|
16.3.2007 |
MT |
Il-Ġurnal Uffiċjali ta’ l-Unjoni Ewropea |
60 |
DEĊIŻJONI TAL-KUNSILL 2006/483/PESK
tal-11 ta’ Lulju 2006
li timplementa l-Pożizzjoni Komuni 2004/852/PESK dwar miżuri restrittivi kontra l-Kosta ta’ l-Avorju
IL-KUNSILL TA’ L-UNJONI EWROPEA,
Wara li kkunsidra l-Pożizzjoni Komuni 2004/852/PESK tat-13 ta' Diċembru 2004 (1), u b’mod partikolari l-Artikolu 6 tagħha, flimkien ma’ l-Artikolu 23(2) tat-Trattat dwar l-Unjoni Ewropea,
Billi:
|
(1) |
Fit-13 ta’ Diċembru 2004, il-Kunsill adotta l-Pożizzjoni Komuni 2004/852/PESK dwar miżuri restrittivi kontra l-Kosta ta' l-Avorju sabiex jiġu implementati l-miżuri imposti mir-Riżoluzzjoni (UNSCR) 1572 (2004) tal-Kunsill tas-Sigurtà tan-Nazzjonijiet Uniti kontra l-Kosta ta' l-Avorju. |
|
(2) |
Fis-27 ta' Frar 2006, il-Kunsill adotta d-Deċiżjoni 2006/172/PESK li tinkludi l-lista ta' individwi suġġetti għall-miżuri imposti mill-paragrafi 9 u 11 tar-Riżoluzzjoni UNSCR 1572 (2004) u mġedda mill-paragrafu 1 ta' UNSCR 1643 (2005). |
|
(3) |
Fl-1 ta' Mejju 2006, l-UE bagħtet informazzjoni addizzjonali ta' identifikazzjoni lill-Kumitat tal-Kunsill tas-Sigurtà stabbilit skond UNSCR 1572 (2004). |
|
(4) |
Fit-30 ta' Mejju 2006, il-Kumitat tal-Kunsill tas-Sigurtà approva lista aġġornata konsolidata ta' individwi suġġetti għall-miżuri imposti mill-paragrafi 9 u 11 ta' UNSCR 1572 (2004) u mġedda mill-paragrafu 1 ta' UNSCR 1643 (2005). |
|
(5) |
Il-lista li tinsab fl-Anness mal-Pożizzjoni Komuni 2004/852/PESK għandha tiġi adattata kif meħtieġ, |
IDDEĊIEDA KIF ĠEJ:
Artikolu 1
Il-lista ta' persuni esposta fl-Anness mal-Pożizzjoni Komuni 2004/852/PESK hija b'dan sostitwita bil-lista esposta fl-Anness ma' din id-Deċiżjoni.
Artikolu 2
Din id-Deċiżjoni għandha jkollha effett fid-data ta' l-adozzjoni tagħha.
Artikolu 3
Din id-Deċiżjoni għandha tiġi pubblikata fil-Ġurnal Uffiċjali ta' l-Unjoni Ewropea.
Magħmul fi Brussell, 11 ta’ Lulju 2006.
Għall-Kunsill
Il-President
E. HEINÄLUOMA
(1) ĠU L 368, 15.12.2004, p. 50. Pożizzjoni Komuni kif emendata l-aħħar bid-Deċiżjoni 2006/172/PESK (ĠU L 61, 2.3.2006, p. 21).
ANNESS
Lista ta' persuni msemmija fl-Artikolu 4
|
“1. |
Kunjom, Ismijiet: BLÉ, Charles Goudé Psewdonimu: Général; Génie de kpo; Gbapé Zadi Indirizz magħruf fl-2001: Yopougon Selmer, Bloc P 170; ukoll f'Hotel Ivoire Data tat-twelid: 1.1.1972 Post tat-twelid: Guibéroua (Gagnoa) Numru tal-Passaport jew tal-Karta ta' l-Identità: PD. AE/088 DH 12 Nazzjonalità: Ivorjan Tagħrif ieħor: Mexxej tas-COJEP (‘Young Patriots’) |
|
2. |
Kunjom, Ismijiet: KOUADIO, Djué Ngoran Eugène Data tat-twelid: 20.12.1969 jew 1.1.1966 Numru tal-Passaport jew tal-Karta ta' l-Identità: 04 LE 017521 maħruġa fl-10 ta' Frar 2005 u valida sa' l-10 ta' Frar 2008 Nazzjonalità: Ivorjan Tagħrif ieħor: Mexxej ta' l-Union des Patriotes pour la Libération Totale de la Côte d'Ivoire (UPLTCI) |
|
3. |
Kunjom, Ismijiet: FOFIE, Martin Kouakou Data tat-twelid: 1.1.1968 Nazzjonalità: Ivorjan Tagħrif ieħor: Kmandant Kap Kaporal tal-Forza l-Ġdida, Settur ta' Korhogo.” |