li tikkonċerna miżuri għall-prevenzjoni tat-tixrid ta' l-influwenza tat-tjur bi patoġeniċità għolja kkawżata mill-virus ta' l-influwenza A tas-sottotip H5N1 għall-għasafar miżmuma fiż-zoo u korpi, istituti u ċentri approvati fl-Istati Membri u tirrevoka d-Deċiżjoni 2005/744/KE

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u żootekniku applikabbli għall-kummerċ intra-Komunitarju ta' ċerti annimali ħajjin u prodotti bil-ħsieb tat-tlestija tas-suq intern (1), u b'mod partikolari l-Artikolu 10(4) tagħha,

Wara li kkunsidrat id-Direttiva tal-Kunsill 2005/94/KE ta' l-20 ta' Diċembru 2005 dwar miżuri Komunitarji għall-kontroll ta' l-influwenza tat-tjur u li tirrevoka d-Direttiva 92/40/KEE (2), u partikolarment l-Artikoli 56(3), 57(2), 63(3) u 66(2) tagħha;

2. Din id-Deċiżjoni tapprova ċertu pjanijiet dwar il-vaċċinazzjoni ta' għasafar li jinżammu fiż-zoos u f'korpi, istituti jew ċentri approvati li tressqu lill-Kummissjoni skond l-Artikolu 5(1) tad-Deċiżjoni 2005/744/KE u l-pjanijiet ta' vaċċinazzjoni preventiva skond l-Artikolu 56(2) tad-Direttiva 2005/94/KE.

Għar-raġunijiet ta' din id-Deċiżjoni, id-definizzjonijiet stipolati fid-Direttiva 2005/94/KE għandhom japplikaw.

Aktar minn hekk, id-definizzjonijiet ta' zoos fl-Artikolu 2 tad-direttiva 1999/22/KE u d-definizzjoni għall-korpi, istituti u ċentri approvati ta' l-Artikolu 2 (1) (c) tad-Direttiva 92/65/KEE għandhom japplikaw.

L-Istati Membri għandhom jieħdu miżuri xierqa u prattikabbli sabiex jitnaqqas ir-riskju ta' trażmissjoni ta' l-“HPAI H5N1” minn għasafar fl-ambjent naturali tagħhom għal għasafar miżmuma fiż-zoos u f'korpi, istituti u ċentri approvati, filwaqt li jqisu l-kriterji u l-fatturi ta' riskju stipulati fl-Anness I.

B'mod partikolari, skond is-sitwazzjoni epidemjoloġika speċifika, dawk il-miżuri għandhom jiġu diretti lejn il-prevenzjoni tal-kuntatt dirett u indirett bejn għasafar li jgħixu fl-ambjent naturali tagħhom, speċjalment tjur ta' l-ilma, u għasafar li jinżammu fiż-zoos u f'korpi istituti u ċentri approvati.

Il-pjanijiet ta' vaċċinazzjoni preventiva kontra l-“HPAI H5N1”, li tressqu skond l-Artikolu 56(2) tad-direttiva 2005/94/KE, għandhom, skond il-valutazzjoni tar-riskju, jkunu mmirati lejn l-għasafar li jinżammu fiż-zoos u f'korpi, istituti u ċentri approvati.

Meta Stati Membri jressqu pjanijiet ta' vaċċinazzjoni preventiva kontra l-“HPAI H5N1” skond l-Artikolu 56(2) tad-Direttiva 2005/94/KE, li huma mmirati lejn l-għasafar li jinżammu fiż-zoos u f'korpi, istituti u ċentri approvati dawk il-pjanijiet għandhom:

1. Il-pjanijiet ta' vaċċinazzjoni preventiva, imressqa mill-Istati Membri skond l-Artikolu 56(2) tad-Direttiva 2005/94/KE u elenkati fl-Anness III ta' din id-Deċiżjoni huma approvati.

2. Il-pjanijiet ta' vaċċinazzjoni ta' l-għasafar li jinżammu fiż-zoos u f'korpi, istituti u ċentri approvati mressqa mill-Istati Membri skond id-Deċiżjoni 2005/744/KE u elenkati fl-Anness III ma' din id-Deċiżjoni għandhom jiġu kkunsidrati bħala li huma approvati fis-sens tal-paragrafu 1 ta' dan l-Artikolu.

3. Il-Kummissjoni għandha tippubblika l-pjanijiet ta' vaċċinazzjoni preventiva ta' l-għasafar li nżammu fiż-zoos u f'korpi, istituti u ċentri approvati elenkati fl-Anness III.

L-Istati Membri għandhom jieħdu l-miżuri meħtieġa sabiex jikkonformaw ma' din id-Deċiżjoni minnufih. Huma għandhom jinfurmaw immedjatament lill-Kummissjoni dwar dan.

ANNESS I

Kriteji u fatturi ta' riskju li għandhom jitqiesu fl-applikazzjonital-miżuri stabbiliti fl-Artikolu 3 fuq zoos individwali jew korpi, istituti u ċentri approvati

Jekk iż-zoo jew korp awtorizzat, istitut u ċentru jinsab fuq ir-rotot migratorji ta' l-għasafar, partikolarment jekk dawn jipproċedu mill-Afrika, mill-Ażja ċentrali jew tal-lvant, u ż-żoni tal-Baħar Kaspju u tal-Baħar l-Iswed;

Id-distanza taż-zoo jew korp awtorizzat, istitut u ċentru minn artijiet mistagħdra, għadajjar, paludi, lagi jew xmajjar fejn jistgħu jinġabru t-tjur migratorji ta' l-ilma;

Jekk iż-żoo jew korp, istitut u ċentru approvat jinsab f'żoni b'densità għolja ta' għasafar migratorji, partikolarment tjur ta' l-ilma.

ANNESS II

Rekwiżiti għall-użu tal-vaċċinazzjoni preventiva

1.	L-iskala li fuqha għandu jseħħ it-tilqim	Il-vaċċinazzjoni għandha tapplika biss għall-għasafar fiż-zoos jew f'korpi, istituti u ċentri approvati.
2.	Speċi ta' l-għasafar li għandhom jiġu vaċċinati	Lista ta' l-għasafar kollha li għandhom jiġu vaċċinati flimkien ma' l-identifikazzjoni individwali għandha tiġi stipulata u miżmuma għall-inqas għal 10 snin mid-data tat-tilqima.
3.	Dewmien tal-vaċċinazzjoni	L-għasafar li għandhom jiġu vaċċinati ġewwa zoo jew korpi, istituti u ċentri approvati għandhom jiġu vaċċinati malajr kemm jista' jkun. Madanakollu, kull vaċċinazzjoni ġewwa zoo għandha titwettaq malajr kemm jista' jkun fi żmien ta' ġimgħa.
4.	Waqfien speċifiku ta' l-għasafar vaċċinati u prodotti ta' għasafar vaċċinati	Movimenti ta' għasafar vaċċinati fl-istess Stat Membru jew lejn Stati Membri oħrajn bejn korpi, istituti u ċentri approvati kif inhu definit fid-Direttiva 92/65/KEE għandhom jitħallew isiru bil-kondizzjoni li l-għasafar joriġinaw minn zoo jew minn korp, istitut jew ċentru approvat ġewwa li jinsab f'żona fejn ebda restrizzjoni ma tinsab fis-seħħ fir-rigward ta' l-HPAI. Il-kliem li ġej għandu jiġi inkluż maċ-ċertifikat ipprovdut fl-Anness E, Parti 3 tad-Direttiva 92/65/KEE : “l-għasafar huma f'konformità mad-Deċiżjoni 2006/XXX/KE vaċċinati kontra l-AI fil- ... ... .... Vaċċin ... ... ... ...” Meta dawn il-kondizzjonijiet ma jiġux rispettati, jista' jseħħ kummerċ f'għasafar vaċċinati taħt superviżjoni uffiċjali bejn iż-zoos fl-istess Stat Membru, jew taħt l-awtorizzazzjoni speċifika ta' Stat Membru ieħor. Kull moviment ta' għasafar vaċċinati bejn Stati Membri għandhom jiġu nnotifikati mill-awtorità kompetenti tal-post oriġinarju lill-awtorità kompetenti tal-post destinatarju permezz tat-TRACES. Prodotti ta' l-għasafar minn għasafar bħal dawn m'għandhomx jidħlu fil-katina ta' l-ikel.
5.	Identifikazzjoni speċjali u reġistrazzjoni speċjali ta' l-għasafar vaċċinati	Għasafar vaċċinati għandhom ikunu identifikabbli individwalment u r-rekords ta' l-identità ta' dawn l-għasafar għandhom ikunu annotati b'mod ċar kif inhu xieraq. Identifikazzjoni li ma titħassarx li tindika l-għasafar li ġew vaċċinati għandha tiġi applikata fil-ħin tat-tilqima kull meta jkun possibbli.
6.	Eżekuzzjoni tal-kampanja ta' vaċċinazzjoni	Il-vaċċinazzjoni għandha titwettaq taħt is-superviżjoni ta' veterinarju uffiċjali ta' l-awtoritajiet kompetenti. Miżuri neċessarji għandhom ikunu fis-seħħ sabiex tiġi evitata l-firxa possibbli tal-virus. Kwalunkwe kwantitajiet residwi tal-vaċċin għandhom jiġu rritornati fil-punt tad-distribuzzjoni tat-tilqim b'rekord miktub dwar in-numru ta' għasafar imlaqqma u n-numru ta' dożi li ntużaw. Kull meta possibbli, kampjuni tad-demm għandhom jittieħdu qabel u għall-inqas 30 jum wara l-vaċċinazzjoni għal test sjeroloġiku għall-influwenza tat-tjur. Rekord tar-riżultati tat-test għandu jinżamm għall-inqas għal 10 snin.
7.	Il-vaċċin li għandu jintuża	Il-vaċċin inattivat li għandu jintuża għandu jkun ifformulat kif jixraq u għandu jkun effettiv kontra t-tip tal-virus li qed jiċċirkola. Għandu jintuża skond l-istruzzjonijiet tal-manifattur u/jew l-awtoritajiet veterinarji.
8.	Informazzjoni dwar l-implimentazzjoni ta' dan il-pjan lill-Kummissjoni	Rapport dettaljat dwar l-eżekuzzjoni tal-pjan li jinkludi r-riżultati tat-test li twettaq għandu jiġi pprovdut lill-Kummissjoni u lill-Istati Membri fil-qafas tal-Kumitat Permanenti dwar il-Katina Alimentari u s-Saħħa ta' l-Annimali.

ANNESS III

Lista ta’ pjanijiet preventivi approvati għall-għasafar li nżammu fiż-zoos u f’korpi, istituti u ċentri approvati fl-Istati Membri

Kodiċi	Stat Membru	Data ta' tressiq tal-pjan
AT	L-Awstrija	21 ta' April 2006
BE	Il-Belġju	10 ta' Frar 2006
CZ	Ir-Repubblika Ċeka	21 ta' Marzu 2006
DE	Il-Ġermanja	31 ta' Marzu 2006
DK	Id-Danimarka	20 ta' Frar 2006
EE	L-Estonja	6 ta' Marzu 2006
ES	Spanja	27 ta' Frar 2006
FR	Franza	20 ta' Frar 2006
HU	L-Ungerija	1 ta' Marzu 2006
IE	L-Irlanda	6 ta' Marzu 2006
IT	L-Italja	6 ta' Marzu 2006
LT	Il-Litwanja	6 ta' Marzu 2006
LV	Il-Latvja	28 ta' Frar 2006
NL	L-Olanda	16 ta' Novembru 2005
PT	Il-Portugall	29 ta' Novembru 2005
SE	L-Iżvezja	28 ta' Frar 2006
UK	Ir-Renju Unit	4 ta' April 2006