|
24.8.2007 |
MT |
Il-Ġurnal Uffiċjali ta’ l-Unjoni Ewropea |
3 |
DEĊIŻJONI TAL-KUMMISSJONI
ta' l-20 ta' Diċembru 2006
li temenda d-Deċiżjoni 2005/648/KE dwar il-miżuri ta' protezzjoni fir-rigward tal-marda tan-Newcastle fil-Bulgarija
(notifikat bid-dokument numru C(2006) 6717)
(Test b'rilevanza għaż-ŻEE)
(2007/10/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/496/KEE tal-15 ta' Lulju 1991 li tistabbilixxi l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi, u li temenda d-Direttivi 89/662/KEE, 90/425/KEE, u 90/675/KEE (1), u b'mod partikolari l-Artikolu 18(7) tagħha,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (2), u b'mod partikolari l-Artikolu 22 (6) ta' din id-Direttiva,
Billi:
|
(1) |
Il-marda tan-Newcastle hija marda virali li tittieħed. ħafna fit-tjur ta' l-irziezet u l-għasafar u hemm riskju li l-aġent tal-marda jista' jiġi introdott permezz tal-kummerċ internazzjonali ta' tjur ħajjin u prodotti tat-tjur. |
|
(2) |
Id-Deċiżjoni tal-Kummissjoni 2005/648/KE tat-8 ta' Settembru 2005 dwar il-miżuri ta' protezzjoni dwar il-marda tan-Newcastle fil-Bulgarija (3) kienet ġiet adottata wara tifqigħa tal-marda tan-Newcastle fir-reġjun amministrattiv ta' Vratsa. Dik id-Deċiżjoni tissospendi l-importazzjoni tat-tjur ħajjin ta' l-irziezet, ir-ratiti, it-tjur selvaġġ u dak imrobbi u l-bajd tat-tfaqqis, il-laħam frisk u l-preparazzjonijiet tal-laħam u l-prodotti tal-laħam minn dawn l-ispeċijiet. |
|
(3) |
Il-Bulgarija kkonfermat tifqigħat tal-marda tan-Newcastle f'muniċipalità waħda fir-reġjun amministrattiv ta' Dobrich u f'muniċipalità waħda tar-reġjun amministrattiv ta' Razgrad fil-Bulgarija. |
|
(4) |
Waqt li titqies is-sitwazzjoni attwali epidemoloġika fil-Bulgarija dwar il-marda tan-Newcastle u l-fatt li dak il-pajjjiż applika ċerti miżuri ta' kontroll tal-marda u bagħat iktar informazzjoni dwar is-sitwazzjoni tal-marda lill-Kummissjoni, jidher li s-sitwazzjoni fil-Bulgarija għajr għar-reġjuni ta' Vratsa, Blagoevgrad, Kardzhali and Burgas (esklużi l-muniċipalitajiet ta' Burgas u Sungurlare), għall-muniċipalità ta' Dobrichka li qiegħda fid-distrett ta' Dobrich u għall-muniċipalità ta' Kubrat li qiegħda fid-distrett ta' Razgrad, għadha sodisfaċenti. Għaldaqstant ikun xieraq li s-sospensjoni fuq l-importazzjonijiet tiġi llimitata għal dawk ir-reġjuni. |
|
(5) |
L-Anness għad-Deċiżjoni 2005/648/KE għandu, għalhekk, jiġi emendat kif xieraq. |
|
(6) |
Il-miżuri stipulati f'din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
Fid-Deċiżjoni 2005/648/KE l-Anness huwa ssostitwit bl-Anness għal din id-Deċiżjoni.
Artikolu 2
L-Istati Membri għandhom minnufih jieħdu l-miżuri meħtieġa biex jikkonformaw ma' din id-Deċiżjoni u jippubblikaw dawk il-miżuri. Huma għandhom jinformaw immedjatament lill-Kummissjoni dwar dan.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, 20 ta' Diċembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, 24.9.1991, p. 56. Id-Direttiva kif emendata l-aħħar mill-Att ta' l-Adeżjoni ta' l-2003.
(2) ĠU L 24, 30.1.1998, p. 9. Id-Direttiva kif emendata l-aħħar mir-Regolament (KE) Nru 882/2004 tal-Parlament Ewropew u tal-Kunsill (ĠU L 165, 30.4.2004, p. 1).
(3) ĠU L 238, 15.9.2005, p. 16. Id-Deċiżjoni kif emendata l-aħħar mid-Direttiva 2006/571/KE (ĠU L 227, 19.8.2006, p. 58).
ANNESS
“ANNESS
Id-distrett amministrattiv ta' Blagoevgrad.
Id-distrett amministrattiv ta' Burgas, barra l-muniċipalitajiet ta' Burgas u ta' Sungurlare
Id-distrett amministrattiv ta' Vratsa
Id-distrett amministrattiv ta' Kardzhali
Fid-distrett Amministrattiv ta' Razgrad, il-muniċipalità ta' Kubrat
Fid-distrett Amministrattiv ta' Dobrich, il-muniċipalità ta' Dobrichka”