16.3.2007   

MT

Il-Ġurnal Uffiċjali ta’ l-Unjoni Ewropea

122

(1)

Fl-10 ta' Frar 2004, il-Kunsill adotta l-Pożizzjoni Komuni 2004/137/PESK dwar miżuri restrittivi kontra l-Liberja (1) sabiex jiġu implementati miżuri restrittivi imposti kontra l-Liberja mir-Riżoluzzjoni tal-Kunsill tas-Sigurtà tan-Nazzjonijiet Uniti (UNSCR) 1521(2003). Dawn il-miżuri ġew imġedda mill-Pożizzjoni Komuni 2006/31/PESK (2).

(2)

Fid-dawl ta' l-iżviluppi fil-Liberja, il-Kunsill tas-Sigurtà tan-NU fit-13 ta' Ġunju 2006 adotta r-Riżoluzzjoni 1683(2006) li tintroduċi eżenzjonijiet ulterjuri għall-miżuri imposti mill-paragrafi 2(a) u (b) ta' l-UNSCR 1521(2003) dwar l-embargo ta' l-armi.

(3)

Fl-20 ta' Ġunju 2006, il-Kunsill tas-Sigurtà tan-NU adotta r-Riżoluzzjoni 1689(2006), li ġġedded għal perjodu ulterjuri ta' 6 xhur il-miżuri imposti mill-paragrafu 6 ta' l-UNSCR 1521(2003), dwar il-projbizzjoni ta' importazzjonijiet mil-Liberja tad-djamanti grezzi.

(4)

Il-Kunsill tas-Sigurtà tan-NU ddeċieda wkoll li ma' jġeddidx il-miżuri imposti mill-paragrafu 10 ta' l-UNSCR 1521(2003), dwar il-projbizzjoni ta' importazzjonijiet tal-prodotti kollha ta' l-injam li joriġinaw fil-Liberja; madankollu, huwa ddeċieda li jirrivedi dik id-deċiżjoni wara perjodu ta' disgħin (90) jum, bil-ħsieb li jerġa jimponi dawk il-miżuri sakemm ma jiġix infurmat f'dak il-perjodu li ġiet adottata l-leġislazzjoni tal-forestrija proposta mill-Kumitat għall-Montoraġġ tar-Riforma dwar il-Foresti (KMRF).

(5)

Il-miżuri imposti mill-Pożizzjoni Komuni 2004/137/PESK u mġedda mill-Pożizzjoni Komuni 2006/31/PESK għandhom għalhekk jiġu modifikati u, fejn applikabbli, jiġu mġedda sabiex jagħtu effett lill-UNSCR 1683(2006) u l-UNSCR 1689(2006).

(6)

Hija meħtieġa azzjoni mill-Komunità sabiex jiġu implementati xi wħud minn dawn il-miżuri,

(a)

armi u munizzjoni diġà provduti lil membri tas-Servizzi Speċjali tas-Sigurtà (SSS) għal finijiet ta' taħriġ u li jibqgħu fil-kustodju ta' l-SSS għal użu operattiv mingħajr xkiel, sakemm it-trasferiment tagħhom lill-SSS kien ġie approvat minn qabel mill-Kumitat stabbilit mill-paragrafu 21 ta' l-UNSC 1521(2003) (“il-Kumitat”), u assistenza teknika u finanzjarja relatata ma' tali armi u munizzjoni;

(b)

armi u munizzjoni maħsuba għall-użu mill-membri tal-forzi tal-pulizija u tas-sigurtà tal-Gvern tal-Liberja li ġew kontrollati u mħarrġa mill-bidu tal-Missjoni tan-Nazzjonijiet Uniti fil-Liberja, sakemm tali provvisti ġew approvati minn qabel mill-Kumitat, fuq talba konġunta mill-Gvern tal-Liberja u mill-Istat esportatur, u assistenza teknika u finanzjarja relatata ma' tali armi u munizzjoni.