5.6.2007   

MT

Il-Ġurnal Uffiċjali ta’ l-Unjoni Ewropea

7

DEĊIŻJONI TAL-KUMMISSJONI

ta' l-1 ta' Settembru 2006

li temenda d-Deċiżjoni 2005/393/KE dwar iż-żoni ristretti fir-rigward tal-bluetongue

(innotifikata taħt dokument numru C(2006) 3947)

(Test b'rilevanza għaż-ŻEE)

(2006/591/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 li tirrigwarda kontrolli veterinarji u zootekniċi applikabbli fil-kummerċ intra-Komunitarju ta' ċerti annimali ħajjin u prodotti bil-ħsieb li jiġi komplut is-suq intern (1) u b'mod partikolari l-Artikolu 10(4) tagħha,

Wara li kkunsidrat id-Direttiva tal-Kunsill 2000/75/KE ta' l-20 ta' Novembru 2000 li tistabbilixxi dispożizzjonijiet speċifiċi għall-kontroll u l-qerda tal-bluetongue (2), u b'mod partikolari s-subparagrafu ta' l-Artikolu 6(1), l-Artikolu 8(2) (d) u (3), l-Artikolu 9(1) (c), u t-tielet paragrafu ta' l-Artikolu 19 tagħha,

Billi:

(1)

Id-Direttiva 2000/75/KE tistabbilixxi regoli u miżuri ta' kontroll biex tiġi kkumbattuta l-bluetongue fil-Komunità, inkluż it-twaqqif ta' żoni ta' protezzjoni u ta' sorveljanza u ta' projbizzjoni li ma jippermettux li annimali jħallu dawn iż-żoni.

(2)

Id-Deċiżjoni tal-Kummissjoni 2005/393/KE tat-23 ta' Mejju 2005 dwar żoni ta' protezzjoni u ta' sorveljanza relatati mal-bluetongue u kundizzjonijiet li japplikaw għall-movimenti minn dawn iż-żoni (3) jew minn ġo fihom tipprevedi d-demarkazzjoni taż-żoni ġeografiċi globali fejn iż-żoni ta' protezzjoni u sorveljanza (“iż-żoni ristretti”) għandhom jiġu stabbiliti mill-Istati Membri għal dak li għandu x'jaqsam mal-bluetongue.

(3)

Fis-17, id-19 u l-21 ta' Awissu 2006 rispettivament, l-Olanda, il-Belġju u l-Ġermanja għarrfu lill-Kummissjoni b'għadd ta' każijiet kliniċi suspetti ta' bluetongue fl-istabbiliment tan-nagħaġ u l-ifrat f'żoni fl-Olanda, il-Belġju u l-Ġermanja, viċin il-Lussemburgu u Franza, li jinsabu f'raġġ ta' 50 km minn Kerkrade, l-Olanda, fejn ġie rrappurtat l-ewwel każ suspett.

(4)

Sabiex tiġi evitata l-firxa tal-marda miż-żona afftewata, il-Kummissjoni adottat id-Deċiżjoni 2006/577/KE (4) tat-22 ta' Awissu 2006 dwar ċerti miżuri protettivi kontra l-blutongue, li tistipula r-regoli dwar movimenti ta' annimali ta' l-ispeċi suxxettibbli għal blutongue u s-semen, l-ova u l-embrijuni tagħhom miż-żoni affetwati.

(5)

Imbagħad, il-Laboratorju ta' Referenza tal-Komunità għall-bluetongue f'Pirbright (ir-Renju Unit) ikkonferma l-okkorrenza tal-bluetongue u li l-vajrus fil-kwistjoni huwa tas-serotip 8. Dan is-serotip għadu qatt ma ġie rrappurtat qabel fl-Ewropa.

(6)

Fid-dawl ta' din is-sejba, id-Deċiżjoni 2005/393/KE għandha tiġi emendata sabiex tiddaħħal żona ristretta ġdida inkluża ż-żona affettwata u d-Deċiżjoni 2006/577/KE għandha tiġi rrevokata.

(7)

Meta tittieħed f'kunsiderazzjoni l-prassi tal-biedja, jistgħu jiġu permessi l-movimenti speċifiċi ta' l-annimali suxxettibbli, mingħajr ma jitħarbat il-kontroll tal-marda, taħt is-superviżjoni ta' l-awtoritajiet kompetenti kkonċernati.

(8)

Sabiex tipprevjeni l-firxa ulterjuri tal-marda, din id-Deċiżjoni għandha tapplika bħala materja ta' urġenza.

(9)

Il-miżuri previsti f'din id-Deċiżjoni huma konformi ma' l-opinjoni tal-Kumitat Permanenti dwar il-Katina Alimentari u Saħħet l-Annimali,

ADOTTAT DIN ID-DEĊIŻJONI:

Artikolu 1

Id-Deċiżjoni 2005/393/KE hija emendata kif ġej:

1.

L-Artikolu 2 jinbidel b'dan li ġej:

“Artikolu 2

Id-demarkazzjoni ta' żoni ristretti

Iż-żoni ristretti għandhom jiġu ddemarkati fi ħdan iż-żoni ġeografiċi globali elenkati għaż-żoni A, B, C, D E u F fl-Anness I.

L-eżenzjonijiet mill-projbizzjoni fuq il-ħruġ għal dawn iż-żoni ristretti għandhom jiġu implimentati biss skond l-Artikoli 3, 4, 5 u 6.

Fil-każ taż-żona ristretta E, movimenti ta' annimali ħajjin ta' speċi li jixtarru bejn Spanja u l-Portugall għandhom ikunu soġġetti għal awtorizzazzjoni mill-awtoritajiet kompetenti kkonċernati abbażi ta' ftehim bilaterali.

Fil-każ taż-żona ristretta F, għandhom jiġu permessi movimenti ta' annimali ħajjin ta' speċi suxxettibbli għal bluetongue u s-semen, l-ova u l-embrijuni tagħhom fi ħdan iż-żona.

Artikolu 2a

Deroga mill-projbizzjoni tal-moviment taż-żona ta' 20 km

Permezz ta' deroga mill-Artikolu 6 (1) (c) tad-Direttiva 2000/75/KE, l-annimali li ġejjin għandhom ikunu eżentati mill-projbizzjoni fuq il-moviment fiż-żona ta' 20 km:

—

soġġetti għall-approvazzjoni ta' l-awtorità veterinarja kompetenti, annimali għall-qtil dirett;

—

annimali ġejjin minn barra ż-żona ta' 20 km ddestinati għal stabbiliment li jinsab ġewwa ż-żona ta' 20 km;

—

soġġetti għall-approvazzjoni u abbażi tal-kondizzjonijiet ta' saħħet l-annimal li għandhom jiġu stipulati mill-awtorità veterinarja kompetenti, annimali maħsuba għal stabbiliment li jinsab fiż-żona ristretta.”

2.

L-Anness I huwa emendat skond l-Anness għal din id-Deċiżjoni.

Artikolu 2

Id-Deċiżjoni 2006/577/KE hija revokata.

Artikolu 3

Din id-Deċiżjoni għandha tapplika mill-jum wara l-pubblikazzjoni tagħha fil-Ġurnal Uffiċjali ta' l-Unjoni Ewropea.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell, nhar l-1 ta' Settembru 2006.

Għall-Kummissjoni

Markos KYPRIANOU

Membru tal-Kummissjoni

(1)   ĠU L 224, 18.8.1990, p. 29. Id-direttiva kif emendata l-aħħar bid-Direttiva 2002/33/KE (ĠU L 315, 19.11.2002, p. 14).

(2)   ĠU L 327, 22.12.2000, p. 74.

(3)   ĠU L 130, 24.5.2005, p. 22. Id-Deċiżjoni kif emendata l-aħħar mid-Deċiżjoni 2006/572/KE (ĠU L 227, 19.8.2006, p. 60).

(4)   ĠU L 229, 23.8.2006, p. 10.

ANNESS

Fl-Anness I għad-Deċiżjoni 2005/393/KE, għandha tiġi miżjuda ż-żona F li ġejja:

“Żona F

(Serotip 8)

Il-Belġju:

It-territorju kollu

Franza:

 

Aisne: l-arrondissements ta' Laon, Saint-Quentin, Soissons, Vervins

 

Ardennes: l-arrondissements ta' Charleville-Mezieres, Rethel, Sedan, Vouziers

 

Marne: l-arrondissements ta' Chalons sur Marne, Reims, Sainte-Menehould

 

Meurthe et Moselle: l-arrondissement ta' Briey

 

Meuse: l-arrondissements ta' Bar-le-Duc, Commercy, Verdun

 

Moselle: l-arrondissements ta' Boulay-Moselle, Metz-Campagne, Thionville-Est, Thionville-Ouest, Metz-Ville

 

Nord: l-arrondissements ta' Avesnes-sur-Helpe, Cambrai, Valenciennes

Il-Ġermanja:

Nordrhein-Westfalen

—

Stadt Aachen

—

Kreis Aachen

—

Stadt Bochum

—

Stadt Bonn

—

Kreis Borken

—

Stadt Bottrop

—

Kreis Coesfeld

—

Stadt Dortmund

—

Kreis Düren

—

Stadt Düsseldorf

—

Stadt Duisburg

—

Ennepe-Ruhr-Kreis

—

Erftkreis

—

Kreis Euskirchen

—

Stadt Essen

—

Stadt Gelsenkirchen

—

Stadt Hagen

—

Stadt Hamm

—

Kreis Heinsberg

—

Stadt Herne

—

Hochsauerlandkreis

—

Kreis Kleve

—

Stadt Köln

—

Stadt Krefeld

—

Stadt Leverkusen

—

Märkischer Kreis

—

Kreis Mettmann

—

Stadt Mönchengladbach

—

Stadt Mülheim a.d.Ruhr

—

Kreis Neuss

—

Oberbergischer Kreis

—

Stadt Oberhausen

—

Kreis Olpe

—

Kreis Recklinghausen

—

Stadt Remscheid

—

Rheinisch-Bergischer Kreis

—

Rhein-Sieg-Kreis

—

Kreis Siegen-Wittgenstein

—

Kreis Soest

—

Stadt Solingen

—

Kreis Unna

—

Kreis Viersen

—

Kreis Wesel

—

Stadt Wuppertal

Rheinland-Pfalz

—

Kreis Ahrweiler

—

Kreis Altenkirchen

—

Kreis Bernkastel-Wittlich

—

Im Kreis Birkenfeld das Gebiet nördlich der B 41

—

Kreis Bitburg-Prüm

—

Kreis Cochem-Zell

—

Kreis Daun

—

Stadt Koblenz

—

Fid-distrett ta' Mainz Bingen il-muniċipalitajiet ta' Breitscheid, Bacharach, Oberdiebach; Manubach

—

Kreis Mayen-Koblenz

—

Kreis Neuwied

—

Rhein-Hunsrück-Kreis

—

Rhein-Lahn-Kreis

—

Stadt Trier

—

Kreis Trier-Saarburg

—

Westerwaldkreis

Saarland

—

Fid-distrett ta' Merzig-Wadern il-muniċipalitajiet ta' Mettlach u Perl

Hessen

—

Fid-distrett ta' Lahn-Dill il-muniċipalitajiet ta' Breitscheid, Diedorf, Haiger

—

Fid-distrett ta' Limburg-Weilburg il-muniċipalitajiet ta' Dornburg, Elbtal, Elz, Hadamar, Limburg a.d. Lahn, Mengerskirchen, Waldbrunn (Westerwald)

—

Fid-distrett ta' Rheingau-Taunus il-muniċipalità ta' Heidenrod

Il-Lussemburgu:

It-territorju kollu

L-Olanda:

1.

Mill-fruntiera Belġjana ssegwi t-Tractaatweg (N253) fid-direzzjoni tat-Tramuntana mbagħad tibdel fi Guido Gezellestraat issegwi fid-direzzjoni tal-Punent imbagħad tibdel f'Willem de Zwijgerlaan issegwi fid-direzzjoni tat-Tramuntana sa l-ilma.

2.

Issegwi l-ilma fid-direzzjoni tal-Grigal imbagħad tibdel f'Veerweg N60 issegwi fid-direzzjoni tat-Tramuntana sa A58 (E312).

3.

A58 issegwi fid-direzzjoni tal-Punent sa Deltaweg (A256).

4.

Deltaweg (A256) issegwi fid-direzzjoni tat-Tramuntana sa l-ilma.

5.

Issegwi l-ilma fid-direzzjoni tal-Grigal sa Philipsdam (N257).

6.

Philipsdam (N257) issegwi sa l-ilma fid-direzzjoni tal-Lvant sa Hellegatsplein (A29/A59).

7.

Hellegatsplein (A29/A59) issegwi fid-direzzjoni tat-Tramuntana tibidel f'Rijksweg (A29) issegwi fid-direzzjoni tat-Tramuntana sa Ring Rotterdam (A15).

8.

Ring Rotterdam (A15) issegwi sad-direzzjoni tal-Punent sa A16/E19.

9.

A16/E19 issegwi sad-direzzjoni tat-Tramuntana imbagħad tibdel f'A20/E25 issegwi fid-direzzjoni tal-Lvant imbagħad tibdel f'A12/E30 issegwi fid-Direzzjoni tal-Grigal sa A27/E231.

10.

A27/E231 issegwi fid-direzzjoni tat-Tramuntana sa A28/E30.

11.

A28/E30 issegwi fid-direzzjoni tal-Grieg il-Lvant sa A1/E30.

12.

A1/E30 issegwi sad-direzzjoni tal-Lvant sal-fruntiera Ġermaniża.

13.

Il-fruntiera Ġermaniża ssegwi fid-direzzjoni tan-Nofsinhar imbagħad tibdel fil-fruntiera Belġjana ssegwi fid-direzzjoni tal-Majjistral it-Tramuntana sat-Tractaatweg.”