DEĊIŻJONI TAL-KUMMISSJONI

tas-6 ta' Novembru 2006

li tistabbilixxi l-listi ta' pajjiżi terzi u territorji li minnhom l-importazzjonijiet ta' molluski bivalvi, ekinodermi, tunikati, gastropodi ta' l-ibħra u prodotti tas-sajd huma permessi

(notifikata taħt dokument numru C(2006) 5171)

(Test b'rilevanza għaż-ŻEE)

(2006/766/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 854/2004 tal-Parlament Ewropew u tal-Kunsill tad-29 ta' April 2004 li jistipula regoli speċifiċi għall-organizzazzjoni ta' kontrolli uffiċjali fuq prodotti li joriġinaw mill-annimali maħsuba għall-konsum mill-bniedem (1) u b'mod partikolari l-Artikolu 11 tiegħu,

Billi:

(1)	Il-kondizzjonijiet speċjali għall-importazzjoni ta' molluski bivalvi, tunikati, ekinodermi u gastropodi ta' l-ibħra u ta' prodotti tas-sajd minn pajjiżi terzi ġew stipulati fir-Regolament (KE) Nru 854/2004.

(2)

Id-Deċiżjoni tal-Kummissjoni 97/20/KE (2) stabbiliet il-lista ta' pajjiżi terzi li jissodisfaw il-kondizzjonijiet ta' ekwivalenza għall-produzzjoni u t-tqegħid fuq is-suq ta' molluski bivalvi, ekinodermi, tunikati u gastropodi ta' l-ibħra u d-Deċiżjoni tal-Kummissjoni 97/296/KE (3) fasslet il-lista ta' pajjiżi terzi li minnhom l-importazzjoni ta' prodotti tas-sajd hija awtorizzata għall-konsum mill-bniedem.

(3)

Il-listi għandhom jitfasslu bil-pajjiżi terzi u t-territorji li jissodisfaw il-kriterji msemmija fl-Artikolu 11(4) tar-Regolament (KE) Nru 854/2004 u li għalhekk jistgħu jiggarantixxu li l-molluski bivalvi, tunikati, ekinodermi u gastropodi ta' l-ibħra u l-prodotti tas-sajd esportati lill-Komunità jissodisfaw il-kondizzjonijiet sanitarji stipulati biex iħarsu s-saħħa tal-konsumaturi. Madankollu, l-importazzjonijiet tal-muskoli adductor tal-pectinidae għajr l-annimali ta' l-akwakultura, separati kompletament mill-vixxri u l-gonadi, għandhom jiġu permessi wkoll minn pajjiżi terzi li ma jidhrux fuq tali lista.

(4)	L-awtoritajiet kompetenti ta' l-Awstralja, New Zealand u l-Urugwaj ipprovdew garanziji xierqa li l-kondizzjonijiet applikabbli għall-molluski bivalvi ħajjin, ekinodermi, tunikati u l-gastropodi ta' l-ibħra huma ekwivalenti għal dawk stipulati fil-leġiżlazzjoni relevanti Komunitarja.

(5)	L-awtoritajiet kompetenti ta' l-Armenja, il-Belarus u l-Ukraina pprovdew garanziji xierqa li l-kondizzjonijiet applikabbli għall-prodotti tas-sajd huma ekwivalenti għal dawk stipulati fil-leġiżlazzjoni relevanti Komunitarja.

(6)	Għalhekk, id-Deċiżjonijiet 97/20/KE u 97/296/KE għandhom jiġu rrevokati u jiġu ssostiwiti b'Deċiżjoni ġdida.

(7)	Il-miżuri stipulati f'din id-Deċiżjoni huma skond l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali,

ADOTTAT DIN ID-DEĊIŻJONI:

Artikolu 1

Importazzjonijiet ta' molluski bivavli, tunikati, ekinodermi u gastropodi ta' l-ibħra

1. Il-lista ta' pajjiżi terzi li minnhom jistgħu jiġu importati molluski bivavli, tunikati, ekinodermi u gastropodi ta' l-ibħra, kif imsemmi fl-Artikolu 11(1) tar-Regolament (KE) Nru 854/2004, hija stabbilita fl-Anness I ta' din id-Deċiżjoni.

2. Minkejja l-Artikolu 11(1) tar-Regolament (KE) Nru 854/2004, il-Paragrafu 1 m'għandux japplika għall-muskoli adductor tal-pectinidae għajr l-annimali ta' l-akwakultura, separati kompletament mill-vixxri u l-gonadi, li jistgħu jiġu importati wkoll minn pajjiżi terzi li ma jidhrux fuq il-lista msemmija fil-paragrafu 1.

Artikolu 2

Importazzjonijiet tal-prodotti tas-sajd

Il-lista ta' pajjiżi terzi u territorji li minnhom jistgħu jiġu importati l-prodotti tas-sajd, kif imsemmi fl-Artikolu 11(1) tar-Regolament (KE) Nru 854/2004, hija stabbilita fl-Anness II ta' din id-Deċiżjoni.

Artikolu 3

Revoka

Id-Deċiżjonijiet 97/20/KE u 97/296/KE huma rrevokati.

Ir-referenzi għad-Deċiżjonijiet revokati għandhom jiġu interpretati bħala referenzi għal din id-Deċiżjoni.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell, nhar is-6 ta' Novembru 2006.

Għall-Kummissjoni

Markos KYPRIANOU

Membru tal-Kummissjoni

(1) ĠU L 139, 30.4.2004, p. 206: Verżjoni kkoreġuta mill-ĠU L 226, 25.6.2004, p. 83. Regolament hekk kif emendat l-aħħar bir-Regolament tal-Kummissjoni (KE) Nru 2076/2005 (ĠU L 338, 22.12.2005, p. 83).

(2) ĠU L 6, 10.1.1997, p. 46. Id-Deċiżjoni kif emendata l-aħħar mid-Deċiżjoni 2002/469/KE (ĠU L 163, tal-21.6.2002, p. 16).

(3) ĠU L 122, 14.5.1997, p. 21. Id-Deċiżjoni kif emendata l-aħħar mid-Deċiżjoni 2006/200/KE (ĠU L 71, 10.3.2006, p. 50).

ANNESS II

Lista ta' pajjiżi terzi u territorji li minnhom l-importazzjonijiet tal-prodotti tas-sajd f'kwalunkwe sura għall-konsum mill-bniedem huma permessi

(Pajjiżi u territorji msemmija fl-Artikolu 11 tar-Regolament (KE) Nru 854/2004)

AE –	L-EMIRATI GĦARAB MAGĦQUDA
AG –	L-ANTIGWA U BARBUDA (1)
AL –	L-ALBANIJA
AM –	L-ARMENJA (2)
AN –	L-ANTILLI OLANDIŻI
AR –	L-ARĠENTINA
AU –	L-AWSTRALJA
BD –	IL-BANGLADEXX
BG –	IL-BULGARIJA (3)
BR –	IL-BRAŻIL
BS –	IL-BAĦAMAS
BY –	IL-BELARUS
BZ –	IL-BELIŻE
CA –	IL-KANADA
CH –	L-IŻVIZZERA
CI –	IL-KOSTA TA' L-AVORJU
CL –	IĊ-ĊILI
CN –	IĊ-ĊINA
CO –	IL-KOLUMBJA
CR –	IL-KOSTA RIKA
CU –	KUBA
CV –	IL-KAP VERDE
DZ –	L-ALĠERIJA
EC –	L-EKWADOR
EG –	L-EĠITTU
FK –	IL-ĠŻEJJER FALKLAND
GA –	IL-GABON
GD –	IL-GRENADA
GH –	IL-GANA
GL –	GREENLAND
GM –	IL-GAMBJA
GN –	IL-GINEA CONAKRY (4) (5)
GT –	IL-GWATEMALA
GY –	IL-GIJANA
HK –	HONG KONG
HN –	IL-ĦONDURAS
HR –	IL-KROAZJA
ID –	L-INDONEŻJA
IN –	L-INDJA
IR –	L-IRAN
JM –	IL-ĠAMAJKA
JP –	IL-ĠAPPUN
KE –	IL-KENJA
KR –	IL-KOREA TA' ISFEL
KZ –	IL-KAŻAKISTAN
LK –	IS-SRI LANKA
MA –	IL-MAROKK (6)
MD –	IL-MADAGASKAR
MR –	IL-MAWRITANJA
MU –	IL-MAWRIZJU
MV –	IL-MALDIVE
MX –	IL-MESSIKU
MY –	IL-MALAŻJA
MZ –	IL-MOŻAMBIK
NA –	IN-NAMIBJA
NC –	NEW CALEDONIA
NG –	IN-NIĠERJA
NI –	IN-NIKARAGWA
NZ –	NEW ZEALAND
OM –	L-OMAN
PA –	IL-PANAMA
PE –	IL-PERÙ
PG –	IL-PAPWA-GINEA ĠDIDA
PH –	IL-FILIPPINI
PF –	IL-POLINEŻJA FRANĊIŻA
PM –	ST PIERRE U MIQUELON
PK –	IL-PAKISTAN
RO –	IR-RUMANIJA (3)
RU –	IR-RUSSJA
SA –	L-GĦARABJA SAWDITA
SC –	IS-SEYCHELLES
SG –	SINGAPOR
SN –	IS-SENEGAL
SR –	IS-SURINAM
SV –	EL SALVADOR
TH –	IT-TAJLANDJA
TN –	IT-TUNIŻIJA
TR –	IT-TURKIJA
TW –	IT-TAJWAN
TZ –	IT-TANŻANIJA
UA –	L-UKRAINA
UG –	L-UGANDA
US –	L-ISTATI UNITI TA' L-AMERIKA
UY –	L-URUGWAJ
VE –	IL-VENEZWELA
VN –	IL-VJETNAM
XM –	IL-MONTENEGRO (7)
XS –	IS-SERBJA (7) (8)
YE –	IL-JEMEN
YT –	MAYOTTE
ZA –	L-AFRIKA TA' ISFEL
ZW –	IŻ-ŻIMBABWE

(1) Krustaċej ħajjin biss.

(2) Għall-ġambli ta' l-ilma ħelu ħajjin, mhux imrobbija għal skopijiet kummerjċali, biss.

(3) [Applikabbli biss sakemm l-Istat ta' l-Adeżjoni isir Stat Membru tal-Komunità.]

(4) Ħut li ma għadda minn l-ebda tħejjija jew proċessar biss ħlief it-tneħħija tar-ras, it-tindif ta' l-imsaren, tkessiħ u ffriżar.

(5) Il-frekwenza mnaqqsa ta' verifiki fiżiċi, stipulati mid-Deċiżjoni 94/360/KE, m'għandhiex tiġi applikata.

(6) Molluski bivalvi pproċessati li jagħmlu parti mill-ispeċi Acanthocardia tuberculatum għandhom jiġu akkumpanjati minn: (a) ċertifikat tas-saħħa supplimentari skond il-mudell stipulat fil-Parti B ta' l-Appendiċi V ta' l-Anness VI tar-Regolament tal-Kummissjoni (KE) Nru 2074/2005; u (b) ir-riżultati analitiċi tat-testi li juri li l-molluski ma fihomx livell ta' velenu paralittiku tal-krustaċej (PSP) li jista' jinstab permezz tal-metodu bioassay.

(7) Ħut frisk sħiħ biss minn qabdiet selvaġġi ta' l-ilma baħar

(8) Mhux inkluż il-Kosovo kif definit mir-Riżoluzzjoni tal-Kunsill ta' Sigurtà tan-Nazzjonijiet Uniti 1244 ta' l-10 ta' Ġunju 1999.