(1)

L-influwenza tat-tjur hija marda virali infettiva fit-tjur ta' l-irziezet u l-għasafar, li tikkawża mwiet u tfixkil li malajr jistgħu jiżviluppaw fi proporzjonijiet epiżotiċi li kapaċi jwasslu għal theddida serja għas-saħħa ta' l-annimali u li jnaqqsu sew il-profitt tat-trobbija tat-tjur ta' l-irziezet. Taħt ċerti kundizzjonijiet din il-marda tista' wkoll tipperikola s-saħħa tal-bniedem. Hemm riskju li l-aġent tal-marda jista' jinxtered għal stabbilimenti oħra, għal għasafar selvaġġi u minn Stat Membru għal Stat Membru ieħor u pajjiżi terzi permezz tal-kummerċ internazzjonali fi tjur ħajjin u l-prodotti tagħhom.

(2)

Fil-każ li virus ta' l-influwenza ta' patoġeniċita għolja ħafna, tas-sottotip H5 jiġi osservat f'kampjun li nġieb minn tjur fit-territorju ta' Stat Membru u meta, filwaqt li jkun qed isir l-osservanza għat-tip neuraminades (N), l-istampa klinika u ċ-ċirkostanzi epidemjoloġiċi jiġġustifikaw is-suspett ta'l-influwenza tat-tjur ta' patoġeniità għolja kkawżata mill-virus ta' l-influwenza A ta' patoġeniċità għolja ħafna mis-sottotip H5N1 jew il-preżenza ta'l-influwenza tat-tjur ta' patoġeniċità għolja ħafna ta' dak is-sottotip ġiet ikkonfermata, l-Istat Membru affetwat għandu japplika ċerti miżuri protettivi sabiex jimminimizza r-riskju ta' tixrid tal-marda.

(3)

Miżuri protettivi bħal dawn ġew adottati mid-Deċiżjoni tal-Kummissjoni 2006/135/KE tat-22 ta' Frar 2006 li tikkonċerna ċerti miżuri protettivi fir-rigward ta' l-influwenza tat-tjur ta' patoġeniċita għolja ħafna fit-tjur fil-Komunità (5) li għandhom jiġu implimentati flimkien ma' dawk adottati fil-qafas tad-Direttiva tal-Kunsill 92/40/KEE tad-19 ta' Mejju 1992 li tintroduċi miżuri Komunitarji għall-kontroll ta' l-influwenza ta'l-għasafar (6), b'mod partikolari fir-rigward tal-moviment ta' ċerti għasafar u ta' prodotti minn tjur u minn għasafar oħrajn li joriġinaw miż-żona affettawata mill-marda.

(4)

Il-miżuri stipolati fid-Direttiva 92/40/KEE ġew fondamentalment riveduti fid-dawl tal-konoxxenza xjentifika riċenti dwar ir-riskji ta' l-influwenza tat-tjur għas-saħħa ta' l-annimali u tal-bniedem, dwar l-iżvilupp ta' testijiet ġodda fil-laboratorji u vaċċini ġodda u lezzjoni li ttieħdet matul it-tifqigħa riċenti ta' dan il-mard fil-Komunità kif ukoll f'pajjiżi terzi. Bil-konsiderazzjoni ta' dik ir-reviżjoni, id-Direttiva 92/40/KEE ġiet irrevokata u sostitwita mid-Direttiva 2005/94/KE, li għandha tiġi trasposta mill-Istati Membri fil-liġi nazzjonali sa' l-1 ta' Lulju 2007.

(5)

Filwaqt li sseħħ it-traspożizzjoni tad-Direttiva 2005/94/KE u bil-konsiderazzjoni tas-sitwazzjoni attwali tal-marda fir-rigward ta' l-influwenza tat-tjur fil-Komunità kien meħtieġ li jitfasslu miżuri tranżizzjonali li għandhom jiġu applikati fl-impriżi fejn it-tfaqqigħ ta' l-influwenza tat-tjur ikkawżat mill-viruses ta' l-influwenza tat-tjur b'patoġeniċità għolja ħafna jiġu sospettati jew ikkonfermati fit-tjur jew f'għasfar oħra miżmuma mill-bniedem.

(6)

Dawn il-miżuri tranżizzjonali li ġew stipolati fid-Deċiżjoni tal-Kummissjoni 2006/416/KE (7) għandhom jagħtu s-setgħa lill-Istati Membri sabiex jadottaw il-miżuri ta' kontroll tal-mard b'mod proporzjonat u flessibbli, bil-konsiderazzjoni tal-livelli varji ta' riskji ppreżentati mill-varjetajiet differenti tal-viruses, l-impatt soċjali u ekonomiku possibbli tal-miżuri kkonċernati fuq is-settur ta' l-agrikoltura u ta' setturi oħrajn involuti, fl-istess ħin jiżguraw li l-miżuri li ttieħdu għal kull xenarju speċifiku huma l-iktar xierqa.

(7)

Bil-progress li sar minn ċerti Stati Membri fit-traspożizzjoni tad-Direttiva 2005/94/KE, kull referenza għall-miżuri tranżizzjonali għandha ssir bħala referenza għall-paragrafu korrispondenti fid-Direttiva 2005/94/KE.

(8)

Madanakollu, bil-konsiderazzjoni tar-riskju u sitwazzjoni epidemjoloġika partikolari tal-marda fir-rigward ta' l-influwenza tat-tjur ta' patoġeniċità għolja ħafna u bil-konsiderazzjoni ta' l-impatt ekonomiku qawwi li l-marda jista' jkollha, b'mod partikolari meta din isseħħ f'żoni ta' tjur li għandhom popolazzjoni għolja, ċerti miżuri supplimentari kif adottati skond id-Deċiżjoni 2006/135/KE għandhom jinżammu fis-seħħ. Dawk il-miżuri għandhom ikunu mmirati lejn it-tisħiħ tal-miżuri ta' kontroll lokali, u jirreġjonalizzaw l-Istati Membri billi jisseparaw il-parti affettwata tat-territorju mill-parti tagħha li hija ħielsa mill-marda, u sabiex jipprovdu assigurazzjoni lis-settur tat-tjur domestiku u l-imsieħba kummerċjali dwar is-sigurtà tal-prodotti li oriġinaw minn parti tal-pajjiż li hija ħielsa mill-marda.

(9)

Il-miżuri previsti f'din id-Deċiżjoni 2006/135/KE għandhom jinġiebu f'konformità ma' dawk li huma stipolati fid-Deċiżjoni K(2006)2402 finali u huwa għalhekk xieraq għar-raġunijiet ta' ċarezza u ta' konsistenza li tiġi rrevokata d-Deċiżjoni 2006/135/KE u tiġi sostitwita bid-Deċiżjoni preżenti li tiqba' tinkludi biss il-miżuri ta' kontroll addizzjonali applikabbli għas-sitwazzjoni speċifika tal-marda fir-rigward ta' l-influwenza tat-tjur ta' patoġeniċità għolja ħafna tas-sottotip H5N1.

(10)

Bil-konsiderazzjoni tad-differenzi fir-riskju ta' mard fil-każ ta' tifqigħa ta' l-influwenza tat-tjur ta' patoġeniċità għolja ħafna, l-Istat Membru affettwat f'kollaborazzjoni stretta mal-Kummissjoni għandu jistabbilixxi żona ta' riskju għoli u żona ta' riskju baxx li għandu jkun separat mill-parti tat-territorju li huwa ħieles mill-marda.

(11)

Jekk is-sitwazzjoni epidemjoloġika hekk titlob, għandhom jittieħdu miżuri xierqa fir-rigward taż-żoni relatati mat-tifqigħa jew suspett tagħha ta' l-influwenza tat-tjur b'patoġeniċità għolja ħafna, partikolarment fid-deskrizzjoni ta' dawn iż-żoni, u din tibqa' tkun aġġornata skond is-sitwazzjoni, fl-Anness għal din id-Deċiżjoni skond il-proċedura prevista fl-Artikolu 10(3) jew (4) tad-Direttiva 90/425/KEE u l-Artikolu 9(3) jew (4) tad-Direttiva 89/662/KEE.

(12)

Il-miżuri stabbiliti fid-Deċiżjoni tal-Kummissjoni 2005/734/KE tad-19 ta' Ottubru 2005 li tistabbilixxi miżuri ta' bijosigurtà għat-tnaqqis tar-riskju ta' trażmissjoni ta' influwenza tat-tjur b'patoġeniċità għolja ħafna kkawżata mis-sottotip H5N1 tal-virus A ta' l-influwenza minn għasafar li jgħixu fl-ambjent naturali għal tjur ta' l-irziezet u għasafar oħra mrobbija mill-bniedem u li tipprevedi sistema ta' individwalizzazzjoni minn kmieni f'żoni ta' riskju partikolari (8) għandhom ikunu implimentati f'żoni milquta mill-marda.

(13)

Għal raġunijiet ta' koerenza, jixraq li jiġu applikati għall-għanijiet ta' din id-Deċiżjoni, ċerti definizzjonijiet previsti fid-Direttiva 2005/94/KE, fid-Direttiva tal-Kunsill 90/539/KEE tal-15 ta' Ottubru 1990 dwar il-kondizzjonijiet tas-saħħa ta' bhejjem li jirregolaw il-kummerċ intra-Komunitarju, u l-importazzjoni ta' tajr u bajd tat-tifqis minn pajjiżi terzi (9), fir-Regolament (KE) Nru 853/2004 tal-Parlament Ewropew u tal-Kunsill li jistabbilixxi ċerti regoli speċifiċi ta' iġjene għall-ikel li joriġina mill-annimali (10), fir-Regolament (KE) Nru 998/2003 tal-Parlament Ewropew u tal-Kunsill tas-26 ta' Mejju 2003 dwar il-ħtiġijiet rigward is-saħħa ta' l-annimali li japplikaw għall-moviment mhux kummerċjali tal-pets u li jemenda d-Direttiva tal-Kunsill 92/65/KEE (11).

(14)

Id-Direttiva tal-Kunsill 92/65/KEE tat-13 ta' Lulju li tistabbilixxi l-ħtiġijiet dwar saħħa ta' l-annimali li jirregolaw il-kummerċ ta', u l-importazzjoni, fil-Komunità ta' annimali, semen, ova u embrijuni mhux suġġetti għal rekwiżiti ta' saħħa ta' l-annimali meħtieġa f'regoli speċifiċi tal-Komunità li hemm referenza għalihom fl-Anness A (I) tad-Direttiva 90/425/KEE (12) tipprevedi korpi, istituti u ċentri approvati u mudell ta' ċertifikati tas-saħħa li għandu jakkumpanja l-annimali u l-gameti tagħhom fit-trasport bejn dawn l-istrutturi approvati fi Stati Membri differenti. Għandha tkun prevista deroga għar-restrizzjonijiet fuq it-trasport għal għasafar li ġejjin minn u li sejrin lejn korpi, istituti u ċentri approvati skond dik id-Direttiva.

(15)

It-trasport tal-bajd għat-tifqis miż-żona ta' protezzjoni għandu jkun permess taħt ċerti kundizzjonijiet. Il-bgħit tal-bajd tat-tfaqqis lil pajjiżi oħra għandu jkun permess suġġett, partikolarment, għall-konformità mal-kundizzjonijiet imsemmija fid-Direttiva 2005/94/KE. F'każijiet bħal dawn iċ-ċertifikati tas-saħħa ta' l-annimali previsti skond id-Direttiva 90/539/KEE għandu jkun fihom referenza għal din id-Deċiżjoni.

(16)

Għandu jiġi permess li jintbagħat miż-żoni ta' protezzjoni laħam, laħam ikkapuljat, laħam isseparat mekkanikament, preparazzjonijiet tal-laħam u prodotti tal-laħam minn tjur selvaġġi bir-rix, suġġett għal ċerti kundizzjonijiet, partikolarment fir-rigward tal-konformità ma' ċerti rekwiżiti tar-Regolament (KE) Nru 853/2004 u r-Regolament (KE) Nru 854/2004 tal-Parlament Ewropew u tal-Kunsill tad-29 ta' April 2004 li jistipula regoli speċifiċi għall-organizzazzjoni ta' kontrolli uffiċjali fuq prodotti li joriġinaw mill-annimali maħsuba għall-konsum uman (13).

(17)

Id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum uman (14) tistabbilixxi elenku ta' trattamenti biex il-laħam minn żoni ristretti isir sikur, tipprevedi l-possibilità li titwaqqaf marka ta' identifikazzjoni speċifika u twaqqaf marka ta' identifikazzjoni meħtieġa għal-laħam mhux awtorizzat li jitqiegħed fis-suq għal raġunijiet sanitarji ta' l-annimali. Jixraq li jkun permess li jintbagħat laħam minn żoni protetti li jkollu marka sanitarja prevista minn dik id-Direttiva u prodotti tal-laħam suġġetti għat-trattament imsemmi fiha.

(18)

Ir-Regolament tal-Kummissjoni (KE) Nru 2076/2005 tal-5 ta' Diċembru 2005 li jistabbilixxi l-arranġamenti transitorji għall-implimentazzjoni tar-Regolamenti (KE) Nru 853/2004, (KE) Nru 854/2004 u (KE) Nru 882/2004 tal-Parlament Ewropew u tal-Kunsill u li jemenda r-Regolamenti (KE) Nru 853/2004 u (KE) Nru 854/2004 (15), jipprevedi miżuri tranżitorji li jippermettu l-użu ta' marka ta' identifikazzjoni nazzjonali għall-prodotti ta' oriġini mill-annimali maħsuba għall-konsum mill-bniedem li jistgħu jiġu kkummerċjalizzati biss fit-territorju ta' l-Istat Membru fejn huma prodotti.

(19)

Ir-Regolament (KE) Nru 1774/2002 tal-Parlament Ewropew u tal-Kunsill tat-3 ta' Ottubru 2002 li jippreskrivi regoli tas-saħħa li jirrigwardaw prodotti sekondarji ta' l-annimali mhux maħsuba għall-konsum uman (16) jawtorizza t-tqegħid fis-suq ta' firxa ta' prodotti sekondarji ta' l-annimali li joriġinaw minn żoni tal-Komunità taħt restrizzjonijiet tas-saħħa ta' l-annimali, għax dawk il-prodotti huma meqjusa sikuri minħabba l-kundizzjonijiet speċifiċi ta' produzzjoni, ipproċessar u użu li jiddiżattivaw b'mod effikaċi patoġeni possibbli jew jipprevjenu il-kuntatt ma' animali suxxettibbli għalihom.

(20)

Bil-konsiderazzjoni tal-miżuri fis-seħħ bħala konsegwenza tat-tifqigħa ta'l-influwenza tat-tjur bi patoġeniċita għolja ħafna tas-sottotip H5N1 f'merħla ta' tjur imrobbija fuq skala domestika ġewwa d-Danimarka u l-istabbiliment taż-żoni A u B skond l-Artikolu 2(4) (b) u (c) tad-Deċiżjoni 2006/135/KE, dawn iż-żoni għandhom jibqgħu jiġu elenkati fl-Anness ma' din id-Deċiżjoni u iktar żoni A u B għandhom jiġu inklużi wara tifqigħa reċenti ta' l-influwenza tat-tjur mis-sottotip H5N1 f' merħla ta' wiż ġewwa l-Ungerija.

(21)

Id-Deċiżjoni 2006/135/KE għandha għalhekk titħassar u tiġi sostitwita b'din id-Deċiżjoni

(22)

Il-miżuri previsti f'din id-Deċiżjoni jaqblu ma' l-opinjoni tal-Kumitat Permanenti dwar il-Katina Alimentari u Saħħet l-Annimali,

(a)

“bajd tat-tifqis” tfisser bajd għal — inkubazzjoni tat-tjur hekk kif definit fl-Artikolu 2 (4) tad-Direttiva 2005/94/KE;

(b)

“tjur tal-kaċċa selvaġġ bir-rix” tfisser tjur hekk kif definit fil-punt 1.5, it-tieni inċiż, u sakemm ma jikkonċerna l-ispeċi tat-tjur, fil-punt 1.7 ta' l-Anness I mar-Regolament (KE) Nru 853/2004;

(ċ)

“għasafar oħra miżmuma mill-bniedem” tfisser għasafar hekk kif definiti fil-punt 6 ta' l-Artikolu 2 tad-Direttiva 2005/94/KE, inklużi:

(a)

ebda tajra ħajja jew għasafar li jinżammu mill-bniedem, ħlief għasafar li jissemmew fl-Artikolu 2 (c) (i) u (ii) u l-bajd għat-tfaqqis tat-tjur, ta' għasafar oħrajn i jinżmmu mill-bniedem, ħlief dawk l-għasafar li jissemmew fl-Artikolu 2 (c) (ii), u ta' l-għasafar selvaġġi bir-rix ma jitħallew jitilqu miż-żona B lejn il-parti li jifdal tat-territorju ta' l-Istat Membru milqut, jekk dan huwa applikabbli, jew lejn Stati Membri oħrajn jew lejn pajjiżi terzi;

(b)

ebda prodott maħsub għall-konsum mill-bniedem li huwa derivat minn għasafar selvaġġi bir-rix, ma jinbagħtu minn żoni A u B lejn il-partijiet li jifdal tat-territorju ta'l-Istat Membru milqut, jekk dan huwa applikabli, jew lejn Stati Membri oħrajn u pajjiżi terzi;

(ċ)

ebda prodott sekondarju ta' l-annimali derivat kollu jew parzjalment minn speċi avjana miż-żoni A u B u li huma soġġetti għad-dispożizzjonijiet tar-Regolament (KE) Nru 1774/2002 ma jiġu trasportati bejn iż-żoni A u B jew jinbagħtu minn dawk iż-żoni lejn il-parti li jifdal tat-territorju ta'l-Istat Membru milqut, jekk dan ikun applikabbli, jew lejn Stati Membri oħrajn jew lejn pajjiżi terzi;

(d)

ebda tajra jew għasafar li jinżammu mill-bniedem ma għandhom jinġabru f'laqgħat fi ħdan iż-żona B bħalma huma fieri, swieq jew wirjiet.