1.12.2007   

MT

Il-Ġurnal Uffiċjali ta’ l-Unjoni Ewropea

487

(1)

L-emendi għar-Regolament (KEE) Nru 2913/92, minn hawn ‘il quddiem “il-Kodiċi”, mniżżla fir-Regolament (KE) Nru 648/2005, idaħħlu għadd ta’ miżuri li jsaħħu s-siġurtà fuq oġġetti li jiddaħħlu u jinħarġu mill-Komunità. Dawn il-miżuri għandhom jipproduċu kontrolli doganali mħaffa aktar u mmirati aħjar, u jikkonsistu fl-analiżi u l-iskambju elettroniku ta’ informazzjoni dwar ir-riskji bejn l-awtoritajiet doganali u bejn dawk l-awtoritajiet u l-Kummissjoni f’qafas komuni għall-ġestjoni tar-riskju; ir-rekwiżit biex jingħata lill-awtoritajiet doganali informazzjoni, ta’ qabel il-wasla u qabel it-tluq, dwar il-merkanzija kollha li tiddaħħal jew tinħareġ mit-territorju doganali tal-Komunità, u l-għoti ta’ l-istatus ta’ Operatur Ekonomiku Awtorizzat lil operaturi ekonomiċi affidabbli li jissodisfaw ċerti kriterji u li għandhom igawdu minn simplifikazzjonijiet kif provduti mir-regoli doganali u/jew faċilitazzjonijiet fir-rigward tal-kontrolli doganali;

(2)

Sabiex tkun żgurata l-implimentazzjoni effettiva u minnufih ta’ dawn il-miżuri, jeħtieġ li l-iskambju tad-data bejn l-awtoritajiet doganali jsir permezz tat-teknoloġija ta’ l-informatika u netwerks tal-kompjuter, bl-użu ta’ standards maqbula u ’ data sets komuni.

(3)

Meta wieħed iqis il-progress fis-sistemi kompjuterizzati ta’ l-Istati Membri għar-rilaxx mid-dwana, kif ukoll l-użu li l-Istati Membri u l-Kummissjoni jagħmlu mit-teknoloġija ta’ l-informatika u n-netwerks tal-kompjuter, l-użu komuni ta’ sistemi bħal dawn għandu jiġi estiż lil hinn mis-sistema ta’ transitu kompjuterizzata eżistenti, fl-ewwel waqt bid-dħul ta' sistema kompjuterizzata għall-kontroll ta’ l-esportazzjoni.

(4)

Bil-ħsieb ta’ qafas komuni għall-ġestjoni tar-riskju u t-twaqqif ta’ kontrolli doganali ta’ l-istess livell madwar il-Komunità, l-analiżi tar-riskju għandu jkun ibbażat fuq tekniki ta’ l-ipproċessar tad-data bl-użu ta’ kriterji komuni. Għalhekk l-awtoritajiet doganali u l-Kummissjoni, bla ħsara għall-obbligi nazzjonali u internazzjonali, għandhom jiskambjaw bejniethom i l-informazzjoni dwar ir-riskju bl-użu ta’ Sistema Komunitarja għall-Ġestjoni tar-Risjku Doganali, żoni ta’ kontrol prijoritarji komuni, u kriterji komuni tar-riskju u standards għat-twettiq armonizzat ta' kontrolli doganali f’każijiet speċifiċi.

(5)

Operaturi ekonomiċi li jissodisfaw il-kundizzjonijiet għal ksib ta’ l-istatus ta’ Operatur Ekonomiku Awtorizzat, u għalhekk jkunu ddistingwew lilhom infushom pożittivament minn operaturi ekonomiċi oħrajn, għandhom jitqiesu bħala msieħba affidabbli fil-katina tal-provvista. L-Operaturi Ekonomiċi Awtorizzati għandhom għalhekk ikunu jistgħu igawdu mhux biss mis-simplifikazzjonijiet previsti taħt ir-regoli doganali, imma wkoll, fejn jissodisfaw ċerti kundizzjonijiet ta’ sikurezza u sigurtà, minn faċilitazzjonijiet fil-kontrolli doganali.

(6)

Jeħtieġ li jiġu stabbiliti kundizzjonijiet u kriterji komuni fl-Istati Membri kollha għall-għoti, tibdil jew revoka taċ-ċertifikati ta' l-Operaturi Ekonomiċi Awtorizzati, jew għas-sospensjoni ta’ l-istatus ta’ Operatur Ekonomiku Awtorizzat, kif ukoll regoli dwar l-applikazzjoni għal u l-ħruġ ta' Ċertifikati ta' Operaturi Ekonomiċi Awtorizzati. Sabiex ikun żgurat li jinżamm livell għoli ta’ sigurtà, l-awtoritajiet doganali għandhom jissorveljaw bla waqfien il-konformità ta' l-Operaturi Ekonomiċi Awtorizzati mar-rekwiżiti rilevanti.

(7)

Jeħtieġ li titnieda u tinżamm sistema elettronika komuni għall-informazzjoni u komunikazzjoni għall-magazinaġġ u l-iskambju ta' informazzjoni dwar l-Operaturi Ekonomiċi Awtorizzati.

(8)

Sabiex ikunu possibbli analiżi tar-riskju u kontrolli bbażati fuq ir-riskju xierqa, jeħtieġ li jiġu stabbiliti limiti ta’ żmien u regoli dettaljati li jirregolaw l-obbligu ta’ l-operaturi ekonomiċi biex jipprovdu informazzjoni ta’ qabel il-wasla u qabel it-tluq lill-awtoritajiet doganali għall-merkanzija kollha li tiddaħħal jew tinħareġ mit-territorju doganali tal-Komunità. F’konformità ma' miżuri simili adottati f'livell internazzjonali bħala parti mill-Qafas ta’ Standards li Jiżguraw u Jiffaċilitaw il-Kummerċ Globali, maqbul mill-Organizzazzjoni Dinjija tad-Dwana, u skond l-arranġamenti speċjali oħra previsti fi ftehimiet internazzjonali, jixraq li jitqiesu mezzi differenti tat-trasport, kif ukoll tipi differenti ta’ merkanzija jew operaturi ekonomiċi.

(9)

Sabiex ikun possibli għall-awtoritajiet doganali biex iwettqu analiżi tar-riskju effettiv, jeħtieġ li l-informazzjoni ta’ qabel il-wasla u qabel it-tluq jiddaħħal elettronikament. Dikjarazzjonijiet jew notifiki fuq il-karta għandhom ikunu permessibli biss f’ċerti ċirkustanzi eċċezzjonali.

(10)

Id-data li tkun meħtieġa għad-dikjarazzjonijiet fil-qosor tal-ħruġ u tad-dħul għandhom ikunu armonizzati sabiex ikun żgurat bażi komuni għall-analiżi tar-riskju madwar il-Komunità u jkun possibli l-iskambju effettiv ta’ l-informazzjoni bejn l-awtoritajiet doganali. Minkejja li, għal dawn l-għanijiet, għandu jitqies it-tip ta' traffiku li bih tinġarr il-merkanzija u l-istatus ta’ l-Operatur Ekonomiku Awtorizzat, ma għandhomx jiġu ppreġudikati l-miżuri tas-sigurtà u sikurezza. Barra minn dan, minkejja li t-tneħħija tar-rekwiżit għal dikjarazzjoni fil-qosor tista' tkun ġustifikata għal merkanzija li tkun iċċaqalqet skond ir-regoli ta' l-Unjoni Postali Universali, minħabba ċ-ċirkustanzi partikolari relatati ma' dan it-tip ta' traffiku, huwa xorta waħda meħtieġ li jkun previst qafas tekniku għal provvista tad-data lill-awtoritajiet doganali b'mezzi elettroniċi fir-rigward ta' dan it-traffiku, għat-tgawdija reċiproka.

(11)

Fil-każ ta’ analiżi tar-riskju pożittiva, għandu jkun applikat livell ekwivalenti ta’ kontroll preventiv madwar il-Komunità. F’dak il-kuntest, il-kummerċjant jew it-trasportatur għandu jiġi nnotifikat kif xieraq.

(12)

Ir-regoli li jirregolaw il-preżentazzjoni u l-ħażnatemporanja tal-merkanzija li tiddaħħal fit-territorju doganali Komunitarju għandhom jinkorporaw it-tibdiliet fir-rekwiżiti tad-data.

(13)

Bl-istess mod, f’każijiet fejn id-dikjarazzjoni doganali tintuża bħala dikjarazzjonijiet fil-qosor ta’ ħruġ jew dħul, jixraq li jiġu adattati r-regoli ġenerali li jirregolaw il-metodu, il-ħin u l-post tad-depożitu tad-dikjarazzjonijiet doganali sabiex il-merkanziji jtitqiegħed taħt proċedura doganali.

(14)

Sabiex ikun possibbli kontroll aktar effiċjenti tal-proċedura ta' l-esportazzjoni u pproċessar 'l barra, kif ukoll ir-rijesportazzjoni, għal skopijiet ta' sigurtà u sikurezza kif ukoll ta' kontrolli doganali, l-awtoritajiet doganali għandhom jibdlu l-proċedura fuq il-karta eżistenti bi skambju elettroniku tad-data bejn l-uffiċċju doganali ta’ l-esportazzjoni u l-uffiċċju doganali tal-ħruġ.

(15)

Is-sistema kompjuterizzata għall-kontroll ta’ l-esportazzjonijiet għandha titħaddem f’parallel mal-proċedura ta’ l-esportazzjoni fuq il-karta għall-perjodu tranżitorju. Il-proċedura ta’ l-esportazzjoni fuq il-karta għandha tintuża wkoll bħala arranġament kontinġenti għas-sistema elettronika kemm waqt kif ukoll wara l-perjodu tranżitorju. Għandhom japplikaw dispożizzjonijiet speċifiċi meta uffiċċji doganali jiskambjaw data ta’ l-esportazzjoni, bis-sistema kompjuterizzata għall-kontroll ta' l-esportazzjonijiet. Sabiex jiġi żgurat it-tħaddim xieraq ta’ din is-sistema, id-dispożizzjonijiet eżistenti tal-proċedura ta’ l-esportazzjoni fuq il-karta għandhom jiġu emendati.

(16)

Sabiex jinżammu s-simplifikazzjonijiet possibli skond ir-regoli ta’ l-esportazzjoni, mingħajr ma jiġu affettwati l-benefiċċji offruti lill-operaturi ekonomiċi mis-sistema kompjuterizzati ta' kontroll ta' l-esportazzjonijiet, l-esportaturi għandhom ikunu jistgħu jagħżlu jekk jużawx jew le id-dispożizzjonijiet dwar il-merkanzija li toħroġ mit-territorju doganali tal-Komunità taħt kuntratt uniku ta' trasport.

(17)

Id-dispożizzjonijiet dwar l-għoti ta' l-istatus ta' Operatur Ekonomiku Awtorizzat għandhom japplikaw mill-1 ta' Jannar 2008, sabiex jippermettu l-Istati Membru biex joħolqu l-istrutturi amministrattivi meħtieġa.

(18)

Madankollu, sabiex jingħata ħin raġonevoli lill-Istati Membri u l-operaturi ekonomiċi biex jadattaw is-sistemi elettroniċi tagħhom, id-dispożizzjonijiet stipulati f’dan ir-Regolament marbuta mat-tifsira tar-rekwiżiti tad-data u d-dħul elettroniku ta' l-informazzjoni ta' qabel il-wasla u ta' qabel it-tluq għandhom japplikaw mill-1 ta' Lulju 2009.

(19)

Għalhekk ir-Regolament (KEE) Nru 2454/93 (2) għandu jiġi emendat skond dan.

(20)

Il-miżuri previsti f'dan ir-Regolament huma konformi ma l-opinjoni tal-Kumitat tal-Kodiċi Doganali,

1.

Fl-Artikolu 1, jiżdied il-punt li ġej:

2.

Fil-Part I, Titolu I, jiżdiedu l-Kapitoli 4 u 5 li ġejjin:

“KAPITOLU 4

L-iskambju tad-data bejn l-awtoritajiet doganali permezz tat-teknoloġija ta’ l-informatika u n-netwerks tal-kompjuter;

Artikolu 4d

1.   Mingħajr preġudizzju għal kwalunkwe ċirkostanza speċjali u għad-dispożizzjonijiet tal-proċedura kkonċernata, li, fejn ikun xieraq, għandha tapplika mutatis mutandis, fejn ġew żviluppati, sistemi elettroniċi għall-iskambju ta' informazzjoni marbut ma' proċedura doganali jew operaturi ekonomiċi mill-Istati Membri, f'kooperazzjoni mal-Kummissjoni, l-awtoritajiet doganali għandhom jużaw dawn is-sistemi għall-iskambju ta' informazzjoni bejn l-uffiċċji doganali kkonċernati.

2.   Fejn l-uffiċċji doganali involuti fi proċedura jinsabu fi Stati Membri differenti, il-messaġġi li għandhom jintużaw għall-iskambju tad-data għandhom jikkonformaw ma' l-istruttura u d-dettalji definiti mill-awtoritajiet doganali bi qbil bejniethom.

Artikolu 4e

1.   Barra mir-rekwiżiti msemmija fl-Artikolu 4a (2), l-awtoritajiet doganali għandhom jistabbilixxu u jżommu arranġamenti adekwati ta’ sigurtà għat-tħaddim effettiv, affidabbli u sikur tad-diversi sistemi.

2.   Sabiex ikun żgurat il-livell ta’ sigurtà tas-sistema previst fil-paragrafu 1, kull entrata, tibdil u tneħħija ta' data għandha tiġi rreġistrata flimkien ma' l-informazzjoni li tagħti r-raġunijiet għaliex saret, u l-ħin eżatt ta' l-ipproċessar u identifikazzjoni tal-persuna li wettqitha. Id-data oriġinali u kwalunkwe data li tiġi pproċessata b’dan il-mod għandha tinżamm għallinqas għal tliet snin kalendarji minn tmiem is-sena li tirreferi għaliha d-data, sakemm ma jkunx speċifikat mod ieħor.

3.   L-awtoritajiet doganali għandhom jissorveljaw is-sigurtà regolarment.

4.   L-awtoritajiet doganali involuti għandhom jgħarrfu lil xulxin u, fejn jixraq, lill-operatur ekonomiku kkonċernat, dwar is-suspetti kollha ta’ ksur tas-sigurtà.

KAPITOLU 5

Ġestjoni tar-riskju

Artikolu 4f

1.   L-awtoritajiet doganali għandhom iwettqu ġestjoni tar-riskju biex jiddifferenzjaw bejn il-livelli ta’ riskju assoċjat ma’ merkanzija soġġetta għall-kontroll jew superviżjoni doganali u biex jiddeterminaw jekk il-merkanzija hijiex se tkun soġġetta għal kontrolli doganali speċifiċi jew le, u jekk iva, fejn.

2.   Id-determinazzjoni tal-livelli tar-riskju għandha tkun ibbażata fuq valutazzjoni tal-probabbiltà li jseħħ l-avveniment relatat ma’ riskju, u l-impatt tiegħu, fil-każ li l-avveniment iseħħ tassew. Il-bażi għall-għażla ta’ kunsinni jew dikjarazzjonijiet li għandhom ikunu soġġetti għal kontrolli doganali għandhom jinkludu element każwali.

Artikolu 4g

1.   Il-ġestjoni tar-riskju fil-livell Komunitarju, imsemmija fl-Artikolu 13(2) tal-Kodiċi, għandha ssir skond qafas elettroniku komuni għall-ġestjoni tar-riskju li jkun magħmul mill-elementi li ġejjin:

2.   L-awtoritajiet doganali, permezz tas-sistema msemmija fil-punt (a) tal-paragrafu 1 għandhom jiskambjaw informazzjoni marbuta mar-riskju fiċ-ċirkostanzi li ġejjin:

Artikolu 4h

1.   Żoni ta’ kontroll prijoritarji komuni għandhom ikopru trattamenti jew użi, tipi ta' merkanzija, rotot tat-traffiku, mezzi tat-trasport jew operaturi ekonomiċi partikolari li jkunu approvati mid-dwana, li jkunu soġġetti għal livelli ogħla ta' analiżi tar-riskju jew kontrolli doganali, għal perjodu stabbilit.

2.   It-tħaddim ta’ żoni ta’ kontroll prijoritarji komuni għandu jkun ibbażat fuq metodu komuni ta’ l-analiżi tar-riskju u, sabiex ikunu żgurati livelli ekwivalenti ta' kontrolli doganali, kriterji tar-riskju u standards komuni għall-għażla ta’ merkanzija jew ta’ operaturi ekonomiċi għall-kontroll.

3.   Il-kontrolli doganali mwettqa f’żoni ta’ kontroll prijoritarji komuni għandhom isiru mingħajr preġudizzju għall-kontrolli l-oħra li normalment jitwettqu mill-awtoritajiet doganali.

Artikolu 4i

1.   Il-kriterji tar-riskju u standards komuni msemmija fl-Artikolu 4g(1)(c) għandhom jinkludu l-elementi li ġejjin:

L-informazzjoni li toħroġ mit-twettiq ta’ l-elementi msemmija fl-ewwel subparagrafu għandu jitqassam permezz tas-Sistema Doganali Komunitarja għall-Ġestjoni tar-Riskju msemmija fl-Artikolu 4g(1)(a). Dan għandu jintuża mill-awtoritajiet doganali fis-sistemi għall-ġestjoni tar-riskju tagħhom.

2.   L-awtoritajiet doganali għandhom jinfurmaw lill-Kummissjoni bir-riżultati ta’ kontrolli doganali mwettqa skond il-paragrafu 1.

Artikolu 4j

Fit-twaqqif ta’ żoni ta' kontroll komuni prijoritarji u l-użu ta’ kriterji tar-riskju u standards komuni, għandhom jitqiesu l-konsiderazzjonijiet li ġejjin:

3.

Fil-Parti I, jiddaħħal it-Titolu IIA li ġej:

“TITOLU IIA

OPERATURI EKONOMIĊI AWTORIZZATI

KAPITOLU 1

Il-Proċedura għall-għoti taċ-ċertifikati

Sezzjoni 1

Dispożizzjonijiet ġenerali

Artikolu 14a

1.   Mingħajr preġudizzju għall-użu tas-simplifikazzjonijiet li f'kull każ ieħor huwa previst skond ir-regoli doganali, l-awtoritajiet doganali jistgħu, wara applikazzjoni minn operatur ekonomiku, u skond l-Artikolu 5a tal-Kodiċi, joħorġu ċ-ċertifikati ta' l-Operaturi Ekonomiċi Awtorizzati (minn hawn ‘il quddiem ‘Ċertifikati AEO’) li ġejjin:

2.   L-awtoritajiet doganali għandhom iqisu l-karatteristiċi speċifiċi ta’ l-operaturi ekonomiċi, partikolarment kumpanniji żgħar u ta' daqs medju.

Artikolu 14b

1.   Jekk id-detentur ta’ Ċertifikat AEO imsemmi fil-punt (a) jew (c) ta’ l-Artikolu 14a(1) japplika għal waħda jew iktar mill-awtorizzazzjonijiet imsemmija fl-Artikoli 260, 263, 269, 272, 276, 277, 282, 283, 313a, 313b, 324a, 324e, 372, 454a, u 912g, l-awtoritajiet tad-dwana ma għandhomx jeżaminaw mill-ġdid dawk il-kundizzjonijiet li jkunu diġà ġew eżaminati fl-għoti taċ-Ċertifikat AEO.

2.   Meta dikjarazzjoni fil-qosor tad-dħul tiġi ddepożitata minn detentur taċ-Ċertifikat AEO imsemmi fil-punt (b) jew (c) ta’ l-Artikolu 14a(1), l-uffiċċju doganali kompetenti jista’, qabel il-wasla tal-merkanzija fit-territorju doganali tal-Komunità, jinnotifika lill-Operatur Ekonomiku Awtorizzat meta, b'riżultat ta' l-analiżi tar-riskju għas-sigurtà u s-sikurezza, il-kunsinna tintagħżel għal iktar kontrolli fiżiċi. Din in-notifika għandha tingħata biss fejn ma tikkompromettix il-kontroll li għandu jitwettaq.

Madankollu, l-Istati Membri jistgħu iwettqu kontroll fiżiku anki meta Operatur Ekonomiku Awtorizzat ma jkunx notifikat, qabel il-wasla tal-merkanzija fit-territorju tal-Komunità, bl-għażla tal-kunsinna għal dan il-kontroll. Meta merkanzija tkun se toħroġ mit-territorju doganali tal-Komunità, l-ewwel u t-tieni subparagrafi għandhom japplikaw mutatis mutandis.

3.   Detenturi taċ-Ċertifikat AEO, imsemmi fil-punt (b) jew (c) ta’ l-Artikolu 14a(1), li qed jimpurtaw jew jesportaw il-merkanzija jistgħu jiddepożitaw dikjarazzjonijiet fil-qosor tad-dħul u l-ħruġ li jinkludu r-rekwiżiti mqassra ta’ data stipulati fis-sezzjoni 2.5 ta’ l-Anness 30A.

Trasportaturi, burdnara jew aġenti doganali li huma detenturi taċ-Ċertifikat AEO imsemmi fil-punt (b) jew (c) ta’ l-Artikolu 14a(1), u li huma involuti fl-importazzjoni jew l-esportazzjoni ta’ merkanzija f’isem detenturi taċ-Ċertifikat AEO imsemmi fil-punt (b) jew (c) ta’ l-Artikolu 14a(1), jistgħu wkoll jiddepożitaw dikjarazzjonijiet fil-qosor tad-dħul u l-ħruġ li jinkludu r-rekwiżiti mqassra ta’ data stipulati fis-sezzjoni 2.5 ta' l-Anness 30A.

Detenturi ta’ Ċertifikat AEO intitolati li jużaw rekwiżiti mqassra ta' data jistgħu jkunu mitluba biex jipprovdu iktar elementi ta' data sabiex jiżguraw it-tħaddim xieraq ta' sistemi stabbiliti fi ftehimiet internazzjonali ma' pajjiżi terzi dwar ir-rikonoxximent reċiproku taċ-Ċertifikati AEO u l-miżuri marbuta mas-sigurtà.

4.   Id-detentur ta’ Ċertifikat AEO għandu jiġi soġġett għal inqas kontrolli fiżiċi u tad-dokumenti minn operaturi ekonomiċi oħrajn. L-awtoritajiet doganali jistgħu jiddeċiedu mod ieħor sabiex iqisu theddida speċifika, jew obligazzjonijiet ta’ kontroll stipulati f’leġiżlazzjoni Komunitarja oħra.

Meta, wara analiżi tar-riskju, l-awtorità doganali kompetenti xorta waħda tagħżel għal aktar eżaminazzjoni, kunsinna koperta minn dikjarazzjoni fil-qosor tad-dħul jew il-ħruġ jew minn dikjarazzjoni doganali ddepożitata minn Operatur Ekonomiku Awtorizzat, għandha twettaq il-kontrolli meħtieġa bi prijorità. Jekk l-Operatur Ekonomiku Awtorizzat jitlob hekk, u soġġett għall-ftehim ma’ l-awtorità doganali kkonċernata, dawn il-kontrolli jistgħu iseħħu f’post li huwa differenti mill-post ta’ l-uffiċċju doganali involut.

5.   Il-benefiċċji mniżżla fil-paragrafi 1sa 4 għandhom jingħataw lill-operatur ekonomiku kkonċernat mal-preżentazzjoni tan-numri meħtieġa taċ-Ċertifikat AEO.

Sezzjoni 2

Applikazzjoni għal Ċertifikat AEO

Artikolu 14c

1.   L-applikazzjoni għal Ċertifikat AEO għandha ssir bil-miktub jew f’forma elettronika skond l-eżempju mogħti fl-Anness 1C.

2.   Meta, l-awtorità doganali tistabbilixxi li l-applikazzjoni ma jkunx fiha d-dettalji kollha rekwiżiti, l-awtorità doganali, fi żmien 30 jum kalendarju mill-wasla ta' l-applikazzjoni, għandha titlob lill-operatur ekonomiku biex jagħtiha t-informazzjoni rilevanti, filwaqt li tagħti r-raġunijiet għat-talba tagħha.

Il-limiti ta’ żmien imsemmija fl-Artikoli 14l(1) u 14o(2) għandhom jibdewjiddekorru mid-data li fiha l-awtorità doganali tirċievi l-informazzjoni kollha meħtieġa biex taċċetta l-applikazzjoni. L-awtoritajiet doganali għandhom jinfurmaw l-operatur ekonomiku li l-applikazzjoni ġiet aċċettata u d-data minn meta dak il-limitu ta’ żmien għandu jibda jiddekorri.

Artikolu 14d

1.   L-applikazzjoni għandha titressaq lil waħda mill-awtoritajiet doganali li ġejjin:

Il-kontijiet ewlenin ta’ l-applikant imsemmija fil-punti (a) u (b) għandhom jinkludu rekords u dokumentazzjoni li tippermetti lill-awtorità doganali li tivverifika u tissorvelja l-kundizzjonijiet u l-kriterji meħtieġa għall-ksib taċ-Ċertifikat AEO.

2.   Jekk ma tkunx tista’ tiġi determinata l-awtorità doganali kompetenti skond il-paragrafu 1, l-applikazzjoni għandha titressaq lil waħda mill-awtoritajiet doganali li ġejjin:

3.   Jekk parti mir-rekords u d-dokumentazzjoni rilevanti tinżamm fi Stat Membru li mhux dak l-Istat Membru ta’ l-awtorità doganali fejn intbagħtet l-applikazzjoni skond il-paragrafu 1 jew 2, l-applikant għandu jimla kif xieraq il-kaxxi 13, 16, 17 u 18 tal-formola ta’ l-applikazzjoni li tinsab fl-Anness 1C.

4.   Jekk l-applikant iżomm faċilità ta’ magazzinaġġ jew postijiet oħra fi Stat Membru li mhux dak l-Istat Membru ta’ l-awtorità doganali fejn intbagħtet l-applikazzjoni skond il-paragrafu 1 jew 2, din l-informazzjoni għandha tiġi pprovduta mill-applikant fil-kaxxa 13 tal-formola ta’ l-applikazzjoni li tinsab fl-Anness 1C, sabiex tkun iffaċilitata l-eżaminazzjoni tal-kundizzjonijiet rilevanti fil-faċilità tal-magazzinaġġ jew il-postijiet l-oħra mill-awtoritajiet doganali ta’ dak l-Istat Membru.

5.   Il-proċedura ta’ konsultazzjoni msemmija fl-Artikolu 14m għandha tapplika fil-każijiet msemmija fil-paragrafi 2, 3 u 4 ta' dan l-Artikolu.

6.   L-applikant għandu jipprovdi punt ċentrali b'aċċessibbiltà tajba jew jaħtar persuna ta’ kuntatt fi ħdan l-amministrazzjoni ta’ l-applikant, sabiex jagħmel disponibbli għall-awtoritajiet doganali l-informazzjoni kollha meħtieġa biex tkun ippruvata l-konformità mar-rekwiżiti għall-għoti taċ-Ċertifikat AEO.

7.   L-applikanti għandhom, safejn ikun possibbli, jissottomettu l-informazzjoni meħtieġa lill-awtoritajiet doganali b’mezzi elettroniċi.

Artikolu 14e

L-Istati Membri għandhom jikkomunikaw lill-Kummissjoni lista ta’ l-awtoritajiet kompetenti tagħhom, fejn għandhom isiru l-applikazzjonijiet, u kwalunkwe tibdil sussegwenti f’din il-lista. Il-Kummissjoni għandha tressaq it-tali informazzjoni lill-Istati Membri l-oħra jew tagħmlu disponibbli fuq l-Internet.

Dawn l-awtoritajiet għandhom jaġixxu bħala l-awtoritajiet doganali li joħorġu ċ-Ċertifikati AEO.

Artikolu 14f

L-applikazzjoni ma għandhiex tiġi aċċettata fi kwalunkwe mill-każijiet li ġejjin:

Sezzjoni 3

Kundizzjonijiet u kriterji għall-għoti taċ-Ċertifikat AEO

Artikolu 14g

Fil-każijiet li ġejjin, m'huwiex meħtieġ li l-applikant ikun stabbilit fit-territorju doganali tal-Komunità:

Fil-każ imsemmi fil-punt (b) ta’ l-ewwel paragrafu, l-applikant għandu jitqies li jkun issodisfa l-kundizzjonijiet stipulati fl-Artikoli 14h, 14i, u l-Artikolu 14j iżda ikun mitlub jissodisfa l-kundizzjoni stipulata fl-Artikolu 14k(2).

Artikolu 14h

1.   Ir-rekord tal-konformità mar-rekwiżiti doganali msemmija fl-ewwel inċiż ta’ l-Artikolu 5a (2) tal-Kodiċi għandhom jitqiesu bħala xierqa jekk matul l-aħħar tliet snin qabel is-sottomissjoni ta’ l-applikazzjoni ma sar l-ebda ksur serju jew ma sarx ksur repetut tar-regoli doganali minn kwalunkwe minn dawn il-persuni:

Madankollu, ir-rekord tal-konformità mar-rekwiżiti doganali jista’ jitqies xieraq jekk l-awtorità kompetenti tqis kwalunkwe ksur bħala wieħed ta’ importanza negliġibbli, meta mqabbel man-numru jew id-daqs ta' l-operazzjonijiet marbuta mad-dwana, u sabiex ma joħolqux dubji dwar il-bona fede ta' l-applikant.

2.   Jekk il-persuni li jeżerċitaw kontroll fuq il-kumpannija applikanta jkunu stabbiliti jew residenti f’pajjiż terz, l-awtoritajiet doganali għandhom jivvalutaw il-konformità tagħhom mar-rekwiżiti doganali abbażi ta’ rekords u informazzjoni li jkollhom disponibbli.

3.   Jekk l-applikant kien stabbilit għal anqas minn tliet snin, l-awtoritajiet doganali għandhom jivvalutaw il-konformità tiegħu mar-rekwiżiti doganali abbażi tar-rekords u l-informazzjoni li jkollhom disponibbli.

Artikolu 14i

Sabiex l-awtoritajiet doganali jkunu jistgħu jistabbilixxu li l-applikant għandu sistema sodisfaċenti għall-ġestjoni tar-rekords kummerċjali u, fejn ikun il-każ, dawk tat-trasport, kif imsemmi fit-tieni inċiż ta’ l-Artikolu 5a(2) tal-Kodiċi, l-applikant għandu jissodisfa r-rekwiżiti li ġejjin:

Applikant li jitlob ċertifikat AEO msemmi fil-punt (b) ta' l-Artikolu 14a (1) m'huwiex mitlub jissodisfa r-rekwiżit stabbilit fil-punt (c) ta' l-ewwel paragrafu ta' dan l-Artikolu.

Artikolu 14j

1.   Il-kundizzjoni marbuta mas-solvenza finanzjarja ta’ l-applikant imsemmija fit-tielet inċiż ta’ l-Artikolu 5a(2) tal-Kodiċi għandha titqies li ġiet sodisfatta, jekk is-solvenza tiegħu tista’ tkun ipprovata għall-aħħar tliet snin.

Għall-iskopijiet ta’ dan l-Artikolu, is-solvenza finanzjarja għandha tfisser pożizzjoni finanzjarja tajba li hija biżżejjed biex jiġu sodisfatti l-impenji ta’ l-applikant, filwaqt li jitqiesu b’mod xieraq il-karatteristiċi tat-tip ta’ l-attività tan-negozju.

2.   Jekk l-applikant ilu stabbilit għal inqas minn tliet snin, is-solvenza finanzjarja tiegħu għandha tkun iġġudikata abbażi tar-rekords u ta’ l-informazzjoni li huma disponibbli.

Artikolu 14k

1.   L-istandards ta’ sigurtà u sikurezza ta’ l-applikant imsemmija fir-raba’ inċiż ta’ l-Artikolu 5a(2) tal-Kodiċi għandhom jitqiesu xierqa jekk jiġu sodisfatti l-kundizzjonijiet li ġejjin:

2.   Jekk linja ta’ l-ajru jew kumpannija tat-trasport bil-baħar li m'hijiex stabbilita fil-Komunità, iżda għandha uffiċċju reġjonali hemmhekk u tgawdi mi-simplifikazzjonijiet stipulati fl-Artikoli 324e, 445 jew 448, tressaq applikazzjoni għaċ-Ċertifikat AEO imsemmi fil-punt (b) ta’ l-Artikolu 14a(1), għandha tissodisfa waħda mill-kundizzjonijiet li ġejjin:

Jekk il-linja ta’ l-ajru jew il-kumpannija tat-trasport bil-baħar tkun id-detentriċi taċ-ċertifikat imsemmi fil-punt (a) ta' dan il-paragrafu, il-kriterji stipulati fil-paragrafu 1 ikunu sodisfatti. L-awtoritajiet doganali tal-ħruġ għandhom jikkonsidraw li l-kriterji stabbiliti fil-paragrafu 1 ikunu sodisfatti, t safejn i-kriterji għall-ħruġ taċ-ċertifikat internazzjonali jkunu identiċi jew komparabbli għal dawk stipulati fil-paragrafu 1.

3.   Jekk l-applikant ikun stabbilit fil-Komunità u jkun Aġent Regolat kif imsemmi fir-Regolament (KE) Nru 2320/2002 u jkun jissodisfa r-rekwiżiti previst fi-Regolament (KE) Nru 622/2003, il-kriterji stabbiliti fil-paragrafu 1 għandhom jitqiesu li ġew sodisfatti fir-rigward tal-post li għalih l-operatur ekonomiku jkun kiseb l-istatus ta' Aġent Regolat.

4.   Jekk l-applikant, stabbilit fil-Komunità, ikun id-detentur ta’ ċertifikat ta-sigurtà u/jew tas-sikurezza rikonoxxut internazzjonalment, maħruġ abbażi ta’ konvenzjonijiet internazzjonali, ta’ ċertifikat tas-sigurtà u/jew tas-sikurezza Ewropew maħruġ abbażi tal-leġiżlazzjoni Komunitarja, ta’ Standard Internazzjonali ta’ l-Organizzazzjoni Internazzjonali għall-Istandardizzazzjoni, jew ta’ Standard Ewropew ta’ l-Organizzazzjonijiet Ewropej ta’ l-Istandards, il-kriterji previsti fil-paragrafu 1 għandhom jitqiesu li ġew sodisfatti safejn il-kriterji għall-għoti ta' dawn iċ-ċertifikati jkunu identiċi jew komparabbli ma’ dawk stabbiliti fir-Regolament preżenti.

Sezzjoni 4

Il-proċedura għall-għoti taċ-Ċertifikati AEO

Artikolu 14l

1.   L-awtorità doganali li toħroġ iċ-ċertifikati għandha tikkomunika l-applikazzjoni lill-awtoritajiet doganali ta' l-Istati Membri l-oħra kollha fi żmien ħamest ijiem tax-xogħol mid-data li fiha tkun rċeviet l-applikazzjoni skond l-Artiokolu 14c, permezz tas-sistema ta’ komunikazzjoni msemmija fl-Artikolu 14x.

2.   Meta l-awtorità doganali ta’ kwalunkwe Stat Membru ieħor ikollha informazzjoni rilevanti li jista' jippreġudika l-għoti taċ-ċertifikat, din għandha tikkomunika dak l-informazzjoni lill-awtorità doganali li toħroġ iċ-ċertifikati fi żmien 35 jum kalendarju li jibdew mid-data tal-komunikazzjoni prevista fil-paragrafu 1, permezz tas-sistema ta' komunikazzjoni msemmija fl-Artikolu 14x.

Artikolu 14m

1.   Hija meħtieġa konsultazzjoni bejn l-awtoritajiet doganali ta’ l-Istati Membri jekk l-eżaminazzjoni ta’ wieħed jew iktar mill-kriterji stipulati fl-Artikoli 14g-14k ma jkunux jistgħu jitwettqu mill-awtorità doganali li qed twettaq il-konsultazzjoni, minħabba nuqqas ta’ informazzjoni jew minħabba n-nuqqas ta'possibbiltà biex dan jiġi kkontrollat. F’dawn il-każijiet, l-awtoritajiet doganali ta' l-Istati Membri għandhom iwetqqu l-konsultazzjoni fi żmien 60 jum kalendarju, li jibdew mid-data tal-komunikazzjoni ta’ l-informazzjoni mill-awtoritajiet doganali li qed joħroġ iċ-ċertifikat, sabiex iċ-Ċertifikat AEO ikun jista’ jinħareġ jew l-applikazzjoni tkun tista’ tiġi miċħuda fil-limiti ta’ żmien stipulati fl-Artikolu 14o (2).

Jekk l-awtorità doganali kkonsultata tonqos milli twieġeb fi żmien is-60 jum kalendarju, l-awtorità li qed tikkonsulta tista’ tassumi, fuq ir-responsabbiltà ta’ l-awtorità doganali kkonsultata, li l-kriterji li għalihom saret il-konsultazzjoni kienu sodisfatti. Dan il-perjodu jista jiġi estiż jekk l-applikant iwettaq adattamenti sabiex jissodisfa dawk il-kriterji u jikkomunikahom lill-awtorità kkonsultata u dik li qed tikkonsulta.

2.   Jekk, wara l-eżami previst fl-Artikolu 14n, l-awtorità doganali kkonsultata tistabbilixxi li l-applikant ma jissodisfax wieħed jew iktar mill-kriterji, ir-riżultati, iddokumentati b’mod xieraq, għandhom jiġu ttrasferiti lill-uffiċċju doganali li joħroġ iċ-ċertifikat u dan ta’ l-aħħar għandu jiċħad l-applikazzjoni. L-Artikolu 14o(4), (5) u (6) għandu japplika.

Artikolu 14n

1.   L-awtorità doganali li toħroġ iċ-ċertifikat għandha teżamina jekk il-kundizzjonijiet u l-kriterji għall-għoti taċ-ċertifikat deskritt fl-Artikoli 14gsa14k humiex sodisfatti jew le. L-eżaminazzjoni tal-kriterji stipulati fl-Artikolu 14k għandha titwettaq fuq il-postijiet kollha li jkunu rilevanti għall-attivitajiet ta’ l-applikant marbuta mad-dwana. L-eżaminazzjoni, kif ukoll ir-riżultati tagħha, għandha tkun iddokumentata mill-awtorità doganali.

Meta, f’każ ta’ għadd kbir ta’ postijiet, il-perjodu għall-għoti taċ-ċertifikat ma jkunx biżżejjed għall-eżaminazzjoni tal-postijiet rilevanti kollha, iżda l-awtorità doganali ma jkollhiex dubju li l-applikant iżomm standards ta’ sigurtà korportattiva li jintużaw b'mod komuni fl-istabbilimenti kollha tiegħu, tista' tiddeċiedi li teżamina biss proporzjon rappreżentattiv ta' dawk l-istabbilimenti.

2.   L-awtorità doganali li toħroġ iċ-ċertifikat tista’ taċċetta l-konklużjonijiet li jagħtiha espert fl-oqsma rilevanti msemmija fl-Artikoli 14i, 14j u 14k fir-rigward tal-kundizzjonijiet u l-kriterji msemmija f’dawk l-Artikoli rispettivament. L-espert ma għandux ikollu xi relazzjoni ma’ l-applikant.

Artikolu 14o

1.   L-uffiċċju doganali li joħroġ iċ-ċertifikati, għandu joħroġ iċ-Ċertifikat AEO skond l-eżempju stabbilit fl-Anness 1D.

2.   Iċ-Ċertifikat AEO għandu jinħareġ fi żmien 90 jum kalendarju li jibdew mid-dħul ta’ l-applikazzjoni skond l-Artikolu 14c. Dan il-perjodu jista’ jiġi estiż b’perjodu wieħed ieħor ta’ 30 jum kalendarju meta l-awtorità doganali ma tkunx tista tissodisfa l-iskadenza stabbilita. F’każijiet bħal dawn, l-awtorità doganali għandha tgħarraf lill-applikant bir-raġunijiet għall-estensjoni qabel ma jiskadi l-perjodu ta’ 90 jum kalendarju.

3.   Il-perjodu previst fl-ewwel sentenza tal-paragrafu 2 jista’ jiġi estiż jekk, matul l-eżaminazzjoni tal-kriterji, l-applikant jagħmel adattamenti sabiex jissodisfa dawk il-kriterji u jikkomunikahom lill-awtorità kompetenti.

4.   Meta r-riżultat ta’ l-eżami mwettaq skond l-Artikoli 14l, 14m u 14n x’aktarx iwassal għaċ-ċaħda ta’ l-applikazzjoni, l-uffiċċju doganali li joħroġ iċ-ċertifikat għandu jikkomunika s-sejbiet lill-applikant u jipprovdih bl-opportunità li jwieġeb fi żmien 30 jum kalendarju, qabel ma jiċħad l-applikazzjoni. Il-perjodu stabbilit fl-ewwel sentenza tal-paragrafu 2 għandu jiġi għalhekk sospiż.

5.   Iċ-ċaħda ta’ applikazzjoni ma għandhiex twassal għar-revoka awtomatika ta’ kwalunkwe awtorizzazzjoni eżistenti maħruġa skond ir-regoli doganali.

6.   Jekk l-applikazzjoni tiġi miċħuda, l-awtorità doganali għandha tgħarraf lill-applikant bir-raġunijiet li fuqhom ittieħdet id-deċiżjoni. Id-deċiżjoni biex tinċaħad l-applikazzjoni għandha tiġi nnotifikata lill-applikant fil-limiti ta' żmien stipulati fil-paragrafi (2) (3) u (4).

Artikolu 14p

L-awtorità doganali li toħroġ iċ-ċertifikat għandha, fi żmien ħamest ijiem tax-xogħol, tinforma lill-awtoritajiet doganali ta' l-Istati Membri l-oħra li nħareġ Ċertifikat AEO, permezz tas-sistema ta' komunikazzjoni msemmija fl-Artikolu 14x. L-informazzjoni għandha tiġi pprovduta wkoll fl-istess limitu ta’ żmien jekk l-applikazzjoni tiġi miċħuda.

KAPITOLU 2

L-effetti legali taċ-Ċertifikati AEO

Sezzjoni 1

Dispożizzjonijiet Ġenerali

Artikolu 14q

1.   Iċ-Ċertifikat AEO għandu jidħol fis-seħħ mill-għaxar jum tax-xogħol wara d-data tal-ħruġ tiegħu.

2.   Iċ-Ċertifikat AEO għandu jkun rikonoxxut fl-Istati Membri kollha.

3.   Il-perjodu ta’ validità taċ-Ċertifikat AEO ma għandux ikun limitat.

4.   L-awtoritajiet doganali għandhom jissorveljaw il-konformità mal-kundizzjonijiet u l-kriterji li għandhom jiġu sodisfatti mill-Operatur Ekonomiku Awtorizzat.

5.   Għandha ssir rivalutazzjoni mill-awtorità doganali li toħroġ iċ-ċertifikat tal-kundizzjonijiet u l-kriterji fil-każijiet li ġejjin:

Fil-każ ta’ ċertifikat AEO maħruġa lil applikant li ilu stabbilit għal inqas minn tliet snin, għandu jkun hemm sorveljanza mill-qrib matul l-ewwel sena minn wara l-ħruġ.

Għandu japplika l-Artikolu 14n(2).

Ir-riżultati tar-rivalutazzjoni għandhom jitqiegħdu għad-dispożizzjoni ta’ l-awtoritajiet doganali ta’ l-Istati Membri kollha, permezz tas-sistema tal-komunikazzjoni msemmija fl-Artikolu 14x.

Sezzjoni 2

Is-sospensjoni ta' l-istatus ta’ Operatur Eknomiku Awtorizzat

Artikolu 14r

1.   L-istatus ta’ Operatur Ekonomiku Awtorizzat għandu jiġi sospiż mill-awtorità doganali li toħroġ iċ-ċertifikat fil-każijiet li ġejjin:

Madankollu, fil-każ imsemmi fil-punt (b) ta' l-ewwel subparagrafu, l-awtorità doganali tista’ tiddeċiedi biex ma tissospendix l-istatus ta’ Operatur Ekonomiku Awtorizzat jekk tqis li l-ksur huwa wieħed ta’ importanza negliġibbli, meta mqabbel man-numru jew id-daqs ta' l-operazzjonijiet b’rabta doganali, u ma toħloqx dubji dwar il-bona fede ta' l-Operatur Ekonomiku Awtorizzat.

Qabel ma tittieħed deċiżjoni, l-awtoritajiet doganali għandhom jikkomunikaw is-sejbiet tagħhom lill-operatur ekonomiku kkonċernat. L-operatur ekonomiku kkonċernat għandu d-dritt jikkoreġi s-sitwazzjoni u/jew jesprimi l-fehma tiegħu fi żmien 30 jum kalendarju li jibdew mid-data tal-komunikazzjoni.

Madankollu, is-sospensjoni għandha tidħol fis-seħħ minnufih meta jkun hekk meħtieġ minħabba t-tip jew il-livell tat-theddida lis-sigurtà u s-sikurezza taċ-ċittadini, lis-saħħa pubblika jew lill-ambjent. L-awtorità doganali li toħroġ s-sospensjoni għandha minnufih tinforma lill-awtoritajiet doganali ta’ l-Istati Membri l-oħra, permezz tas-sistema ta’ komunikazzjoni msemmija fl-Artikolu 14x, sabiex ikunu jistgħu jieħdu l-azzjoni xierqa.

2.   Jekk id-detentur ta' Ċertifikat AEO ma jirregolarizzax is-sitwazzjoni msemmija fil-punt (a) ta' l-ewwel subparagrafu tal-paragrafu 1 fi żmien il-perjodu tat-30 jum kalendarju msemmijafit-tielet subparagrafu tal-paragrafu 1, l-awtorità doganali kompetenti għandha tinnotifika l-operatur ekonomiku kkonċernat li l-istatus ta’ Operatur Ekonomiku Awtorizzat huwa sospiż għal perjodu ta' 30 jum kalendarju, sabiex l-operatur ekonomiku jkun jista' jieħu l-miżuri meħtieġa biex jirregolarizza s-sitwazzjoni. In-notifika għandha tintbagħat ukoll lill-awtoritajiet doganali ta’ l-Istati Membri l-oħra permezz tas-sistema ta’ komunikazzjoni msemmija fl-Artikolu 14x.

3.   Jekk id-detentur ta’ Ċertifikat AEO ikun wettaq att imsemmi fil-punt (b) ta' l-ewwel subparagrafu tal-paragrafu 1, l-awtorità doganali li toħroġ iċ-ċertifikat għandha tissospendi l-istatus ta’ Operatur Ekonomiku Awtorizzat matul tul iż-żmien tal-proċedimenti fil-qorti. Għandha tinnotifika lid-detentur taċ-ċertifikat b’dan. In-notifika permezz tas-sistema ta’ komunikazzjoni msemmija fl-Artikolu 14x għandha tintbagħat ukoll lill-awtoritajiet doganali ta’ l-Istati Membri l-oħra.

4.   Meta l-operatur ekonomiku ikkonċernat ma jkunx jista' jirregolarizza s-sitwazzjoni fi żmien 30 jum kalendarju iżda jkun jista' jagħti evidenza li l-kundizzjonijiet ikunu jistgħu jintlaħqu jekk jiġi estiż il-perjodu ta' sospensjoni, l-awtorità doganali li toħroġ iċ-ċertifikat għandha tissospendi l-istatus ta’ Operatur Ekonomiku Awtorizzat għal perjodu ieħor ta' 30 jum kalendarju.

Artikolu 14s

1.   Is-sospensjoni ma għandha taffettwa ebda proċedura doganali li tkun diġà nbdiet qabel id-data tas-sospensjoni u tkun għada ma tlestietx.

2.   Is-sospensjoni ma għandha taffettwa awtomatikament l-ebda awtorizzazzjoniji li tkun ingħatat mingħajr referenza liċ-Ċertifika AEO sakemm ir-raġunijiet għas-sospensjoni jkollhom rilevanza wkoll għal dik l-awtorizzazzjoniji.

3.   Is-sospensjoni ma għandha taffettwa awtomatikament l-ebda awtorizzazzjoni għall-użu ta’ simplifikazzjoni doganali li tkun ingħatat abbażi ta’ Ċertifikat AEO u li l-kundizzjonijiet għaliha għadhom sodisfatti.

4.   Fil-każ taċ-Ċertifikat AEO imsemmi fil-punt (c) ta’ l-Artikolu 14a(1), jekk l-operatur ekonomiku kkonċernat jonqos milli jissodisfa biss il-kundizzjonijiet stipulati fl-Artikolu 14k, l-istatus ta’ Operatur Ekonomiku Awtorizzat għandu jiġi sospiż parzjalment u jista' jinħareġ Ċertifikat AEO ġdid kif imsemmi fil-punt (a) ta' l-Artikolu 14a(1) fuq talba tiegħu.

Artikolu 14t

1.   Meta l-operatur ekonomiku kkonċernat ikun ħa, għas-sodisfazzjon ta’ l-awtoritajiet doganali, l-miżuri meħtieġa sabiex jikkonforma mal-kundizzjonijiet u mal-kriterji li għandhom jiġu sodisfatti minn Operatur Ekonomiku Awtorizzat, l-awtorità doganali li toħroġ iċ-ċertifikat għandha tirtira s-sospensjoni u tgħarraf lill-operatur ekonomiku kkonċernat u lill-awtoritajiet doganali ta’ l-Istati Membri l-oħra. Is-sospensjoni tista’ tiġi rtirata qabel l-iskadenza tal-limitu ta’ żmien stipulat fl-Artikolu 14r(2) jew (4).

Fis-sitwazzjoni msemmija fl-Artikolu 14s(4), l-awtorità doganali li tissospendi ċ-ċertifikat għandha toħroġ mill-ġdid iċ-ċertifikat sospiż. Sussegwentement, għandha tirrevoka ċ-Ċertifikat AEO imsemmi fil-punt (a) ta’ l-Artikolu 14a(1).

2.   Jekk l-operatur ekonomiku kkonċernat jonqos milli jieħu l-miżuri neċessarji fi żmien il-perjodu ta’ sospensjoni previst fl-Artikolu 14r(2) jew (4), l-awtorità doganali li toħroġ iċ-ċertifikat għandha tirrevoka ċ-Certifikat AEO u tinnotifika minnufih lill-awtoritajiet doganali ta’ l-Istati Membri l-oħra, permezz tas-sistema ta’ komunikazzjoni msemmija fl-Artikolu 14x.

Fis-sitwazzjoni msemmija fl-Artikolu 14s(4), iċ-ċertifikat oriġinali għandu jiġi revokat u huwa biss ċ-ċertifikat AEO il-ġdid kif imsemmi fil-punt (a) ta' l-Artikolu 14a(1) li jkun validu.

Artikolu 14u

1.   Meta Operatur Ekonomiku Awtorizzat ma jkunx jista', temporanjament, jissodisfa ebda kriterju stipulat fl-Artikolu 14a, jista' jitlob s-sospensjoni ta’ l-istatus ta’ Operatur Ekonomiku Awtorizzat. F’każ bħal dan, l-Operatur Ekonomiku Awtorizzat għandu jinnotifika l-awtorità doganali li toħroġ iċ-ċertifikat, filwaqt li jispeċifikad-data sa meta jkun jista’ jerġa’ jissodisfa l-kriterji. Għandu jinnotifika wkoll l-awtorità doganali li toħroġ iċ-ċertifikat bi kwalunkwe miżura ppjanata u bi skeda bid-dati għalihom.

L-awtorità doganali nnotifikata għandha tibgħat in-notifika lill-awtoritajiet doganali ta’ l-Istati Membri l-oħra permezz tas-sistema ta’ komunikazzjoni msemmija fl-Artikolu 14x.

2.   Jekk l-Operatur Eknomiku Awtorizzat jonqos milli jirregolarizza s-sitwazzjoni fil-perjodu stipulat fin-notifika tiegħu, l-awtorità doganali li toħroġ iċ-ċertifikat tista’ tagħti estensjoni raġonevoli, sakemm l-Operatur Eknomiku Awtorizzat jkun aġixxa b’bona fede. Din l-estensjoni għandha tiġi nnotifikata lill-awtoritajiet doganali ta’ l-Istati Membri l-oħra permezz tas-sistema ta’ komunikazzjoni msemmija fl-Artikolu 14x.

Fil-każijiet l-oħra kollha, iċ-Ċertifikat AEO għandu jiġi rrevokat u l-awtorità doganali tal-ħruġ taċ-ċertifikat għandha minnufih tinnotifika lill-awtoritajiet doganali ta’ l-Istati Membri l-oħra permezz tas-sistema ta’ komunikazzjoni msemmija fl-Artikolu 14x.

3.   Jekk il-miżuri rekwiżiti ma jsirux fi żmien il-perjodu tas-sospensjoni, għandu japplika l-Artikolu 14v.

Sezzjoni 3

Ir-revoka taċ-Certifikat AEO

Artikolu 14v

1.   Iċ-Ċertifikat AEO għandu jiġi rrevokat mill-awtorità doganali li toħroġ iċ-ċertifikat fil-każijiet li ġejjin:

Madankollu, fil-każ imsemmi fil-punt (b), l-awtorità doganali tista’ tiddeċiedi li ma tirrevokax iċ-Ċertifikat AEO jekk tqis li l-ksur ikunu ta’ importanza negliġibbli, meta mqabbla man-numru jew id-daqs ta' l-operazzjonijiet b’rabta doganali, u biex ma jinħolqux dubji dwar il-bona fede ta' l-Operatur Ekonomiku Awtorizzat.

2.   Ir-revoka għandha tieħu effett mill-jum wara n-notifika tagħha.

Fil-każ taċ-Ċertifikat AEO kif imsemmi fil-punt (c) ta’ l-Artikolu 14a(1), fejn l-operatur ekonomiku kkonċernat jonqos biss milli jissodisfa l-kundizzjonijiet i fl-Artikolu 14k, iċ-ċertifikat għandu jiġi rrevokat mill-awtorità doganali li toħroġ iċ-ċertifikat u għandu jinħareġ Ċertifikat AEO ġdid kif imsemmi fil-punt (a) ta' l-Artikolu 14a(1).

3.   L-awtorità doganali li toħroġ iċ-ċertifikat għandha minnufih tinforma lill-awtoritajiet doganali ta’ l-Istati Membri l-oħra dwar ir-revoka ta' Ċertifikat AEO permezz tas-sistema ta’ komunikazzjoni msemmija fl-Artikolu 14x.

4.   Minbarra l-każijiet ta’ revoka msemmija fil-punti (c) u (d) tal-paragrafu 1, l-operatur ekonomiku ma għandux jitħalla jressaq applikazzjoni ġdida għal ċertifikat AEO fi żmien tliet snin mid-data tar-revoka.

KAPITOLU 3

Skambju ta’ informazzjoni

Artikolu 14w

1.   L-Operatur Ekonomiku Awtorizzat għandu jinforma lill-awtoritajiet doganali li joħorġu ċ-ċertifikat bil-fatturi kollha li jinqalgħu wara l-għoti ta' ċertifikat li jistgħu jinfluwenzaw il-kontinwazzjoni jew il-kontenut tiegħu.

2.   L-informazzjoni kollha rilevanti għad-dispożizzjoni ta’ l-awtorità doganali li toħroġ iċ-ċertifikat għanha tkun disponibbli lill-awtoritajiet doganali ta’ l-Istati Membri l-oħra fejn l-Operatur Ekonomiku Awtorizzat iwettaq attivitajiet relatati mad-dwana.

3.   Jekk awtorità doganali tirrevoka awtorizzazzjoni speċifika mogħtija lil Operatur Ekonomiku Awtorizzat, abbażi taċ-ċertifikat AEO tiegħu, għall-użu ta’ simplifikazzjoni doganali partikolari, kif previst fl-Artikoli 260, 263, 269, 272, 276, 277, 282, 283, 313a u 313b, 324a, 324e, 372, 454a, 912g għandha tinnotifika b'dan l-awtorità doganali li ħarġet iċ-ċertifikat AEO.

Artikolu 14x

1.   Sistema elettronika ta’ l-informazzjoni u l-komunikazzjoni, iddefinita mill-Kummissjoni u l-awtoritajiet doganali bi qbil ma’ xulxin, għandha tintuża għall-proċess ta’ informazzjoni u komunikazzjoni bejn l-awtoritajiet doganali u għall-informazzjoni tal-Kummissjoni u ta’ l-operaturi ekonomiċi.

2.   Permezz tas-sistema msemmija fil-paragrafu 1, il-Kummissjoni u l-awtoritajiet doganali għandhom jżommu u jkollhom aċċess għall-informazzjoni li ġejja:

3.   L-awtorità doganali li toħroġ iċ-ċertifikat għandha tinnotifika l-uffiċċji għall-analiżi tar-riskju fl-Istat Membru tagħha bl-għoti, l-emendar, revoka ta' Ċertifikat AEO, jew is-sospensjoni ta' l-istatus ta' Operatur Ekonomiku Awtorizzat. Għandha tinforma wkoll l-awtoritajiet kollha li joħorġu ċ-ċertifikati fl-Istati Membri l-oħra.

4.   Il-Kummissjoni tista tagħmel pubblika l-lista ta’ Operaturi Ekonomiċi Awtorizzati permezz ta’ l-Internet bi qbil minn qabel ma’ l-Operatur Ekonomiku Awtorizzat ikkonċernat. Il-lista għandha tiġi aġġornata.”

4.

Fit-Titolu VI tal-Parti I, l-intestatura tal-Kapitoli 1 huwa mibdul b’dan li ġej:

“KAPITOLU 1

Dikjarazzjonijiet fil-qosor tad-dħul”

5.

Fil-Kapitolu 1 tat-Titolu VI tal-Parti I tiżdied is-Sezzjoni 1 li ġejja:

“Sezzjoni 1

Skop

Artikolu 181b

Ħlief meta jkun iprevist mod ieħor f’dan ir-Regolament, il-merkanzija kollha li tiddaħħal fit-territorju doganali tal-Komunità għandha tiġi koperta minn dikjarazzjoni fil-qosor skond l-Artikolu 36a tal-Kodiċi, minn hawn ‘il quddiem imsemmija ‘dikjarazzjoni fil-qosor tad-dħul’.

Artikolu 181c

Dikjarazzjoni fil-qosor tad-dħul m'hijiex meħtieġa għal:

Madankollu, fil-każijiet koperti mill-punti (e), (f) u (g) ta' l-ewwel subparagrafu, hija meħtieġa dikjarazzjoni fil-qosor tad-dħul meta l-merkanzija titqiegħed f’magazzinaġġ temporanju. Għandu japplika l-ewwel subparagrafu ta' l-Artikolu 184c.

Artikolu 181d

Jekk ftehim internazzjonali bejn il-Komunità u pajjiż terz jipprovdi għar-rikonoxximent ta’ kontrolli tas-sigurtà mwettqa fil-pajjiż ta’ l-esportazzjoni, għandhom japplikaw il-kondizzjonijiet stabbiliti f’dak il-ftehim.”

6.

L-Artikolu 182 hu mħassar.

7.

Fit-Titolu VI tal-Parti I, l-intestatura tal-Kapitolu 2 hija mibdula b’dan li ġej:

“Sezzjoni 2

Id-depożitu ta’ dikjarazzjoni fil-qosor tad-dħul”

8.

L-Artikolu 183 hu mibdul b'dan li ġej:

“Artikolu 183

1.   Id-dikjarazzjoni fil-qosor tad-dħul għandha ssir elettronikament. Għandha tkun fiha d-dettalji stipulati fl-Anness 30A għal dikjarazzjoni bħal din u għandha tkun mimlija skond in-noti ta' spjegazzjoni f'dak l-Anness.

Id-dikjarazzjoni fil-qosor tad-dħul għandha tkun awtentikata mill-persuna li tagħmilha.

L-Artikolu 199(1) għandu japplika mutatis mutandis.

2.   L-awtoritajiet doganali għandhom jippermettu d-depożitu ta’ dikjarazzjoni fil-qosor tad-dħul fuq il-karta biss f’wieħed minn dawn iċ-ċirkostanzi:

Kull fejn meħtieġ, ma’ dikjarazzjonijiet fil-qosor tad-dħul fuq il-karta bħal dawn għandu jkun hemm listi ta’ tagħbija jew listi xierqa oħra, u għandu jkun fihom id-dettalji stabbiliti għal dikjarazzjonijiet fil-qosor tad-dħul fl-Anness 30A.

3.   L-awtoritajiet doganali għandhom jistabbilixxu, bi qbil ma’ xulxin, il-proċedura li għandhom isegwu fil-każijiet imsemmija fil-punt (a) ta' l-ewwel subparagrafu tal-paragrafu 2.

4.   L-użu ta’ dikjarazzjoni fil-qosor tad-dħul fuq il-karta imsemmija fil-punt (b) ta' l-ewwel subparagrafu tal-paragrafu 2 għandha tkun soġġetta għall-approvazzjoni ta’ l-awtoritajiet doganali.

Id-dikjarazzjoni fil-qosor tad-dħul fuq il-karta għandha tkun iffirmata mill-persuna li tagħmilha.

5.   Id-dikjarazzjonijiet fil-qosor tad-dħul għandhom ikunu rreġistrati minnufih mill-awtoritajiet doganali malli jirċevuhom.”

9.

L-Artikoli 183a sa 183d li ġejjin jiġu miżjuda:

“Artikolu 183a

1.   Id-data pprovduta fi proċedura tat-transitu tista' tintuża bħala dikjarazzjoni fil-qosor tad-dħul jekk ikunu sodisfatti l-kundizzjonijiet li ġejjin:

2.   Sakemm id-data tat-transitu li jkun fiha d-dettalji meħtieġa tiġi skambjata fil-limitu ta’ żmien rilevanti stabbilit fl-Artikolu 184a, ir-rekwiżiti ta’ l-Artikolu 183 għandhom jitqiesu li ġew sodisfatti, anki fejn il-merkanzija tkun rilaxxata għal transitu barra t-territorju doganali tal-Komunitá.

Artikolu 183b

Fil-każ ta’ trasportazzjoni kkombinata, fejn il-mezz attiv tat-trasport li qed jidħol fit-territorju doganali tal-Komunità qiegħed sempliċement jittrasporta mezz attiv ta’ trasport ieħor, l-obbligu li tiġi ddepożitata dikjarazzjoni fil-qosor tad-dħul jaqa’ fuq l-operatur ta’ dak il-mezz l-ieħor tat-trasport.

Il-limitu ta’ żmien għad-depożitu tad-dikjarazzjoni fil-qosor tad-dħul għandu jikkorrispondi għal-limitu ta’ żmien applikabbli għall-mezz attiv tat-trasport li jaqsam il-fruntiera, kif speċifikat fl-Artikolu 184a.

Artikolu 183c

Fil-każ ta’ traffiku bil-baħar jew bl-ajru fejn hemm arranġament għal sehem fl-użu jew kuntrattar tal-vapur, id-dmir li tiġi ddepożitata d-dikjarazzjoni fil-qosor tad-dħul taqa' fuq il-persuna li daħlet fil-kuntratt, u ħarġet polza tat-tagħbija jew tagħbija bl-ajru, għall-ġarr tal-merkanzija attwali fuq il-vapur jew l-ajruplan soġġett għall-arranġament.

Artikolu 183d

1.   Fil-każijiet imsemmija fl-Artikoli 183b u 183c, l-operatur tal-mezz ta’ trasport attiv li dieħel fit-territorju doganali Komunitarju għandu jiddepożita notifika ta’ qabel il-wasla fl-uffiċċju doganali tad-dħul fejn jelenka l-kunsinni kollha mwettqa minn dak il-mezz tat-trasport.

In-notifika ta’ qabel il-wasla għandha turi l-identità tal-mezz tat-trasport attiv dieħel fit-territorju doganali tal-Komunità. Għal kull kunsinna, għandu jkun fiha l-informazzjoni li ġejja:

In-notifika ta’ qabel il-wasla għandha tiġi ddepożitata fl-istess format u bl-istess mezz bħad-dikjarazzjoni fil-qosor tad-dħul, jew fil-forma ta' manifest jew lista tat-tagħbija kummerċjali, tal-port jew tat-trasport, sakemm ikun fiha d-dettalji meħtieġa u tkun iddepożitata f'mod aċċettabbli għall-awtoritajiet doganali ta' l-uffiċċju doganali tad-dħul.

2.   Fil-każi l-oħra barra dawk imsemmija fl-Artikoli 183b u 183c, fejn id-dikjarazzjoni fil-qosor tad-dħul għall-merkanzija mġorra b’mezz ta’ trasport dieħel fit-territorju doganali tal-Komunità għandha tiġi ddepożitata minn xi persuna li mhux l-operatur ta’ dak il-mezz tat-trasport, l-operatur jista’ jiddepożita notifika ta’ qabel il-wasla għand l-awtoritajiet doganali fl-uffiċċju doganali tad-dħul.

In-notifika ta’ qabel il-wasla għandha turi l-identità tal-mezz tat-trasport li qed jaqsam bejn il-fruntieri. Għal kull kunsinna, għandu jkun fiha l-informazzjoni li ġejja:

3.   In-notifika msemmija fil-paragrafi 1 u 2 għandha tiġi depożitata fil-limitu ta’ żmien applikabbli fir-rigward tal-mezz ta’ trasport kif stipulat fl-Artikolu 184a.

Madankollu, fil-każ tat-traffiku msemmi fil-punt (a) ta’ l-Artikolu 184a (1), in-notifika għandha tiġi depożitata ta’ lanqas 24 siegħa qabel ma l-merkanzija tiddaħħal fit-territorju doganali tal-Komunità.

4.   L-Artikolu 183 għandu japplika, mutatis mutandis, għan-notifiki ta’ qabel i-wasla.”

10.

Fl-Artikolu 184 (1), “l-Artikolu 183 (1)” huwa mibdul bl-“Artikolu 183 (1) u (2)”.

11.

Fil-Kapitolu 1 tat-Titolu VI tal-Parti I, jiddaħħlu s-Sezzjonijiet 3 u 4 li ġejjin:

“Sezzjoni 3

Limiti ta’ żmien

Artikolu 184a

1.   Fil-każ ta’ traffiku marittimu, id-dikjarazzjoni fil-qosor tad-dħul għandha tiġi ddepożitata fl-uffiċċju doganali tad-dħul sad-dati ta' skadenza li ġejjin:

2.   Fil-każ tat-traffiku ta' l-ajru, id-dikjarazzjoni fil-qosor tad-dħul għandha tiġi ddepożitata fl-uffiċċju doganali tad-dħul sad-dati ta' skadenza i li ġejjin:

Għall-iskopijiet ta’ dan l-Artikolu, ‘titjira qasira’ tfisser titjira li ddum inqas minn 4 sigħat mill-aħħar ajruport tat-tluq f’pajjiż terz sal-wasla fl-ewwel ajruport tal-Komunità. It-titjiriet l-oħra kollha jitqiesu bħala titjiriet twal.

3.   Fil-każ ta’ traffiku bil-ferrovija jew bl-ilmijiet interni, id-dikjarazzjoni fil-qosor tad-dħul għandha tiġi ddepożitata fl-uffiċċju doganali tat-dħul għallinqas sagħtejn qabel il-wasla fl-uffiċċju doganali tad-dħul fit-territorju doganali tal-Komunità.

4.   Fil-każ tat-traffiku bit-triq, id-dikjarazzjoni fil-qosor tad-dħul għandha tiġi ddepożitata fl-uffiċċju doganali tat-dħul għallinqas siegħa qabel il-wasla fl-uffiċċju doganali tad-dħul fit-territorju doganali tal-Komunità.

5.   Meta d-dikjarazzjoni fil-qosor tad-dħul ma tiġix iddepożitata permezz ta’ metodu ta’ l-ipproċessar tad-data, il-limitu ta’ żmien stabbilit fil-punti (c) u (d) tal-paragrafu 1, il-punt (a) tal-paragrafu 2 u fil-paragrafi 3 u 4 għandu jkun għallinqas ta’ erba’ siegħat.

6.   Jekk is-sistema kompjuterizzata ta’ l-awtoritajiet doganali ma tkunx qed taħdem temporanjament, l-iskadenzi iprevisti fil-paragrafi 1 sa 4 għandhom japplikaw xorta waħda.

Artikolu 184b

L-iskadenzi imsemmija fl-Artikolu 184a (1) sa (4) ma għandhomx japplikaw fil-każijiet li ġejjin:

Artikolu 184c

Meta jinstab li l-merkanzija ppreżentata lid-dwana li tirrikjedi d-depożitu ta’ dikjarazzjoni fil-qosor tad-dħul ma tkunx koperta minn dikjarazzjoni bħal din, il-persuna li ġabet il-merkanzija, jew ħadet responsabbiltà għall-ġarr tal-merkanzija, fit-territorju doganali tal-Komunità, għandha tiddepożita dikjarazzjoni fil-qosor tad-dħul immedjatament.

Jekk operatur ekonomiku jiddepożita dikjarazzjoni fil-qosor tad-dħul wara l-iskadenzi iprevist fl-Artikolu 184a, dan ma għandux jipprekludi l-applikazzjoni tal-pieni stipulati fil-leġiżlazzjoni nazzjonali.

Sezzjoni 4

L-analiżi tar-riskju

Artikolu 184d

1.   L-uffiċċju doganali tad-dħul, malli jirċievi l-informazzjoni li tinsab fid-dikjarazzjoni fil-qosor tad-dħul, għandu jwettaq analiżi tar-riskju xierqa, primarjament għal skopijiet ta’ sigurtà u sikurezza, qabel mal-merkanzija tasal fit-territorju doganali tal-Komunità. Meta d-dikjarzzjoni fil-qosor tad-dħul tkun ġiet iddepożitata f'uffiċċju doganali li mhuwiex l-uffiċċju doganali tad-dħul, u d-dettalji ngħataw skond l-Artikolu 36 a(2) u t-tieni subparagrafu ta' l-Artikolu 36c(1) tal-Kodiċi, l-awtoritajiet doganali fl-uffiċċju doganali tad-dħul għandhom jew jaċċettaw ir-riżultati ta' kwalunkwe analiżi tar-riskju mwettqa mill-uffiċċju doganali l-ieħor, jew iqisu r-riżultati huma u jwettqu l-analiżi tagħhom tar-riskju.

2.   L-awtoritajiet doganali għandhom ilestu l-analiżi tar-riskju qabel il-wasla tal-merkanzija, sakemm l-iskadenza rilevanti stabbilita fl-Artikolu 184a ikun rispettat.

Madankollu, għal merkanzija li tinġarr mit-tip ta’ traffiku msemmi fil-punt (a) ta’ l-Artikolu 184a (1), l-awtoritajiet doganali għandhom ilestu l-analiżi tar-riskju fi żmien 24 siegħa mill-wasla tad-dikjarazzjoni fil-qosor tad-dħul. Meta dik l-analiżi tipprovdi spjegazzjonijiet raġonevoli għall-awtoritajiet doganali biex iqisu li d-dħul tal-merkanzija fit-territorju doganali tal-Komunità tkun daqshekk ta’ theddida serja għas-sigurtà u s-sikurezza tal-Komunità li jkun jeħtieġ intervent immedjat, l-awtoritajiet doganali għandhom jinnotifikaw lill-persuna li ddepożitat id-dikjarazzjoni fil-qosor tad-dħul u, jekk tkun differenti, lill-persuna responsabbli għall-ġarr tal-merkanzija fit-territorju doganali tal-Komunità, li l-merkanzija ma għandhiex titgħabba. In-notifika għandha ssir fi żmien 24 siegħa mill-wasla tad-dikjarazzjoni fil-qosor tad-dħul.

3.   Meta merkanzija mhux koperta minn dikjarazzjoni fil-qosor tad-dħul skond l-Artikolu 181c(a) sa (i), tiddaħħal fit-territorju doganali tal-Komunità, l-analiżi tar-riskju għandha ssir mal-preżentazzjoni tal-merkanzija, abbażi tad-dikjarazzjoni doganali li tkopri l-merkanzija.

4.   Merkanzija ppreżentata lid-dwana tista' tiġi rilaxxata għal trattament jew użu approvat mid-dwana hekk kif titlesta l-analiżi tar-riskju u r-riżultati jkunu jippermettu dan ir-rilaxx.

Artikolu 184e

Meta vapur jew inġenju ta’ l-arju għandu jieqaf f’aktar minn port jew ajruport wieħed fit-territorju doganali tal-Komunità, sakemm jiċċaqlaq bejn dawn il-portijiet mingħajr ma jieqaf fi kwalunkwe port jew ajruport barra mit-territorju doganali tal-Komunità, għandha tkun iddepożitata dikjarazzjoni fil-qosor tad-dħul fl-ewwel port jew ajruport Komunitarju għall-merkanzija kollha trasportata. L-awtoritajiet doganali ta’ dan l-ewwel port jew arjuport tad-dħul għandhom iwettqu l-analiżi tar-riskju għall-iskopijiet ta’ sigurtà u sikurezza għall-merkanzija kollha ttrasportata. Jistgħu jsiru analiżi tar-riskju addizzjonali għal dik il-merkanzija fil-port jew l-arjuport fejn ikunu rilaxxati.

Meta jiġi identifikat riskju, l-uffiċċju doganali ta’ l-ewwel port jew ajruport tad-dħul, skond il-livell tat-theddida, għandu jew jieħu azzjoni projbittiva fil-każ ta’ kunsinni identifikati bħala theddida ta’ natura serja tant li jkun jeħtieġ intervent immedjat, jew jgħaddi r-riżultati ta’ l-analiżi tar-riskju lill-portijiet jew lill-ajruporti sussegwenti.

F'portijiet jew ajruporti sussegwenti fit-territorju doganali tal-Komunità, dikjarazzjoni fil-qosor tad-dħul għandha tkun meħtieġa biss għal merkanzija li se tinħatt f’dak il-port jew l-ajruport. Il-limitu ta’ żmien stabbilit fl-Artikolu 184a(1) u (2) m’ghandux japplika.

Artikolu 184f

Meta l-merkanzija titgħabba f’port fit-territorju doganali tal-Komunità biex tinħatt f’port Komunitarju ieħor u tiġi ttrasporta fuq bastiment li jivvjaġġa bejn dawn il-portijiet mingħajr ma jieqaf fi kwalunkwe port barra mit-territorju doganali tal-Komunità, għal dik il-merkanzija għandha tkun meħtieġa dikjarazzjoni fil-qosor tad-dħul biss fil-port Komunitarju fejn għandha tinħatt. Il-limitu ta’ żmien stabbilit fl-Artikolu 184a(1) m’ghandux japplika.”

12.

Fit-Titolu VI tal-Parti I, l-intestatura tal-Kapitolu 3 hija mibdula b’dan li ġej:

“KAPITOLU 2

Magazinaġġ temporanju”

13.

L-Artikolu 186 hu mibdul b'dan li ġej:

“Artikolu 186

1.   Meta merkanzija tiġi ppreżentata lid-dwana skond l-Artikolu 40 tal-Kodiċi, din titqies li tkun tqiegħdet f’magazinaġġ temporanju u d-dikjarazzjoni fil-qosor tad-dħul għandha tinżamm mill-awtoritajiet doganali biex ikun ikkontrollat li l-merkanzija marbuta magħha tingħata trattament jew użu approvat mid-dwana. Għall-iskopijiet ta’ l-Artikolu 49 tal-Kodiċi, għandu jitqies li d-dikjarazzjoni fil-qosor tad-dħul ġiet iddepożitata fid-data tal-preżentazzjoni tal-merkanzija.

2.   Meta dikjarazzjoni doganali tkun ġiet iddepożitata fl-uffiċċju doganali tad-dħul bħala dikjarazzjoni fil-qosor tad-dħul, skond l-Artikolu 36c tal-Kodiċi, l-awtoritajiet doganali għandhom jaċċettaw id-dikjarazzjoni minnufih mal-preżentazzjoni tal-merkanzija u l-merkanzija għandha titqiegħed direttament taħt il-proċedura ddikjarata skond il-kundizzjonijiet stipulati għal dik il-proċedura.

3.   Għall-iskopijiet tal-paragrafi 1 u 2, meta merkanzija mhux Komunitarja li tkun ġiet ittrasportata mill-uffiċċju doganali tal-ħruġ taħt proċedura ta’ transitu tiġi ppreżentata lid-dwana f’uffiċċju tad-destinazzjoni fit-territorju doganali tal-Komunità, id-dikjarazzjoni tat-transitu maħsuba għall-awtoritajiet doganali fl-uffiċċju tad-destinazzjoni hija meqjusa bħala d-dikjarazzjoni fil-qosor tad-dħul għall-iskopijiet ta' magazinaġġ temporanju.”

14.

Fl-Artikolu 187, “Artikolu 44 (2)” huwa mibdul b' “Artikolu 36b(3)”.

15.

L-Artikolu 187a li ġej huwa miżjud:

“Artikolu 187a

1.   L-awtoritajiet doganali jistgħu jagħtu permess biex tiġi eżaminata l-merkanzija skond l-Artikolu 42 tal-Kodiċi lill-persuna li, skond ir-regoli doganali, tista' tassenja lill-merkanzija trattament jew użu approvat mid-dwana, fuq talba tagħha bil-fomm. Iżda wara li jikkunsidraw iċ-ċirkostanzi, l-awtoritajiet doganali jistgħu iqisu li tinħtieġ talba bil-miktub.

2.   L-awtoritajiet doganali jistgħu jawtorizzaw it-teħid ta’ kampjuni fuq talba bil-miktub tal-persuna msemmija fil-paragrafu 1 biss.

3.   It-talba bil-miktub tista' ssir biss fuq il-karta jew elettronikament. Għandha tkun iffirmata jew awtentikata mill-persuna kkonċernata u ddepożitata ma’ l-awtoritajiet doganali kompetenti. Għandha tinkludi d-dettalji li ġejjin:

4.   L-awtoritajiet doganali għandhom jikkomunikaw id-deċiżjoni tagħhom lill-persuna kkonċernata. Meta t-talba tkun biex jittieħdu kampjuni, id-deċiżjoni għandha tispeċifika l-kwantità ta' merkanzija li għandha tittieħed.

5.   Il-merkanzija għandha tiġi eżaminata u l-kampjuni għandhom jittieħdu taħt is-sorveljanza ta' l-awtoritajiet doganali, li għandhom jispeċifikaw il-proċeduri li għandhom jiġu segwiti.

Il-persuna kkonċernata għandha ġġorr ir-riskji u l-ispejjeż marbuta ma’ l-eżaminazzjoni, it-teħid tal-kampjuni u l-analiżi tal-merkanzija.

6.   Il-kampjuni meħudha għandhom ikunu soġġett għall-formalitajiet bl-iskop li jingħataw trattament jew użu approvat mid-dwana. Meta, b’riżultat ta’ l-eżami tal-kampjuni, dawn jinqerdu jew jintilfu għal kollox, jitqies li ma ġġarrab ebda dejn doganali.

Kull skart jew prodott mormi li jirriżulta mill-eżaminazzjoni għandu jiġi assenjat trattament jew użu approvat mid-dwana preskritt għal merkanziji mhux tal-Komunità.”

16.

Fit-Titolu VI tal-Parti I, l-intestatura tal-KAPITOLU 4 hija mibdula b’dan li ġej:

“KAPITOLU 3

Dispożizzjonijiet speċjali applikabbli għal merkanzija kkunsinnata bil-baħar jew bl-ajru”

17.

L-Artikolu 201 hu mibdul b'dan li ġej:

“Artikolu 201

1.   Id-dikjarazzjoni doganali għandha tiġi ddepożitata f’wieħed mill-uffiċċji doganali li ġejjin;

Id-dikjarazzjoni doganali tista' tiġi ddepożitata hekk kif il-merkanzija tiġi ppreżentata jew issir disponibbli għall-awtoritajiet doganali għall-kontroll.

2.   L-awtoritajiet doganali jistgħu jawtorizzaw id-dikjarazzjoni doganali li tiġi depożitata qabel ma d-dikjarant ikun f’pożizzjoni li jippreżenta l-merkanzija jew li jagħmilha disponibbli għall-kontroll, fl-uffiċċju doganali fejn hija ddepożitata d-dikjarazzjoni doganali jew f’uffiċċju doganali ieħor jew f’post ieħor indikat mill-awtoritajiet doganali.

L-awtoritajiet doganali jistgħu jiffissaw limitu ta’ żmien, li għandu jkun iddeterminat skond iċ-ċirkostanzi, li matulu l-merkanzija għandha tkun preżentabbli jew disponibbli. Jekk il-merkanzija ma tkunx ippreżentata jew tqiegħdet għad-dispożizzjoni f’dan il-limitu ta’ żmien, għandu jitqies li d-dikjarazzjoni ma ġietx iddepożitata.

Id-dikjarazzjoni doganali tista’ tiġi aċċettata biss wara li l-merkanzija kkonċernata tkun ġiet ippreżentata lill-awtoritajiet doganali jew tkun disponibbli għall-kontroll, għas-sodisfazzjoni ta’ l-awtoritajiet doganali.”

18.

Fl-Artikolu 212(1), żdied is-subparagrafu li ġej:

“Meta dikjarazzjoni doganali tintuża bħala dikjarazzjoni fil-qosor tad-dħul, skond l-Artikolu 36c(1) tal-Kodiċi, dik id-dikjarazzjoni, flimkien mad-dettalji rekwiżiti għall-proċedura speċifika stipulata fl-Anness 37, għandha tinkludi d-dettalji għal dikjarazzjoni fil-qosor tad-dħul stipulati fl-Anness 30A.”

19.

Fl-Artikolu 216, jiżdied il-paragrafu li ġej:

“Meta dikjarazzjoni doganali tkun meħtieġa biex il-merkanzija tinħareġ mit-territorju doganali tal-Komunità, skond l-Artikolu 182b tal-Kodiċi, dik id-dikjarazzjoni, flimkien mad-dettalji meħtieġa għall-proċedura speċifika stipulata fl-Anness 37, għandha tinkludi d-dettalji għal dikjarazzjoni fil-qosor tal-ħruġ stipulat fl-Anness 30A.”

20.

Fl-Artikolu 251 (2), il-punt (b) huwa mibdul b'dan li ġej:

21.

L-Artikolu 254 hu mibdul b'dan li ġej:

“Artikolu 254

Fuq talba tad-dikjarant, l-awtoritajiet doganali jistgħu jaċċettaw dikjarazzjonijiet għar-rilaxx għal moviment ħieles, li ma jkollhomx id-dettalji kollha stipulati fl-Anness 37.

Madankollu, dawk id-dikjarazzjonijiet għandu jkun fihom ta’ l-anqas id-dettalji stipulati fl-Anness 30A għal dikjarazzjoni mhux kompluta.”

22.

Fl-Artikolu 260, il-paragrafu 2 hu mibdul b'dan li ġej:

“2.   Dikjarazzjoni ssimplifikata bħal din għandu jkun fiha ta’ lanqas id-dettalji stipulati fl-Anness 30A għal dikjarazzjoni ssimplifikata għall-importazzjoni.”

23.

Fl-Artikolu 261, għandu jiġi miżjud il-paragrafu 4 li ġej:

“4.   Meta l-persuna kkonċernata jkollha Ċertifikat AEO imsemmi fil-punt (a) jew (c) ta’ l-Artikolu 14a(1), l-awtoritajiet doganali fl-Istati Membri kollha għandhom jeżaminaw biss jekk l-Operatur Ekonomiku Awtorizzat iddikjarax merkanzija għar-rilaxx għal moviment ħieles, okkażjonalment biss. Ir-rekwiżiti l-oħra kollha previsti fil-paragrafi 1 u 2 ta’ dan l-Artikolu għandhom jitqiesu li ġew sodisfatti.”

24.

Fl-Artikolu 262, il-paragrafu 1 hu mibdul b'dan li ġej:

“1.   L-awtorizzazzjoni msemmija fl-Artikolu 260 għandha tinkludi d-dettalji li ġejjin:

Għandha tispeċifika wkoll il-forma u l-kontenut tad-dikjarazzjonijiet supplementari, u għandha tiffissa l-limiti ta’ żmien li fihom iridu jiġi ddepożitati lill-awtorità doganali indikata għal dan l-iskop.”

25.

Fl-Artikolu 264, għandu jiġi miżjud il-paragrafu 3 li ġej:

“3.   Meta l-persuna kkonċernata jkollha ċ-Ċertifikat AEO imsemmi fil-punt (a) jew (c) ta’ l-Artikolu 14a(1), l-awtoritajiet doganali fl-Istati Membri kollha għandhom jeżaminaw biss jekk l-Operatur Ekonomiku Awtorizzat iddikjarax merkanzija għar- rilaxx għal moviment ħieles, okkażjonalment biss. Ir-rekwiżiti l-oħra kollha msemmija fil-paragrafi 1 u 2 għandhom jitqiesu li ġew sodisfatti.”

26.

Fl-Artikolu 266, il-paragrafu 3 hu mibdul b'dan li ġej:

“3.   L-entrata fir-rekords msemmija fil-punti (a), (b) u (c) tal-paragrafu 1 tista' tiġi mibdula minn kwalunkwe formalità oħra li toffri garanziji simili meħtieġa mill-awtoritajiet doganali. Din l-enrata għandha tindika d-data li fiha tkun saret u għandha tinkludi mill-inqas id-dettalji għal dikjarazzjoni skond il-proċedura għar-rilaxx lokali stipulata fl-Anness 30A.”

27.

Fl-Artikolu 268, il-paragrafu 1 hu mibdul b'dan li ġej:

“1.   Fuq talba tad-dikjarant, l-awtoritajiet doganali tad-dħul jistgħu jaċċettaw dikjarazzjonijiet għall-proċedura tal-ħażna doganali, li ma jkollhomx id-dettalji kollha stipulati fl-Anness 37.

Madankollu, dawk id-dikjarazzjonijiet għandu jkun fihom mill-inqas id-dettalji għal dikjarazzjoni mhux kompluta stipulata fl-Anness 30A.”

28.

Fl-Artikolu 270, għandu jiġi miżjud il-paragrafu 5 li ġej:

“5.   Meta l-persuna kkonċernata jkollha Ċertifikat AEO imsemmi fil-punt (a) jew (c) ta’ l-Artikolu 14a(1), l-awtoritajiet doganali fl-Istati Membri kollha għandhom jeżaminaw biss jekk l-Operatur Ekonomiku Awtorizzat idaħħalx merkanzija għall-proċedura, okkażjonalment biss. Ir-rekwiżiti l-oħra kollha stabbiliti fil-paragrafi 1, 2 u 3 għandhom jitqiesu li ġew sodisfatti.”

29.

L-Artikolu 271 hu mibdul b'dan li ġej:

“Artikolu 271

L-awtorizzazzjoni msemmija fl-Artikolu 269 (1) għandha tistabbilixxi regoli speċifiċi għall-operazzjoni tal-proċedura, inkluż(i) l-uffiċċju(i) doganali tad-dħul għall-proċedura.

M’huwiex meħtieġ li tkun pprovduta dikjarazzjoni supplementari.”

30.

Fl-Artikolu 275, il-paragrafu 1 hu mibdul b'dan li ġej:

“1.   Fuq talba tad-dikjarant, l-awtoritajiet doganali tad-dħul jistgħu jaċċettaw dikjarazzjonijiet, għal tqegħid tal-merkanzija taħt proċedura doganali b’impatt ekonomiku eskluż l-ipproċessar 'l barra, jew ta’ ħażna doganali, li ma jkollhomx id-dettalji kollha stabbilti fl-Anness 37 jew li ma jkollhomx mehmuż magħhom ċerti dokumenti msemmija fl-Artikolu 220.

Madankollu, dawk id-dikjarazzjonijiet għandu jkun fihom mill-inqas id-dettalji għal dikjarazzjoni mhux kompluta stipulata fl-Anness 30A.”

31.

L-Artikolu 279 hu mibdul b'dan li ġej:

“Artikolu 279

1.   Il-formalitajiet li għandhom jitwettqu fl-uffiċċju doganali ta’ l-esportazzjoni kif iprevist fl-Artikolu 792 jistgħu jkunu ssimplifikati skond dan il-Kapitolu.

2.   L-Artikoli 792 (4), 792a, 792b, 793 sa 793c u, fejn ikun xieraq, l-Artikoli 796a sa 796e, għandhom japplikaw għal dan il-Kapitolu”

32.

L-Artikoli 280 u 281 huma mibdula b'dan li ġej:

“Artikolu 280

1.   Fuq talba tad-dikjarant, l-awtoritajiet doganali tal-ħruġ jistgħu jaċċettaw dikjarazzjonijiet għall-esportazzjoni li ma jkollhomx id-dettalji kollha stipulati fl-Anness 37.

Madankollu, dawk id-dikjarazzjonijiet għandu jkun fihom ta’ l-anqas id-dettalji stipulati fl-Anness 30A għal dikjarazzjoni mhux kompluta.

Meta l-merkanzija tkun soġġetta għal dazji ta' l-esportazzjoni jew soġġetta għal xi miżura oħra prevista taħt il-politika agrikola komuni, id-dikjarazzjonijiet ta' esportazzjoni għandu jkun fihom l-informazzjoni kollha meħtieġa għall-applikazzjoni xierqa ta' dawk id-dazji jew miżuri.

2.   L-Artikoli 255 sa 259 għandhom japplikaw mutatis mutandis għal dikjarazzjonijiet ta' l-esportazzjoni.

Artikolu 281

1.   Fejn japplika l-Artikolu 789, id-dikjarazzjoni supplementari tista’ tiġi ddepożitata fl-uffiċċju doganali responsabbli għall-post fejn huwa stabbilit l-esportatur.

2.   Meta s-sottokuntrattur ikun stabbilit fi Stat Membru li mhux dak fejn huwa stabbilit l-esportatur, il-paragrafu 1 għandu japplika biss meta d-data rekwiżita tiġi skambjata elettronikament skond l-Artikolu 4d.

3.   Id-dikjarazzjoni ta’ l-esportazzjoni mhux kompluta għandha tispeċifika l-uffiċċju doganali fejn għandha tiġi ddepożitata d-dikjarazzjoni supplimentari. L-uffiċċju doganali li jirċievi d-dikjarazzjoni ta’ l-esportazzjoni mhux kompluta għandu jikkomunika d-dettalji tad-dikjarazzjoni ta’ l-esportazzjoni mhux kompluta lill-uffiċċju doganali fejn għandha tiġi ddepożitata d-dikjarazzjoni supplimentari kif provdut fil-paragrafu 1.

4.   Fil-każijiet imsemmija fil-paragrafu 2, l-uffiċċju doganali li rċieva d-dikjarazzjoni supplimentari għandhu jikkomunika minnufih id-dettalji tad-dikjarazzjoni supplimentari lill-uffiċċju doganali fejn ġiet iddepożitata d-dikjarazzjoni ta’ l-esportazzjoni mhux kompluta.”

33.

Fl-Artikolu 282, il-paragrafu 2 hu mibdul b'dan li ġej:

“2.   Id-dikjarazzjoni ssimplifikata għandu jkun fiha ta’ lanqas id-dettalji għal dikjarazzjoni ssimplifikata stipulata fl-Anness 30A.

L-Artikoli 255 sa 259 għandhom japplikaw mutatis mutandis.”

34.

L-Artikolu 285 hu mibdul b'dan li ġej:

“Artikolu 285

1.   Qabel it-tneħħija tal-merkanzija mill-postijiet imsemmija fl-Artikolu 283, l-esportatur approvat għandu jissodisfa l-obbligi li ġejjin:

2.   L-esportatur approvat jista' jiddepożita dikjarazzjoni ta’ l-esportazzjoni kompluta minflok id-dikjarazzjoni ta’ l-esportazzjoni ssimplifikata. F’każ bħal dan, ir-rekwiżit għal dikjarazzjoni supplementari, stipulat fl-Artikolu 76(2) tal-Kodiċi, għandu jkun irrinunzjat.”

35.

Jiddaħħal l-Artikolu 285a li ġej:

“Artikolu 285a

1.   L-awtoritajiet doganali jistgħu jeżentaw esportatur approvat mir-rekwiżit li jippreżenta dikjarazzjoni ssimplifikata fl-uffiċċju doganali ta’ l-esportazzjoni għal kull tneħħija tal-merkanzija. Din l-eżenzjoni għandha tingħata biss jekk l-esportatur approvat jissodisfa l-kundizzjonijiet li ġejjin:

L-entrata msemmija fil-punt (c) ta' l-ewwel subparagrafu jista' jinbidel bi kwalunkwe formalità oħra meħtieġa mill-awtoritajiet doganali, li toffri garanziji simili. Din l-entrata għandha tindika d-data li fiha tkun saret u d-dettalji meħtieġa biex tiġi identifikata l-merkanzija.

2.   F’ċerti ċirkostanzi partikolari ġustifikati minħabba t-tip ta' merkanzija in kwistjoni u r-ritmu mgħaġġel ta' l-operazzjonijiet ta' esportazzjoni, l-awtoritajiet doganali jistgħu, sat-30 ta' Ġunju 2009, jeżentaw l-esportatur approvat mir-rekwiżiti stipulati fil-punti (a) u (b) ta’ l-ewwel subparagrafu tal-paragrafu 1, sakemm jipprovdi lill-uffiċċju doganali ta' l-esportazzjoni bl-informazzjoni kollha li dan ta’ l-aħħar jikkunsidra meħtieġa biex ikun possibli li jeżerċita d-dritt tiegħu biex jeżamina l-merkanzija, f’każ li jkun hemm bżonn, qabel l-ħruġ tal-merkanzija.

F’dan il-każ, l-entrata tal-merkanżija fir-rekords ta’ l-esportatur approvat għandha tkun ekwivalenti għal rilaxx.”

36.

Jiddaħħal l-Artikolu 285b li ġej:

“Artikolu 285b

1.   L-informazzjoni imsemmija fil-punt (a) ta’ l-ewwel subparagafu ta' l-Artikolu 285a(1) għandu jingħata lill-uffiċċju doganali ta’ l-esportazzjoni sad-dati ta skadenza previsti fl-Artikoli 592b u 592c.

2.   L-entrata fir-rekordsrekords msemmija fil-punt (c) ta’ l-ewwel subparagrafu ta' l-Artikolu 285a(1) għandu jinkludi d-dettalji għall-proċedura ta’ rilaxx lokali stipulata fl-Anness 30A.

3.   L-awtoritajiet doganali għandhom jiżguraw li r-rekwiżiti ta’ l-Artikoli 796a sa 796e jiġu sodisfatti.”

37.

Fl-Artikolu 286, il-paragrafi 3 u 4 hu mibdul b'dan li ġej:

“3.   Qabel il-ħruġ tal-merkanzija, l-esportatur approvat għandu jissodisfa r-rekwiżiti li ġejjin:

38.

Fl-Artikolu 287, il-paragrafu 1 hu mibdul b'dan li ġej:

“1.   L-awtorizzazzjoni msemmija fl-Artikolu 283 għandha tistabilixxi regoli dettaljati għall-operazzjoni tal-proċedura u b' mod partikolari għandha tistabilixxi dan li ġej:

Fejn japplikaw l-Artikoli 796a sa 796e, ir-rilaxx imsemmi fil-punt (c) ta' l-ewwel subparagrafu għandu jingħata skond l-Artikolu 796b.”

39.

Fl-Artikolu 288, il-paragrafu 2 hu mibdul b'dan li ġej:

“2.   Id-dokument jew il-mezz imsemmi fil-paragrafu 1 għandu jkun fih mill-inqas id-dettalji stipulati fl-Anness 30A għall-proċedura li għandha tintuża. Dan id-dokument jew mezz għandu jkun akkumpanjat minn talba għall-esportazzjoni.

L-awtoritajiet doganali jistgħu jawtorizzaw li din it-talba tinbidel b'talba globali bil-kundizzjoni li l-operatur ekonomiku jkun ipprovda l-awtoritajiet doganali bl-informazzjoni li jqisu neċessarju għal analiżi tar-riskju effettiva u l-eżaminazzjoni tal-merkanzija. It-talba globali għandha tkopri operazzjonijiet ta' l-esportazzjoni li għandhom jitwettqu matul perjodu speċifiku ta' żmien. Id-dikjarant għandu jirreferi għall-awtorizzazzjoni fuq id-dokument jew il-mezz li ntuża għall-esportazzjoni.”

40.

Fl-Artikolu 289, jiżdied il-paragrafu li ġej:

“Madankollu, id-dikjarant għandu jagħmel disponibbli lill-awtoritajiet doganali l-informazzjoni meħtieġa għal analiżi tar-riskju effettiva u għall-eżaminazzjoni tal-merkanzija qabel ma tinħareġ din il-merkanzija.”

41.

Fl-Artikolu 313b, jiddaħħal il-paragrafu 3a li ġej:

“3a.   Meta l-kumpannija tat-trasport bil-baħar ikollha Ċertifikat AEO imsemmi fil-punt (a) jew (c) ta’ l-Artikolu 14a(1), l-awtoritajiet doganali ta’ l-Istati Membri kkonċernati għandhom jeżaminaw biss jekk ġewx sodisfatti r-rekwiżiti fil-paragrafu 3 (c) u (d) ta’ dan l-Artikolu. Ir-rekwiżiti l-oħra kollha stipulati f’dan l-Artikolu għandhom jitqiesu li ġew sodisfatti.”

42.

L-Artikolu 367 hu mibdul b'dan li ġej:

“Artikolu 367

Din is-sub-sezzjoni ma għandhiex tapplika għall-proċeduri ssimplifikati speċifiċi għall-modi tat-trasport imsemmija fl-Artikolu 372(1)(g).”

43.

L-Artikolu 368 jitħassar.

44.

Fl-Artikolu 373, jiżdied il-paragrafu 3 li ġej:

“3.   Meta l-persuna kkonċernata ikollha ċ-Ċertifikat AEO imsemmi fil-punt (a) jew (c) ta’ l-Artikolu 14a(1), ir-rekwiżiti stipulati fil-paragrafu 1(c) u 2(b) ta' dan l-Artikolu għandhom jitqiesu li ġew sodisfatti.”

45.

Fl-Artikolu 454a, jiżdied il-paragrafu 5 li ġej;

“5.   Meta l-persuna kkonċernata ikollha ċ-Ċertifikat AEO imsemmi fil-punt (a) jew (c) ta’ l-Artikolu 14a(1), ir-rekwiżiti stipulati fil-punt (c) ta' l-ewwel subparagrafu tal-paragrafu 2 ta' dan l-Artikolu u fl-Artikolu 373(2)(b) għandhom jitqiesu li ġew sodisfatti.”

46.

L-intestatura tat-Titolu IV tal-Parti II hija mibdula b’dan li ġej:

“ID-DISPOŻIZZJONIJIET TA' IMPLIMENTAZZJONII RELATATI MA’ L-ESPORTAZZJONI”

47.

Fit-Titolu IV tal-Parti II jiżdied il-Kapitolu 1 li ġej:

“KAPITOLU 1

Dispożizzjonijiet ġenerali għad-dikjarazzjonijiet doganali

Artikolu 592a

L-Artikoli 592b sa 592f ma għandhomx japplikaw għall-merkanzija li ġejja:

Artikolu 592b

1.   Kull meta merkanzija li toħroġ mit-territorju doganali tal-Komunità tkun koperta minn dikjarzzjoni doganali, din id-dikjarazzjoni doganali għandha tiġi ddepożitata fl-uffiċċju doganali kompetenti sad-dati ta' skadenza li ġejjin:

2.   Fejn id-dikjarazzjoni doganali ma tiġix iddepożitata permezz ta' metodu ta’ l-ipproċessar tad-data, il-limitu ta’ żmien stabbilit fil-punti (a) (iii) u (iv), (b), (c) (d) u (e) tal-paragrafu 1 għandu jkun mill-inqas ta’ 4 siegħat.

3.   Jekk is-sistema kompjuterizzata ta’ l-awtoritajiet doganali ma tkunx qed taħdem temporanjament, l-iskadenzi previsti fil-paragrafu 1 għandhom japplikaw xorta waħda.

Artikolu 592c

1.   Fil-każ ta’ trasportazzjoni intermodali, fejn il-merkanzija tiġi ttrasportata minn mezz wieħed tat-trasport għal mezz ieħor tat-trasport ‘il barra mit-territorju tal-Komunità, il-limitu ta’ żmien għad-dħul tad-dikjarazzjoni għandu jikkorrispondi mal-limitu ta’ żmien applikabbli għall-mezz tat-trasport li joħroġ mit-territorju doganali tal-Komunità, kif speċifikat fl-Artikolu 592b.

2.   Fil-każ ta’ trasport ikkombinat, fejn il-mezz attiv tat-trasport li jaqsam il-fruntiera jkun sempliċement qed jittrasporta mezz attiv ieħor tat-trasport, il-limitu ta’ żmien għad-depożitu tad-dikjarazzjoni għandu jikkorrispondi għal-limitu ta' żmien applikabbli għall-mezz tat-trasport li jaqsam il-fruntiera, kif speċifikat fl-Artikolu 592b.

Artikolu 592d

1.   Ma għandhomx japplikaw l-iskadenzi stabbiliti fl-Artikoli 592b u 592c, fejn il-ftehimiet internazzjonali bejn il-Komunità u pajjiżi terzi jirrikjedu l-iskambju ta’ informazzjoni tad-dikjarazzjonjiet doganali b'dati ta' skadenza li huma differenti minn dawk imsemmija f’dawk l-Artikoli.

2.   Il-limitu ta’ żmien, f’kull ċirkostanza, ma għandux ikun inqas mill-perjodu rekwiżit għat-tlestija ta’ l-analiżi tar-riskju qabel ma l-merkanzija toħroġ mit-territorju doganali tal-Komunità.

Artikolu 592e

1.   Malli jirċievi d-dikjarazzjoni doganali, l-uffiċċju doganali kompetenti għandu jwettaq analiżi tar-riskju u kontrolli doganali xierqa, qabel ma l-merkanzija tiġi rilaxxata għall-esportazzjoni.

2.   Il-merkanzija tista' tiġi rrilaxxata hekk kif titwettaq l-analiżi tar-riskju u r-riżultati jkunu jippermettu li jsir dan ir-rilaxx.

Artikolu 592f

1.   Meta jinstab li l-merkanzija ppreżentata lid-dwana mhix koperta b’dikjarazzjoni doganali li fiha d-dettalji meħtiega għad-dikjarazzjoni fil-qosor tal-ħruġ, il-persuna li ġabet il-merkanzija, jew li tassumi responsabbiltà għall-ġarr tal-merkanzija ‘il barra mit-territorju doganali tal-Komunità, għandha tiddepożita dikjarazzjoni doganali jew dikjarazzjoni fil-qosor tal-ħruġ immedjatament.

2.   Jekk id-dikjarant jiddepożita dikjarazzjoni doganali wara l-iskadenzi previsti fl-Artikolu 592b u 592c, dan ma għandux jipprekludi l-applikazzjoni ta’ pieni stipulati fil-leġiżlazzjoni nazzjonali.

Artikolu 592g

Fejn il-merkanzija koperta minn eżenzjoni mir-rekwiżit għal dikjarazzjoni doganali, skond l-Artikolu 592a(d) sa (j), sal-limiti taż-żmien stipulati fl-Artikoli 592b u 592c, tinħareġ mit-territorju doganali tal-Komunità, l-analiżi tar-riskju għandha ssir mal-preżentazzjoni tal-merkanzija, abbażi tad-dikjarazzjoni doganali li tkopri l-merkanzija.”

48.

Fit-Titolu IV tal-Parti II, l-intestatura tal-Kapitolu I hija mibdula b’dan li ġej:

“KAPITOLU 2

Esportazzjoni permanenti”

49.

Fil-Kapitolu 2 tat-Titolu IV tal-Parti II, jiżdied l-Artikolu 787 li ġej:

“Artikolu 787

1.   Id-dikjarazzjonijiet ta’ l-esportazzjoni għandhom ikunu konformi mad-dispożizzjonijiet dwar l-istruttura u d-dettalji stipulati f’dan il-Kapitolu, l-Artikoli 279 sa 289, l-Anness 37 u l-Anness 30A. Dawn għandhom jiġu ddepożitati fl-uffiċċju doganali kompetenti permezz ta’ sistema għall-ipproċessar tad-data.

2.   L-awtoritajiet doganali għandhom jaċċettaw dikjarazzjoni ta’ l-esportazzjoni fuq il-karta fuq formola li tikkorrispondi għall-eżempju mogħti fl-Annessi 31 sa 34, u li għandha jkun fiha l-lista minima tad-data stipulata fl-Anness 37 u l-Anness 30A għall-proċedura ta’ l-esportazzjoni, f’waħda miċ-ċirkostanzi li ġejjin biss:

3.   L-awtoritajiet doganali għandhom jistabbilixxu, bi qbil ma’ xulxin, il-proċedura li għandhom isegwu fil-każijiet imsemmija fil-punt (a) tal-paragrafu 2.

4.   L-użu ta’ dikjarazzjoni ta’ l-esportazzjoni fuq il-karta msemmija fil-paragrafu 2 (b) għandu jkun soġġett għall-approvazzjoni ta’ l-awtoritajiet doganali.

5.   Fejn il-merkanzija hija esportata minn vjaġġaturi li ma għandhom l-ebda aċċess dirett għas-sistema kompjuterizzata doganali u, għalhekk, ma għandhom l-ebda mezz li jiddepożitaw id-dikjarazzjoni ta’ l-esportazzjoni permezz ta' sistema ta’ l-ipproċessar tad-data fl-uffiċċju ta’ l-esportazzjoni, l-awtoritajiet doganali għandhom jawtorizzaw lill-vjaġġatur biex juża dikjarazzjoni doganali fuq il-karta, fuq formola li tikkorrispondi għall-mudell mogħti fl-Annessi 31 sa 34 u li jkun fiha l-lista minima tad-data stabbilita fl-Anness 37 u l-Anness 30A għall-proċedura ta’ l-esportazzjoni.

6.   Fil-każijiet imsemmija fil-paragrafi 4 u 5 ta’ dan l-Artikolu, l-awtoritajiet doganali għandhom jiżguraw li r-rekwiżit ta’ l-Artikoli 796a sa 796e jiġu sodisfatti.”

50.

Fl-Artikolu 791, il-paragrafu 2 huwa mħassar.

51.

L-Artikolu 792 hu mibdul b'dan li ġej:

“Artikolu 792

1.   Mingħajr preġudizzju għall-Artikolu 207, fejn id-dikjarazzjoni ta’ l-esportazzjoni ssir abbażi tad-Dokument Amministrattiv Singolu, għandhom jintużaw il-Kopji 1, 2 u 3. L-uffiċċju doganali fejn ġiet iddepożitata d-dikjarazzjoni ta’ l-esportazzjoni għandhom jittimbraw il-Kaxxa A u, fejn ikun xieraq, jimlew il-Kaxxa D.

Meta jagħti r-rilaxx tal-merkanzija, l-uffiċċju doganali għandu jżomm il-Kopja 1, jibgħat il-Kopja 2 lill-uffiċċju ta' l-istatistika ta’ l-Istat Membru ta’ l-uffiċċju doganali ta’ l-esportazzjoni u, meta l-Artikoli 796a sa 796e ma japplikawx, irodd lura l-Kopja 3 lill-persuna kkonċernata.

2.   Meta d-dikjarazzjoni ta’ l-esportazzjoni tkun ipproċessata fl-uffiċċju ta’ l-esportazzjoni billi tintuża sistema għall-ipproċessar tad-data, il-Kopja 3 tad-Dokument Amministrattiv Singolu tista’ tkun sostitwita minn dokument mehmuż, stampat mis-sistema tal-kompjuter ta’ l-awtorità doganali. Dan id-dokument għandu jkun fih għallinqas id-data rekwiżita għad-Dokument Mehmuż ta’ l-Esportazzjonijiet imsemmi fl-Artikolu 796a.

L-awtoritajiet doganali jistgħu jawtorizzaw lid-dikjarant biex jistampa d-dokument mehmuż mis-sistema tal-kompjuter tiegħu.

3.   Meta l-operazzjoni sħiħa ta’ l-esportazzoni titwettaq fit-territorju ta’ Stat Membru wieħed, dak l-Istat Membru jista’ jirrinunzja l-użu tal-Kopja 3 tad-Dokument Amministrattiv Singolu jew id-Dokument Mehmuż ta’ l-Esportazzjonijiet, sakemm ir-rekwiżiti ta’ l-Artikolu 182b(2) ta’ dan il-Kodiċi jkunu ġew sodisfatti.

4.   Mingħajr preġudizzju għall-Artikoli 796a sa 796e, meta r-regoli doganali jipprovdu biex dokument ieħor jissostitwixxi l-Kopja 3 tad-Dokument Amministrattiv Singolu, id-dispożizzjonijiet ta’ dan il-Kapitolu għandhom japplikaw, mutatis mutandis, għal dak id-dokument l-ieħor.”

52.

Jiddaħħlu l-Artikoli 792a u 792b li ġejjin:

“Artikolu 792a

1.   Meta l-merkanzija rilaxxata għall-esportazzjoni ma toħroġx mit-territorju doganali tal-Komunità, l-esportatur jew id-dikjarant għandu jgħarraf minnufih lill-uffiċċju doganali ta’ l-esportazzjoni. Meta jkun applikabbli, il-Kopja 3 tad-Dokument Amministrattiv Singolu għandha tiġi rritornata lil dak l-uffiċċju. L-uffiċċju doganali ta’ l-esportazzjoni għandu jinvalida d-dikjarazzjoni ta’ l-esportazzjoni.

2.   Meta, fil-kazijiet imsemmija fl-Artikolu 793(6) jew l-Artikolu 793b, tibdil fil-kuntratt tat-trasport ikollu l-effett li jtemm ġewwa t-territorju doganali tal-Komunità, operazzjoni tat-trasport li suppost kellha tintemm 'il barra minnu, il-kumpanniji jew awtoritajiet ikkonċernati jistgħu jwettqu l-kuntratt kif emendat biss bi ftehim ma’ l-uffiċċju doganali msemmi fil-punt (b) ta' subparagrafu 2 fl-Artikolu 793(2) jew, fil-każ ta' użu ta' proċedura ta' transitu, ma' l-uffiċċju tal-ħruġ. Il-Kopja 3 tad-dikjarazzjoni ta' l-esportazzjoni għandha tingħata lura lill-uffiċċju doganali ta’ l-esportazzjoni u d-dikjarazzjoni għandha tiġi invalidata minn dak l-uffiċċju.

Artikolu 792b

1.   L-uffiċċju doganali ta’ l-esportazzjoni jista’ jitlob lill-esportatur jew lid-dikjarant biex jipprovdi evidenza li l-merkanzija nħarġet mit-territorju doganali tal-Komunità.

2.   Meta, wara perjodu ta’ 90 jum mid-data tar-rilaxx tal-merkanzija għall-esportazzjoni, il-merkanzija ma tkunx inħarġet mit-territorju doganali tal-Komunità, jew ma jistgħux jiġu pprovduti biżżejjed provi li seħħet esportazzjoni bħal din, id-dikjarazzjoni ta’ l-esportazzjoni għandha tiġi invalidata. L-uffiċċju doganali ta’ l-esportazzjoni għandu jgħarraf lill-esportatur jew lid-dikjarant b'dan.”

53.

L-Artikolu 793 hu mibdul b'dan li ġej:

“Artikolu 793

1.   Il-Kopja 3 tad-Dokument Amministrattiv Singolu jew d-dokument mehmuż imsemmija fl-Artikolu 792(2) u l-merkanzija rilaxxata għall-esportazzjoni għandhom jiġu ppreżentati flimkien lid-dwana fl-uffiċċju doganali tal-ħruġ.

2.   L-uffiċċju doganali tal-ħruġ għandu jkun l-aħħar uffiċċju doganali qabel ma l-merkanzija toħroġ mit-territorju doganali tal-Komunità.

B’deroga mill-ewwel subparagrafu, l-uffiċċju doganali tal-ħruġ għandhu jkun wieħed minn dawn li ġejjin:

54.

Jiddaħħlu l-Artikoli 793a, 793b u 793c li ġejjin:

“Artikolu 793a

1.   L-uffiċċju doganali ta’ l-esportazzjoni għandu jwettaq kontrolli xierqa bbażati fuq ir-riskju qabel ma l-merkanzija toħroġ mit-territorju doganali tal-Komunità, primarjament biex ikun żgurat li l-merkanzija ppreżentata tikkorrispondi għal dik iddikjarata. L-uffiċċju doganali tal-ħruġ għandu jikkontrolla l-ħruġ fiżiku tal-merkanzija.

Meta d-dikjarazzjoni ta’ l-esportazzjoni tkun ġiet iddepożitata f’uffiċċju li mhuwiex l-uffiċċju doganali tal-ħruġ, u d-dettalji ġew trasmessi skond l-Artikolu 182b(2) tal-Kodiċi, l-uffiċċju doganali tal-ħruġ jista' jqis ir-riżultati ta’ kwalunkwe kontroll imwettaq mill-uffiċċju l-ieħor.

2.   Meta d-dikjarant idaħħal ‘RET-EXP’ fil-Kaxxa 44, jew il-kodiċi 30400, jew b'xi mod ieħor jindika x-xewqa tiegħu li l-Kopja 3 tingħatalu lura, l-uffiċċju doganali tal-ħruġ għandu jiċċertifika l-ħruġ fiżiku tal-merkanzija permezz ta’ attestazzjoni fuq wara ta’ dik il-kopja.

Għandu jagħti dik il-kopja lill-persuna li ppreżentatha jew lil intermedjarju speċifikat fiha u stabbilit fid-distrett ta’ l-uffiċċju doganali tal-ħruġ, bl-iskop li jirritornaha lid-dikjarant.

L-attestazzjoni għandha tkun f’forma ta’ timbru li juri l-isem ta’ l-uffiċċju doganali tal-ħruġ u d-data ta’ meta ħarġet il-merkanzija.

3.   Fil-każ ta’ esportazzjoni maqsuma li tgħaddi mill-istess uffiċċju doganali tal-ħruġ, l-attestazzjoni għandha tingħata biss għal dik il-merkanzija li tkun effettivament esportata.

Fik-każ ta’ esportazzjoni maqsuma li tgħaddi minn diversi uffiċċji doganali tal-ħruġ differenti, l-uffiċċju doganali tal-ħruġ, jew l-uffiċċju doganali tal-ħruġ fejn jiġi ppreżentat l-oriġinal tal-Kopja 3, għandu jiċċertifika kopja tal-Kopja 3 għal kull parti tal-merkanzija kkonċernata malli jirċievi talba sostanzjata b’mod xieraq, bl-għan li tiġi ppreżentata lil uffiċċju doganali tal-ħruġ ieħor.

Fil-każijiet imsemmija fl-ewwel u fit-tieni subparagrafi, l-oriġinal tal-Kopja 3 għandu jiġi annotat kif xieraq.

4.   Meta l-operazzjoni ta’ l-esportazzjoni sħiħa titwettaq fit-territorju ta' Stat Membru wieħed, dak l-Istat Membru jista' jipprovdi biex il-Kopja 3 ma tiġix attestata. F’dan il-każ il-Kopja 3 ma għandhiex tiġi rritornata lid-dikjarant.

5.   Meta l-uffiċċju doganali tal-ħruġ jistabilixxi li tkun nieqsa xi merkanzija, għandu jagħmel nota fuq il-kopja tad-dikjarazzjoni ta’ l-esportazzjoni ppreżentata u jinforma lill-uffiċċju doganali ta’ l-esportazzjoni.

Meta l-uffiċċju doganali tal-ħruġ jistabilixxi li jkun hemm merkanzija żejda, dan għandu jiċħad il-ħruġ ta' dik il-merkanzija sakemm il-formalitajiet ta' l-esportazzjoni jitlestew.

Fejn l-uffiċċju doganali tal-ħruġ jistabbilixxi li hemm diskrepanza fin-natura tal-merkanzija, għandu jirrifjuta l-ħruġ sakemm il-formalitajiet ta’ l-esportazzjoni ikunu tlestew, u għandu wkoll jgħarraf lill-uffiċċju doganali ta’ l-esportazzjoni.

6.   Fil-każijiet imsemmija fil-punt (b) tat-tieni subparagrafu ta’ l-Artikolu 793(2), l-uffiċċju doganali tal-ħruġ għandu jattesta l-Kopja 3 tad-dikjarazzjoni ta’ l-esportazzjoni skond l-Artikolu 793a(2) wara li jagħmel l-attestazzjoni ‘Esportazzjoni’ fuq id-dokument tat-trasport u jagħmel it-timbru tiegħu. Għandha ssir referenza għad-dokument tat-trasport fuq il-Kopja 3 tad-dikjarazzjoni ta’ l-esportazzjoni u viċe versa.

Fejn, fil-każ ta’ linji tat-trasport bil-baħar regolari jew trasport jew titjiriet diretti għal destinazzjonijiet ‘il barra mit-territorju doganali tal-Komunità, l-operaturi jkunu jistgħu jiggarantixxu r-regolarità ta’ l-operazzjonijiet, l-attestazzjoni ‘Export’ u t-twaħħil tat-timbru mad-dokument tat-trasport ma jkunx meħtieġ.

Artikolu 793b

1.   Fil-każ ta’ merkanzija maħruġa ‘l barra mit-territorju doganali tal-Komunità jew mibgħuta lil uffiċċju doganali tal-ħruġ taħt proċedura ta’ transitu, l-uffiċċju tal-ħruġ għandu jattesta l-Kopja 3 skond il-paragrafu 793a(2) u jagħtiha lura lill-persuna msemmija f’dak l-Artikolu.

Meta jkun meħtieġ dokument mehmuż, għandu jkun attestat bil-kelma ‘Esportazzjoni’. Għandha ssir referenza għad-dokument mehmuż fuq il-Kopja 3 tad-dikjarazzjoni ta’ l-esportazzjoni u viċe versa.

L-ewwel u t-tieni subparagrafi ta' dan l-Artikolu ma għandhomx japplikaw meta l-preżentazzjoni tal-merkanzija fl-uffiċċju tal-ħruġ kif imsemmija fl-Artikolu 419(4) u (7) u l-Artikolu 434(6) u (9) tkun mwarrba.

2.   L-attestazzjoni u l-għoti lura tal-Kopja 3 msemmija fl-ewwel subparagrafu tal-paragrafu 1 ta' dan l-Artikolu għandhom japplikaw ukoll għall-merkanzija rilaxxata għall-esportazzjoni li ma titqiegħedx taħt proċedura ta’ transitu iżda tintbagħat lil uffiċċju doganali tal-ħruġ inkluż f’dikjarazzjoni ta’ transitu b’manifest wieħed prevista fl-Artikolu 445 jew fl-Artikolu 448 u identifikata skond l-Artikolu 445(3)(e) jew l-Artikolu 448(3)(e).

3.   L-uffiċċju doganali tal-ħruġ għandu jikkontrolla l-ħruġ fiżiku tal-merkanzija.

Artikolu 793c

1.   Fejn merkanzija taħt arranġamenti ta’ sospensjoni tad-dazju tas-sisa jinħarġu ‘l barra mit-territorju doganali tal-Komunità taħt kopertura tad-Dokument Mehmuż Amministrattiv previst mir-Regolament (KEE) Nru 2719/92, l-uffiċċju doganali ta’ l-esportazzjoni għandu jiċċertifika l-Kopja 3 tad-Dokument ta’ l-esportazzjoni skond l-Artikolu 793a (2) u jagħtiha lura lid-dikjarant wara li jattesta bil-kelma ‘Esportazzjoni’ u jagħmel it-timbru msemmi f’dak l-Artikolu fuq il-kopji kollha tad-Dokument Meħmuż Amministrattiv.

Għandha ssir referenza għad-Dokument Meħmuż Amministrattiv fuq il-Kopja 3 tad-dikjarazzjoni ta’ l-esportazzjoni u viċe versa.

2.   L-uffiċċju doganali tal-ħruġ għandu jissorvelja l-ħruġ fiżiku tal-merkanzija u jibgħat lura l-kopja tad-Dokument Mehmuż Amministrattiv skond l-Artikolu 19 (4) tad-Direttiva tal-Kunsill 92/12/KEE.

Fil-każijiet iprevisti fl-Artikolu 793a(5), l-uffiċċju doganali tal-ħruġ għandu jannota d-Dokument Mehmuż Amministrattiv skond dan.”

55.

L-Artikolu 795 hu mibdul b'dan li ġej:

“Artikolu 795

1.   Meta merkanzija tħalli t-territorju doganali tal-Komunità mingħajr dikjarazzjoni ta' l-esportazzjoni, dik id-dikjarazzjoni għandha tiġi ddepożitata retrospettivament mill-esportatur fl-uffiċċju doganali kompetenti għal post fejn ikun stabbilit.

L-Artikolu 790 għandu japplika.

L-aċċettazzjonita’ din id-dikjarazzjonimill-awtoritajiet doganali għandha tkun soġġetta għall-preżentazzjoni mill-esportatur ta’ waħda minn dawn li ġejjin:

Fuq talba tad-dikjarant, dak l-uffiċċju għandhu wkoll jipprovdi ċ-ċertifikazzjoni tal-ħruġ imsemmija fl-Artikolu 793a(2) jew fl-Artikolu 796e(1).

2.   L-aċċettazzjoni retrospettiva ta’ din id-dikjarazzjoni mill-awtoritajiet doganali ma għandhiex tipprekludi l-applikazzjoni ta’ xi waħda minn dawn li ġejjin:

56.

L-Artikolu 796 jitħassar.

57.

Fit-Titolu IV tal-Parti II jiżdied il-Kapitolu 3 li ġej:

“KAPITOLU 3

L-iskambju tad-data ta’ l-esportazzjoni bejn l-awtoritajiet doganali permezz tat-teknoloġija ta’ l-informtika u n-netwerks tal-kompjuter

Artikolu 796a

1.   L-uffiċċju doganali ta’ l-esportazzjoni għandu jawtorizza r-rilaxx tal-merkanzija billi joħroġ id-Dokument Mehmuż ta' l-Esportazzjoni lid-dikjarant. Id-Dokument Mehmuż ta’ l-Esportazzjonijiet għandu jikkorrispondi għall-mudell u għan-noti fl-Anness 45c.

2.   Meta kunsinna għall-esportazzjoni tkun tikkonsisti f’iktar minn oġġett wieħed, id-Dokument Mehmuż ta’ l-Esportazzjonijiet għandu jiġi ssupplimentat b'lista ta’ oġġetti li jikkorrispondu mal-mudell u n-noti fl-Anness 45d. Għandu jifforma parti integrali mid-Dokument Mehmuż ta’ l-Esportazzjonijiet.

3.   Fejn ikun awtorizzat, id-Dokument Mehmuż ta’ l-Esportazzjonijiet jista’ jkun stampat mis-sistema tal-kompjuter tad-dikjarant.

Artikolu 796b

1.   Mar-rilaxx tal-merkanzija, l-uffiċċju ta’ l-esportazzjoni għandu jittrażmetti d-dettalji tal-moviment ta’ l-esportazzjoni lill-uffiċċju tal-ħruġ iddikjarat permezz tal-messaġġmessaġġ ta' ‘Rekord Antiċipat ta’ Esportazzjoni’. Dan il-messaġġ għandu jkun ibbażat fuq data li ġejja mid-dikjarazzjoni ta’ l-esportazzjoni, u kompletata kif ikun xieraq mill-awtoritajiet doganali.

2.   Meta l-merkanzija għandha tinġarr lejn iktar minn uffiċċju wieħed tal-ħruġ f’iktar minn kunsinna waħda, kull kunsinna individwali għandha tkun koperta minn messaġġ ta' ‘Rekord Antiċipat ta’ Esportazzjoni’ individwali u Dokument Mehmuż ta’ l-Esportazzjonijiet individwali.

Artikolu 796c

L-awtoritajiet doganali jistgħu jirrikjedu li n-notifika tal-wasla tal-merkanzija fl-uffiċċju doganali tal-ħruġ tiġi kkomunikata lilhom elettronikament. F’dan il-każ, m'huwiex meħtieġ li d-Dokument Mehmuż ta’ l-Esportazzjonijiet ikun preżentat fiżikament lill-awtoritajiet doganali iżda għandu jinżamm mid-dikjarant.

Notifika bħal din għandha jkollha n-numru ta’ referenza tal-moviment imsemmi fl-Anness 45c.

Artikolu 796d

1.   L-uffiċċju doganali tal-ħruġ għandu jkun sodisfatt li l-merkanzija ppreżentata tikkorrispondi ma' dik li tkun ġiet iddikjarata.

Kwalunkwe eżami tal-merkanzija għandu jitwettaq permezz tal-messaġġ ta' ‘Rekord Anitiċipat ta’ Esportazzjoni’ riċevut mill-uffiċċju ta’ l-esportazzjoni bħala bażi għal eżami bħal dan.

L-uffiċċju doganali tal-ħruġ għandu jissorvelja l-ħruġ fiżiku tal-merkanzija mit-territorju doganali tal-Komunità.

2.   L-uffiċċju doganali tal-ħruġ għandu jibgħat il-messaġġ ‘Riżultati tal-Ħruġ’ lill-uffiċċju doganali ta’ l-esportazzjoni mhux aktar tard mill-jum ta’ xogħol minn wara l-jum meta l-merkanzija tinħareġ barra mit-territorju doganali tal-Komunità. F’każijiet iġġustifikati minn ċirkostanzi speċjali, l-uffiċċju doganali tal-ħruġ jista' jibgħat dak il-messaġġ f’data iktar tard.

3.   Fil-każ ta’ esportazzjoni maqsuma, fejn il-merkanzija koperta minn ‘Messaġġ Antiċipat ta’ Esportazzjoni’ wieħed tiġi trasportata għal uffiċċju doganali tal-ħruġ bħala kunsinna waħda iżda sussegwentement tinħareġ mit-territorju doganali tal-Komunità minn dak l-uffiċċju tal-ħruġ bħala aktar minn kunsinna waħda, l-uffiċċju doganali tal-ħruġ għandu jikkontrolla l-ħruġ fiżiku tal-merkanzija u għandu jibgħat il-messaġġ ‘Riżultati tal-Ħruġ’ biss meta l-merkanzija kollha tkun ħarġet mit-territorju doganali tal-Komunità.

F’ċirkostanzi eċċezzjonali, meta merkanzija koperta b’messaġġ wieħed ta' ‘Rekord Antiċipat ta’ Esportazzjon’ tiġi trasportata lejn uffiċċju doganali tal-ħruġ f’kunsinna waħda iżda sussegwentement tinħareġ mit-territorju doganali tal-Komunità f’iktar minn kunsinna waħda u minn iktar minn uffiċċju doganali tal-ħruġ wieħed, l-uffiċċju doganali tal-ħruġ fejn kienet ippreżentata l-ewwel, malli jirċievi talba ssostanzjata kif xieraq, għandu jiċċertifika kopja tad-Dokument Mehmuż ta’ l-Esportazzjonijiet għal kull parti mill-merkanzija.

Din iċ-ċertifikazzjoni għandha tingħata biss mill-awtoritajiet doganali jekk id-data li jkun fih id-Dokument Mehmuż ta’ l-Esportazzjonijiet tikkorrispondi mad-data fil-messaġġ ta' ‘Rekord Antiċipat ta’ Esportazzjoni’’.

Il-kopja rilevanti tad-Dokument Mehmuż ta' l-Esportazzjonijiet u l-merkanzija għandhom jiġu ppreżentati flimkien lill-uffiċċju doganali tal-ħruġ ikkonċernat. Kull uffiċċju doganali tal-ħruġ għandu jattesta l-kopja tad-Dokument Mehmuż ta’ l-Esportazzjonijiet bid-dettalji msemmija fl-Artikolu 793a(2) u jirritornaha lill-uffiċċju doganali tal-ħruġ fejn kienet ġiet ippreżentata l-kunsinna l-ewwel. Dan l-uffiċċju għandu jibgħat il-messaġġ ‘Riżultati tal-Ħruġ’ biss meta l-merkanzija kollha tkun ħarġet mit-territorju doganali tal-Komunità.

Artikolu 796e

1.   Malli jirċievi l-messaġġ ‘Riżultati tal-Ħruġ’ imsemmi fl-Artikolu 796d(2), l-uffiċċju doganali tal-ħruġ għandu jiċċertifika l-ħruġ fiżiku tal-merkanzija għad-dikjarant, permezz tal-messaġġ ‘Notifika ta’ Esportazzjoni’ jew fil-formula speċifikata minn dak l-uffiċċju għal dak l-iskop.

2.   Meta l-esportatur jew id-dikjarant jgħarraf lill-uffiċċju doganali ta’ l-esportazzjoni, skond l-Artikolu 792a, li l-merkanzija rilaxxata għall-esportazzjoni ma tkunx ħalliet u mhix ser tħalli t-territorju doganali tal-Komunità, jew li d-dikjarazzjoni ser tiġi invalidata skond l-Artikolu 792b(2), l-uffiċċju doganali ta’ l-esportazzjoni għandu minnufih jinvalida d-dikjarazzjoni ta’ l-esportazzjoni u jgħarraf lill-uffiċċju doganali tal-ħruġ iddikjarat bl-invalidazzjoni, permezz tal-messaġġ tan-‘Notifika tat-Tħassir ta’ l-Esportazzjoni’.”

58.

Fit-Titolu IV tal-Parti II, l-intestatura tal-kapitolu 2 titbiddel b’dan li ġej:

“KAPITOLU 4

Esportazzjoni temporanja permezz ta’ librett ATA”

59.

Fl-Artikolu 806, jiżdied il-punt (h) li ġej:

60.

L-Artikoli 811 u 814 jitħassru.

61.

Fil-Kapitolu 2 tat-Titolu V tal-Parti II, tiddaħħal l-intestatura li ġejja qabel l-Artikolu 841:

“Sezzjoni 1

Ri-esportazzjoni”

62.

L-Artikolu 841 hu mibdul b'dan li ġej:

“Artikolu 841

1.   Meta r-riesportazzjoni tkun soġġetta għal dikjarazzjoni doganali, l-Artikoli 787 sa 796e għandhom jappikaw mutatis mutandis, mingħajr preġudizzju għad-dispożizzjonijiet partikolari li jistgħu jkunu applikabbli meta l-proċedura doganali b’impatt ekonomiku li ssir qabel ir-riesportazzjoni tal-merkanzija tkun itterminata.

2.   Meta jinħareġ librett ATA għar-riesportazzjoni ta’ merkanzija bħala importazzjoni temporanja, id-dikjarazzjoni doganali tista’ tiġi ddepożitata f’uffiċċju doganali li mhuwiex dak imsemmi fl-Artikolu 161(5) tal-Kodiċi.”

63.

Jiddaħħal l-Artikolu 841a li ġej:

“Artikolu 841a

Meta r-riesportazzjoni ma tkunx soġġetta għal dikjarazzjoni doganali, għandha tiġi ddepożitata dikjarazzjoni fil-qosor tal-ħruġ skond l-Artikoli 842a sa 842e.

Sakemm tiġi ddepożitata dikjarazzjoni fil-qosor tad-dħul fil-waqt meta l-merkanzija tiddaħħal fit-territorju doganali tal-Komunità, ma għandhiex tkun meħtieġa dikjarazzjoni fil-qosor tal-ħruġ għar-rijesportazzjoni ta' merkanzija mhux tal-Komunità f'wieħed mill-każijiet li ġejjin:

Il-magazinaġġ ta' merkanzija għal żmien qasir b'konnessjoni ma' dak it-trasbord għandu jitqies bħala parti integrali mit-trasbord. Il-miżuri ta' kontroll għandhom iqisu n-natura speċjali tas-sitwazzjoni.”

64.

L-intestatura li ġejja hija mdaħħla qabel l-Artikolu 842:

“Sezzjoni 2

Qerda u abbandun”

65.

Fit-Titolu VI tal-Parti II jiżdied il-Kapitolu 1 li ġej:

“KAPITOLU 1

Dikjjarazzjonijiet fil-qosor tal-ħruġ

Artikolu 842a

Meta merkanzija li għandha tinħareġ mit-territorju doganali tal-Komunità ma tkunx koperta minn dikjarazzjoni doganali, għandha tiġi ddepożitata fl-uffiċċju doganali tal-ħruġ dikjarazzjoni fil-qosor, minn hawn 'il quddiem imsejħa bħala ‘dikjarazzjoni fil-qosor tal-ħruġ’, kif imfisser fl-Artikolu 793(2) ta' dan ir-Regolament, skond l-Artikolu 182c tal-Kodiċi.

Ma għandhiex tkun meħtieġa dikjarazzjoni fil-qosor tal-ħruġ fil-każijiet li ġejjin:

Artikolu 842b

1.   Id-dikjarazzjoni fil-qosor tal-ħruġ għandha ssir permezz ta’ teknika ta' l-ipproċessar tad-data. Għandu jkun fiha d-dettalji għal dikjarazzjoni bħal din stipulati fl-Anness 30A u għandha tkun mimlija skond in-noti ta' spjegazzjoni f'dak l-Anness.

Id-dikjarazzjoni fil-qosor tal-ħruġ għandha tkun awtentikata mill-persuna li tagħmilha.

2.   Id-dikjarazzjonijiet fil-qosor tal-ħruġ li jikkonformaw mal-kundizzjonijiet stipulati fil-paragrafu 1 għandhom jiġu rreġistrati mill-awtoritajiet doganali minnufih mal-wasla tagħhom.

L-Artikolu 199(1) għandu japplika mutatis mutandis.

3.   L-awtoritajiet doganali għandhom jippermettu d-depożitu ta’ dikjarazzjoni fil-qosor tal-ħruġ fuq il-karta biss f'wieħed minn dawn iċ-ċirkostanzi li ġejjin:

Kull fejn ikun xieraq, mad-dikjarazzjonijiet fil-qosor fuq il-karta bħal dawn għandu jkun hemm listi ta’ tagħbija jew dokumenti kummerċjali oħra, u għandu jkun fihom l-informazzjoni meħtieġa għal dikjarazzjonijiet fil-qosor tad-dħul fl-Anness 30A.

4.   L-awtoritajiet doganali għandhom jistabbilixxu, bi qbil ma’ xulxin, il-proċedura li għandhom isegwu fil-każijiet imsemmija fil-punt (a) ta' l-ewwel subparagrafu tal-paragrafu 3.

5.   L-użu ta’ dikjarazzjoni fil-qosor tal-ħruġ fuq il-karta imsemmija fil-punt (b) ta' l-ewwel subparagarfu tal-paragrafu 3 għandha tkun soġġetta għall-approvazzjoni ta’ l-awtoritajiet doganali.

Id-dikjarazzjoni fil-qosor tal-ħruġ fuq il-karta għandha tkun iffirmata mill-persuna li tagħmilha.

Artikolu 842c

1.   Fil-każ ta’ trasportazzjoni intermodali, fejn il-merkanzija tiġi ttrasferita minn mezz tat-trasport wieħed għal ieħor għat-trasport ‘il barra mit-territorju doganali tal-Komunità, il-limitu ta’ żmien għad-depożitu tad-dikjarazzjoni fil-qosor tal-ħruġ għandu jikkorrispondi mal-limitu ta’ żmien applikabbli għall-mezz tat-trasport li ħiereġ mit-territorju doganali tal-Komunità kif speċifikat fl-Artikolu 842d (1).

2.   Fil-każ ta’ trasport ikkombinat fejn il-mezz attiv tat-trasport li qed jaqsam il-fruntiera qiegħed sempliċement jittrasporta mezz attiv ta’ trasport ieħor, l-obbligu tad-depożitu ta’ dikjarazzjoni fil-qosor tal-ħruġ jkun ta’ l-operatur ta’ dak il-mezz l-ieħor tat-trasport.

Il-limitu ta’ żmien għad-depożitu tad-dikjarazzjoni għandu jikkorrispondi mal-limitu ta’ żmien applikabbli għall-mezz attiv tat-trasport li qed jaqsam il-fruntiera, kif speċifikat fl-Artikolu 842d(1).

Artikolu 842d

1.   Id-dikjarazzjoni fil-qosor tal-ħruġ għandha tiġi ddepożitata fl-uffiċċju tal-ħruġ sal-limitu rilevanti taż-żmien speċifikat fl-Artikolu 592b(1).

L-Artikolu 592b(2) u (3) għandu japplika mutatis mutandis.

2.   L-uffiċċju doganali kompetenti, malli tiġi ddepożitata d-dikjarazzjoni fil-qosor tal-ħruġ, għandu jwettaq kontrolli xierqa bbażati fuq ir-riskju, primarjament għal skopijiet ta' sikurezza u sigurtà, qabel ir-rilaxx tal-merkanzija għall-ħruġ mill-Komunità, fi żmien perjodu li jikkorrispondi għal dak bejn l-iskadenza tad-depożitu tad-dikjarazzjoni stabbilita fl-Artikolu 592b għat-tip partikolari tat-traffiku u t-tagħbija jew ħruġ tal-merkanzija.

Meta merkanzija koperta minn waħda mill-eżenzjonijiet mir-rekwiżit għal dikjarazzjoni fil-qosor tal-ħruġ, stipulati fl-Artikolu 592a(a) sa (i), tinħareġ mit-territorju doganali tal-Komunità, l-analiżi tar-riskju għandha ssir mal-preżentazzjoni tal-merkanzija, abbażi tad-dokumentazzjoni jew informazzjoni oħra dwar il-merkanzija.

Il-merkanzija tista' tiġi rrilaxxata għall-ħruġ hekk kif titwettaq l-analiżi tar-riskju.

3.   Meta jinstab li l-merkanzija maħsuba biex tinħareġ mit-territorju doganali tal-Komunità u li għaliha tinħtieġ dikjarazzjoni fil-qosor tal-ħruġ, ma tkunx koperta minn dikjarazzjoni bħal din, il-persuna li ġabet il-merkanzija, jew li tassumi responsabbiltà għall-ġarr tal-merkanzija, ‘il barra mit-territorju doganali tal-Komunità għandha tiddepożita dikjarazzjoni fil-qosor tal-ħruġ immedjatament.

Jekk il-persuna tiddepożita dikjarazzjoni fil-qosor tal-ħruġ wara l-iskadenzi speċifikati fl-Artikoli 592b u 592c, dan ma għandux jipprekludi l-applikazzjoni ta’ pieni stipulati fil-leġiżlazzjoni nazzjonali.

4.   Meta, abbażi ta’ kontrolli li wettqu, l-awtoritajiet doganali ma jkunux jistgħu jirrilaxxaw il-merkanzija għall-ħruġ, l-awtoritajiet doganali kompetenti għandhom jinnotifikaw il-persuna li ddepożitat id-dikjarazzjoni fil-qosor tal-ħruġ u, f’każ li tkun differenti, il-persuna responabbli għall-ġarr tal-merkanzija ‘il barra mit-territorju tal-Komunità, li l-merkanzija mhumiex se jiġu rilaxxati.

Notifika bħal din għandha tingħata fi żmien raġonevoli wara li tkun ġiet iffinalizzata l-analiżi tar-riskju għal din il-merkanzija.

Artikolu 842e

1.   Ma għandhomx japplikaw l-iskadenzi imsemmija fl-Artikolu 842d(1), fejn il-ftehimiet internazzjonali bejn il-Komunità u pajjiżi terzi jeħtieġu l-iskambju ta’ informazzjoni tad-dikjarazzjonjiet doganali b'dati ta' skadenza li huma differenti minn dawk imsemmija f’dak l-Artikolu.

2.   Il-limitu ta’ żmien, f’kull ċirkostanza, ma għandux ikun inqas mill-perjodu meħtieġa għat-tlestija ta’ l-analiżi tar-riskju qabel ma l-merkanzija toħroġ mit-territorju doganali tal-Komunità.”

66.

L-intestatura li ġejja hija mdaħħla qabel l-Artikolu 843:

“KAPITOLU 2

Esportazzjoni temporanja”

67.

Fl-Artikolu 843(1), it-terminu “Titolu” jiġi mibdul b'“KAPITOLU”.

68.

Jiddaħħal l-Artikolu 865a li ġej:

“Artikolu 865a

Fejn id-dikjarazzjoni fil-qosor tad-dħul ġiet emendata u l-imġiba tal-persuna kkonċernata ma tissuġġerixxi l-ebda negozju bi frodi, ma għandu jinħoloq l-ebda dejn doganali abbażi ta’ l-Artikolu 202 tal-Kodiċi minħabba l-introduzzjoni illegali tal-merkanzija li, qabel l-emenda tad-dikjarazzjoni, ma kinitx iddikjarata b’mod korrett.”

69.

It-tielet subparagrafu ta’ l-Artikolu 915 jitħassar.

70.

L-Anness 1C, kif stipulat fl-Anness I ta' dan ir-Regolament, huwa miżjud.

71.

L-Anness 1D, kif stipulat fl-Anness II ta' dan ir-Regolament, huwa miżjud.

72.

L-Anness 30A, kif stipulat fl-Anness III ta' dan ir-Regolament, huwa miżjud.

73.

L-Anness 45c, kif stipulat fl-Anness IV ta' dan ir-Regolament, huwa miżjud.

74.

L-Anness 45d, kif stipulat fl-Anness V ta' dan ir-Regolament, huwa miżjud.