru 853/2004 ta' l-istabbilimenti kkonċernati; |
|
(b) |
huma akkumpanjati minn dokument kif previst fl-Artikolu 14 tar-Regolament (KE) Nru 854/2004 (6) li fih l-awtorità kompetenti ta' l-Istat Membru l-ġdid tiċċertifika dan li ġej: “Prodott qabel l-1 ta' Jannar 2007, b'konformità mad-Deċiżjoni tal-Kummissjoni K(2006)7028 finali”. |
Artikolu 4
Ħażniet ta' materjal stampat mill-ġdid ta' tgeżwir u tqartis u tikketti li għandhom il-marka preskritta fl-Istat Membru l-ġdid ta' oriġini qabel l-1 ta' Jannar 2007 għal prodotti li joriġinaw mill-annimali li huma tajbin għal konsum mill-bniedem, jistgħu jintużaw sal-31 ta' Diċembru 2007, għat-tqegħid fis-suq domestiku kif previst fl-Artikolu 2.
Artikolu 5
Din id-Deċiżjoni għandha tapplika soġġetta għad-data tad-dħul fis-seħħ tat-Trattat ta' l-Adeżjoni tal-Bulgarija u r-Rumanija u tibda tgħodd minnha.
Artikolu 6
Din id-Deċiżjoni hija indirizzata lill-Istati Membri.
Magħmul fi Brussell, 22 ta' Diċembru 2006.
Ghall-Kummissjoni
Markos KYPRIANOU
Membru tal-Kummissjoni
(1) ĠU L 157, 21.6.2005, p. 11.
(2) ĠU L 157, 21.6.2004, p. 203.
(3) ĠU L 139, 30.4.2004, p. 1; verżjoni kkoreġuta (ĠU L 226, 25.6.2004, p. 3).
(4) ĠU L 139, 30.4.2004, p. 55; verżjoni kkoreġuta (ĠU L 226, 25.6.2004, p. 22).) Ir-Regolament kif emendat l-aħħar mir-Regolament tal-Kummissjoni (KE) Nru 2076/2005 (ĠU L 338, 22.12.2005, p. 83).
(5) ĠU L 395, 30.12.1989, p. 13.
(6) ĠU L 139, 30.4.2004, p. 206; verżjoni kkoreġuta (ĠU L 226, 25.6.2004, p. 83) Ir-Regolament kif emendat l-aħħar bir-Regolament tal-Kummissjoni (KE) Nru 2076/2005 (ĠU L 338, 22.12.2005, p. 83).