27.12.2006   

MT

Il-Ġurnal Uffiċjali ta’ l-Unjoni Ewropea

22

(1)

Huwa essenzjali li jkunu promossi l-kooperazzjoni u l-iskambji kulturali sabiex tiġi rispettata u promossa d-diversità tal-kulturi u l-lingwi fl-Ewropa u jittejjeb l-għarfien fost iċ-ċittadini Ewropej tal-kulturi Ewropej minbarra dik tagħhom stess, waqt li fl-istess ħin titqajjem il-kuxjenza tagħhom tal-wirt kulturali komuni Ewropew li jaqsmu. Il-promozzjoni tal-kooperazzjoni u tad-diversità kulturali u lingwistika għaldaqstant tgħin sabiex iċ-ċittadinanza Ewropea ssir realtà tanġibbli billi tħeġġeġ parteċipazzjoni diretta taċ-ċittadini Ewropej fil-proċess ta' integrazzjoni.

(2)

Politika kulturali attiva mmirata lejn il-preservazzjoni tad-diversità kulturali Ewropea u l-promozzjoni ta' l-elementi kulturali komuni tagħha tista' tikkontribwixxi għat-titjib tal-visibilità esterna ta' l-Unjoni Ewropea.

(3)

Sabiex iċ-ċittadini jagħtu l-appoġġ sħiħ tagħhom għal, u jipparteċipaw bis-sħiħ fl-integrazzjoni Ewropea, għandu jsir enfasi akbar fuq il-valuri u l-għeruq kulturali komuni tagħhom bħala element prinċipali ta' l-identità tagħhom u s-sħubija tagħhom f'soċjetà bbażata fuq il-libertà, l-ugwaljanza, id-demokrazija, ir-rispett għad-dinjità u l-integrità tal-bniedem, it-tolleranza u s-solidarjetà, b'rispett sħiħ għall-Karta tad-Drittijiet Fundamentali ta' l-Unjoni Ewropea.

(4)

Huwa essenzjali li s-settur kulturali jikkontribwixxi għal u jkollu rwol fi żviluppi politiċi Ewropej aktar wiesa'. Is-settur kulturali huwa importanti minħabba li jimpjega n-nies u barra minn hekk, hemm rabta ċara bejn l-investiment fil-kultura u l-iżvilupp ekonomiku, u b'hekk l-importanza tar-rinfurzar tal-linji politiċi fil-livell reġjonali, nazzjonali u Ewropew. Għaldaqstant, għandu jissaħħaħ ir-rwol ta' l-industriji kulturali fl-iżviluppi li qed jsiru taħt l-Istrateġija ta' Lisbona, billi dawn l-industriji qed jagħtu kontribut kbir li jkompli jiżdied lill-ekonomija Ewropea.

(5)

Huwa wkoll meħtieġ li tiġi promossa ċ-ċittadinanza attiva u li tissaħħaħ il-ġlieda kontra l-esklużjoni fil-forom kollha tagħha, inkluż ir-razziżmu u l-ksenofobja. It-titjib ta' l-aċċess għal kultura għal kemm jista' jkun nies, jista' jkun mezz biex tiġi miġġielda l-eskluzjoni soċjali.

(6)

L-Artikolu 3 tat-Trattat jistipula li, fl-attivitajiet kollha msemmija f'dak l-Artikolu, il-Komunità għandha timmira li telimina l-inugwaljanzi u li tippromwovi l-ugwaljanza bejn l-irġiel u n-nisa.

(7)

Il-programmi kulturali Kaléidoscope, Ariane, Raphaël u Kultura 2000, stabbiliti rispettivament bid-Deċiżjonijiet Nri 719/96/KE (3), 2085/97/KE (4), 2228/97/KE (5) u 508/2000/KE (6), immarkaw stadji pożittivi fl-implimentazzjoni ta' l-azzjoni Komunitarja dwar il-kultura. B'hekk inkisbet esperjenza konsiderevoli, b'mod partikolari permezz ta' l-evalwazzjoni ta' dawn l-programmi kulturali. Issa jaqbel li tkun razzjonalizzata u msaħħa l-azzjoni kulturali tal-Komunità abbażi tar-riżultati ta' dawn l-evalwazzjonijiet, ir-riżultati tal-konsultazzjoni mal-partijiet kollha interessati u x-xogħlijiet reċenti ta' l-istituzzjonijiet Ewropej. Huwa għaldaqstant xieraq li jiġi stabbilit programm għal dan il-għan.

(8)

L-istituzzjonijiet Ewropew infushom tkellmu f'bosta okkażjonijiet dwar suġġetti relatati ma' l-azzjoni kulturali tal-Komunità u l-isfidi tal-kooperazzjoni kulturali, b'mod partikolari fir-Riżoluzzjonijiet tal-Kunsill tal-25 ta' Ġunju 2002 dwar pjan ġdid ta' xogħol dwar il-kooperazzjoni Ewropea fil-qasam tal-kultura (7) u tad-19 ta' Diċembru 2002 li timplimenta l-pjan ta' xogħol għall-kooperazzjoni Ewropea fil-qasam tal-kultura (8), ir-riżoluzzjonijiet tal-Parlament Ewropew tal-5 ta' Settembru 2001 dwar il-kooperazzjoni kulturali fl-Unjoni Ewropea (9), tat-28 ta' Frar 2002 dwar l-implimentazzjoni tal-Programm Kultura 2000 (10), tat-22 ta' Ottubru 2002 dwar l-importanza u d-dinamiżmu tat-teatru u ta' l-arti ta' l-ispettaklu fl-Ewropa mkabbra (11), u ta' l-4 ta' Settembru 2003 dwar l-Industriji Kulturali (12) u l-opinjoni tal-Kumitat tar-Reġjuni tad-9 ta' Ottubru 2003 dwar l-estensjoni tal-Programm Kultura 2000.

(9)

Fir-riżoluzzjonijiet tiegħu hawn fuq imsemmija il-Kunsill saħaq fuq il-ħtieġa li jkun adottat approċċ aktar koerenti fuq livell Komunitarju fir-rigward tal-kultura, u dwar il-fatt li l-valur miżjud Ewropew huwa kunċett essenzjali u determinanti fil-kuntest tal-kooperazzjoni kulturali Ewropea, u kundizzjoni ġenerali għall-miżuri Komunitarji fil-qasam tal-kultura.

(10)

Biex l-ispazju kulturali komuni jsir realtà għall-popli ta' l-Ewropa, hu importanti li wieħed jippromovi l-mobilità transnazzjonali ta' l-atturi kulturali u ċ-ċirkolazzjoni transnazzjonali tax-xogħlijiet u tal-prodotti artistiċi u kulturali, kif ukoll li jiffavorixxi d-djalogu u l-iskambji kulturali.

(11)

Il-Kunsill, fil-konklużjonijiet tiegħu tas-16 ta' Novembru 2004 dwar il-pjan ta' xogħol dwar il-kultura (2005-2006), il-Parlament Ewropew, fir-riżoluzzjoni tiegħu ta' l-4 ta' Settembru 2003 dwar Industriji Kulturali, u l-Kumitat Ekonomiku u Soċjali Ewropew, fl-opinjoni tiegħu dwar l-industriji kulturali fl-Ewropa tat-28 ta' Jannar 2004, esprimew il-fehmiet tagħhom dwar il-ħtieġa li jittieħed kont ikbar tal-karatteristiċi ekonomiċi u soċjali speċifiċi ta' l-industriji kulturali non-awdjoviżivi. Barraminhekk, għandu jittieħed kont ta' l-azzjonijiet ta' tħejjija għal kooperazzjoni fi kwistjonijiet kulturali promossi bejn l-2002-2004 fil-Programm il-ġdid.

(12)

F'dan il-kuntest, hemm bżonn li wieħed jippromwovi kooperazzjoni akbar bejn l-atturi kulturali billi jiġu mħeġġa jiffurmaw proġetti ta' kooperazzjoni pluriennali, b' mod li jippermettulhom jiżviluppaw attivitajiet komuni, jagħtu appoġġ għal miżuri aktar immirati b'valur miżjud Ewropew reali, appoġġ għal avvenimenti kulturali simboliċi, appoġġ għal organizzazzjonijiet Ewropej ta' kooperazzjoni kulturali u jħeġġu analiżi dwar temi magħżula ta' interess Ewropew kif ukoll il-ġbir u d-disseminazzjoni ta' informazzjoni u attivitajiet ta' valorizzazzjoni fil-qasam tal-kooperazzjoni kulturali Ewropea u l-iżvilupp tal-politika kulturali Ewropea.

(13)

Skond id-Deċiżjoni Nru 1622/2006/KE tal-Parlament Ewropew u tal-Kunsill ta' l-24 ta' Ottubru 2006 li tistabbilixxi azzjoni Komunitarja għall-Belt Kapitali Kulturali Ewropea għas-snin 2007 sa l-2019 (13), għandu jingħata finanzjament sinifikattiv għal dan l-avveniment li għandu profil aċċentwat fost l-Ewropej u li jikkontribwixxi sabiex jissaħħaħ is-sentiment ta' appartenenza għal spazju kulturali komuni. Fil-kuntest ta' dan l-avveniment, l-aċċent għandu jkun fuq il-koperazzjoni kulturali trans-Ewropea.

(14)

Għandu jingħata appoġġ għall-funzjonament ta' organizzazzjonijiet li jaħdmu favur il-kooperazzjoni kulturali Ewropea u b'hekk ikollhom ir-rwol ta' “ambaxxaturi” tal-kultura Ewropea, ibbażat fuq l-esperjenza miksuba mill-Unjoni Ewropea fil-kuntest tad-Deċiżjoni Nru 792/2004/KE tal-Parlament Ewropew u tal-Kunsill tal-21 ta' April 2004 li tistabbilixxi programm ta' azzjoni Komunitarja għall-promozzjoni ta' korpi li huma attivi fuq livell Ewropew fil-qasam tal-kultura (14).

(15)

Hemm bżonn li l-Programm jikkontribwixxi, f'konformità mal-prinċipju tal-libertà ta' l-espressjoni, ma' l-isforzi ta' l-Unjoni Ewropea għall-promozzjoni ta' l-iżvilupp sostenibbli u għall-ġlieda kontra l-forom kollha ta' diskriminazzjoni.

(16)

Il-pajjiżi kandidati ta' l-Unjoni Ewropea u l-pajjiżi ta' l-EFTA li huma membri tal-Ftehim ŻEE għandhom ikunu rikonoxxuti bħala parteċipanti potenzjali fil-programmi Komunitarji skond il-ftehim konkluż ma' dawn il-pajjiżi.

(17)

Il-Kunsill Ewropew tad-19 u l-20 ta’ Ġunju 2003 adotta “L-Aġenda ta' Tessaloniki għall-Balkani tal-Punent: progress lejn l-integrazzjoni Ewropea”, li tistabbilixxi li l-programmi Komunitarji għandhom ikunu miftuħa għall-pajjiżi fil-Proċess ta' Stabilizzazzjoni u Assoċjazzjoni abbażi ta' ftehim kwadru li għandhom jiġu ffirmati bejn il-Komunità u dawk il-pajjiżi. Dawk il-pajjiżi, jekk jixtiequ u skond kunsiderazzjonijiet baġitarji jew prijoritajiet politiċi, għandhom ikunu jistgħu jipparteċipaw fil-Programm jew jibbenefikaw minn formola aktar limitata għall-koperazzjoni, abbażi ta' approprjazzjonijiet supplimentari u proċeduri speċifiċi li jridu jiġu miftehma bejn il-partijiet konċernati.

(18)

Il-Programm għandu jkun ukoll miftuħ għall-kooperazzjoni ma' pajjiżi terzi oħra li ffirmaw mal-Komunità ftehim li għandhom kontenut kulturali, skond proċeduri li għad iridu jiġu definiti.

(19)

Sabiex jiżdied il-valur miżjud ta' l-azzjoni Komunitarja, jeħtieġ li tkun żgurata l-koerenza u l-kumplimentarjetà bejn l-azzjonijiet meħuda fi ħdan il-qafas ta' din id-Deċiżjoni u l-linji politiċi, l-azzjonijiet u l-istrumenti Komunitarji rilevanti, f'konformità ma' l-Artikolu 151(4) tat-Trattat. Attenzjoni partikolari għandha tingħata għall-inter-konnessjoni tal-miżuri komunitarji fl-oqsma tal-kultura u l-edukazzjoni u l-azzjonijiet li jippromovu skambji ta' l-aħjar prattika u kooperazzjoni aktar mill-qrib fil-livell Ewropew.

(20)

Dwar l-implimentazzjoni ta' l-appoġġ Komunitarju, għandha titqies in-natura speċifika tas-settur kulturali fl-Ewropa, u għandha tingħata attenzjoni partikolari biex jiġi żgurat li l-proċeduri amministrattivi u finanzjarji jiġu simplifikati kemm jista' jkun u adattati għall-għanijiet mfittxija kif ukoll għall-prattiċi u l-iżviluppi fis-settur kulturali.

(21)

Il-Kummissjoni, l-Istati Membri u l-Punti ta' Kuntatt Kulturali għandhom jaħdmu biex iħeġġu l-parteċipazzjoni ta' operaturi iżgħar fil-proġetti ta' kooperazzjoni pluriennali u l-organizzazzjoni ta' attivitajiet li jimmiraw li jġibu flimkien sħab potenzjali tal-proġett.

(22)

Il-Programm għandu jġib flimkien il-kwalitajiet speċifiċi u l-kompetenza ta' l-operaturi kulturali mill-Ewropa kollha. Fejn meħtieġ, il-Kummissjoni u l-Istati Membri ser jieħdu miżuri biex jindirizzaw rati baxxi ta' parteċipazzjoni ta' operaturi kulturali fi kwalunkwe Stat Membru jew pajjiż parteċipanti.

(23)

Jaqbel li fil-qafas tal-kooperazzjoni bejn il-Kummissjoni u l-Istati Membri, jiġi żgurat monitoraġġ u evalwazzjoni kontinwi tal-Programm sabiex ikunu jistgħu jsiru aġġustamenti mill-ġdid, b'mod partikolari fi ħdan il-prijoritajiet għall-implimentazzjoni tal-miżuri. L-evalwazzjoni għandha tinkludi evalwazzjoni esterna li trid titmexxa minn korpi indipendenti u imparzjali.

(24)

Il-proċeduri għall-monitoraġġ u l-evalwazzjoni tal-Programm għandhom jagħmlu użu ta' għanijiet u indikaturi li huma speċifiċi, jistgħu jiġu mkejla, jistgħu jintlaħqu, li huma rilevanti u puntwali.

(25)

Għandhom jiġu implimentati miżuri adegwati sabiex jipprevjenu irregolaritajiet u frodi u biex jiġu rkuprati fondi li ġew mitlufa, trasferiti jew użati ħażin.

(26)

Huwa xieraq li jiġi stabbilit strument uniku ta' finanzjament u programmar għall-kooperazzjoni kulturali, bl-isem “Programm Kultura”, għall-perjodu mill-1 ta' Jannar 2007 sal-31 ta' Diċembru 2013.

(27)

Din id-Deċiżjoni tistabbilixxi, għat-tul kollu tal-Programm, pakkett finanzjarju li jikkostitwixxi r-referenza ewlenija, fis-sens tal-punt 37 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina tal-budget u t-tmexxija finanzjarja tajba (15).

(28)

Il-miżuri meħtieġa għall-implimentazzjoni ta' din id-Deċiżjoni għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat ta' implimentazzjoni konferiti lill-Kummissjoni (16).

(29)

Il-miżuri meħtieġa għall-implimentazzjoni finanzjarja ta' din id-Deċiżjoni għandhom jiġu adottati skond ir-Regolament tal-Kunsill (KE,Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-budget ġenerali tal-Komunitajiet Ewropej (17) (minn hawn 'il quddiem “Ir-Regolament Finanzjarju”), u mar-Regolament tal-Kummissjoni (KE, Euratom) Nru. 2342/2002 tat-23 ta' Diċembru 2002 li jistabbilixxi regoli dettaljati għall-implimentazzjoni tar-Regolament tal-Kunsill (KE, Euratom) Nru 1605/2002 (18).

(30)

L-azzjoni Komunitarja hi kumplimentarja għal azzjoni nazzjonali jew reġjonali fil-qasam tal-kooperazzjoni kulturali. Peress li l-għanijiet ta' din id-Deċiżjoni, jiġifieri biex jssaħħaħ l-ispazju Kulturali Ewropew ibbażat fuq il-wirt kulturali komuni (mobbiltà transnazzjonali ta' l-atturi kulturali fl-Ewropa, ċirkolazzjoni transnazzjonali tax-xogħlijiet ta' l-arti u tal-prodotti kulturali u artistiċi u djalogu interkulturali) ma jistgħax jintlaħaq biżżejjed mill-Istati Membri minħabba l-karattru transnazzjonali tiegħu, u jista' għalhekk, minħabba l-iskala u l-effetti ta' l-azzjoni jintlaħaq aħjar fuq livell Komunitarju, il-Komunità tista' tadotta miżuri, skond il-prinċipju tas-sussidjarjetà kif stabbilit fl-Artikolu 5 tat-Trattat. Skond il-prinċipju ta' proporzjonalità kif stabbilit f' dak l-Artikolu, din id-Deċiżjoni ma tmurx lil hinn minn dak li hu meħtieġ sabiex jintlaħqu dawk l-għanijiet.

(31)

Għandu jkun hemm disposizzjonijiet transitorji sabiex tiġi żgurata transizzjoni bla xkiel bejn min-naħa l-waħda l-programmi mfassla bid-Deċiżjonijiet Nru 508/2000/KE u Nru 792/2004/KE u min-naħa l-oħra, il-Programm stabbilit b'din id-Deċiżjoni.

(a)

li jippromovi l-mobbiltà transnazzjonali tal-persuni b' sehem fis-settur kulturali;

(b)

li jħeġġeġ iċ-ċirkolazzjoni transnazzjonali tax-xogħlijiet u tal-prodotti artistiċi u kulturali;

(ċ)

li jħeġġeġ id-djalogu interkulturali.

(a)

appoġġ għal attivitajiet kulturali kif ġej:

(b)

appoġġ għal korpi attivi fuq livell Ewropew fil-qasam tal-kultura;

(ċ)

appoġġ għall-analiżi u l-ġbir u d-disseminazzjoni ta' l-informazzjoni u għal attivitajiet ta' massimizzazzjoni ta' l-impatt ta' proġetti fil-qasam tal-kooperazzjoni kulturali Ewropea u l-iżvilupp tal-politika kulturali Ewropea.

(a)

il-pajjiżi ta' l-EFTA li huma membri taż-ŻEE, skond id-disposizzjonijiet tal-Ftehim ŻEE;

(b)

il-pajjiżi kandidati li jkunu qed jibbenefikaw minn strateġija ta' pre-adeżjoni għall-adeżjoni fl-Unjoni, skond il-prinċipji ġenerali u l-kondizzjonijet u l-proċeduri ġenerali għall-parteċipazzjoni ta' dawn il-pajjiżi fil-programmi Komunitarji stabbiliti fil-ftehim kwadri;

(ċ)

il-pajjiżi tal-Balkani tal-Punent skond il-proċeduri definiti ma' dawn il-pajjiżi fil- ftehim kwadru li jipprovdu għall-parteċipazzjoni tagħhom fil-programmi Komunitarji.

(a)

il-pjan ta' ħidma annwali, inklużi prijoritajiet, kriterji ta' l-għażla u proċeduri;

(b)

il-budget annwali u t-tqassim ta' fondi fost l-attivitajiet differenti tal-Programm;

(ċ)

il-proċeduri biex il-Programm ikun immonitorjat u vvalutat.

(d)

l-appoġġ finanzjarju li għandu jingħata mill-Komunità skond l-Artikolu 4(1)(a), l-ewwel inċiż: ammonti, tul ta' żmien, distribuzzjoni u benefiċjarji.

(a)

ikollhom numru adegwat ta' persunal, b'kapaċitajiet professjonali u lingwistiċi adattati għal xogħol f'ambjent ta' kooperazzjoni internazzjonali;

(b)

ikollhom infrastruttura adattata, b'mod partikolari f'dak li għandu x'jaqsam mat-teknoloġija ta' l-informatika u tal-komunikazzjoni;

(ċ)

jaħdmu f'kuntest amministrattiv li jippermettilhom iwettqu l-kompiti tagħhom b'mod sodisfaċenti u jevitaw kull kunflitt ta' interess.

(a)

jippromovi l-prinċipju fundamentali tal-libertà ta' l-espressjoni;

(b)

iħeġġeġ kuxjenza akbar dwar l-importanza li wieħed jikkontribwixxi għall-iżvilupp sostenibbli;

(ċ)

ifittex li jippromovi fehim reċiproku u tolleranza fl-Unjoni Ewropea;

(d)

jikkontribwixxi għall-eliminazzjoni ta' kull diskriminazzjoni bbażata fuq is-sess, ir-razza jew l-oriġini etnika, ir-reliġjon jew twemmin, id-diżabbiltà, l-età jew l-orjentazzjoni sesswali.

(a)

rapport interim ta' evalwazzjoni dwar ir-riżultati miksuba u dwar l-aspetti kwalitattivi u kwantitattivi ta' l-implimentazzjoni ta' dan il-Programm sa mhux aktar tard mill-31 ta' Diċembru 2010;

(b)

komunikazzjoni dwar il-kontinwazzjoni ta' dan il-Programm sa mhux aktar tard mill-31 ta' Diċembru 2011;

(ċ)

rapport ta' evalwazzjoni ex post sa mhux aktar tard mill-31 ta' Diċembru 2015.