1.   Bla ħsara għad-derogi stabbiliti fir-Regolamenti tal-Kummissjoni speċifiċi għal ċerti kwoti, dan ir-Regolament jistabbilixxi regoli komuni għall-amministrazzjoni ta’ kwoti ta’ tariffi fuq l-importazzjoni ġestita b’sistema ta’ liċenzji ta’ importazzjoni u li l-ġestjoni tagħha taqa’ fl-ambitu tal-organizzazzjoni komuni ta’ suq.

Dan ir-Regolament m’għandux japplika għall-kwoti ta’ tariffi fuq l-importazzjoni elenkati fl-Anness I.

2.   Ir-Regolamenti tal-Kummissjoni li jirregolaw kwota partikulari ta’ tariffi fuq l-importazzjoni ġestita b’sistema ta’ liċenzji fuq l-importazzjoni u li l-ġestjoni tagħha ma taqax fl-ambitu tal-organizzazzjoni komuni ta’ suq jistgħu jipprovdu li dan ir-Regolament għandu japplika għal dik il-kwota ta’ tariffi fuq l-importazzjoni.

3.   Ir-Regolament (KE) Nru 1291/2000 għandu japplika għal liċenzji ta’ importazzjoni, ħlief meta previst mod ieħor f’dan ir-Regolament.

4.   Għall-finijiet ta’ dan ir-Regolament, “kwota ta’ tariffi fuq l-importazzjoni” tfisser kwantità speċifikata ta’ prodotti li tista’ tkun importata matul perjodu limitat soġġetta għar-rinunzja totali (sospensjoni totali) jew parzjali (sospensjoni parzjali) tad-dazji normali applikabbli.

1.   Kwoti ta’ tariffi fuq l-importazzjoni għandhom ikunu aċċessibbli għal perjodu ta’ 12-il xahar konsekuttivi, minn hawn ’il quddiem imsejjaħ “perjodu ta’ kwota ta’ tariffi fuq l-importazzjoni”.

2.   Il-perjodu ta’ kwota ta’ tariffi fuq l-importazzjoni jista’ jinqasam f’diversi subperjodi.

1.   Fejn jinstab li dokument ippreżentat minn applikant għall-attribuzzjoni tad-drittijiet derivanti minn Regolamenti tal-Kummissjoni li jirregolaw kwota partikulari ta’ importazzjoni jagħti informazzjoni żbaljata u fejn l-informazzjoni żbaljata kkonċernata tkun deċiżiva għall-attribuzzjoni ta’ dak id-dritt, l-awtoritajiet kompetenti tal-Istat Membru għandhom:

Iżda l-punti (a) u (b) tal-ewwel subparagrafu m’għandhomx japplikaw jekk l-applikant iġib prova, għas-sodisfazzjon tal-awtorità kompetenti, li l-pożizzjoni msemmija fl-ewwel subparagrafu ma tkunx minħabba negliġenza gravi min-naħa tiegħu jew tkun minħabba force majeure jew żball ċar.

2.   Jekk applikant jippreżenta dokument żbaljat kif imsemmi fil-paragrafu 1 b’mod deliberat, dak l-applikant għandu:

3.   Fejn tkun diġà saret l-importazzjoni qabel is-sejba msemmija fil-paragrafu 1 jew 2, kull vantaġġ finanzjarju mhux dovut li jirriżulta minħabba f’hekk għandu jiġi rkuprat.

4.   Soġġett għall-Artikolu 6 tar-Regolament tal-Kunsill (KE, Euratom) Nru 2988/95 (7), il-pieni msemmija fil-paragrafi 1 u 2 ta’ dan l-Artikolu għandhom ikunu bla ħsara għal kull piena addizzjonali skont dispożizzjonijiet oħra tad-dritt Komunitarju jew nazzjonali.

1.   L-applikanti għal liċenzji ta’ importazzjoni m’għandhomx jiddepożitaw aktar minn applikazzjoni waħda għal liċenzja ta’ importazzjoni għall-istess numru tal-ordni ta’ kwota fir-rigward ta’ perjodu jew subperjodu ta’ kwota ta’ tariffi fuq l-importazzjoni. Fejn applikant jiddepożita aktar minn applikazzjoni waħda, l-ebda waħda mill-applikazzjonijiet tiegħu ma tkun ammissibbli.

2.   B’konformità mal-Artikolu 15(2) tar-Regolament (KE) Nru 1291/2000, għandha tiġi depożitata garanzija. Il-garanzija għandha tkun rilaxxata fir-rigward ta’ kwantitajiet koperti minn applikazzjonijiet li għalihom ma tkunx tista’ tinħareġ liċenzja wara l-applikazzjoni tal-koeffiċjent ta’ allokazzjoni imsemmi fl-Artikolu 7(2) ta’ dan ir-Regolament.

3.   Fejn dan jitqies li jkun meħtieġ għall-ġestjoni ta’ kwota partikulari ta’ tariffi fuq l-importazzjoni, ir-Regolamenti tal-Kummissjoni li jirregolaw dik il-kwota jistgħu jipprovdu għal kundizzjonijiet addizzjonali. Jistgħu, b’mod partikulari, jipprovdu għall-applikazzjoni ta’ sistema li skontha l-kwoti jkunu ġestiti bl-attribuzzjoni ta’ drittijiet ta’ importazzjoni bħala l-ewwel pass u l-ħruġ ta’ liċenzji ta’ importazzjoni bħala t-tieni.

Il-paragrafi 1, 2 u 5 ta’ dan l-Artikolu, l-Artikolu 5, l-Artikolu 7(1) it-tieni subparagrafu, l-Artikolu 7(2) u (4) u l-Artikolu 11(1)(a) għandhom japplikaw mutatis mutandis fejn tkun applikata sistema ta’ attribuzzjoni ta’ drittijiet ta’ importazzjoni.

4.   Il-kaxxa 20 ta’ applikazzjonijiet għal liċenzji ta’ importazzjoni u liċenzji ta’ importazzjoni għandu jkollha n-numru tal-ordni tal-kwota ta’ tariffi fuq l-importazzjoni msemmi fil-paragrafu 1.

5.   Applikazzjoni għal liċenzja ta’ importazzjoni jista’ ma jkollhiex x’taqsam, skont perjodu jew subperjodu ta’ kwota ta’ tariffi fuq l-importazzjoni, ma’ kwantità li taqbeż il-kwantità jew, skont il-każ, il-limitu ffissat mir-Regolamenti tal-Kummissjoni li jirregolaw il-kwota ta’ tariffi fuq l-importazzjoni għal dak il-perjodu jew subperjodu ta’ kwota ta’ tariffi fuq l-importazzjoni.

6.   L-applikazzjonijiet għal liċenzji ta’ importazzjoni għandhom jiġu depożitati matul perjodu ffissat mir-Regolamenti tal-Kummissjoni li jirregolaw il-kwota ta’ tariffi fuq l-importazzjoni in kwistjoni. Dak il-perjodu jista’ jiġi qabel il-perjodu jew is-subperjodu ta’ kwota ta’ tariffi fuq l-importazzjoni.

7.   Il-kwantitajiet għandhom jintwerew skont il-piż, il-volum f’unitajiet sħaħ jew fi bċejjeċ, mhux fi frazzjonijiet tagħhom, fl-applikazzjonijiet għal liċenzja ta’ importazzjoni.

1.   Il-liċenzji ta’ importazzjoni għandhom jinħarġu f’perjodu speċifiku ffissat mir-Regolamenti tal-Kummissjoni li jirregolaw il-kwota ta’ tariffi fuq l-importazzjoni in kwistjoni, soġġett għall-miżuri adottati mill-Kummissjoni skont il-paragrafu 2.

Il-liċenzji għandhom jinħarġu għall-applikazzjonijiet kollha depożitati skont id-dispożizzjonijiet rilevanti u nnotifikati lill-Kummissjoni skont l-Artikolu 11(1)(a). Il-liċenzji ta’ importazzjoni m’għandhomx jinħarġu għal kwantitajiet li ma kinux ġew innotifikati.

2.   Fejn l-informazzjoni notifikata mill-Istati Membri skont l-Artikolu 11 turi li l-kwantitajiet koperti mill-applikazzjonijiet għal liċenzji jaqbżu l-kwantitajiet disponibbli għall-perjodu jew subperjodu ta’ kwota ta’ tariffi fuq l-importazzjoni, il-Kummissjoni għandha tiffissa koeffiċjent ta’ allokazzjoni, li l-Istati Membri għandhom japplikaw għall-kwantitajiet koperti minn kull applikazzjoni għal liċenzja.

Il-koeffiċjent ta’ allokazzjoni għandu jkun ikkalkulat kif ġej:

[(kwantità disponibbli/kwantità mitluba) × 100] %

Fejn ikun japplika, il-Kummissjoni għandha taġġusta dan il-koeffiċjent biex tiżgura li l-kwantitajiet disponibbli għall-perjodu jew subperjodi ta’ kwota ta’ tariffi fuq l-importazzjoni fl-ebda każ ma jinqabżu.

3.   Il-liċenzji ta’ importazzjoni għandhom jinħarġu għall-kwantitajiet koperti mill- applikazzjonijiet għal liċenzji, immultiplikati bil-koeffiċjent ta’ allokazzjoni msemmi fil-paragrafu 2.

L-ammont li jirriżulta mill-applikazzjoni tal-koeffiċjent ta’ allokazzjoni għandu jinqata’ għad-dritt ’l isfel sa l-eqreb unità.

4.   Kwantitajiet mhux allokati jew mhux użati matul subperjodu ta’ kwota ta’ tariffi fuq l-importazzjoni għandhom ikunu determinati abbażi tal-informazzjoni mogħtija millIstati Membri skont l-Artikolu 11. Dawn il-kwantitajiet għandhom jiżdiedu awtomatikament mas-subperjodu ta’ wara biex jitqassmu mill-ġdid.

Iżda ebda kwantità m’għandha tiġi ttrasferita għall-perjodu ta’ wara ta’ kwota ta’ tariffi fuq l-importazzjoni.

1.   L-Istati Membri għandhom jinnotifikaw lill-Kummissjoni:

L-informazzjoni msemmija fil-punti (b) u (c) għandha tkun innotifikata mill-anqas fi żmien xahrejn mill-iskadenza tal-perjodu ta’ validità tal-liċenzji in kwistjoni.

2.   In-notifiki msemmija fil-paragrafu 1 għandhom isiru b’mezzi elettroniċi bl-użu tal-formula li l-Istati Membri jistgħu jiksbu mingħand il-Kummissjoni.

3.   In-notifiki, inklużi prospetti negattivi, għandhom jintbagħtu sas-13.00 (ħin ta’ Brussell) mhux aktar tard mid-data speċifikata. Għall-finijiet ta’ notifiki lill-Kummissjoni skont dan l-Artikolu, fejn issir referenza għal jiem tax-xogħol f’Regolament tal-Kummissjoni li jirregola kwota partikulari ta’ tariffi fuq l-importazzjoni, din għandha tkun interpretata bħala referenza għal jiem tax-xogħol għall-Kummissjoni skont it-tifsira tal-Artikolu 2 tar-Regolament (KEE) Nru 1182/71.