DEĊIŻJONI TAL-KUNSILL

ta' l-10 ta' April 2006

li taħtar tliet membri Slovakki u tliet membri supplenti Slovakki fil-Kumitat tar-Reġjuni

(2006/309/KE)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 263 tiegħu,

Wara li kkunsidra l-proposta tal-Gvern Slovakk,

Billi:

(1)	Fl-24 ta' Jannar 2006 il-Kunsill adotta d-Deċiżjoni 2006/116/KE (1) li taħtar il-membri u l-membri supplenti tal-Kumitat tar-Reġjuni għall-perjodu mis-26 ta' Jannar 2006 sal-25 ta' Jannar 2010.

(2)

Tliet postijiet ta' membri tal-Kumitat tar-Reġjuni saru vakanti hekk kif skadew il-mandati tas-Sur BAUER, tas-Sur MARČOK u tas-Sur TARČÁK (membri). Tliet postijiet ta' membri supplenti tal-Kumitat tar-Reġjuni saru vakanti hekk kif skadew il-mandati tas-Sur ŠTEFANEC, tas-Sur TOMEČEK u tas-Sinjura DEMETEROVÁ (membri supplenti),

IDDEĊIEDA KIF ĠEJ:

Artikolu 1

Huma b'dan maħtura fil-Kumitat tar-Reġjuni:

bħala membri:

—	Is-Sur Juraj BLANÁR, President tar-Reġjun Awtonomu ta' Zilina

—	Is-Sur Milan MURGAŠ, President tar-Reġjun Awtonomu ta' Banská Bystrica

—	Is-Sur Zdenko TREBUL'A, President tar-Reġjun Awtonomu ta' Kosice

bħala membri supplenti:

—	Is-Sur Pavol SEDLÁČEK, President tar-Reġjun Awtonomu ta' Trencin

—	Is-Sur Vladimír BAJAN, President tar-Reġjun Awtonomu ta' Bratislava

—	Is-Sur Tibor MIKUŠ, President tar-Reġjun Awtonomu ta' Trnava

għall-perjodu li jifdal tal-mandat, jiġifieri sal-25 ta' Jannar 2010.

Artikolu 2

Din id-Deċiżjoni għandha tibda jkollha effett fil-jum ta' l-adozzjoni tagħha.

Għandha tiġi pubblikata fil-Ġurnal Uffiċjali ta' l-Unjoni Ewropea.

Magħmul fil-Lussemburgu, nhar l-10 ta' April 2006.

Għall-Kunsill

Il-President

U. PLASSNIK

(1) ĠU L 56, 25.2.2006, p. 75.