16.3.2007 |
MT |
Il-Ġurnal Uffiċjali ta’ l-Unjoni Ewropea |
5 |
DEĊIŻJONI TAL-KUNSILL
tas-27 ta’ Ġunju 2006
li taħtar il-President tal-Kumitat Militari ta' l-Unjoni Ewropea
(2006/451/KE)
IL-KUNSILL TA’ L-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 28(1) tiegħu,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 207 tiegħu,
Waqt li jfakkar fid-Deċiżjoni tal-Kunsill 2001/79/PESK tat-22 ta' Jannar 2001 li tistabbilixxi l-Kumitat Militari ta' l-Unjoni Ewropea (1),
Billi:
(1) |
Bis-saħħa ta' l-Artikolu 3 tad-Deċiżjoni 2001/79/PESK, il-President tal-Kumitat Militari għandu jinħatar mill-Kunsill fuq ir-rakkomandazzjoni tal-Kumitat imlaqqa' fil-livell tal-Kapijiet tad-Difiża, |
(2) |
Fil-laqgħa tiegħu tal-11 ta' Mejju 2006, il-Kumitat imlaqqa' fil-livell tal-Kapijiet tad-Difiża rrakkomanda li l-Ġeneral Henri Bentégeat jinħatar President tal-Kumitat Militari ta' l-Unjoni Ewropea. |
B'DAN IDDEĊIEDA KIF ĠEJ:
Artikolu 1
Il-Ġeneral Henri Bentégeat hu maħtur President tal-Kumitat Militari ta' l-Unjoni Ewropea għal perijodu ta' tliet snin sa mis-6 ta' Novembru 2006.
Artikolu 2
Din id-Deċiżjoni għandha tiġi ppubblikata fil-Ġurnal Uffiċjali ta’ l-Unjoni Ewropea.
Magħmul fil-Lussemburgu, 27 ta’ Ġunju 2006.
Għall-Kunsill
Il-President
J. PRÖLL