16.3.2007   

MT

Il-Ġurnal Uffiċjali ta’ l-Unjoni Ewropea

338

(1)

L-Artikolu 2(4) tad-Deċiżjoni 2005/211/ĠAI jispeċifika li ċerti dispożizzjonijet ta' l-Artikolu 1 ta' dik id-Deċiżjoni għandhom jibdew ikollhom effett minn data li għandha tiġi stipulata mill-Kunsill, hekk kif il-prekondizzjonijiet meħtieġa jkunu ġew sodisfatti, u li l-Kunsill jista' jiddeċiedi li jistipula dati differenti fir-rigward ta' meta jibdew ikollhom effett dawk id-dispożizzjonijiet.

(2)

Il-prekondizzjonijiet imsemmija fl-Artikolu 2(4) imsemmi hawn fuq ġew sodisfatti fir-rigward ta' l-Artikolu 1(9), u ta' l-Artikoli 101A u 101B ġodda, tad-Deċiżjoni 2005/211/ĠAI.

(3)

Fir-rigward ta’ l-Iżvizzera, din id-Deċiżjoni tikkostitwixxi żvilupp tad-dispożizzjonijiet ta’ l-acquis ta’ Schengen fis-sens tal-Ftehim iffirmat bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera ma’ l-implimentazzjoni, l-applikazzjoni u l-iżvilupp ta’ l-acquis ta’ Schengen, li jaqa’ fil-qasam imsemmi fl-Artikolu 1, punt G tad-Deċiżjoni tal-Kunsill 1999/437/KE tas-17 ta' Mejju 1999 dwar ċerti arranġamenti għall-applikazzjoni tal-Ftehim konkluż mill-Kunsill ta' l-Unjoni Ewropea u r-Repubblika ta' l-Iżlanda u r-Renju tan-Norveġja dwar l-assoċjazzjoni ta' dawn iż-żewġ Stati ma' l-implimentazzjoni, l-applikazzjoni u l-iżvilupp tal-acquis ta' Schengen (2), meta jinqara flimkien ma' l-Artikoli 4(1) tad-Deċiżjoni tal-Kunsill 2004/849/KE (3) u d-Deċiżjoni tal-Kunsill 2004/860/KE (4), it-tnejn li huma tal-25 ta' Ottubru 2004 dwar l-iffirmar, f’isem l-Unjoni Ewropea, u dwar l-iffirmar f’isem il-Komunità Ewropea, u dwar l-applikazzjoni provviżorja ta’ ċerti dispożizzjonijiet ta’ dak il-Ftehim mal-Konfederazzjoni Żvizzera,