DEĊIŻJONI TAL-KUMMISSJONI

tat-28 ta' April 2006

dwar l-eliġibilità tan-nefqa li se jidħlu għaliha ċerti Stati Membri fl-2006 għall-ġbir u l-ġestjoni tad-data meħtieġa għat-tħaddim tal-Politika Komuni tas-Sajd

(innotifikata taħt dokument numru C(2006) 1704)

(It-testi bid-Daniż, bl-Estonjan, bil-Finlandiż, bil-Franċiż, bil-Ġermaniż, bil-Grieg, bl-Ingliż, bl-Ispanjol, bl-Iżvediż, bil-Latvjan, bil-Litwan, bil-Malti, bl-Olandiż, bil-Pollakk, bil-Portugiż, bis-Sloven, u bit-Taljan biss huma awtentiċi)

(2006/315/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċiżjoni tal-Kunsill 2000/439/KE tad-29 ta' Ġunju 2000 dwar kontribuzzjoni finanzjarja mill-Komunità għan-nefqa li se jidħlu għaliha l-Istati Membri għall-ġbir tad-data u għall-finanzjament ta' studji u proġetti pilota għat-twettiq ta' politika komuni tas-sajd (1), u partikolarment l-Artikolu 4(3) tagħha,

Billi:

ADOTTAT DIN ID-DEĊIŻJONI:

Artikolu 1

Din id-Deċiżjoni tistabbilixxi l-ammont tan-nefqa eliġibbli għall-2005 għal kull Stat Membru u r-rati tal-kontribuzzjoni finanzjarja Komunitarja għall-ġbir u l-ġestjoni tad-data meħtieġa għat-tmexxija tal-politika komuni tas-sajd.

Artikolu 2

In-nefqa mġarrba għall-ġbir u l-ġestjoni tad-data meħtieġa għat-tmexxija tal-politika komuni tas-sajd, kif stipolata fl-Anness I, għandha tikkwalifika għal kontribuzzjoni finanzjarja mill-Komunità li ma taqbiżx 50 % tan-nefqa eliġibbli għall-programm minimu kif previst fl-Artikolu 5 tar-Regolament (KE) Nru 1543/2000.

Artikolu 3

In-nefqa mġarrba għall-ġbir u l-ġestjoni tad-data meħtieġa għat-tmexxija tal-politika komuni tas-sajd, kif stipolata fl-Anness II, għandha tikkwalifika għal kontribuzzjoni finanzjarja mill-Komunità li ma taqbiżx 35 % tan-nefqa eliġibbli għall-programm estiż kif previst fl-Artikolu 5 tar-Regolament (KE) Nru 1543/2000.

Artikolu 4

1.   Il-Komunità għandha tħallas l-ewwel pagament ta' 50 % tal-kontribuzzjoni finanzjarja mill-Komunità stipolata fl-Annessi I u II.

2.   Pagament ieħor għandu jingħata fl-2007, wara l-wasla u l-approvazzjoni ta' rapport finanzjarju u tekniku kif previst fl-Artikolu 6 (1) (b) tad-Deċiżjoni tal-Kunsill 2000/439/KE.

Artikolu 5

1.   Ir-rata tal-kambju ta' l-euro użata biex jinħadmu l-ammonti eliġibbli taħt din id-Deċiżjoni għandha tkun ir-rata fis-seħħ f'Mejju 2005.

2.   Id-dikjarazzjonijiet ta' l-infiq u l-applikazzjonijiet għal ħlasijiet bil-quddiem fil-munita nazzjonali li jkunu waslu mill-Istati Membri li mhumiex qed jieħdu sehem fit-tielet fażi ta' l-għaqda monetarja u ekonomika għandhom jinqalbu f'euro bir-rata fis-seħħ tax-xahar li fih il-Kummissjoni tkun irċeviet dawk id-dikjarazzjonijiet u l-applikazzjonijiet.

Artikolu 6

Din id-Deċiżjoni hija indirizzata lir-Renju tal-Belġju, ir-Renju tad-Danimarka, ir-Repubblika Federali tal-Ġermanja, ir-Repubblika ta' l-Estonja, ir-Repubblika Ellenika, ir-Renju ta' Spanja, ir-Repubblika Franċiża, l-Irlanda, ir-Repubblika Taljana, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' Malta, ir-Renju ta' l-Olanda, ir-Repubblika tal-Polonja, ir-Repubblika Portugiża, ir-Repubblika tas-Slovenja, ir-Repubblika tal-Finlandja, ir-Renju ta' l-Iżvezja u r-Renju Unit tal-Gran Brittanja u l-Irlanda ta' Fuq.

(1)  ĠU L 176, 15.7.2000, p. 42. Deċiżjoni kif emendata bid-Deċiżjoni 2005/703/KE (ĠU L 267, 12.10.2005, p. 26).

(2)  ĠU L 176, 15.7.2000, p. 1.

(3)  ĠU L 222, 17.8.2001, p. 53. Regolament kif emendat l-aħħar mir-Regolament (KE) Nru 1581/2004 (ĠU L 289, 10.9.2004, p. 6).