FTEHIM

bejn il-Komunità Ewropea u r-Repubblika tal-Libanu dwar ċerti aspetti ta' servizzi ta' l-ajru

IL-KOMUNITÀ EWROPEA

minn naħa waħda, u

IR-REPUBBLIKA TAL-LIBANU

min-naħa l-oħra

(minn hawn 'il quddiem imsejħin “il-Partijiet”)

JINNUTAW li Ftehim ta’ servizzi bilaterali ta’ l-ajru ġew konklużi bejn diversi Stati Membri tal-Komunità Ewropea u r-Repubblika tal-Libanu li fihom disposizzjonijiet li jmorru kontra l-liġi Komunitarja,

JINNUTAW li l-Komunità Ewropea għandha l-kompetenza esklussiva fir-rispett ta’ bosta aspetti li jistgħu jiġu inklużi fi ftehim ta’ servizzi bilaterali ta’ l-ajru bejn l-Istati Membri tal-Komunità Ewropea u pajjiżi terzi,

JINNUTAW li taħt il-liġi Komunitarja Ewropea trasportaturi ta’ l-ajru tal-Komunità stabbiliti fi Stat Membru għandhom id-dritt għal aċċess non-diskriminatorju għal rotot ta’ l-ajru bejn l-Istati Membri tal-Komunità Ewropea u pajjiżi terzi,

WARA LI KKUNSIDRAW il-Ftehim bejn il-Komunità Ewropea u ċerti pajjiżi terzi li jipprovdu l-possibiltà għaċ-ċittadini ta’ pajjiżi terzi li jkollhom sehem fi trasportaturi ta’ l-ajru liċenzjati skond il-liġi Komunitarja Ewropea,

JGĦARFU li d-disposizzjonijiet tal-Ftehim għas-servizzi bilaterali ta’ l-ajru bejn Stati Membri tal-Komunità Ewropea u r-Repubblika tal-Libanu, li huma kontra l-liġi Komunitarja Ewropea, jridu jiġu f’konformità sħiħa ma’ dawn sabiex tiġi stabbilita bażi legali tajba għas-servizzi ta’ l-ajru bejn il-Komunità Ewropea u r-Repubblika tal-Libanu u biex tiġi ppreservata t-tkomplija ta’ dawn is-servizzi ta’ l-ajru,

INNUTAW li mhuwiex għan tal-Komunità Ewropea, bħala parti minn dawn in-negozjati, li jolqot il-volum totali ta’ traffiku ta’ l-ajru bejn il-Komunità Ewropea u r-Repubblika tal-Libanu, jew li taffettwa l-bilanċ bejn kumpaniji ta’ l-ajru tal-Komunità u kumpaniji ta’ l-ajru tar-Repubblika tal-Libanu, jew li tinnegozja emendi għad-disposizzjonijiet ta’ ftehim bilaterali eżistenti għas-servizzi ta’ l-ajru dwar drittijiet tat-traffiku,

FTEHMU KIF ĠEJ:

Artikolu 1

Disposizzjonijiet Ġenerali

1. Għall-finijiet ta’ dan il-Ftehim, “Stati Membri” għandha tfisser Stati Membri tal-Komunità Ewropea.

2. Referenzi mniżżla f’kull Ftehim fl-Anness I għaċ-ċittadini ta’ l-Istat Membru li ħa sehem fil-Ftehim ser jinfthemu bħala li qed jirreferu għaċ-ċittadini ta’ l-Istati Membri tal-Komunità Ewropea.

3. Referenzi mniżżla f’kull Ftehim fl-Anness I lill-kumpaniji ta’ l-ajru jew linji ta’ l-ajru ta’ l-Istat Membru li ħa sehem fil-ftehim ser jinfthemu bħala li qed jirreferu għall-kumpaniji ta’ l-ajru jew linji ta’ l-ajru magħżula minn dak l-Istat Membru.

Artikolu 2

Nomina minn Stat Membru

1. Id-disposizzjonijiet fil-paragrafi 2 u 3 ta’ dan l-Artikolu ser jieħdu post id-disposizzjonijiet li jikkorrispondu magħhom fl-artikoli mniżżla fl-Anness II(a) u (b) rispettivament, f'dak li għandu x'jaqsam mal-ħatra tal-kumpanija ta’ l-ajru mill-Istat Membru kkonċernat l-awtorizzazzjonijiet tiegħu u l-permessi mogħtija mir-Repubblika tal-Libanu, u r-rifjut, ir-revoka, is-sospensjoni jew il-limitazzjoni ta’ l-awtorizzazzjonijiet jew il-permessi tal-kumpanija ta’ l-ajru, rispettivament.

2. Meta tirċievi l-ħatra mingħand Stat Membru, ir-Repubblika tal-Libanu ser tagħti l-awtorizzazzjonijiet xierqa u l-permessi bl-anqas dewmien proċedurali, sakemm:

(i)	il-kumpanija ta’ l-ajru hija stabbilita, skond it-Trattat li jistabbilixxi l-Komunità Ewropea, fit-territorju ta’ l-Istat Membru li nnominaha u li għandha Liċenzja Operattiva valida skond il-liġi Komunitarja Ewropea;

(ii)	il-kontroll regolatorju effettiv tal-kumpannija ta' l-ajru huwa eżerċitat u miżmum mill-Istat Membru responsabbli għall-ħruġ taċ-Ċertifikat ta' l-Operaturi ta' l-Ajru tagħha u l-awtorità aeronawtika rilevanti hija identifikata b'mod ċar fl-għażla; u

(iii)

il-kumpanija ta’ l-ajru hija proprjetà u ser tkompli tkun proprjetà diretta jew permezz ta’ l-akbar sehem azzjonarju mill-Istati Membri u/jew ċittadini ta’ l-Istati Membri mniżżla fl-Anness III u/jew ċittadini ta’ Stati oħra simili, u ser tkun il-ħin kollu effettivament ikkontrollata minn tali Stati u/jew tali ċittadini.

3. Ir-Repubblika tal-Libanu tista’ tirrifjuta, tirrevoka, tissospendi jew tillimita l-awtorizzazzjonijiet jew il-permessi ta’ kumpanija ta’ l-ajru minn Stat Membru fejn:

(i)	il-kumpanija ta’ l-ajru mhijiex stabbilita, skond it-Trattat li jistabbilixxi l-Komunità Ewropea, fit-territorju ta’ l-Istat Membru li nnominaha jew m’għandiex Liċenzja Operattiva valida skond il-liġi Komunitarja Ewropea;

(ii)	ma hemmx kontroll regolatorju effettiv tal-kumpanija ta’ l-ajru jew manutenzjoni mill-Istat Membru responsabbli għall-ħruġ taċ-Ċertifikat ta’ l-Operaturi ta’ l-Ajru tiegħu, jew l-awtorità aeronawtika relevanti mhix identifikata b’mod ċar fil-ħatra; jew

(iii)

il-kumpanija ta’ l-ajru mhijiex proprjetà u kontrollata direttament b’mod effettiv jew permezz ta’ l-akbar sehem azzjonarju mill-Istati Membri u/jew ċittadini ta’ l-Istati Membri, jew minn Stati oħra elenkati f’lista fl-Anness III u/jew ċittadini ta’ tali Stati oħra;

jew

Waqt li tħaddem id-dritt tagħha taħt dan il-paragrafu, ir-Repubblika tal-Libanu m’għandhiex tiddiskrimina bejn kumpaniji ta’ l-ajru tal-Komunità fuq il-bażi ta’ nazzjonalità.

Artikolu 3

Drittijiet f’dak li għandu x’jaqsam mal-kontroll regolatorju

1. Id-disposizzjonijiet fil-paragrafu 2 ta’ dan l-Artikolu ser jikkomplimentaw l-artikoli imniżżlin f’lista fl-Anness II(c).

2. Meta Stat Membru jkun ħatar kumpanija ta’ l-ajru li l-kontroll regolatorju huwa mħaddem u miżmum minn Stat Membru ieħor, id-drittijiet tar-Repubblika tal-Libanu taħt id-disposizzjonijiet ta’ protezzjoni tal-ftehim bejn l-Istat Membru li ħatar il-kumpanija ta’ l-ajru u r-Repubblika tal-Libanu ser japplika b’mod ugwali fir-rigward ta’ l-adozzjoni, t-tħaddim jew il-manutenzjoni ta’ l-istandards ta’ sigurtà mill-Istat Membru l-ieħor u fir-rigward ta’ l-awtorizzazzjoni għall-operazzjoni ta’ dik il-kumpanija ta’ l-ajru.

Artikolu 4

Tassazzjoni tal-karburant ta' l-avjazzjoni

1. Id-disposizzjonijiet fil-paragrafu 2 ta’ dan l-Artikolu ser jikkomplimentaw id-disposizzjonijiet korrispondenti fl-artikoli mniżżla f’lista fl-Anness II(d).

2. Minkejja kull disposizzjoni oħra kontra dan, xejn f’kull ftehim imniżżel fl-Anness II(d) mhu ser jimpedixxi Stat Membru milli jimponi taxxi, imposti, dazji, miżati jew tariffi fuq il-karburant fornut fit-territorju tiegħu għall-użu f’inġenji ta’ l-ajru ta’ kumpanija ta’ l-ajru maħtura għar-Repubblika tal-Libanu li topera bejn punt fit-territorju ta’ Stat Membru u punt ieħor fit-territorju ta’ dak l-Istat Membru jew fit-territorju ta’ Stat Membru ieħor.

Artikolu 5

Tariffi għat-Trasport fil-Komunità Ewropea

1. Id-disposizzjonijiet fil-paragrafu 2 ta’ dan l-Artikolu għandhom jikkomplimentaw l-artikoli mniżżlin fl-Anness II(e).

2. It-tariffi li ser jiġu ddebitati mill-kumpanija(i) ta’ l-ajru maħtura mir-Repubblika tal-Libanu permezz ta’ ftehim imniżżel fl-Anness I li fih disposizzjoni mniżżla fl-Anness II(e) għat-Trasport kollu fi ħdan il-Komunità Ewropea għandu jkun suġġett għal-liġi Komunitarja Ewropea.

Artikolu 6

Annessi mal-Ftehim

L-Annessi ma’ dan il-Ftehim għandhom jifformaw parti integrali minnu.

Artikolu 7

Reviżjoni jew emendi

Il-Partijiet jistgħu, f’kull ħin, jirrivedu jew jemendaw dan il-Ftehim b’kunsens reċiproku.

Artikolu 8

Dħul fis-seħħ u applikazzjoni proviżorja

1. Dan il-Ftehim għandu jidħol fis-seħħ meta l-Partijiet ikunu nnotifikaw lil xulxin bil-miktub li l-proċeduri interni rispettivi meħtieġa għad-dħul fis-seħħ tiegħu tlestew.

2. Minkejja l-paragrafu 1, il-Partijiet jaqblu biex japplikaw b’mod proviżorju dan il-Ftehim mill-ewwel ġurnata tax-xahar wara d-data li fiha l-Partijiet avżaw lil xulxin bl-iffinalizzar tal-proċeduri meħtieġa għal dan il-għan.

3. Ftehim u arranġamenti oħra bejn l-Istati Membri u r-Repubblika tal-Libanu li, fid-data tal-firma ta’ dan il-Ftehim, ma kienux għadhom daħlu fis-seħħ u li mhumiex qed jiġu applikati proviżorjament huma elenkati fl-Anness I(b). Dan il-Ftehim għandu japplika għal kull tali Ftehim u arranġamenti mad-dħul fis-seħħ tagħhom jew ma’ l-applikazzjoni proviżorja tagħhom.

Artikolu 9

Tmiem

1. Fil-każ li Ftehim imniżżel fl-Anness I jintemm, id-disposizzjonijiet kollha ta’ dan il-Ftehim li għandhom x’jaqsmu mal-Ftehim imniżżel fl-Anness I konċernat ser jintemmu fl-istess ħin.

2. Fil-każ li l-Ftehim kollha mniżżla fl-Anness I jintemmu, dan il-Ftehim għandu jintemm fl-istess ħin.

B'XIEHDA TA’ DAN, il-firmatarji t’hawn taħt, bl-awtorizzazzjoni meħtieġa, iffirmaw dan il-Ftehim.

Magħmul f’Bejrut f’żewġ kopji, fis-sebgħa jum ta' Lulju tas-sena elfejn u sitta, fil-lingwa Ċeka, Daniża, Estonjana, Finlandiża, Franċiża, Ġermaniża, Griega, Ingliża, Latvjana, Litwana, Maltija, Olandiża, Pollakka, Portugiża, Slovakka, Slovena, Spanjola, Svediża, Taljana, u Ungeriża, u l-Għarbi.

Por la Comunidad Europea

Za Evropské společenství

For Det Europæiske Fællesskab

Für die Europäische Gemeinschaft

Euroopa Ühenduse nimel

Για την Ευρωπαϊκή Κοινότητα

For the European Community

Pour la Communauté européenne

Per la Comunità europea

Eiropas Kopienas vārdā

Europos bendrijos vardu

Az Európai Közösség részéről

Għall-Komunità Ewropea

Voor de Europese Gemeenschap

W imieniu Wspólnoty Europejskiej

Pela Comunidade Europeia

Za Európske spoločenstvo

Za Evropsko skupnost

Euroopan yhteisön puolesta

För Europeiska gemenskapen

Por la República Libanesa

Za Libanonskou republiku

For Den Libanesiske Republik

Für die Libanesische Republik

Liibanoni Vabariigi nimel

Για τη Δημοκρατία του Λιβάνου

For the Republic of Lebanon

Pour la République libanaise

Per la Repubblica del Libano

Libānas Republikas vārdā

Libano Respublikos vardu

A Libanoni Köztársaság részéről

Għar-Repubblika tal-Libanu

Voor de Republiek Libanon

W imieniu Republiki Libańskiej

Pela República do Líbano

Za Libanonskú republiku

Za Republiko Libanon

Libanonin tasavallan puolesta

För Republiken Libanon

ANNESS I

Lista ta' Ftehim imsemmija fl-Artikolu 1 ta' dan il-Ftehim

(a)

Ftehim dwar servizzi ta' l-ajru bejn ir-Repubblika tal-Libanu u l-Istati Membri tal-Komunità Ewropea li, fid-data tal-firma ta' dan il-Ftehim, ġew konklużi, iffirmati u/jew qed jiġu applikati b'mod provviżorju

—	Ftehim bejn il-Gvern Federali ta’ l-Awstrija u l-Gvern tar-Repubblika tal-Libanu għas-servizzi ta’ l-ajru bejn u lil hinn mit-territorji rispettivi tagħhom, magħmul f’Bejrut fit-2 ta’ April 1969, kif emendat (minn hawn ’il quddiem imsejjaħ il-Ftehim bejn il-Libanu – l-Awstrija);

—	Ftehim bejn il-Gvern Belġjan u l-Gvern Libaniż li jikkonċerna s-servizzi ta' l-ajru bejn u lil hinn mit-territorji rispettivi tagħhom, magħmul f'Bejrut fl-24 ta’ Diċembru 1953, kif emendat (minn hawn ’il quddiem imsejjaħ il-Ftehim bejn il-Libanu – il-Belġju);

—	Ftehim tas-Servizzi ta’ l-Ajru bejn il-Gvern tar-Repubblika ta’ Ċipru u l-Gvern tar-Repubblika tal-Libanu, inizjalat fit-23 ta’ Mejju 1996 (minn hawn ’il quddiem imsejjaħ l-Abbozz tal-Ftehim bejn il-Libanu - Ċipru);

—	Ftehim għat-Trasport bl-Ajru bejn il-Gvern tar-Repubblika Ċeka u l-Gvern tar-Repubblika tal-Libanu, magħmul f’Bejrut fit-22 ta’ Settembru 2003 (minn hawn ’il quddiem imsejjaħ il-Ftehim bejn il-Libanu – ir-Repubblika Ċeka);

—	Ftehim għat-Trasport bl-Ajru bejn id-Danimarka u l-Libanu, magħmul f’Bejrut fil-21 ta’ Ottubru 1955 (minn hawn ’il quddiem imsejjaħ il-Ftehim bejn id-Danimarka –il-Libanu);

—

Abbozz ta’ Ftehim għat-Trasport bl-Ajru bejn il-Gvern tar-Repubblika Franċiża u l-Gvern tar-Repubblika tal-Libanu, inizjalat u mehmuż mal-Verbal Miftiehem tal-konsultazzjonijiet bejn id-delegazzjonijiet li jirrappreżentaw il-Gvernijiet tar-Repubblika Franċiża u tar-Repubblika tal-Libanu, iffirmat f’Pariġi fl-24 ta’ Ġunju 1998 (minn hawn ’il quddiem imsejjaħ l-Abbozz tal-Ftehim bejn il-Libanu - Franza);

—	Ftehim għat-Trasport bl-Ajru bejn ir-Repubblika Federali tal-Ġermanja u r-Repubblika tal-Libanu, magħmul f’Bejrut fil-15 ta’ Marzu 1961 kif emendat (minn hawn ’il quddiem imsejjaħ il-Ftehim bejn il-Libanu – il-Ġermanja);

—	Abbozz ta’ Ftehim tas-Servizzi ta’ l-Ajru bejn il-Gvern tar-Repubblika Federali tal-Ġermanja u l-Gvern tar-Repubblika tal-Libanu, inizjalat u mehmuż mal-Minuti Mifhema ffirmat f’Bonn fis-16 ta’ Jannar 2002 (minn hawn ‘il quddiem imsejjaħ l-Abbozz tal-Ftehim Rivedut bejn Il-Libanu – Il-Ġermanja);

—	Ftehim bejn il-Gvern tar-Renju tal-Greċja u l-Gvern tar-Repubblika tal-Libanu li jikkonċerna t-twaqqif tas-servizzi ta’ l-ajru bejn it-territorji rispettivi tagħhom, magħmul f’Bejrut fis-6 ta’ Settembru 1948 (minn hawn ’il quddiem imsejjaħ il-Ftehim bejn il-Libanu – l-Greċja);

—	Ftehim bejn il-Gvern tar-Repubblika Popolari ta’ l-Ungerija u r-Repubblika tal-Libanu relatat mat-Trasport ta’ l-Ajru Ċivili, magħmul f’Bejrut fil-15 ta’ Jannar 1966 (minn hawn ’il quddiem imsejjaħ il-Ftehim bejn il-Libanu – l-Ungerija);

—	Ftehim għat-Trasport bl-Ajru bejn il-Gvern Taljan u l-Gvern tar-Repubblika tal-Libanu, magħmul f’Bejrut fl-24 ta’ Jannar 1949 kif emendat (minn hawn ’il quddiem imsejjaħ il-Ftehim bejn il-Libanu – l-Italja);

—

Ftehim għas-Servizzi ta’ l-Ajru bejn il-Gvern tar-Repubblika tal-Libanu u l-Gvern tal-Gran Dukat tal-Lussemburgu, inizjalat u mehmuż bħala Anness B mal-Memorandum ta’ Ftehim Kunfidenzjali iffirmat f’Bejrut fit-23 ta’ Ottubru 1998 (minn hawn ’il quddiem Abbozz ta’ Ftehim bejn il-Libanu – il-Lussemburgu);

—	Abbozz ta’ Ftehim għas-Servizzi ta’ l-Ajru bejn il-Gvern ta’ Malta u l-Gvern tar-Repubblika tal-Libanu, inizjalat u mehmuż bħala Anness B mal-Minuti Mifthem ffirmat f'Bejrut fit-30 ta' April 1999 (minn hawn ’il quddiem imsejjaħ Abbozz ta' Ftehim bejn il-Libanu - Malta);

—	Ftehim għat-Trasport bl-Ajru bejn ir-Renju ta’ l-Olanda u r-Repubblika tal-Libanu, magħmul f’Bejrut fl-20 ta’ Settembru 1949 (minn hawn ’il-quddiem imsejjaħ Ftehim bejn il-Libanu - l-Olanda);

—	Ftehim għas-Servizzi ta’ l-Ajru bejn il-Gvern tar-Repubblika Popolari tal-Polonja u l-Gvern tar-Repubblika tal-Libanu, magħmul f’Bejrut fil-25 ta’ April 1966 (minn hawn ’il quddiem imsejjaħ Ftehim bejn il-Libanu – il-Polonja);

—	Ftehim għat-Trasport bl-Ajru bejn l-Isvezja u l-Libanu, magħmul f’Bejrut fit-23 ta’ Marzu 1953 (minn hawn ‘il quddiem imsejjaħ Ftehim bejn il-Libanu – l-Isvezja);

—

Ftehim bejn il-Gvern tar-Renju Unit tal-Grann Brittanja u ta’ l-Irlanda ta’ Fuq u l-Gvern tar-Repubblika Libaniża għas-servizzi ta’ l-ajru bejn u lil hinn mit-territorji rispettivi tagħhom, magħmul f’Bejrut fil-15 ta’ Awissu 1951, kif emendat (minn hawn ’il quddiem imsejjaħ Ftehim bejn il-Libanu – ir-Renju Unit);

(b)

Ftehim dwar servizzi ta' l-ajru u arranġamenti oħra inizjalati jew iffirmati bejn ir-Repubblika tal-Libanu u l-Istati Membri tal-Komunità Ewropea li, fid-data tal-firma ta' dan il-Ftehim, għadhom ma daħlux fis-seħħ u mhux qed jiġu applikati b'mod provviżorju

—	Abbozz ta' Ftehim għat-Trasport bl-Ajru bejn ir-Renju ta’ Spanja u r-Repubblika tal-Libanu, magħmul f’Madrid fil-21 ta’ Awissu 1997 (minn hawn ’il quddiem imsejjaħ Abbozz ta' Ftehim bejn il-Libanu u Spanja)

ANNESS II

Lista ta' l-Artikoli fil-Ftehim imniżżel fl-Anness I u imsemmijin fl- Artikoli 2 sa 5 ta' dan il-Ftehim

(a)

Għażla minn Stat Membru:

—	Artikolu 3 tal-Ftehim bejn il-Libanu - l-Awstrija;

—	Artikolu 3 tal-Ftehim bejn il-Libanu – il-Belġju;

—	Artikolu 4 ta’ l-Abbozz ta' Ftehim bejn il-Libanu - Ċipru;

—	Artikolu 3 tal-Ftehim bejn il-Libanu – ir-Repubblika Ċeka;

—	Artikolu 3 ta’ l-Abbozz ta' Ftehim bejn il-Libanu - Franza;

—	Artikolu 3 tal-Ftehim bejn il-Libanu – il-Ġermanja;

—	Artikolu 3 tal-Ftehim bejn il-Libanu – l-Ungerija;

—	Artikolu 3 ta’ l-Abbozz ta' Ftehim bejn il-Libanu – il-Lussemburgu;

—	Artikolu 6 ta’ l-Abbozz ta' Ftehim bejn il-Libanu - Malta;

—	Artikolu 3 tal-Ftehim bejn il-Libanu – il-Polonja;

—	Artikolu 3 ta’ l-Abbozz ta' Ftehim bejn il-Libanu - Spanja;

—	Artikolu 4 tal-Ftehim bejn il-Libanu – ir-Renju Unit;

(b)

Ċaħda, Revoka, Sospensjoni jew Limitazzjoni ta' Awtorizzazzjonijiet jew Permessi:

—	Artikolu 4 tal-Ftehim bejn il-Libanu - l-Awstrija;

—	Artikolu 3 tal-Ftehim bejn il-Libanu – il-Belġju;

—	Artikolu 5 ta’ l-Abbozz ta' Ftehim bejn il-Libanu - Ċipru;

—	Artikolu 4 tal-Ftehim bejn il-Libanu – ir-Repubblika Ċeka;

—	Artikolu 5 tal-Ftehim bejn il-Libanu – id-Danimarka;

—	Artikolu 4 ta’ l-Abbozz ta' Ftehim bejn il-Libanu - Franza;

—	Artikolu 4 tal-Ftehim bejn il-Libanu – il-Ġermanja;

—	Artikolu 6 tal-Ftehim bejn il-Libanu- il-Ġreċja;

—	Artikolu 4 tal-Ftehim bejn il-Libanu – l-Ungerija;

—	Artikolu 6 tal-Ftehim bejn il-Libanu – l-Italja;

—	Artikolu 4 ta’ l-Abbozz ta' Ftehim bejn il-Libanu – il-Lussemburgu;

—	Artikolu 7 ta’ l-Abbozz ta' Ftehim bejn il-Libanu - Malta;

—	Artikolu 6 tal-Ftehim bejn il-Libanu – l-Olanda;

—	Artikolu 3 tal-Ftehim bejn il-Libanu – il-Polonja;

—	Artikolu 4 ta’ l-Abbozz ta' Ftehim bejn il-Libanu - Spanja;

—	Artikolu 5 tal-Ftehim bejn il-Libanu – l-Isvezja;

—	Artikolu 4 tal-Ftehim bejn il-Libanu – ir-Renju Unit;

(ċ)

Kontroll regolatorju:

—	Artikolu 7 bis tal-Ftehim bejn il-Libanu – l-Awstrija;

—	Artikolu 7 tal-Ftehim bejn il-Libanu – ir-Repubblika Ċeka;

—	Artikolu 8 ta’ l-Abbozz ta' Ftehim bejn il-Libanu - Franza;

—	Artikolu 7 ta’ l-Abbozz ta' Ftehim bejn il-Libanu – il-Lussemburgu;

—	Artikolu 6 ta’ l-Abbozz ta' Ftehim Rivedut bejn il-Libanu – il-Ġermanja;

(d)

Tassazzjoni tal-Karburant ta' l-Avjazzjoni:

—	Artikolu 5 tal-Ftehim bejn il-Libanu - l-Awstrija;

—	Artikolu 4 tal-Ftehim bejn il-Libanu – il-Belġju;

—	Artikolu 7 ta’ l-Abbozz ta' Ftehim bejn il-Libanu - Ċipru;

—	Artikolu 8 tal-Ftehim bejn il-Libanu – ir-Repubblika Ċeka;

—	Artikolu 9 tal-Ftehim bejn il-Libanu – id-Danimarka;

—	Artikolu 10 ta’ l-Abbozz ta' Ftehim bejn il-Libanu - Franza;

—	Artikolu 6 tal-Ftehim bejn il-Libanu – il-Ġermanja;

—	Artikolu 10 ta’ l-Abbozz ta' Ftehim Rivedut bejn il-Libanu – il-Ġermanja;

—	Artikolu 3 tal-Ftehim bejn il-Libanu- il-Ġreċja;

—	Artikolu 14 tal-Ftehim bejn il-Libanu – l-Ungerija;

—	Artikolu 3 tal-Ftehim bejn il-Libanu – l-Italja;

—	Artikolu 8 ta’ l-Abbozz ta' Ftehim bejn il-Libanu – il-Lussemburgu;

—	Artikolu 9 ta’ l-Abbozz ta' Ftehim bejn il-Libanu - Malta;

—	Artikolu 6 tal-Ftehim bejn il-Libanu – il-Polonja;

—	Artikolu 5 ta’ l-Abbozz ta' Ftehim bejn il-Libanu - Spanja;

—	Artikolu 9 tal-Ftehim bejn il-Libanu – l-Isvezja;

—	Artikolu 5 tal-Ftehim bejn il-Libanu – ir-Renju Unit;

(e)

Tariffi għat-Trasport ġewwa l-Komunità Ewropea:

—	Artikolu 9 tal-Ftehim bejn il-Libanu - l-Awstrija;

—	Artikolu 7 tal-Ftehim bejn il-Libanu – il-Belġju;

—	Artikolu 16 ta’ l-Abbozz ta' Ftehim bejn il-Libanu - Ċipru;

—	Artikolu 12 tal-Ftehim bejn il-Libanu – ir-Repubblika Ċeka;

—	Artikolu 7 tal-Ftehim bejn il-Libanu – id-Danimarka;

—	Artikolu 14 ta’ l-Abbozz ta' Ftehim bejn il-Libanu - Franza;

—	Artikolu 9 tal-Ftehim bejn il-Libanu – il-Ġermanja;

—	Artikolu 14 ta’ l-Abbozz ta' Ftehim Rivedut bejn il-Libanu – il-Ġermanja;

—	Artikolu 7 tal-Ftehim bejn il-Libanu – l-Ungerija;

—	Artikolu 13 ta’ l-Abbozz ta' Ftehim bejn il-Libanu – il-Lussemburgu;

—	Artikolu 14 ta’ l-Abbozz ta' Ftehim bejn il-Libanu - Malta;

—	Artikolu 10 tal-Ftehim bejn il-Libanu – il-Polonja;

—	Artikolu 7 ta’ l-Abbozz ta' Ftehim bejn il-Libanu - Spanja;

—	Artikolu 7 tal-Ftehim bejn il-Libanu – l-Isvezja;

—	Artikolu 7 tal-Ftehim bejn il-Libanu – ir-Renju Unit;

ANNESS III

Lista ta' Stati oħra msemmija fl-Artikolu 2 ta' dan il-Ftehim

(a)	Ir-Repubblika ta' l-Islanda (taħt il-Ftehim dwar iż-Żona Ekonomika Ewropea);

(b)	Il-Prinċipalità ta' Liechtenstein (taħt il-Ftehim dwar iż-Żona Ekonomika Ewropea);

(ċ)	Ir-Renju tan-Norveġja (taħt il-Ftehim dwar iż-Żona Ekonomika Ewropea);

(d)	Il-Konfederazzjoni Svizzera (taħt il-Ftehim bejn il-Komunità Ewropea u l-Konfederazzjoni Svizzera dwar it-Trasport bl-Ajru)