|
24.8.2007 |
MT |
Il-Ġurnal Uffiċjali ta’ l-Unjoni Ewropea |
14 |
DEĊIŻJONI TAL-KUMMISSJONI
tat-22 ta' Diċembru 2006
li temenda d-Deċiżjoni 2002/613/KE dwar iċ-ċentri approvati għall-ġbir ta' semen tal-ħnieżer fil-Kanada
(notifikat bid-dokument numru C(2006) 6812)
(Test b'rilevanza għaż-ŻEE)
(2007/14/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 90/429/KEE tas-26 ta' Ġunju 1990 li tistabbilixxi r-rekwiżiti tas-saħħa tal-bhejjem applikabbli għal kummerċ intra-Komunitarju u għall-importazzjonijiet ta' semen ta' bhejjem domestiċi ta' l-ispeċi tal-majjali (1), u b'mod partikolari l-Artikolu 8(1) tagħha,
Billi:
|
(1) |
Id-Deċiżjoni tal-Kummissjoni 2002/613/KE tad-19 ta' Lulju 2002 li tistipula l-kondizzjonijiet għall-importazzjoni ta' semen ta' annimali domestiċi tà l-ispeċi tal-ħnieżer (2) tistabbilixxi lista ta' pajjiżi terzi, inkluża l-Kanada, li minnhom l-Istati Membri għandhom jawtorizzaw l-importazzjoni ta' semen ta' annimali domestiċi ta' l-ispeċi tal-ħnieżer. |
|
(2) |
Il-Kanada talbet li ssir emenda għal-lista ta' ċentri għall-ġbir ta' semen approvati skond id-Deċiżjoni 2002/613/KE fir-rigward ta' reġistrazzjonijiet għal dan il-pajjiż. |
|
(3) |
Il-Kanada pprovdiet garanziji fir-rigward tal-konformità mar-regoli xierqa stipulati fid-Direttiva 90/429/KEE u ċ-ċentru l-ġdid li se jiżdied mal-lista ġie uffiċjalment approvat għal esportazzjonijiet lejn il-Komunità mis-servizzi veterinarji ta' dan il-pajjiż. |
|
(4) |
Id-Deċiżjoni 2002/613/KE għandha għalhekk tiġi emendata skond dan. |
|
(5) |
Il-miżuri stipulati f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-Anness V tad-Deċiżjoni 2002/613/KE huwa emendat skond l-Anness ta' din id-Deċiżjoni.
Artikolu 2
Din id-Deċiżjoni għandha tapplika mit-tielet jum wara dak tal-pubblikazzjoni tagħha fil-Ġurnal Uffiċjali ta' l-Unjoni Ewropea.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, 22 ta' Diċembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1990, p. 62. Id-Direttiva kif emendata l-aħħar mir-Regolament (KE) Nru 806/2003 (ĠU L 122, 16.5.2003, p. 1).
(2) ĠU L 196, 25.7.2002, p. 45. Id-Deċiżjoni kif emendata l-aħħar mid-Deċiżjoni 2006/271/KE (ĠU L 99, 7.4.2006, p. 29).
ANNESS
Fl-Anness V tad-Deċiżjoni 2002/613/KE, ir-ringiela li ġejja hija miżjuda mal-lista għall-Kanada:
|
“CA |
1-AI-01 |
|