25.10.2006

Il-Ġurnal Uffiċjali ta’ l-Unjoni Ewropea

177

DEĊIŻJONI TAL-KUNSILL 2006/386/PESK

ta' l-1 ta' Ġunju 2006

li timplimenta l-Pożizzjoni Komuni 2005/411/PESK dwar miżuri restrittivi kontra s-Sudan

IL-KUNSILL TA’ L-UNJONI EWROPEA,

Wara li kkunsidra l-Pożizzjoni Komuni 2005/411/PESK (1), u b'mod partikolari l-Artikolu 6 tagħha, flimkien ma' l-Artikolu 23(2) tat-Trattat dwar l-Unjoni Ewropea,

Billi:

(1)	Fit-30 ta' Mejju 2005, il-Kunsill adotta l-Pożizzjoni Komuni 2005/411/PESK sabiex jimplimenta l-miżuri imposti kontra s-Sudan mir-Riżoluzzjoni tal-Kunsill tas-Sigurtà tan-Nazzjonijiet Uniti (UNSCR) 1591 (2005).

(2)

Fil-25 ta' April 2006 il-Kunsill tas-Sigurtà adotta r-Riżoluzzjoni 1672 (2006) fejn, waqt li jaġixxi taħt il-Kapitolu VII tal-Karta tan-Nazzjonijiet Uniti, huwa ddeċieda li l-Istati kollha għandhom jimplimentaw il-miżuri msemmija fil-paragrafu 3 tar-riżoluzzjoni 1591 (2005) rigward ċerti individwi nnominati li dwarhom il-Kumitat stabbilit skond ir-riżoluzzjoni 1591 (2005) produċa l-ġustifikazzjoni dettaljata meħtieġa. Dak il-Kumitat se jżomm ukoll u jaġġorna l-lista ta' individwi, kif xieraq, u se jikkunsidra talbiet għal eżenzjonijiet skond ir-rwol assenjat lill-Kumitat fis-subparagrafu 3 a tar-riżoluzzjoni 1591 (2005).

(3)	L-Anness tal-Pożizzjoni Komuni 2005/411/PESK għandu jkun komplut għaldaqstant,

IDDEĊIEDA KIF ĠEJ:

Artikolu 1

Il-lista ta' persuni stabbilita fl-Anness għal din id-Deċiżjoni għandha tiddaħħal fl-Anness għall-Pożizzjoni Komuni 2005/411/PESK.

Artikolu 2

Din id-Deċiżjoni għandu jkollha effett mid-data ta' l-adozzjoni tagħha.

Artikolu 3

Din id-Deċiżjoni għandha tkun ippubblikata fil-Ġurnal Uffiċjali ta' l-Unjoni Ewropea.

Magħmul fil-Lussemburgu, nhar l-1 ta' Ġunju 2006.

Għall-Kunsill

Il-President

L. PROKOP

(1) ĠU L 139, 2.6.2005, p. 25.

ANNESS

“1.	Kunjom, isem (ismijiet): ELHASSAN Gaffar Mohamed Informazzjoni oħra: Il-Maġġur Ġenerali u Kmandant tar-Reġjun Militari tal-Punent għall-Forzi Armati Sudaniżi

2.	Kunjom, isem (ismijiet): HILAL Sheikh Musa Informazzjoni oħra: Kap Prinċipali tat-Tribù Jalul fit-Tramuntana tad-Darfur

3.	Kunjom, isem (ismijiet): SHANT Adam Yacub Informazzjoni oħra: Kmandant ta' l-Armata tal-Liberazzjoni tas-Sudan (SLA)

4.	Kunjom, isem (ismijiet): BADRI Gabril Abdul Kareem Informazzjoni oħra: Kmandant tal-Kamp tal-Moviment Nazzjonali għar-Riforma u l-Iżvilupp (NMRD)”