28.11.2006 |
MT |
Il-Ġurnal Uffiċjali ta’ l-Unjoni Ewropea |
292 |
DIRETTIVA TAL-KUMMISSJONI 2006/34/KE
tal-21 ta’ Marzu 2006
li temenda l-Anness mad-Direttiva 2001/15/KE fir-rigward ta’ l-inklużjoni ta’ ċerti sustanzi
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunitajiet Ewropej,
Wara li kkunsidrat id-Direttiva tal-Kunsill 89/398/KEE tat-3 ta’ Mejju 1989 dwar l-approssimazzjoni tal-liġijiet ta’ l-Istati Membri dwar l-oġġetti ta’ l-ikel għal użu ta’ nutriment partikolari (1), u b’mod partikolari l-Artikolu 4(2) tagħha,
Wara li kkonsultat lill-Awtorità Ewropea dwar is-Sikurezza Alimentari,
Billi:
(1) |
Id-Direttiva tal-Kummissjoni 2001/15/KE tal-15 ta’ Frar 2001 dwar sustanzi li jistgħu jiġu miżjuda għal skopijiet nutrittivi speċifiċi fl-ikel għal tipi ta’ użu nutrittivi partikolari (2) tispeċifika ċerti kategoriji ta’ sustanzi u ssemmi għal kull wieħed minnhom is-sustanzi kimiċi li jistgħu jintużaw fil-produzzjoni ta’ l-oġġetti ta’ l-ikel għal użu nutrittiv partikolari. |
(2) |
Dawk is-sustanzi kimiċi li kienu ġew vvalutati mill-Awtorità Ewropea dwar is-Sikurezza Alimentari (minn hawn “l-Awtorità”) u li rċivew valutazzjoni xjentifika favorevoli għandhom jiġu inklużi fl-Anness tad-Direttiva 2001/15/KE. |
(3) |
Dan l-aħħar kien hemm valutazzjoni xjentifika favorevoli għal ċerti vitamini u sustanzi minerali u dawn kienu disponibbli pubblikament mill-Awtorità. |
(4) |
Huwa xieraq li jinbidel it-titolu tal-kategorija “aċidu foliku” sabiex tittieħed in konsiderazzjoni l-inklużjoni ta’ forom oħrajn tal-folate fl-Anness tad-Direttiva 2001/15/KE. |
(5) |
Id-Direttiva 2001/15/KE għandha, għalhekk, tiġi emendata b’mod xieraq. |
(6) |
Il-miżuri previsti f’din id-Direttiva huma f’konformità ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DIRETTIVA:
Artikolu 1
L-Anness tad-Direttiva 2001/15/KE hija emendata kif stipulat fl-Anness ta’ din id-Direttiva.
Artikolu 2
1. L-Istati Membri għandhom iġibu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw ma’ din id-Direttiva sa mhux iktar tard mill-31 ta’ Diċembru 2006. Għandhom mingħajr dewmien jipprovdu lill-Kummissjoni bit-test ta’ dawn id-dispożizzjonijiet u tabella ta’ korrelazzjoni bejn dawk id-dispożizzjonijiet u din id-Direttiva.
Meta l-Istati Membri jadottaw dawn id-dispożizzjonijiet, dawn għandhom ikollhom referenza għal din id-Direttiva jew għandhom ikunu akkumpanjati b’referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir referenza bħal din.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġijiet nazzjonali li jadottaw fil-qasam kopert b’din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha fil-Ġurnal Uffiċjali ta’ l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, nhar il-21 ta’ Marzu 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 186, 30.6.1989, p. 27. Direttiva kif emendata l-aħħar mir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
(2) ĠU L 52, 22.2.2001, p. 19. Direttiva kif emendata mid-Direttiva 2004/5/KE (ĠU L 14, 21.1.2004, p. 19).
ANNESS
L-Anness tad-Direttiva 2001/15/KE hi emendata kif ġej:
1. |
Fis-Sezzjoni li tikkonċerna l-Kategorija 1. Vitamini:
|
2. |
Fis-Sezzjoni li tikkonċerna l-Kategorija 2. Minerali, il-linja li ġejja hija miżjuda taħt l-intestatura “MANJEŻJU”:
|
3. |
Fis-Sezzjoni li tikkonċerna l-Kategorija 2. Minerali, il-linja li ġejja hija miżjuda taħt l-intestatura “ĦADID”:
|