29.11.2008 |
MT |
Il-Ġurnal Uffiċjali ta’ l-Unjoni Ewropea |
468 |
REGOLAMENT TAL-KUMMISSJONI (KE) Nru 1868/2006
tal-15 ta’ Diċembru 2006
li jemenda r-Regolament (KE) Nru 2247/2003 li jistabbilixxi regoli dettaljati għall-applikazzjoni tas-settur taċ-ċanga u l-vitella tar-Regolament tal-Kunsill (KE) Nru 2286/2002 dwar l-arranġamenti applikabbli għal prodotti agrikoli u oġġetti li jirriżultaw mill-ipproċessar tal-prodotti agrikoli fl-Istati Afrikani, tal-Karibew u tal-Paċifiku (Stati AKP)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewopea,
Wara li kkunsidrat ir-Regolament tal-Kunsill (KE) Nru 2286/2002 tal-10 ta’ Diċembru 2002 dwar l-arranġamenti applikabbli għal prodotti agrikoli u oġġetti li jirriżultaw mill-ipproċessar tal-prodotti agrikoli li joriġinaw mill-Istati Afrikani, tal-Karibew u tal-Paċifiku, (Stati AKP) u li jħassar ir-Regolament (KE) Nru 1706/98 (1), u b’mod partikolari l-Artikolu 5 tiegħu,
Billi,
(1) |
Ir-Regolament tal-Kummissjoni (KE) Nru 2247/2003 (2), fuq bażi multi-annwali għall-perjodi mill-1 ta’ Jannar sal-31 ta’ Diċembru, jiftaħ kwota għall-importazzjoni ta’ ċerti prodotti fis-settur taċ-ċanga u l-vitella li joriġinaw mill-Istati tal-AKP. |
(2) |
Ir-Regolament tal-Kummissjoni (KE) Nru 1301/2006 tal-31 ta’ Awwissu 2006 li jistabbilixxi regoli komuni għall-amministrazzjoni tal-kwoti ta' tariffi ta’ importazzjoni għall-prodotti agrikoli amministrati minn sistema ta’ liċenzji ta’ importazzjoni (3) japplika għal-liċenzji ta’ importazzjoni għall-perjodi ta’ kwota ta' tariffi ta’ importazzjoni li jibdew mill-1 ta’ Jannar 2007. Ir-Regolament (KE) Nru 1301/2006 jistabbilixxi b'mod partikolari dispożizzjonijiet dettaljati dwar l-applikazzjonijiet għal-liċenzji ta’ importazzjoni, l-istatus tal-applikanti u l-ħruġ tal-liċenzji. Dak ir-Regolament jillimita l-perjodu ta’ validità tal-liċenzji għall-aħħar jum tal-perjodu tal-kwota ta' tariffa ta' importazzjoni. Id-dispożizzjoni tar-Regolament (KE) Nru 1301/2006 għandu japplika għal-liċenzji ta’ importazzjoni maħruġa skont ir-Regolament (KE) Nru 2247/2003, bla ħsara għall-kundizzjonijiet stabbiliti minn dan ir-Regolament. Huwa neċessarju li jiġu allinjati d-dispożizzjonijiet tar-Regolament (KE) Nru 2247/2003 fuq ir-Regolament (KE) Nru 1301/2006 fejn ikun xieraq. |
(3) |
Biex l-affarijiet ikunu ċari, l-Artikolu 2(2) tar-Regolament (KE) Nru 2247/2003 għandu jitħassar minħabba li din id-dispożizzjoni hi sempliċiment ripetizzjoni tad-dispożizzjoni fl-Artikolu 50(1) tar-Regolament tal-Kummissjoni (KE) Nru 1291/2000 tad-9 ta’ Ġunju 2000 li jistabbilixxi regoli komuni ddettaljati għall-applikazzjoni tas-sistema ta’ liċenzji ta’ importazzjoni u esportazzjoni u ċertifikati fissi bil-quddiem għall-prodotti agrikoli (4). |
(4) |
Ir-Regolament (KE) Nru 2247/2003 għalhekk għandu jiġi emendat: |
(5) |
Il-miżuri pprovduti f’dan ir-Regolament huma skont l-opinjoni tal-Kumitat tal-Ġestjoni taċ-Ċanga u l-Vitella, |
ADOTTAT DAN IR-REGOLAMENT
Artikolu 1
Ir-Regolament (KE) Nru 2247/2003 hu emendat kif ġej:
1. |
Fl-Artikolu 2, jitneħħa l-paragrafu 2. |
2. |
L-Artikolu 3 jiġi mibdul b’dan li ġej: “Artikolu 3 Ħlief fejn ikun pprovdut mod ieħor f’dan ir-regolament, għandhom japplikaw ir-Regolamenti (KE) Nru 1445/95 and (EC) No 1291/2000 u r-Regolament tal-Kummissjoni (KE) Nru 1301/2006 (*). |
3. |
l-Artikolu 4 jiġi emendat kif ġej:
|
4. |
l-Artikolu 5 jiġi emendat kif ġej:
|
5. |
L-Artikolu 7 jiġi mibdul b’dan li ġej: “Artikolu 7 Il-liċenzji tal-importazzjoni maħruġa skont dan ir-Regolament għandhom ikun validi għal 90 jum md-data attwal tal-ħruġ skont it-tifsira tal-Artikolu 23(2) tar-Regolament (KE) Nru 1291/2000.” |
Artikolu 2
Dan ir-Regolament għandu jidħol fis-seħħ fil-jum ta’ wara l-pubblikazzjoni fil-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 15 ta’ Diċembru 2006.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 348, 21.12.2002, p. 5.
(2) ĠU L 333, 20.12.2003, p. 37. Ir-Regoalment kif emendat mir-Regolament (KE) Nru 1118/2004 (ĠU L 217, 17.6.2004, p. 10).
(3) ĠU L 238, 1.9.2006, p. 13.
(4) ĠU L 152, 24.6.2000, p. 1. Ir-Regoalment kif emendat mir-Regolament (KE) Nru 1282/2006 (ĠU L 234, 29.8.2006, p. 4).