8.5.2007   

MT

Il-Ġurnal Uffiċjali ta’ l-Unjoni Ewropea

79

(1)

Id-Direttivi 86/362/KEE u 90/642/KEE jistipulaw li l-Kummissjoni għandha taħdem b'mod progressiv sabiex tikseb sistema li tkun tista' tippermetti l-istima ta' l-esponiment fid-dieta għall-pestiċidi. Sabiex isiru stimi realistiċi, id-dejta dwar il-monitoraġġ ta' residwi minn pestiċidi trid tkun tidher fuq numru ta' prodotti ta' l-ikel li jikkostitwixxu parti prinċipali mid-dieta Ewropea. Huwa ġeneralment magħruf li partijiet prinċipali tad-dieta Ewropea huma magħmula minn 20-30 prodott ta' l-ikel. Minħabba r-riżorsi disponibbli fuq il-livell nazzjonali għall-monitoraġġ tar-residwi tal-pestiċidi, l-Istati Membri jistgħu janalizzaw biss kampjuni ta' tmien prodotti kull sena fi ħdan il-programm koordinat ta' monitoraġġ. L-użu tal-pestiċidi juri tibdil fiż-żmien ċikliku ta' tliet snin. Għalhekk ġeneralment għal kull pestiċida jrid isir monitoraġġ f'20-30 prodott ta' l-ikel fuq serje ta' ċikli ta' tliet snin.

(2)

Ir-residwi tal-pestiċidi koperti minn din ir-Rakkomandazzjoni għandhom ikunu sorveljati fl-2006, billi dan jippermetti li din l-informazzjoni tkun tista' tintuża sabiex isiru stimi ta' kemm fil-fatt ikun espost għalihom dak li jittiekel.

(3)

Huwa meħtieġ li tittieħed strateġija statistika sistematika għal numru ta' kampjuni li għandhom jittieħdu f'kull eżerċizzju kkoordinat ta' monitoraġġ. Dan il-metodu ġie mfassal mill-Kummissjoni tal-Codex Alimentarius (3). Fuq bażi ta' distribizzjoni ta' probabbiltà binomjali, jista' jiġi kkalkulat li l-eżaminazzjoni ta' 613-il kampjun twassal b'ċertezza ta' aktar minn 99 %, għall-iskoperta ta' kampjun li jkun fih ammont ta' residwi ta' pestiċidi ogħla minn dak il-limitu ta' determinazzjoni (LOD), bil-kundizzjoni li anqas minn 1 % mill-prodotti li joriġinaw mill-pjanti jkun fihom residwi ta' livell ogħla minn dak il-limitu. Il-ġbir ta' dawn il-kampjuni jrid ikun proporzjonat bejn l-Istati Membri fuq il-bażi tan-numri tal-popolazzjoni u tal-konsumaturi, bil-valur minimu ta' 12-il kampjun għal kull prodott fis-sena.

(4)

Il-linjigwida dwar il-“Kontroll tal-Kwalità għall-Analiżi ta' Residwi ta' Pestiċidi” huma ppubblikati fuq il-websajt tal-Kummissjoni (4). Kulħadd jaqbel li dawn il-linjigwida jridu jiġu applikati kemm jista' jkun mil-laboratorji analitiċi ta' l-Istati Membri u għandhom jiġu riveduti kontinwament fid-dawl ta' l-esperjenza miksuba dwar il-programmi ta' monitoraġġ.

(5)

Id-Direttiva 2002/63/KE tistabbilixxi metodi Komunitarji ta' teħid ta' kampjuni għall-kontroll uffiċjali ta' residwi ta' pestiċidi ġewwa u fuq prodotti li joriġinaw mill-pjanti jew mill-annimali u tirrevoka d-Direttiva 79/700/KEE (5). Il-metodi tat-teħid tal-kampjuni u l-proċeduri stabbiliti f'din id-Direttiva jinkorporaw dawk rakkomandati mill-Kummissjoni tal-Codex Alimentarius.

(6)

Id-Direttivi 86/362/KEE u 90/642/KEE jobbligaw lill-Istati Membri biex jispeċifikaw il-kriterji applikati fit-tfassil tal-programmi nazzjonali dwar l-ispezzjonijiet. Tali informazzjoni għandha tinkludi l-kriterji applikati fid-determinazzjoni tan-numri ta' kampjuni li għandhom jittieħdu u ta' l-analiżi li għandha issir u l-livelli ta' rapportar applikati, il-kriterji applikati fit-tfassil tal-livelli ta' rapportar u d-dettalji dwar l-akkreditazzjoni skond ir-Regolament (KE) 882/2004 tal-Parlament Ewropew u tal-Kunsill dwar kontrolli uffiċjali li jkunu saru biex jassiguraw il-verifika ta' konformità mal-liġi ta' l-għalf u ta' l-ikel (6). Għandhom jiġu indikati wkoll in-numru u t-tip ta' l-infrazzjonijiet kif ukoll l-azzjoni li tkun ittieħdet.

(7)

Il-livelli massimi ta' residwi għall-ikel tat-trabi ġew stabbiliti skond l-Artikolu 6 tad-Direttiva tal-Kummissjoni 91/321/KEE ta' l-14 ta' Mejju 1991 dwar il-ħalib tat-trabi u l-ħalib tat-trabi ta' età iktar minn sitt xhur (7) u l-Artikolu 6 tad-Direttiva tal-Kunsill 96/5/KE, Euratom tas-16 ta' Frar 1996 dwar ikel ipproċessat ibbażat fuq ċereali u ikel tat-trabi u tat-tfal żgħar (8).

(8)

It-tagħrif fuq ir-riżultati tal-programmi ta' monitoraġġ huwa addattat l-aktar għat-trattament, il-ħażna u t-trażmissjoni b'metodi elettroniċi/informatiċi. Ġew żviluppati formati apposta għall-provvista ta' tagħrif bil-posta elettronika mill-Istati Membri. L-Istati Membri għandhom, għalhekk, ikunu jistgħu jibagħtu r-rapporti tagħhom lill-Kummissjoni fil-format stabbilit. It-tkomplija ta' l-iżvilupp ta' dan il-format standard ikun l-aktar effettiv meta l-Kummissjoni tkompli tiżviluppa l-linjigwida.

(9)

Il-miżuri li hemm f'din ir-rakkomandazzjoni huma fi qbil ma' l-opinjoni tal-Kumitat Permanenti fuq il-Katina Alimentari u s-Saħħa ta' l-Annimali,

1.

L-Istati Membri huma mistiedna, biex matul is-sena 2006, jieħdu u janalizzaw kampjuni għall-kombinazzjonijiet ta' prodott/residwu ta' pestiċida stabbiliti fl-Anness I, fuq il-bażi tan-numru ta' kampjuni għal kull prodott allokat lilhom fl-Anness II, li jkunu jirriflettu, skond il-każ, is-sehem nazzjonali, Komunitarju u dak ta' terzi pajjiżi fis-suq ta' l-Istat Membru.

Il-proċedura tat-teħid tal-kampjuni, inkluż in-numru ta' unitajiet, għandha tkun konformi mad-Direttiva tal-Kummissjoni 2002/63/KE.

2.

Għall-pestiċidi li jippreżentaw riskju akut, jiġifieri fejn jiġi stabilit ArfD (p.eż. l-OP-esters, l-endosulfan u l-N-methylcarbamates) il-kampjuni għandhom jittieħdu b'tali mod li jippermettu li jkun hemm l-għażla ta' żewġ kampjuni tal-laboratorju. Jekk l-ewwel kampjun tal-laboratorju jinstablu xi fdal ta' pestiċida li tkun imfittxija, il-biċċiet tat-tieni kampjun iridu jiġu analizzati individwalment. Dan japplika għal dawn il-prodotti:

F'każ li tali pestiċidi jinstabu fl-ewwel kampjun u partikolarment jekk hija l-produzzjoni ta' produttur wieħed, numru raġonevoli ta' kampjuni minn dawn il-prodotti għandhom ikunu analizzati wkoll individwalment mill-unitajiet individwali fi ħdan it-tieni kampjun tal-laboratorju.

3.

Mill-ammont totali ta' kampjuni stabbilit fl-Annessi I u II, kull Stat Membru għandu jieħu u janalizza:

4.

L-Istati Membri huma mistiedna li jirrappurtaw ir-riżultati mill-analiżi tal-kampjuni ttestjati għall-kombinazzjonijiet ta' residwu minn pestiċida/prodott stipulati fl-Anness I sa mhux iktar tard mill-31 ta' Awissu 2007, u jindikaw:

5.

Ir-rapport irid isir skond format — inkluż il-format elettroniku — li huwa konformi mal-linjigwida għall-Istati Membri dwar l-implimentazzjoni tar-rakkomandazzjonijiet tal-Kummissjoni dwar programmi ta' monitoraġġ tal-Komunità pprovduti mill-Kumitat Permanenti dwar il-Katina Alimentari u s-Saħħa ta' l-Annimali.

Ir-riżultati miksuba minn kampjuni ta' l-ikel tat-trabi u minn kampjuni meħuda minn prodotti ta' biedja organika għandhom jiġu rrappurtati fuq formoli separati tad-dejta.

6.

L-Istati Membri huma mistiedna biex jibagħtu lill-Kummissjoni u lill-Istati Membri l-oħra, sa mhux aktar tard mill-31 ta' Awissu 2006, it-tagħrif kollu meħtieġ skond l-Artikolu 7(3) tad-Direttiva 86/362/KEE u l-Artikolu 4(3) tad-Direttiva 90/642/KEE dwar l-eżerċizzju ta' monitoraġġ ta' l-2005, biex tkun żgurata, mill-inqas b'kampjun ta' verifika, il-konformità ma' l-ogħla livelli ta' residwu ta' pestiċida, li jinkludi:

7.

L-Istati Membri huma mistiedna li jibagħtu lill-Kummissjoni, mhux aktar tard mit-30 ta' Settembru 2006, il-programm nazzjonali tagħhom ippjanat għall-monitoraġġ ta' livelli massimi ta' residwi minn pestiċidi li ġew stipulati mid-Direttivi 90/642/KEE u 86/362/KEE għas-sena 2007, inkluża l-informazzjoni dwar: