8.5.2007   

MT

Il-Ġurnal Uffiċjali ta’ l-Unjoni Ewropea

1104

(1)

L-Artikolu 3(1) tad-Deċiżjoni 95/320/KE jipprevedi li l-Kumitat għandu jikkonsisti minn mhux aktar minn 21 membru magħżula minn fost kandidati adattati proposti mill-Istati Membri u li jirriflettu l-firxa sħiħa ta' għarfien xjentifiku espert li huwa meħtieġ sabiex jintlaħaq il-mandat tal-Kumitat.

(2)

L-Artikolu 3(2) tad-Deċiżjoni 95/320/KE jipprevedi li l-Kummissjoni għandha taħtar il-membri tal-Kumitat, fuq il-bażi ta' l-għarfien espert xjentifiku u l-esperjenza tagħhom evidenzati, wara li tkun ikkunsidrat il-ħtieġa li tiżgura li jkunu koperti d-diversi oqsma speċifiċi.

(3)

L-Artikolu 3(4) tad-Deċiżjoni 95/320/KE tipprevedi li t-terminu tal-kariga tal-membri tal-Kumitat għandu jkun ta' tliet snin u li l-ħatra tagħhom għandha tkun tista' tiġġedded. Wara li jiskadi ż-żmien ta' tliet snin, il-membri tal-Kumitat jibqgħu fil-kariga sakemm jinbidlu jew sakemm jiġġeddu l-ħatriet tagħhom.

(4)

Id-Deċiżjoni tal-Kummissjoni tat-2 ta' Ottubru 2002 (2) ħatret il-membri tal-Kumitat Xjentifiku dwar il-Limiti ta' Esponiment għal Aġenti Kimiċi waqt ix-Xogħol għat-tielet terminu ta' kariga mill-1 ta' April 2002 sal-31 ta' Marzu 2005.

(5)

Għalhekk jeħtieġ li l-membri tal-Kumitat jinħatru għar-raba' terminu tal-kariga (mill-1 ta' Lulju 2006 sat-30 ta' Ġunju 2009).

(6)

Il-Kummissjoni kkonsultat lill-Istati Membri, skond l-Artikolu 3(2) tad-Deċiżjoni 95/320/KE,