5.6.2007 |
MT |
Il-Ġurnal Uffiċjali ta’ l-Unjoni Ewropea |
819 |
DEĊIŻJONI TAL-KUMMISSJONI
tat-13 ta' Diċembru 2006
li temenda d-Deċiżjoni 92/452/KEE dwar ċerti gruppi ta' ġbir u produzzjoni ta' embrijuni fil-Kanada, fi New Zealand u fl-Istati Uniti ta' l-Amerika
(innotifikata taħt dokument numru C(2006) 6441)
(Test b'rilevanza għaż-ŻEE)
(2006/925/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 89/556/KEE tal-25 ta' Settembru 1989 dwar il-kondizzjonijiet ta' saħħet l-annimali li jirregolaw il-kummerċ intra-Komunitarju ta' embrijuni ta' annimali domestiċi ta' l-ispeċi ta' l-ifrat (1) u l-importazzjoni tagħhom minn pajjiżi terzi, b'mod partikolari l-Artikolu 8 (1)tagħha,
Billi:
(1) |
Id-Deċiżjoni tal-Kummissjoni 92/452/KEE tat-30 ta' Lulju 1992 li tistabbilixxi listi ta' gruppi ta' ġbir u produzzjoni ta' embrijuni approvati f'pajjiżi terzi għall-esportazzjoni ta' embrijuni ta' l-ifrat lejn il-Komunità (2) tistipula li l-Istati Membri għandhom jimpurtaw embrijuni minn pajjiżi terzi biss jekk dawn ikunu nġabru, ġew ipproċessati u nħażnu mill-gruppi ta' ġbir ta' embrijuni elenkati f'din id-Deċiżjoni. |
(2) |
Il-Kanada talbet biex iżżid grupp ta' produzzjoni ta' embrijuni ġdid mal-lista fir-rigward ta' l-annotazzjonijiet għal dan il-pajjiż. |
(3) |
In-New Zealand talbet li jinbidel l-isem ta' ċentru fir-rigward ta' l-annotazzjonijiet għal dan il-pajjiż. |
(4) |
L-Istati Uniti ta' l-Amerika talbu biex jirranġaw xi dettalji dwar ċerti gruppi ta' ġbir u produzzjoni ta' embrijuni fir-rigward ta' l-annotazzjonijiet għal dan il-pajjiż. |
(5) |
Il-Kanada, in-New Zealand u l-Istati Uniti ta' l-Amerika pprovdew garanziji dwar il-konformità mar-regoli xierqa stipulati fid-Direttiva 89/556/KEE u l-gruppi ta' ġbir ta' embrijuni kkonċernati ġew uffiċjalment approvati għall-esportazzjoni lejn il-Komunità mis-servizzi veterinarji ta' dawn il-pajjiżi. |
(6) |
Id-Deċiżjoni 92/452/KEE għandha għalhekk tiġi emendata skond dan. |
(7) |
Il-miżuri stipulati f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali. |
ADOTTAT DIN ID-DEĊIŻJONI:
Artikolu 1
L-Anness għad-Deċiżjoni 92/452/KEE huwa emendat skond l-Anness għal din id-Deċiżjoni.
Artikolu 2
Din id-Deċiżjoni għandha tapplika mit-tielet jum wara l-pubblikazzjoni tagħha fil-Ġurnal Uffiċjali ta' l-Unjoni Ewropea.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussel, 13 ta' Diċembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 302, 19.10.1989, p. 1. Id-Direttiva kif emendata l-aħħar bid-Deċiżjoni tal-Kummissjoni 2006/60/KE (ĠU L 31, 3.2.2006, p. 24).
(2) ĠU L 250, 29.8.1992, p. 40. Deċiżjoni kif emendata l-aħħar mid-Direttiva 2006/706/KE (ĠU L 291, 21.10.2006, p. 40).
ANNESS
L-Anness għad-Deċiżjoni 92/452/KEE huwa emendat kif ġej:
(a) |
ir-ringiela li ġejja tiddaħħal għall-Kanada:
|
(b) |
ir-ringiela għall-grupp ta' ġbir ta' embrijuni Nru NZEB11 fi New Zealand tinbidel b'dan li ġej:
|
(ċ) |
ir-ringiela li ġejja għall-grupp ta' ġbir ta' embrijuni Nru 02TX107 E1428 fl-Istati Uniti ta' l-Amerika tinbidel b'dan li ġej:
|
(d) |
ir-ringiela li ġejja għall-grupp ta' ġbir ta' embrijuni Nru 99TX104 E874 fl-Istati Uniti ta' l-Amerika tinbidel b'dan li ġej:
|
(e) |
ir-ringiela li ġejja għall-grupp ta' ġbir ta' embrijuni Nru 96TX088 E928 fl-Istati Uniti ta' l-Amerika tinbidel b'dan li ġej:
|
(f) |
ir-ringiela li ġejja għall-grupp ta' ġbir ta' embrijuni Nru 91TX012 E948 fl-Istati Uniti ta' l-Amerika tinbidel b'dan li ġej:
|