5.6.2007 |
MT |
Il-Ġurnal Uffiċjali ta’ l-Unjoni Ewropea |
821 |
DEĊIŻJONI TAL-KUMMISSJONI
tat-13 ta’ Diċembru 2006
li temenda d-Deċiżjoni 2001/881/KE dwar il-lista ta' stazzjonijiet ta' l-ispezzjoni fil-fruntiera fid-dawl ta' l-adeżjoni tal-Bulgarija u r-Rumanija
(innotifikata taħt dokument numru C(2006) 6454)
(Test b'rilevanza għaż-ŻEE)
(2006/926/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat it-Trattat ta' Adeżjoni tal-Bulgarija u r-Rumanija, u partikolarment l-Artikolu 4(3) tiegħu,
Wara li kkunsidrat l-Att ta' Adeżjoni tal-Bulgarija u r-Rumanija, u partikolarment l-Artikolu 56 tiegħu,
Billi:
(1) |
Id-Deċiżjoni tal-Kummissjoni 2001/881/KE tas-7 ta’ Diċembru 2001 li tfassal lista ta’ stazzjonijiet ta’ l-ispezzjoni fil-fruntiera miftehma għal kontrolli veterinarji fuq annimali u prodotti ta' l-annimali minn pajjiżi terzi u li taġġorna r-regoli dettaljati dwar il-kontrolli li għandhom iseħħu minn esperti tal-Kummissjoni (1) tistipula lista ta’ stazzjonijiet ta' l-ispezzjoni fil-fruntiera għal kontrolli veterinarji fuq annimali ħajjin u prodotti ta’ l-annimali li jidħlu fil-Komunità minn pajjiżi terzi fl-Anness ta’ din id-Deċiżjoni (“lista ta’ stazzjonijiet ta’ l-ispezzjoni fil-fruntiera”). |
(2) |
L-adeżjoni tal-Bulgarija u r-Rumanija fl-1 ta' Jannar 2007 se twassal għal ċaqliq u tibdil sinifikanti fil-fruntieri tal-Kommunità ma' pajjiżi terzi ġirien. |
(3) |
Wara l-adeżjoni ta’ dawn iż-żewġ pajjiżi, l-Ungerija mhux se tibqa’ l-art fil-fruntiera fix-xlokk tal-Komunità u l-istazzjon eżistenti ta' l-ispezzjoni fil-fruntiera ta’ l-art u l-punt f'Nagylak fil-fruntiera ta' l-Ungerija u r-Rumanija fejn jiddaħlu annimali ħajjin se jitlef il-funzjoni tiegħu. Għaldaqstant, il-post għandu jitneħħa mil-lista ta' stazzjonijiet ta' l-ispezzjoni fil-fruntiera. Din it-tneħħija kienet attwata fil-pakkett ta’ adattamenti tekniċi legali neċessarju b’riżultat tat-tkabbir. |
(4) |
B’żieda ma' dan, il-fruntiera Griega mal-Bulgarija mhux se tibqa’ titqies bħala fruntiera ma’ pajjiż terz, u l-istazzjon eżistenti ta’ l-ispezzjoni fil-fruntiera ta’ l-art fuq din il-fruntiera f'Ormenion u fi Promochonas se jitilfu l-funzjoni tagħhom. Għaldaqstant, dawn għandhom jitneħħew mil-lista ta' stazzjonijiet ta' l-ispezzjoni fil-fruntiera. Din it-tneħħija kienet ukoll attwata fil-pakkett ta’ adattamenti tekniċi legali neċessarju b’riżultat tat-tkabbir. |
(5) |
Il-lokalitajiet kollha ġodda proposti fil-Bulgarija u r-Rumanija, imressqa bħala stazzjonijiet ta' l-ispezzjoni fil-fruntiera ma' pajjiżi terzi, ġew ispezzjonati mill-Uffiċju Alimentari u Veterinarju tal-Kummissjoni li rrakkomanda li dawk li tlestew b'mod sodisfaċenti għandhom jiġu approvati mill-Kummissjoni. Għaldaqstant, dawn il-lokalitajiet għandhom jiġu inklużi fil-lista ta’ stazzjonijiet ta’ l-ispezzjoni fil-fruntiera. |
(6) |
Id-Deċiżjoni 2001/881/KE għandha għalhekk tiġi emendata skond dan. |
(7) |
Il-miżuri preveduti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2001/881/KE huwa emendat skond l-Anness ta’ din id-Deċiżjoni.
Artikolu 2
Din id-Deċiżjoni għandha tapplika suġġetta għal u mid-data tad-dħul fis-seħħ tat-Trattat ta' Adeżjoni tal-Bulgarija u r-Rumanija.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussel, 13 ta’ Diċembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 326, 11.12.2001, p. 44. Deċiżjoni kif emendata l-aħħar mid-Direttiva 2006/414/KE (ĠU L 164, 16.6.2006, p. 27).
ANNESS
L-Anness tad-Deċiżjoni 2001/881/KE huwa emendat kif ġej:
(1) |
L-annotazzjoni li ġejja tidħol għall-Bulgarija, bejn l-annotazzjoni għall-Belġju u r-Repubblika Ċeka: “Pajjiż: Il-Bulgarija
|
(2) |
L-annotazzjoni li ġejja tidħol għar-Rumanija, bejn l-annotazzjoni għall-Portugal u l-Islovenja: “Pajjiż: Ir-Rumanija
|