(1)

Ir-Regolament (KE) Nru 1592/2002 ġie implimentat bir-Regolament tal-Kummissjoni (KE) Nru 1702/2003 ta’ l-24 ta’ Settembru 2003 li jistabbilixxi regoli ta’ implimentazzjoni biex inġenji ta’ l-ajru, prodotti, partijiet u tagħmir relatat jiġu ċertifikati bħala tajbin għall-ajru u li ma jagħmlux ħsara lill-ambjent, kif ukoll għaċ-ċertifikazzjoni ta’ organizzazzjonijiet relatati mad-disinn u l-produzzjoni tagħhom (2).

(2)

L-Artikolu 5(2) tar-Regolament (KE) Nru. 1702/2003 jistabbilixxi li, b’deroga minn paragrafu 21.A.159 ta’ l-Anness tiegħu, l-Istati Membri jistgħu joħorġu approvazzjonijiet għal perijodu limitat sat-28 ta’ Settembru 2005.

(3)

L-Artikolu 5(5) tar-Regolament (KE) Nru 1702/2003 jispeċifika li l-Aġenzija Ewropea dwar is-Sigurtà fl-Avjazzjoni (hawn aktar ‘l isfel imsejħa “l-Aġenzija”) għandha, meta jkun f’waqtu, tagħmel evalwazzjoni ta’ l-implikazzjoni tad-dispożizzjonijiet ta’ dan ir-Regolament fuq kemm għandha ddum il-validità ta’ l-approvazzjonijiet, bil-ħsieb li din tagħti opinjoni lill-Kummissjoni, inklużi xi emendi possibbli fih.

(4)

L-Aġenzija inkarigat ruħha mill-evalwazzjoni u waslet għall-konklużjoni li għandu jiġi stabbilit żmien ta’ għeluq ieħor sabiex l-Istati Membri jkunu jistgħu jadatta il-leġislazzjoni nazzjonali tagħhom għas-sistema ta’ approvazzjonijiet għal perijodu illimitat.

(5)

M’għadx hemm bżonn tad-dispożizzjoni dwar evalwazzjoni da parti ta’ l-Aġenzija. Dik id-dispożizzjoni għandha tiġi revokata.

(6)

Ir-Regolament (KE) Nru. 1702/2003 għandu għalhekk jiġi emendat skond dan.

(7)

Il-miżuri pprovduti minn dan ir-Regolament huma bbażati fuq l-opinjoni maħruġa mill-Aġenzija bi qbil ma’ l-Artikoli 12(2)(b) u 14(1) tar-Regolament (KE) Nru 1592/2002.

(8)

Il-miżuri pprovduti minn dan ir-Regolament huma bi qbil ma’ l-opinjoni tal-Kumitat stabbilit mill-Artikolu 54 tar-Regolament (KE) Nru 1592/2002,

(a)

F’Paragrafu 2, “28 ta’ Settembru 2007” tieħu post “28 ta’ Settembru 2005”.

(b)

Il-paragrafu 5 huwa revokat.