1.12.2007 |
MT |
Il-Ġurnal Uffiċjali ta’ l-Unjoni Ewropea |
478 |
REGOLAMENT TAL-KUMMISSJONI (KE) Nru 1849/2006
ta’ l-14 ta' Diċembru 2006
li jemenda r-Regolament tal-Kummissjoni (KE) Nru 2032/2003 dwar it-tieni fażi tal-programm ta' ħidma ta' 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid fis-suq ta' prodotti bijoċidali
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegħid fis-suq ta' prodotti bijoċidali (1), u b'mod partikolari l-Artikolu 16(2) tagħha,
Billi:
(1) |
Sabiex jiġi assigurat aċċess aħjar għall-informazzjoni, għandhom jitħejjew rapporti skond il-bażi tar-rapporti ppreżentati mill-awtoritajiet kompetenti ta' l-Istati Membri u għandhom ikunu koperti mill-istess regoli rigward l-aċċess għall-informazzjoni bħar-rapporti ta' l-awtoritajiet kompetenti. Ir-rapporti ta’ evalwazzjoni għandhom jirriżultaw mill-awtorità kompetenti oriġinali kif emendati fid-dawl tad-dokumenti, tal-kummenti u ta’ l-informazzjoni kollha li ġew meqjusa matul il-proċess ta’ evalwazzjoni. |
(2) |
Sabiex tiżdied iċ-ċertezza legali, wara l-1 ta' Settembru 2006, għandu jkun hemm proviżjoni għat-tneħħija gradwali, ta' prodotti bijoċidali li jkun fihom sustanzi attivi notifikati li m’għandhomx jiġu inklużi, għal parti minn jew għat-tipi kollha tal-prodotti notifikati, f'Annessi I, IA jew IB mad-Direttiva 98/8/KE, jew għax tneħħew mill-programm ta’ reviżjoni jew għax wara l-evalwazzjoni ma nstabux li kienu aċċettabbli. |
(3) |
Skond Artikolu 4b tar-Regolament tal-Kummissjoni (KE) Nru 2032/2003 (2), l-Istati Membri eżaminaw dossiers li jitolbu estensjoni tal-perjodu għat-tqegħid fis-suq ta’ prodotti bijoċidali li fihom sustanzi speċifiċi attivi u aċċettaw dawk li kienu kompluti. Għalhekk huwa xieraq li s-sustanzi koperti mid-dossiers li ġew aċċettati, jibqgħu fis-suq wara l-1 ta’ Settembru 2006, sakemm jiġu evalwati skond il-programm ta' reviżjoni ta' 10 snin. |
(4) |
Għal għadd ta’ sustanzi attivi eżistenti li dwarhom kien hemm notifika jew taħlita ta’ tipi ta’ prodotti, l-parteċipanti jew irtiraw in-notifika tagħhom jew ma rnexxilhomx ikunu konformi ma’ l-impenji tagħhom, waqt li l-ebda operatur jew Stat Membru ieħor ma esprima interess biex jieħu l-istatus ta’ parteċipant fid-dati ta’ skadenza li ngħataw. Għalhekk, Annessi II, III u V mar-Regolament (KE) Nru 2032/2003 għandhom jiġu emendati. |
(5) |
Fil-każ ta’ wieħed mis-sustanzi msemmi fil-lista f’Anness II mar-Regolament (KE) Nru 2032/2003 taħt in-numru KE 404-690-8, tħassru żewġ tipi ta’ prodotti, għalkemm kienu nnotifikati fil-limiti ta’ żmien li kienu stabbiliti fir-Regolament tal-Kummissjoni (KE) Nru 1896/2000 tas-7 ta’ Settembru 2000 fuq l-ewwel fażi tal-programm rigward prodotti bijoċidali msemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill (3) u Regolament tal-Kummissjoni (KE) 1687/2002 tal-25 ta’ Settembru 2002 li jittratta dwar perjodu addizzjonali ta’ notifika ta’ ċerti sustanzi attivi li jinsabu digà fis-suq għal użu bijoċida kif stabbilit fl-Artikolu 4(1) tar-Regolament (KE) Nru 1896/2000 (4). Għalhekk, Anness II mar-Regolament (KE) Nru 2032/2003 għandu jiġi emendat. |
(6) |
L-ismijiet ta’ ċerti sustanzi koperti mir-reġistrazzjonijiet tal-BKC u DDAC imniżżla f'Anness II mar-Regolament (KE) Nru 2032/2003 jidhru wkoll f’Anness III ma' dak ir-Regolament. Għalhekk, ir-reġistrazzjonijiet rispettivi għandhom jitħassru minn Anness III mar-Regolament (KE) Nru 2032/2003. |
(7) |
Għalhekk, ir-Regolament (KE) Nru 2032/2003 għandu jiġi emendat skond dan. |
(8) |
Il-miżuri kif previsti f’dan ir-Regolament huma skond l-opinjoni tal-Kumitat Permanenti dwar il-Prodotti Bijoċidali, |
ADOTTAT DAN IR-REGOLAMENT:
Artikolu 1
Regolament (KE) Nru 2032/2003 huwa emendat kif ġej:
(1) |
Fl-Artikolu 4(2), żdied is-subparagrafu li ġej: “Wara l-1 ta’ Settembru 2006, l-Istati Membri għandhom jassiguraw li l-prodotti bijoċidali li jkun fihom sustanzi attivi li kienu nnotifikati għall-evalwazzjoni fi ħdan il-qafas tal-programm ta’ reviżjoni u li dwarhom ittieħdet deċiżjoni biex ma jiġux inklużi dawn is-sustanzi attivi f’ċerti tipi jew fit-tipi kollha ta’ prodotti notifikati f’Annessi I, IA jew IB ma’ Direttiva 98/8/KE, m'għadhomx jitpoġġew fis-suq fit-territorju tagħhom għat-tipi ta’ prodotti konċernati, b’effett minn 12-il xahar wara li tali deċiżjoni tkun daħlet fis-seħħ; sakemm ma jiġix stipolat mod ieħor f’dik id-deċiżjoni ta’ non-inklużjoni.” |
(2) |
Fl-Artikolu 11, żdied il-paragrafu 4 li ġej: “4. Fuq il-bażi tad-dokumenti u ta’ l-informazzjoni msemmija f’Artikolu 27(2) tad-Direttiva 98/8/KE, l-Istat Membru Rapporteur għandu jħejji rapport aġġornat ta’ awtorità kompetenti għal dokument I li se jissejjaħ bħala r-rapport ta’ evalwazzjoni. Dan ir-rapport ta’ evalwazzjoni għandu jiġi rivedut fi ħdan il-Kumitat Permanenti dwar il-Prodotti Bijoċidali.” |
(3) |
L-Artikolu 12 jinbidel b'dan li ġej: “Artikolu 12 Fejn Stat Membru Rapporteur ippreżenta rapport lill-awtorità kompetenti skond Artikolu 10(5) ta’ dan ir-Regolament, jew fejn rapport ta' evalwazzjoni ġie konkluż jew aġġornat fil-Kumitat Permanenti dwar il-Prodotti Bijoċidali, il-Kummissjoni għandha tagħmel ir-rapport jew kwalunkwe aġġornament tagħha, disponibbli għall-pubbliku permezz ta’ mezzi elettroniċi, minbarra għall-informazzjoni li għandha tiġi trattata bħal kunfidenzjali skond Artikolu 19 tad-Direttiva 98/8/KE.” |
(4) |
L-Anness II huwa emendat skond l-Anness I għal dan ir-Regolament. |
(5) |
L-Anness III huwa emendat skond l-Anness II għal dan ir-Regolament. |
(6) |
L-Anness V huwa emendat b'konformità ma' l-Anness III għal dan ir-Regolament. |
(7) |
L-Anness VII huwa emendat skond l-Anness IV għal dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 14 ta' Diċembru 2006.
Għall-Kummissjoni
Stavros DIMAS
Membru tal-Kummissjoni
(1) ĠU L 123, 24.4.1998, p. 1. Id-Direttiva kif emendata l-aħħar bid-Direttiva tal-Kummissjoni 2006/50/KE (ĠU L 142, 30.5.2006, p. 6).
(2) ĠU L 307, 24.11.2003, p. 1. Ir-Regolament kif emendat l-aħħar bir-Regolament (KE) Nru 1048/2005 (ĠU L 178, 9.7.2005, p. 1).
(3) ĠU L 228, 8.9.2000, p. 6. Ir-Regolament kif emendat bir-Regolament (KE) Nru 2032/2003 ĠU L 307, 24.11.2003, p. 1).
(4) ĠU L 258, 26.9.2002, p. 15.
ANNESS I
L-Anness II mar-Regolament (KE) Nru 2032/2003 huwa emendat kif ġej:
(1) |
Ir-Reġistrazzjonijiet dwar is-sustanzi li ġejjin jinbidlu b’dan li ġej:
|
(2) |
Ir-reġistrazzjonijiet marbuta mas-sustanzi li ġejjin huma miżjuda:
|
(3) |
Ir-reġistrazzjonijiet rigward is-sustanzi li ġejjin huma mħassra:
|
ANNESS II
L-Anness III mar-Regolament (KE) Nru 2032/2003 huwa emendat kif ġej:
(1) |
Ir-reġistrazzjonijiet rigward is-sustanzi li ġejjin huma mħassra:
|
(2) |
Ir-reġistrazzjonijiet li ġejjin huma miżjuda:
|
ANNESS III
L-Anness V tar-Regolament (KE) Nru 2032/2003 hu emendat kif ġej:
(1) |
F’Parti B, ir-reġistrazzjonijiet rigward is-sustanzi li ġejjin huma mħassra:
|
(2) |
F’Parti C ir-reġistrazzjonijiet rigward is-sustanzi li ġejjin huma mħassra:
|
(3) |
F’Parti D, ir-reġistrazzjonijiet rigward is-sustanzi li ġejjin huma mħassra:
|
ANNESS IV
F’Anness VII mar-Regolament (KE) Nru 2032/2003, ir-reġistrazzjonijiet fir-rigward tas-sustanzi li ġejjin, huma mħassra:
— |
Calcium dihydroxide/calcium hydroxide/caustic lime/hydrated lime/slaked lime |
— |
Calcium oxide/lime/burnt lime/quicklime |
— |
Calcium magnesium oxide/dolomitic lime |
— |
Calcium magnesium tetrahydroxide/calcium magnesium hydroxide/hydrated dolomitic lime |