9.12.2008 |
MT |
Il-Ġurnal Uffiċjali ta’ l-Unjoni Ewropea |
368 |
REGOLAMENT TAL-KUMMISSJONI (KE) Nru 1193/2006
ta' l-4 ta' Awwissu 2006
li jemenda r-Regolament (KE) Nru 1990/2004 li jistabbilixxi miżuri tranżitorji fis-settur tal-inbid minħabba l-adeżjoni tal-Ungerija fl-Unjoni Ewropea
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat it-Trattat tal-Adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja,
Wara li kkunsidrat l-Att tal-Adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja, u b’mod partikolari l-ewwel paragrafu tal-Artikolu 41 tiegħu,
Billi:
(1) |
L-Artikolu 27(3) tar-Regolament tal-Kunsill (KE) Nru 1493/1999 tas-17 ta’ Mejju 1999 dwar l-organizzazzjoni komuni tas-suq tal-inbid (1) jistabbilixxi li l-persuni jew korpi jew gruppi ta’ persuni li għamlu l-inbid huma obbligati li jiddistillaw it-totalità tal-prodotti sekondarji li rriżultaw minn din il-produzzjoni. |
(2) |
Ir-Regolament tal-Kummissjoni (KE) Nru 1623/2000 tal-25 ta’ Lulju 2000 li jistabbilixxi regoli ddettaljati għall-implimentazzjoni tar-Regolament (KE) Nru 1493/1999 dwar l-organizzazzjoni komuni tas-suq tal-inbid fir-rigward tal-mekkaniżmi tas-suq (2), jistabbilixxi regoli għall-implimentazzjoni ta’ dan l-obbligu ta’ distillazzjoni kif ukoll, fl-Artikolu 49 tiegħu, xi possibbiltajiet ta’ derogi. |
(3) |
L-Ungerija adottat il-miżuri neċessarji għall-implimentazzjoni ta’ dan l-obbligu ta’ distillazzjoni. Għaldaqstant, id-distilleriji fl-Ungerija ma jesgħux biżżejjed biex ikunu ddistillati l-prodotti sekondarji kollha. |
(4) |
Ir-Reglament tal-Kummissjoni (KE) Nru 1990/2004 (3) awtorizza lill-Ungerija sabiex teskludi ċerti kategoriji ta’ produtturi mill-obbligu li jiddistillaw il-prodotti sekondarji tal-produzzjoni tal-inbid għas-sena tal-inbid 2004/2005. Din l-awtorizzazzjoni ġiet imġedda għas-sena tal-inbid 2005/2006. Fid-dawl tas-sitwazzjoni deskritta hawn fuq, din l-awtorizzazzjoni għandha terġa’ tiġġedded għas-sena tal-inbid 2006/2007. |
(5) |
Għalhekk għandu jiġi emendat ir-Regolament (KE) Nru 1990/2004. |
(6) |
Il-miżuri stabbiliti f’dan ir-Regolament jaqblu mal-opinjoni tal-Kumitat ta’ Ġestjoni tal-Inbejjed, |
ADOTTAT DAN IR-REGOLAMENT:
Artikolu 1
Fl-Artikolu 1 tar-Regolament (KE) Nru 1990/2004, il-kliem “għas-snin tas-suq 2004/2005 u 2005/2006” huma mibdulin bil-kliem “għas-snin tas-suq 2004/2005, 2005/2006 u 2006/2007”.
Artikolu 2
Dan ir-Regolament jidħol fis-seħħ mit-tielet jum wara li jiġi ppubblikat f’Il-Ġurnal Ufficjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 4 ta' Awwissu 2006.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 179, 14.7.1999, p. 1. Ir-Regolament kif emendat l-aħħar bir-Regolament (KE) Nru 2165/2005 tal-20 ta’ Diċembru 2005 (ĠU L 345, 28.12.2005, p. 1).
(2) ĠU L 194, 31.7.2000, p. 45. Ir-Regolament kif emendat l-aħħar bir-Regolament (KE) Nru 1820/2005 tat-8 ta’ Novembru 2005 (ĠU L 293, 9.11.2005, p. 8).
(3) ĠU L 344, 20.11.2004, p. 8. Ir-Regolament kif emendat l-aħħar bir-Regolament tal-Kummissjoni (KE) Nru 1215/2005 (ĠU L 199, 29.7.2005, p. 31).