REGOLAMENT TAL-KUNSILL (KE, EURATOM) Nru 1066/2006

tas-27 ta’ Ġunju 2006

li jadatta mill-1 ta' Lulju 2006 l-iskala applikabbli għall-missjonijiet ta' l-uffiċjali u ta' ħaddiema oħra tal-Komunitajiet Ewropej fl-Istati Membri

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidraw ir-Regolamenti tal-Persunal ta' l-uffiċjali tal-Komunitajiet Ewropej u l-Kondizzjonijiet ta' l-Impjieg ta' ħaddiema oħra tal-Komunitajiet, stabbiliti mir-Regolament (KEE, Euratom, KEFA) Nru 259/68 (1), u b'mod partikolari l-Artikolu 13 ta' l-Anness VII ta' dawn ir-Regolamenti tal-Persunal,

Wara li kkunsidra l-proposta tal-Kummissjoni,

Billi:

(1)	Konformement ma' l-Artikolu 13(2) ta' l-Anness VII tar-Regolamenti tal-Persunal, il-Kummissjoni preżentat rapport dwar l-evoluzzjoni tal-prezzijiet ta' lukandi, ta' ristoranti u ta' servizzi tal-catering.

(2)	Fuq il-bażi ta' dak ir-rapport, jeħtieġ li jiġu adattati l-allowances ta' kuljum ta' missjonijiet u tal-limiti massimi tal-lukandi sabiex jittieħed kont ta' l-evoluzzjonijiet fil-prezzijiet,

ADOTTA DAN IR-REGOLAMENT:

Artikolu 1

L-iskala applikabbli għall-missjonijiet li jidhru fl-Artikolu 13(2), ta' l-Anness VII tar-Regolamenti tal-Persunal hija b'dan sostitwita bit-tabella li ġejja:

(f' EUR)
Destinazzjoni	Limitu ta' l-ispejjeż għall-akkomodazzjoni (lukanda)	Allowance ta' kuljum għall-missjoni
“Belġju	140	92
Repubblika Ċeka	155	75
Danimarka	150	120
Ġermanja	115	93
Estonja	110	71
Greċja	140	82
Spanja	125	87
Franza	150	95
Irlanda	150	104
Italja	135	95
Ċipru	145	93
Latvja	145	66
Litwanja	115	68
Lussemburgu	145	92
Ungerija	150	72
Malta	115	90
Olanda	170	93
Awstrija	130	95
Polonja	145	72
Portugall	120	84
Slovenja	110	70
Slovakkja	125	80
Finlandja	140	104
Żvezja	160	97
Renju Unit	175	101 ”

Artikolu 2

Dan ir-Regolament għandu jidħol fis-seħħ fl-1 Lulju 2006.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, 27 ta’ Ġunju 2006.

Għall-Kunsill

Il-President

J. PRÖLL

(1) ĠU L 56, 4.3.1968, p. 1. Regolament kif emendat l-aħħar bir-Regolament (KE, Euratom) Nru 2104/2005 (ĠU L 337, 22.12.2005, p. 7).