(1)

Fil-5 ta' Lulju 2006, il-Kunsill adotta l-Azzjoni Konġunta 2006/468/PESK li ġġedded u tirrivedi l-mandat tar-Rappreżentant Speċjali ta' l-Unjoni Ewropea għas-Sudan (2) (EUSR).

(2)

L-EUSR, inter alia, jiżgura l-koordinazzjoni u l-koerenza tal-kontributi ta' l-Unjoni lill- Unjoni Afrikana fir-reġjun tad-Darfur tas-Sudan (AMIS). Konformement ma' l-Artikolu 5(2) ta' l-Azzjoni Konġunta 2005/557/PESK, iċ-Ċellula ta' Koordinazzjoni ta' l-UE f'Addis Ababa (ACC), li taġixxi taħt l-awtorità ta' l-EUSR, u li tinkludi konsulent politiku, konsulent militari u konsulent tal-pulizija, tamministra l-koordinazzjoni ta' kuljum ma' l-atturi rilevanti kollha ta' l-UE u maċ-Ċentru ta' Kontroll Amministrattiv u ta' Maniġġar (ACMC) fil-katina ta' kmand ta' l-Unjoni Afrikana f'Addis Ababa sabiex jiġi żgurat appoġġ koerenti u f'waqtu mill-UE lill-AMIS.

(3)

Il-Konsulent tal-Pulizija għall-EUSR, li huwa wkoll il-Kap tal-Grupp tal-Pulizija ta' l-UE, huwa responsabbli għall-amministrazzjoni tal-koordinazzjoni ta' kuljum ta' l-azzjonijiet ta' sostenn ta' l-UE tal-pulizija. Il-Kap tal-Grupp tal-Pulizija ta' l-UE/Konsulent tal-Pulizija jassumi l-amministrazzjoni ta' kuljum tal-komponent tal-pulizija ta' l-azzjoni ta' appoġġ u huwa responsabbli għall-persunal u l-kwistjonijiet dixxiplinari.

(4)

Is-Segretarju Ġenerali/Rappreżentant Għoli, wara r-rakkomandazzjoni mill-EUSR, ippropona li s-Sur Åke ROGHE jiġi maħtur bħala Kap tal-Grupp tal-Pulizija ta' l-UE/Konsulent tal-Pulizija għall-EUSR.

(5)

Konformement ma' l-Artikolu 4 ta' l-Azzjoni Konġunta 2005/557/PESK il-Kunsill awtorizza lill-Kumitat Politiku u ta' Sigurtà sabiex jaħtar il-Kap tal-Grupp tal-Pulizija ta' l-UE/Konsulent tal-Pulizija għall-EUSR,