1.12.2007 |
MT |
Il-Ġurnal Uffiċjali ta’ l-Unjoni Ewropea |
254 |
DIRETTIVA TAL-KUMMISSJONI 2006/77/KE
tad-29 ta' Settembru 2006
li temenda l-Anness I tad-Direttiva 2002/32/KE tal-Parlament Ewropew u tal-Kunsill dwar livelli massimi ta’ komposti organokloriċi fl-għalf ta’ l-annimali
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 2002/32/KE tal-Parlament Ewropew u tal-Kunsill tas-7 ta’ Mejju 2002 dwar il-prodotti mhux mixtieqa fl-għalf ta’ l-annimali (1), u b'mod partikolari l-Artikolu 8(1) tagħha,
Billi:
(1) |
Id-Direttiva 2002/32/KE tistipola li l-użu ta’ prodotti li huma intenzjonati għall-għalf għall-bhejjem li fihom livelli ta’ sustanzi mhux mixtieqa li jaqbżu l-livelli massimi stipolati fl-Anness I ta’ dik id-Direttiva huwa pprojbit. |
(2) |
Meta d-Direttiva 2002/32/KE ġiet adottata, il-Kummissjoni ddikjarat li l-Anness I ta’ dik id-Direttiva għandu jiġi rivedut fuq il-bażi ta’ l-assessjar tar-riskju xjentifiku aġġornat u billi tittieħed in konsiderazzjoni l-projbizzjoni ta’ kull dilwizzjoni ta’ prodotti kkontaminati li mhumiex f’konformità li huma intenzjonati għall-għalf tal-bhejjem. |
(3) |
Fuq talba tal-Kummissjoni, l-Awtorità Ewropea għas-Sigurtà ta’ l-Ikel (l-EFSA) adottat opinjoni rigward l-aldrin u d-dieldin fid-9 ta’ Novembru 2005 (2). |
(4) |
L-għalf tal-ħut li fih relattivament proporzjoni ogħla ta’ żejt tal-ħut fil-formolazzjoni, instab li fih livelli sinifikanti ta’ aldrin/dieldin. Huwa għalhekk xieraq li jiġu emendati d-dispożizzjonijiet eżistenti, ibbażati fuq il-konklużjonijiet ta’ l-opinjoni xjentifika u d-data ta’ monitoraġġ disponibbli. |
(5) |
Fuq talba tal-Kummissjoni, l-EFSA adottat opinjoni relatata ma’ l-endosulfan fl-20 ta' Ġunju 2005 (3). |
(6) |
Fuq il-bażi tal-konklużjonijiet ta’ l-opinjoni xjentifika u d-data ta’ monitoraġġ disponibbli, huwa xieraq li jiġi emendat il-livell massimu għall-endosulfan fiż-żejt tal-ħxejjex nej sabiex tiġi kkunsidrata sa ċertu punt il-konċentrazzjoni ta’ l-endosulfan fiż-żejt tal-ħxejjex nej meta mqabbel mal-livell fiż-żejt taż-żrieragħ. |
(7) |
Fuq talba tal-Kummissjoni, l-EFSA adottat opinjoni relatata mal-hexachlorocyclohexanes (α, β, γ HCH) fl-4 ta’ Lulju 2005 (4) u opinjoni dwar l-endrin fid-9 ta' Novembru 2005 (5). |
(8) |
Fuq il-bażi tal-konklużjonijiet ta’ l-opinjonijiet xjentifiċi u d-data ta’ monitoraġġ disponibbli, ebda modifika għal-livelli massimi eżistenti rigward il-hexachlorocyclohexanes u l-endrin, ma hi neċessarja. |
(9) |
Rigward l-aldrin, id-dieldrin, il-chlordane, id-DDT, l-endrin, il-heptachlor, il-hexachlorobenzene u l-hexachlorocyclohexanes (HCH), it-terminu “xaħmijiet” għandu jiġi ssostitwit bit-termini “xaħmijiet u żjut” biex jindika b’mod ċar li x-xaħmijiet u ż-żjut kollha, inkluż ix-xaħam ta’ l-annimali, iż-żjut tal-ħxejjex u ż-żejt tal-ħut, huma koperti. |
(10) |
Id-Direttiva 2002/32/KE għandha għalhekk tiġi emendata kif suppost. |
(11) |
Il-miżuri previsti f’din id-Direttiva huma konformi ma’ l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali, |
ADOTTAT DIN ID-DIRETTIVA:
Artikolu 1
L-Anness I tad-Direttiva 2002/32/KE huwa emendat kif stipolat fl-Anness ta’ din id-Direttiva.
Artikolu 2
L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji sabiex ikunu f’ konformità ma’ din id-Direttiva sa mhux aktar tard minn tnax-il xahar wara d-dħul fis-seħħ. Għandhom mingħajr dewmien jipprovdu lill-Kummissjoni bit-test ta' dawn id-dispożizzjonijiet u bit-tabella korrispendenti bejn dawn id-dispożizzjonijiet u din id-Direttiva.
Meta l-Istati Membri jadottaw dawn id-dispożizzjonijiet, dawn għandhom jinkludu referenza għal din id-Direttiva jew ikunu akkumpanjati minn referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir referenza bħal din.
Artikolu 3
Din id-Direttiva għandha tidħol fis-seħħ fl-għoxrin jum wara dak li fih tiġi ppubblikata fil-Ġurnal Uffiċjali ta' l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmula fi Brussell, 29 ta' Settembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 140, 30.5.2002, p. 10. Id-Direttiva kif emendata l-aħħar bid-Direttiva 2006/13/KE (ĠU L 32, 4.2.2006, p. 44).
(2) Opinjoni tal-Bord Xjentifiku dwar l-aġenti ta’ kontaminazzjoni fil-Katina Alimentari ta’ l-Awtorità Ewropea dwar is-Sigurtà ta’ l-Ikel (EFSA) fuq talba tal-Kummissjoni relatata ma’ l-aldrin u d-dieldrin bħala sustanza mhux mixtieqa fl-għalf għall-bhejjem adottata fit-9 ta' Novembru 2005.
http://www.efsa.eu.int/science/contam/contam_opinions/1251/contam_op_ej285_aldrinanddieldrin_en1.pdf
(3) Opinjoni tal-Bord Xjentifiku dwar l-aġenti ta’ kontaminazzjoni fil-Katina Alimentari ta’ l-Awtorità Ewropea dwar is-Sigurtà ta’ l-Ikel (EFSA) fuq talba tal-Kummissjoni relatata ma’ l-endosulfan bħala sustanza mhux mixtieqa fl-għalf għall-bhejjem adottata fit-20 ta' Ġunju 2005.
http://www.efsa.eu.int/science/contam/contam_opinions/1025/contam_op_ej234_endosulfan_en_updated21.pdf
(4) Opinjoni tal-Bord Xjentifiku dwar l-aġenti ta’ kontaminazzjoni fil-Katina Alimentari ta’ l-Awtorità Ewropea dwar is-Sigurtà ta’ l-Ikel (EFSA) fuq talba tal-Kummissjoni relatata mal-gamma-HCH u hexachlorocyclohexanes oħra bħala sustanzi mhux mixtieqa fl-għalf għall-bhejjem adottata fit-4 ta’ Lulju 2005.
http://www.efsa.eu.int/science/contam/contam_opinions/1039/contam_op_ej250_hexachlorocyclohexanes_en2.pdf
(5) Opijoni tal-Bord Xjentifiku dwar l-aġenti ta’ kontaminazzjoni fil-Katina Alimentari ta’ l-Awtorità Ewropea dwar is-Sigurtà ta’ l-Ikel (EFSA) fuq talba tal-Kummissjoni relatata ma’ l-endrin bħala sustanza mhux mixtieqa fl-għalf għall-bhejjem adottata fit-9 ta' Novembru 2005.
http://www.efsa.eu.int/science/contam/contam_opinions/1252/contam_op_ej286_endrin_en1.pdf
ANNESS
Ir-ringieli 17 sa 26 ta’ l-Anness I għad-Direttiva 2002/32/KE huma hawnhekk sostitwiti b'dan li ġej:
Sustanzi mhux mixtieqa |
Prodotti intenzjonati għall-għalf għall-bhejjem |
Kontenut massimu f’ mg/kg (ppm) li huwa relattiv għal oġġett ta’ l-għalf b’kontenut ta’ umdità ta’ 12 % |
||||
(1) |
(2) |
(3) |
||||
|
L-għalf kollu ħlief |
0,01 (**) |
||||
|
|
0,1 (**) |
||||
|
0,02 (**) |
|||||
|
|
0,02 |
||||
|
0,2 |
|||||
|
0,05 |
|||||
|
L-għalf kollu ħlief |
0,02 |
||||
|
0,05 |
|||||
|
L-għalf kollu ħlief |
0,05 |
||||
|
0,5 |
|||||
|
L-għalf kollu ħlief |
0,1 |
||||
|
0,2 |
|||||
|
0,5 |
|||||
|
1,0 |
|||||
|
0,005 |
|||||
|
L-għalf kollu ħlief |
0,01 |
||||
|
0,05 |
|||||
|
L-għalf kollu ħlief |
0,01 |
||||
|
0,2 |
|||||
|
L-għalf kollu ħlief |
0,01 |
||||
|
0,2 |
|||||
26. Hexachlorocyclohexane (HCH) |
||||||
|
L-għalf kollu ħlief |
0,02 |
||||
|
0,2 |
|||||
|
Materjali kollha ta’ l-għalf ħlief’ |
0,01 |
||||
|
0,1 |
|||||
L-għalf kompost kollu ħlief |
0,01 |
|||||
|
0,005 |
|||||
|
L-għalf kollu ħlief |
0,2 |
||||
|
2,0 |
(*) Waħedhom jew kombinati espressi bħala dieldrin
(**) Livelli massimi ta’ adlrin u dieldrin, waħedhom jew kombinati, espressi bħala dieldrin.
(***) Sistema ta’ numri skond Parlar, bil-prefiss CHB jew ‘Parlar’:
— |
CHB 26: 2-endo, 3-exo, 5-endo, 6-exo, 8,8,10,10-octochlorobornane, |
— |
CHB 50: 2-endo, 3-exo, 5-endo, 6-exo, 8,8,9,10,10-nonachlorobornane, |
— |
CHB 62: 2,2,5,5,8,9,9,10,10-nonachlorobornane. |
(****) Il-livelli għandhom jiġu riveduti sal-31 ta’ Diċembru 2007 bil-għan li jitnaqqsu l-livelli massimi.”