(1)

Il-Kumitat Politiku u ta' Sigurtà, skond it-tielet subparagrafu ta' l-Artikolu 25 tat-Trattat u skond l-Artikolu 10(2) ta' l-Azzjoni Konġunta tal-Kunsill 2006/319/PESK tas-27 ta' April 2006 dwar l-operazzjoni militari ta' l-Unjoni Ewropea li tappoġġa l-Missjoni ta' l-Organizzazzjoni tan-Nazzjonijiet Uniti fir-Repubblika Demokratika tal-Kongo (MONUC) matul il-proċess ta' l-elezzjoni (1) adotta d-Deċiżjoni MONUC SPT/1/2006 (2) u d-Deċiżjoni SPT/2/2006 (3) fit-30 ta' Mejju 2006.

(2)

Fuq rakkomandazzjonijiet dwar kontribut mill-Konfederazzjoni Żvizzera mill-Kmandant ta' l-Operazzjoni ta' l-UE u tal-Kumitat Militari ta' l-Unjoni Ewropea, il-kontribut mill-Konfederazzjoni Żvizzera għandu jiġi aċċettat.

(3)

Skond l-Artikolu 6 tal-Protokoll dwar il-pożizzjoni tad-Danimarka anness għat-Trattat dwar l-Unjoni Ewropea u għat-Trattat li jistabbilixxi l-Komunità Ewropea, id-Danimarka ma tipparteċipax fl-elaborazzjoni u l-implementazzjoni ta' deċiżjonijiet u azzjonijiet ta' l-Unjoni Ewropea li jkollhom implikazzjonijiet ta' difiża,