4.8.2007   

MT

Il-Ġurnal Uffiċjali ta’ l-Unjoni Ewropea

C 182/1

(1)

Fl-10 ta' Lulju 2007 il-Kunsill eżamina l-programm ta' stabbiltà aġġornat ta' l-Awstrija, li jkopri l-perijodu bejn l-2006 u l-2010. Wara l-elezzjonijiet ġenerali ta' Ottubru 2006, ġie ffurmat gvern ġdid f'Jannar 2007, li fid-29 ta' Marzu 2007, ippreżenta lill-Parlament il-baġit parallel għall-2007/2008. Fl-istess jum, ġie ppreżentat il-programm ta' stabbiltà aġġornat, tliet xhur u nofs wara t-terminu perentorju għall-Awstrija tal-15 ta' Diċembru li jinsab fil-kodiċi tal-kondotta.

(2)

(3)

(4)

L-għan prinċipali ta' l-istrateġija baġitarja huwa li jintlaħaq baġit ibbilanċjat fuq iċ-ċiklu, li jaħsad il-benefiċċji ta' riforma amministrattiva waqt li jissaħħaħ l-infiq f'bosta kategoriji. Meta mqabbel ma' l-aġġornament ta' qabel, dan ta' l-aħħar huwa rifless fil-posponiment tal-konsolidazzjoni baġitarja għas-snin imbiegħda tal-perijodu tal-programm. L-aġġornament juri l-pożizzjoni ġenerali tal-gvern għat-titjib minn żbilanċ minn 1,1 % tal-PGD fl-2006 għal bilanċ favorevoli ta' 0,4 % fl-2010. Il-konsolidazzjoni, li tmur lura għall-aħħar sentejn tal-perijodu tal-programm, hija ppjanata li tkun ibbażata fuq in-nefqa, fejn il-fatturi prinċipali huma t-trażżin fl-infiq soċjali u t-tneħħija gradwali ta' xi nfiq speċifiku. Meta mqabbel mal-programm ta' qabel, l-aġġornament il-ġdid imur lura aktar mill-aġġustament ippjanat kontra xenarju makroekonomiku li hu aktar favorevoli.

(5)

(6)

Ir-riskji għall-previżjonijiet baġitarji fil-programm jidhru ġeneralment ibbilanċjati għall-2007 u l-2008, iżda għall-2009 u l-2010, r-riżultati baġitarji jistgħu jkunu agħar minn dawk previsti, minkejja suppożizzjonijiet makroekonomiċi plawsibbli. Tabilħaqq, il-proporzjoni bejn in-nefqa u l-PGD huwa previst li jaqa' sinifikattivament fl-aħħar sentejn. It-tneħħija ta' xi nfiq speċifiku, b'mod partikolari fuq tagħmir militari, u t-tfaddil fl-infiq fuq benefiċji tal-qgħad u fuq il-pensjonijiet, bħala riżultat tar-riforma tal-pensjoni ta' l-2004, għandhom jikkontribwixxu għan-nuqqas bejn in-nefqa u l-PGD fis-snin l-aktar imbiegħda. Min-naħa l-oħra, ser isir infiq addizzjonali fuq l-edukazzjoni, l-R&Ż u l-infrastruttura tul il-perijodu tal-programm, waqt li ż-żidiet mistennija fl-effiċjenza fl-amministrazzjoni pubblika jibqgħu inċerti. Finalment, il-programm ta ħjiel tal-possibblità ta' tnaqqis ulterjuri fit-taxxi ffinanzjat mit-tfaddil fl-infiq ippjanat.

(7)

Fid-dawl ta' din il-valutazzjoni ta' riskju, il-pożizzjoni baġitarja fil-programm tista' ma tkunx suffiċjenti biex tiżgura li jintlaħaq l-MTO sa l-2010, kif previst fil-programm. Il-previżjoni tar-rebbiegħa tas-servizzi tal-Kummissjoni tistma li d-defiċit strutturali ser jitwessa' fl-2007 u l-2008. Iżda, marġni ta' sigurtà suffiċjenti biex jagħmel tajjeb għall-ksur tal-limitu tad-defiċit tat-3 % tal-PGD bil-flutwazzjonijiet makroekonomiċi normali jinżamm tul il-perijodu tal-programm. Ir-ritmu ta' l-aġġustament lejn l-MTO implikat mill-programm huwa insuffiċjenti u għandu jissaħħaħ, speċjalment fl-2007 u l-2008, biex ikun konformi mal-Patt ta' Stabbiltà u Tkabbir, li jispeċifika li, għall-Istati Membri taż-żona ta' l-euro u ta' l-ERM II, it-titjib annwali fil-bilanċ strutturali għandu jkun ta' 0,5 % tal-PGD bħala punt ta' referenza u li l-aġġustament għandu jkun ogħla fi żminijiet ekonomiċi tajbin u jista' jkun aktar baxx fi żminijiet ekonomiċi ħżiena. B'mod partikolari, bejn l-2007 u l-2009 huwa ppjanat biss titjib limitat fil-bilanċ strutturali, meta l-Awstrija hija mistennija tesperjenza żminijiet tajbin. Din il-konklużjoni hija kkonfermata anke jekk wieħed iqis ix-xiri ta' tagħmir militari biex jikkostitwixxi miżura ta' darba li żżid id-defiċit, kif jagħmel il-programm.

(8)

Id-dejn gross tal-gvern huwa stmat li naqas għal 62,2 % tal-PGD fl-2006, xorta iktar mis-60 % tal-valur ta' referenza ta' 60 % tal-PGD fit-Trattat. Il-programm jipprevedi li l-proporzjon tad-dejn ser jaqa' taħt il-valur ta' referenza sa' l-2008 u biex jonqos iktar għal 56,8 % tal-GPD sa l-aħħar sena tal-perijodu tal-programm. Fid-dawl tal-valutazzjoni ta' riskju, il-proporzjon tad-dejn jidher li qed jonqos b'mod suffiċjenti lejn il-valur ta' referenza fil-parti bikrija tal-perijodu tal-programm u huwa ppjanat li jilħqu sa l-2007.

(9)

L-impatt baġitarju għat-tul tat-tixjiħ fl-Awstrija huwa inqas sew mill-medju ta' l-UE, bl-infiq fuq il-pensjonijiet mistenni li jonqos bħala parti mill-GPD tul perijodu fit-tul, bħala konsegwenza tat-trażżin ta' l-infiq sinifikanti mistenni mir-riforma tal-pensjoni ta' l-2004. Il-pożizzjoni baġitarja inizjali, b'bilanċ primarju strutturali, tikkontribwixxi għat-tnaqqis l-impatt baġitarju fit-tul ta' popolazzjoni li qed tixjiħ. Bilanċ favorevoli primarju dejjem jiżdied matul perijodu medju, kif kien imħabbar fil-programm, kif ukoll żieda fir-rata ta' l-impjieg ta' ħaddiema akbar fl-età ser jikkontribwixxu għall-kontroll tar-riskji tas-sostenibbiltà tal-finanzi pubbliċi. B'mod ġenerali, l-Awstrija tidher li qiegħda f'riskju baxx fir-rigward tas-sostenibbiltà tal-finanzi pubbliċi.

(10)

Il-programm ta' stabbiltà fih valutazzjoni kwalitattiva ta' l-impatt ġenerali tar-rapport ta' Settembru 2006 dwar l-implimentazzjoni tal-Programm Nazzjonali ta' Riforma fl-istrateġija fiskali għall-perijodu medju. Barra minn hekk, dan jipprovdi xi informazzjoni dwar l-ispejjeż jew it-tfaddil baġitarju diretti tar-riformi ewlenin previsti fil-Programm Nazzjonali ta' Riforma u l-implikazzjonijiet għall-finanzi pubbliċi ta' l-azzjonijiet deskritti fil-Programm Nazzjonali ta' Riforma huma ġeneralment konsistenti mal-previżjonijiet baġitarji tiegħu. Il-miżuri fil-qasam tal-finanzi pubbliċi previsti fil-programm ta' stabbiltà jidhru konsistenti ma' dawk previsti fil-Programm Nazzjonali ta' Riforma. B'mod partikolari, tfaddil mistenni mir-riforma amministrattiva u r-rinfunzar ta' l-infiq fuq R&Ż huma mressqa fiż-żewġ programmi.

(11)

L-istrateġija baġitarja fil-programm hija parzjalment konsistenti mal-linji gwida ġenerali għall-politika ekonomika inklużi fil-linji gwida integrati għall-perijodu 2005-2008.

(12)

Fir-rigward tal-ħtiġiet tad-data speċifikati fil-kodiċi ta' kondotta għall-programmi ta' stabbiltà u konverġenza, il-programm jipprovdi d-data kollha meħtieġa u l-biċċa l-kbira tad-data fakultattiva (2).