28.11.2006   

MT

Il-Ġurnal Uffiċjali ta’ l-Unjoni Ewropea

251

(1)

Fid-dawl ta’ l-esperjenza miksuba mindu r-Regolament tal-Kummissjoni (KEE) Nru 89/97 ta’ l-20 ta’ Jannar 1997 li jemenda r-Regolament (KEE) Nru 2454/93 li jistabbilixxi d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali tal-Komunità (2) daħal fis-seħħ, inħass il-bżonn li jiġu speċifikati l-metodi li għandhom jintużaw biex jiġi determinat it-toqol nett tal-banana friska. Dawn il-metodi għandhom jinkludu l-użin tal-banana friska biex jiġi stabbilit it-toqol nett tagħha, u t-tfassil ta' ċertifikati ta' l-użin tal-banana li jagħtu prova ta' dak l-użin, minn operaturi ekonomiċi awtorizzati mill-awtoritajiet tad-dwana. It-toqol nett tal-banana friska għandu jiġi stabbilit għal kull konsenja ta’ banana friska konsenjata bi kwalunkwe mezz tat-trasport.

(2)

Il-miżuri dwar l-użin tal-banana friska u t-tfassil ta' ċertifikati ta’ l-użin tal-banana għandhom japplikaw mill-1 ta' Ġunju 2006 biex l-Istati Membri u l-operaturi ekonomiċi jingħataw biżżejjed żmien ħalli jħejju għall-awtorizzazzjoni tal-piżaturi.

(3)

Għall-importazzjonijiet ta’ ċerti ċirkwiti elettroniċi li hemm dispożizzjonijiet dwarhom fil-Kapitoli 84 u 85 tan-Nomenklatura Magħquda, ġew imposti dazji b’effett oppost fir-Regolament tal-Kunsill (KE) Nru 1480/2003 tal-11 ta’ Awwissu 2003 li jimponi dazju definittiv b'effett oppost u l-ġbir definittiv tad-dazju proviżorju impost fuq l-importazzjoni ta' ċerti mikroċirkwiti elettroniċi magħrufa bħala DRAM (dynamic random access memories - memorji dinamiċi b'aċċess każwali) li joriġinaw fir-Repubblika tal-Korea (3). Bil-għan li tiġi żgurata l-applikazzjoni uniformi ta' dawn id-dazji b’effett oppost, jinħtieġ li jkun hemm regola ta’ oriġini speċifika għall-prodotti koperti minn dak ir-Regolament.

(4)

Għaldaqstant, ir-Regolament tal-Kummissjoni (KEE) Nru 2454/93 (4) għandu jiġi emendat.

(5)

Il-miżuri previsti minn dan ir-Regolament huma skond l-opinjoni tal-Kumitat tal-Kodiċi Doganali,

(1)

Wara l-Artikolu 290, jiddaħħal it-test li ġej:

“KAPITOLU 1a

Dispożizzjonijiet li jikkonċernaw il-banana”

(2)

L-Artikolu 290a jinbidel b’dan li ġej:

“Artikolu 290a

Għall-iskopijiet ta' dan il-Kapitolu, u għall-Annessi 38b u 38c, għandhom japplikaw id-definizzjonijiet li ġejjin:

(3)

Jiddaħħal l-Artikolu 290b li ġej:

“Artikolu 290b

1.   Kwalunkwe uffiċċju tad-dwana jista’ jagħti, fuq domanda, l-istatus ta’ piżatur awtorizzat lil operatur ekonomiku involut fl-importazzjoni, ġarr, ħżin jew tqandil ta’ banana friska, basta li l-kundizzjonijiet li ġejjin jiġu sodisfatti:

L-uffiċċju tad-dwana għandu jirriffjuta l-istatus ta’ piżatur awtorizzat jekk l-applikant kiser serjament jew ripetutament il-leġiżlazzjoni doganali.

L-awtorizzazzjoni għandha tkun limitata għall-użin ta’ banana friska mwettaq fil-post sorveljat mill-uffiċċju tad-dwana awtorizzat.

2.   L-uffiċċju tad-dwana awtorizzat għandu jirtira l-istatus ta’ piżatur awtorizzat jekk min għandu dan l-istatus ma jibqax jissodisfa l-kundizzjonijiet stabbiliti fil-paragrafu 1.”

(4)

Jiddaħħal l-Artikolu 290c li ġej:

“Artikolu 290c

1.   Għal raġunijiet ta’ kontroll tat-toqol nett tal-banana friska impurtata lejn il-Komunità u li taqa’ taħt il-kodiċi ta’ NM 0803 00 19, dikjarazzjonijiet ta’ rilaxx għaċ-cirkolazzjoni ħielsa għandu jkollhom magħhom ċertifikat ta’ l-użin tal-banana li jindika t-toqol nett tal-konsenja ta’ banana friska kkonċernata, bit-tip ta’ ppakkjar u l-oriġini.

Iċ-ċertifikati ta’ l-użin tal-banana għandhom jitfasslu mill-piżaturi awtorizzati skond il-proċedura stabbilita fl-Anness 38b u fil-forma li tikkorrispondi mal-mudell ipprovdut fl-Anness 38c.

Dawn iċ-ċertifikati jistgħu jintbagħtu lill-awtoritajiet tad-dwana f’forma elettronika skond il-kundizzjonijiet li għandhom jiġu stipulati mill-awtoritajiet tad-dwana.

2.   Il-piżatur awtorizzat għandu jagħti avviż bil-quddiem ta' l-użin ta' konsenja ta' banana friska lill-awtoritajiet tad-dwana biex jitfassal ċertifikat ta’ l-użin tal-banana, bid-dettalji tat-tip ta’ ppakkjar, l-oriġini, il-ħin u l-post ta’ l-użin.

3.   L-uffiċċji tad-dwana għandhom jivverifikaw it-toqol nett tal-banana friska mdaħħla fiċ-ċertifikati ta’ l-użin tal-banana, abbażi ta’ l-analiżi tar-riskju, billi jiġi kkontrollat ta’ l-inqas 5 % ta’ l-għadd totali ta’ ċertifikati ta’ l-użin tal-banana ppreżentati kull sena, jew billi jkunu preżenti waqt l-użin tal-kampjuni rappreżentattivi tal-banana mill-piżatur awtorizzat jew billi jiżnu l-kampjuni huma stess, skond il-proċedura stabbilita fil-punti 1, 2 u 3 ta’ l-Anness 38b.”

(5)

Jiddaħħal l-Artikolu 290d li ġej:

“Artikolu 290d

L-Istati Membri għandhom jikkomunikaw lill-Kummissjoni l-lista tal-piżaturi awtorizzati u kwalunkwe tibdiliet li jista' jkollha wara.

Il-Kummissjoni għandha tibgħat tagħrif bħal dan lill-Istati Membri l-oħra.”

(6)

L-Anness 11 huwa emendat skond l-Anness I ta’ dan ir-Regolament.

(7)

L-Anness 38b jinbidel bit-test li jidher fl-Anness II ta’ dan ir-Regolament.

(8)

L-Anness 38c jiddaħħal skond l-Anness III ta’ dan ir-Regolament.