REGOLAMENT TAL-KUMMISSJONI (KE) Nru 956/2006

tat-28 ta' Ġunju 2006

li jemenda r-Regolament (KEE) Nru 94/92, f’dak li għandu x’jaqsam mal-lista ta’ pajjiżi terzi li minnhom ċerti prodotti agrikoli miksubin minn produzzjoni organika jeħtiġilhom joriġinaw biex ikunu kkummerċjalizzati fil-Komunità

(Test b'rilevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2092/91 tal-24 ta’ Ġunju 1991 dwar il-produzzjoni organika ta’ prodotti agrikoli u l-indikazzjonijiet li jirreferu għalihom fil-prodotti agrikoli u fl-oġġetti tal-ikel (1), u b’mod partikolari l-Artikolu 11(1) tiegħu,

Billi:

(1)

Il-lista ta’ pajjiżi terzi li minnhom ċerti prodotti agrikoli miksubin minn produzzjoni organika jeħtiġilhom joriġinaw biex ikunu kkummerċjalizzati fil-Komunità, provdut fl-Artikolu 11(1) tar-Regolament (KEE) Nru 2092/91 (minn issa ‘l quddiem “il-lista”), imniżżel fl-Anness għar-Regolament tal-Kummissjoni (KEE) Nru 94/92 tal-14 ta’ Jannar 1992 li jistabbilixxi regoli dettaljati biex jiġu implimentati l-arranġamenti għall-importazzjoni minn pajjiżi terzi provduti fir-Regolament (KEE) Nru 2092/91 dwar il-produzzjoni organika ta’ prodotti agrikoli u l-indikazzjonijiet li jirreferu għalihom fil-prodotti agrikoli u fl-oġġetti tal-ikel (2).

(2)	Ċerti prodotti agrikoli li jiġu importati mill-Indja, bħalissa qed jiġi kkummerċjalizzati fil-Komunità skont id-deroga provduta fl-Artikolu 11(6) tar-Regolament (KEE) Nru 2092/91.

(3)	L-Indja talbet lill-Kummissjoni biex tinkludiha fil-lista. Bagħtet it-tagħrif meħtieġ skont l-Artikolu 2(2) tar-Regolament (KEE) Nru 94/92.

(4)	L-eżaminazzjoni ta’ din l-informazzjoni u d-diskussjoni konsegwenti mal-awtoritajiet Indjani wasslu għall-konklużjoni li, f’dak il-pajjiż ir-regoli li jirregolaw il-produzzjoni u l-ispezzjoni tal-prodotti agrikoli huma ekwivalenti għal dawk stabbiliti fir-Regolament (KEE) Nru 2092/91.

(5)	Il-Kummissjoni wettqet kontroll fuq il-post dwar ir-regoli tal-miżuri tal-produzzjoni u l-ispezzjoni attwalment applikati fl-Indja, previsti fl-Artikolu 11(5) tar-Regolament (KEE) Nru 2092/91.

(6)	It-tul ta’ żmien tal-inklużjoni tal-Kosta Rika u ta’ New Zealand fil-lista jiskadi fit-30 ta’ Ġunju 2006. Sabiex ikun evitat tfixkil fil-kummerċ, hemm il-ħtieġa li tkun estiża l-inklużjoni ta’ dawn il-pajjiżi fil-lista għal perjodu itwal.

(7)	L-Awstralja informat lill-Kummissjoni li korp wieħed ta’ spezzjoni biddel ismu u rranġa l-isem ta’ korp ta’ spezzjoni ieħor.

(8)

L-Iżvizzera talbet lill-Kummissjoni biex temenda t-termini tal-inklużjoni tagħha fil-lista skont il-Ftehim li sar bejn il-Komunità Ewropea u l-Konfederazzjoni Żvizzera fuq kummerċ fi prodotti agrikoli (3) approvat mid-Deċiżjoni 2002/309/KE tal-Kunsill u tal-Kummissjoni (4) u b’mod partikolari mal-Anness 9 għal dak il-Ftehim fuq prodotti agrikoli prodotti organikament u oġġetti tal-ikel.

(9)	L-Iżvizzera għaddiet l-informazzjoni meħtieġa skont l-Artikolu 2(5) tar-Regolament (KEE) Nru 94/92. L-eżaminazzjoni tal-informazzjoni ppreżentata wasslet għall-konklużjoni li r-rekwiżiti huma ekwivalenti għal dawk li jirriżultaw mil-leġiżlazzjoni tal-Komunità.

(10)	New Zealand informat lill-Kummissjoni li korp wieħed ta’ spezzjoni biddel ismu.

(11)	Ir-Regolament (KEE) Nru 94/92 għandu għaldaqstant jiġi emendat skont dan.

(12)	Il-miżuri provduti f’dan ir-Regolament huma konformi mal-opinjoni tal-Kumitat stabbilit bl-Artikolu 14 tar-Regolament (KEE) Nru 2092/91,

ADOTTAT DAN IR-REGOLAMENT:

Artikolu 1

L-Anness għar-Regolament (KEE) Nru 94/92 huwa emendat kif stipulat fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 28 ta' Ġunju 2006.

Għall-Kummissjoni

Mariann FISCHER BOEL

Membru tal-Kummissjoni

(1) ĠU L 198, 22.7.1991, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 592/2006 (ĠU L 104, 13.4.2006, p. 13).

(2) ĠU L 11, 17.1.1992, p. 14. Ir-Regolament kif emendat l-aħħar bir-Regolament (KE) Nru 746/2004 (ĠU L 122, 26.4.2004, p. 10).

(3) ĠU L 114, 30.4.2002, p. 132.

(4) ĠU L 114, 30.4.2002, p. 1.

ANNESS

L-Anness għar-Regolament (KEE) Nru 94/92 huwa emendat kif ġej:

(1)

Fit-test li jirrigwarda l-Awstralja, il-punt 3 għandu jinbidel b’dan li ġej:

“3.

L-entitajiet tal-ispezzjoni:

—	Australian Quarantine and Inspection Service (AQIS)

—	Bio-dynamic Research Institute (BDRI)

—

(OGA)

—	Organic Food Chain Pty Ltd (OFC)

—	National Association of Sustainable Agriculture, Australia (NASAA)

—	Australian Certified Organic Pty. Ltd.”

(2)

Fit-test li jirrigwarda l-Kosta Rika, il-punt 5 għandu jinbidel b’dan li ġej:

“5.	It-tul taż-żmien tal-inklużjoni: 30.6.2011.”

(3)

Wara t-test li jirrigwarda l-Kosta Rika, jiddaħħal it-test li ġej:

“L-INDJA

Il-kategoriji tal-prodott:

(a)	il-prodotti mhux ipproċessati tal-uċuħ tar-raba’ fit-tifsira tal-Artikolu 1(1)(a) tar-Regolament (KEE) Nru 2092/91;

(b)	oġġetti tal-ikel komposti essenzjalment minn ingredjent wieħed jew aktar li oriġina minn pjanta fit-tifsira tal-Artikolu 1(1)(b) tar-Regolament (KEE) Nru 2092/91.

L-Oriġini: il-prodotti tal-kategorija 1(a) u l-ingredjenti mkabbrin organikament fil-prodotti tal-kategorija 1(b) li tkabbru fl-Indja.

L-entitajiet tal-ispezzjoni:

—	BVQI (India) Pvt. Ltd

—	Ecocert SA

—	IMO Control Private Limited

—	(INDOCERT)

—	International Resources for Fairer Trade

—	Lacon Quality Certification Pvt. Ltd

—	Natural Organic Certification Association

—	OneCert Asia Agri Certification private Limited

—	SGS India Pvt. Ltd

—	Skal International (India)

—	Uttaranchal State Organic Certification Agency (USOCA)

L-entitajiet li joħorġu ċ-ċertifikati: bħal fin-numru 3

It-tul taż-żmien tal-inklużjoni: 30.6.2009”

(4)

It-test li jirrigwarda l-Iżvizzera huwa emendat kif ġej:

(a)

Il-punt 1 għandu jinbidel b’dan li ġej:

“1.

Il-kategoriji tal-prodott:

(a)

prodotti tal-uċuħ tar-raba’ u l-bhejjem u prodotti mhux pproċessati tal-bhejjem fit-tifsira tal-Artikolu 1(1)(a) tar-Regolament (KEE) Nru 2092/91, bl-eċċezzjoni ta’:

—	prodotti, prodotti matul il-perjodu tal-konverżjoni, kif imsemmijin fl-Artikolu 5(5) ta’ dak ir-Regolament;

(b)

prodotti agrikoli tal-uċuħ tar-raba’ u tal-annimali pproċessati bl-iskop ta’ konsum uman fit-tifsira tal-Artikolu 1(1)(b) tar-Regolament (KEE) Nru 2092/91, bl-eċċezzjoni ta’:

—	prodotti, kif imsemmijin fl-Artikolu 5(5) ta’ dak ir-Regolament, li jinkludu ingredjent ta’ oriġini agrikola prodott waqt il-perjodu tal-konverżjoni.”

(b)

Il-punt 3 għandu jinbidel b’dan li ġej:

“3.

L-entitajiet tal-ispezzjoni:

—	Institut für Marktökologie (IMO)

—	bio.inspecta AG

—	Schweizerische Vereinigung für Qualitäts- und Management-Systeme (SQS)

—	Bio Test Agro (BTA)”.

(5)

It-test li jirrigwarda lil New Zealand huwa emendat kif ġej:

(a)

Il-punt 3 għandu jinbidel b’dan li ġej:

“3.

L-entitajiet tal-ispezzjoni:

—	AgriQuality

—	BIO-GRO New Zealand.”

(b)

Il-punt 5 għandu jinbidel b’dan li ġej:

“5.	It-tul taż-żmien tal-inklużjoni: 30.6.2011.”