(1)

Fil-każ taċ-ċereali u l-prodotti li joriġinaw mill-pjanti inkluż frott u ħxejjex, il-livelli tar-residwi jirriflettu l-użu ta’ kwantitajiet minimi tal-pestiċidi meħtieġa sabiex tinkiseb il-protezzjoni effettiva tal-pjanti, applikata b’ tali mod li l-ammont tar-residwu huwa baxx kemm jista’ jkun aċċettabbli fil-prattika u tossikoloġikament, bil-konsiderazzjoni, b’ mod partikolari, għall-protezzjoni ta’ l-ambjent u l-istima tal-konsum fid-dieta mill-konsumaturi. Il-livelli massimi ta’ residwi Komunitarji (MRLs) jirrappreżentaw l-ogħla limitu ta’ l-ammont ta’ tali residwi li wieħed jista’ jistenna li jsib fil-kumditajiet prodotti meta jkunu ġew ġiet irrispettati prattiki agrikoli tajbin.

(2)

L-MRLs għall-pestiċidi jinżammu għar-reviżjoni u jinbidlu sabiex tittieħed in konsiderazzjoni l-informazzjoni u data ġdida. L-MRLs huma stipolati fil-livell l-aktar baxx ta’ l-individwazzjoni analitika fejn l-użu awtorizzat tal-prodotti għall-protezzjoni tal-pjanti ma’ jirriżultawx f’livelli ta’ residwi ta’ pestiċidi li huma rintraċċabbli ġewwa jew fuq il-prodott ta’ l-ikel, jew fejn m’hemm ebda użu awtorizzat, jew fejn l-użu awtorizzat mill-Istati Membri ma’ kellux l-appoġġ tad-data meħtieġa, fejn l-użu f’pajjiżi terzi li jirriżultaw f’residwi ġewwa jew fuq il-prodotti ta’ l-ikel li jistgħu jiċċirkolaw fis-suq tal-Komunità ma ġewx appoġġati minn tali data meħtieġa.

(3)

Bosta Stati Membri infurmaw lill-Kummissjoni dwar ix-xewqa tagħhom li jirrevedu l-MRLs nazzjonali skond l-Artikolu 8 tad-Direttiva 90/642/KEE fid-dawl tad-dubji u tħassib dwar il-konsum mill-konsumatur. Proposti għar-reviżjoni ta’ l-MRLs tal-Komunità ġew sottomessi lill-Kummissjoni.

(4)

L-espożizzjoni tal-konsumaturi għall-pestiċidi matul il-ħajja kollha u għal terminu qasir ta’ espożizzjoni tal-konsumaturi għall-pestiċidi li jissemmew f’ din id-Direttiva permezz tal-prodotti ta’ l-ikel ġew rijassessjati u evalwati skond il-proċeduri u l-prassi tal-Komunità, bil-konsiderazzjoni tal-linji ta’ gwida ppubblikati mill-Organizzazzjoni Dinjija tas-Saħħa (3). Skond dik il-bażi, huwa xieraq li jiġu ffissati MRLs ġodda, li għandhom jaċċertaw li ma hemm ebda espożizzjoni inaċċettabbli tal-konsumatur.

(5)

Fejn huwa rilevanti, meta jkun sar assessjar u evalwazzjoni ta’ l-espożizzjoni akuta tal-konsumatur għal dawk il-pestiċidi permezz ta’ kull wieħed mill-prodotti ta’ l-ikel li jistgħu jkun fihom residwi, skond il-proċeduri u l-prattiki tal-Komunità, bil-konsiderazzjoni tal-linji ta’ gwida ppubblikati mill-Organizzazzjoni Dinjija tas-Saħħa. Huwa konkluż li l-preżenza ta’ residwi ta’ pestiċidi fi jew taħt l-MRLs proposti f’din id-Direttiva ma jikkawżawx effetti tossiċi akuti.

(6)

Permezz ta’ l-Organizzazzjoni Dinjija tal-Kummerċ, il-partenarjati kummerċjali tal-Komunità ġew ikkonsultati dwar l-MRLs ġodda u ttieħdu in konsiderazzjoni l-kummenti tagħhom dwar dawn il-livelli.

(7)

L-Annessi għad-Direttivi 86/362/KEE u 90/642/KEE għandhom għalhekk jiġu hekk emendati.

(8)

Il-miżuri previsti f’din id-Direttiva huma fi qbil ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,